24th June 2019, Monday

आफ्नैलाई पन्छाउँदा यस्तो दुर्दशा



काठमाडौं । पर्यटन व्यवसायीलाई प्रमुख जिम्मेवारी दिनुपर्नेमा एक प्रतिष्ठित व्यापारीलाई संयोजक बनाइएपछि नेपाल भ्रमण वर्ष–२०२० ले अपेक्षाकृत रूपमा गति लिन सकेको छैन । २० लाख पर्यटक भिœयाउने लक्ष्य बोकेर सरकारले सन् २०२० लाई नेपाल भ्रमण वर्षका रूपमा घोषणा गरेको थियो र सो भ्रमण वर्षको संयोजकमा आठ महिनाअघि प्रतिष्ठित उद्योगपति सुरज वैद्यलाई तोकेको थियो ।
संयोजकमा वैद्यलाई तोकेपछि सत्तारूढ नेकपामा आबद्ध पर्यटन व्यवसायीहरूले सुरुदेखि नै विरोध जनाउँदै आएका छन् । पर्यटन क्षेत्रसँग कुनै साइनो नै नभएका वैद्यलाई संयोजक तोकेपछि पर्यटन व्यवसायीहरूले सो निर्णय सच्याउन सरकारलाई अनुरोध नगरेका होइनन् । तर, आफ्नै पार्टीसम्बद्ध पर्यटन व्यवसायीहरूको आग्रहलाई सरकारले नसुनेको बताइन्छ । वैद्य पर्यटन व्यवसायीभन्दा पनि टोयटाको नेपालको आधिकारिक विक्रेता हुन् । गाडीको विक्रेताबाहेक उनको अरू धेरै क्षेत्रमा समेत लगानी रहेको छ ।
नेपाल भ्रमण वर्ष–२०२० लाई भव्य र सफल तुल्याउन सरकारले चालू आर्थिक वर्षमा १० करोड रुपैयाँ बजेटसमेत छुट्ट्याएको थियो । तर, आर्थिक वर्ष सकिन लाग्दासमेत सो बजेटको १० प्रतिशत कामसमेत हुन सकेको छैन । बैठकलगायत सामान्य कामहरूमा खर्च हुँदा करिब १ करोडजति मात्र खर्च भएको बताइन्छ । नेपाल भ्रमण वर्ष–२०२० को कार्यालय केशर महलमा खडा गरे पनि सीमित कर्मचारीको कारण कुनै काम अघि बढ्न नसकेको बताइन्छ ।
पर्यटन व्यवसायीहरूले नेपाल भ्रमण वर्ष–२०२० को संयोजकमा पर्यटन क्षेत्र नबुझेका एक व्यापारीलाई नियुक्त गरेकोमा तीव्र विरोध जनाउँदै आएका त छन् नै, पर्यटन क्षेत्रको विकास एवं पर्यटकहरूलाई आकर्षित तुल्याउने हेतुले स्थापित नेपाल पर्यटन बोर्डको भूमिकालाई पनि खुम्च्याउन खोजिएकोमा असन्तुष्ट देखिएका छन् । यसअघि सन् १९९८ मा ५ लाख पर्यटक भिœयाउने लक्ष्य लिएर गरिएको भिजिट नेपाल, १० लाख पर्यटक भिœयाउने लक्ष्य लिएको सन् २०११ को भिजिट नेपालको संयोजन भने पर्यटन बोर्डले नै गरेको थियो । तर, सन् २०२० को नेपाल भ्रमण वर्षमा भने बोर्डलाई भूमिकाविहीन बनाउँदै बेग्लै संरचना र कार्यालय खडा गरी काम हुँदै आएको छ ।
पछिल्ला दुई वर्षयता नेपाल भित्रिने पर्यटकहरूको संख्या वृद्धि हुँदै गएको छ । गएको वर्ष हवाईमार्गबाट १२ लाख पर्यटक भित्रिएका थिए । तर, स्थलमार्गबाट आउने पर्यटकहरूको गणना गर्ने कार्य नगरिने भएको हुँदा त्योभन्दा धेरै संख्यामा पर्यटकहरू भित्रिएको बताइन्छ । २०७२ सालको भूकम्पपछि सात लाख मात्रै पर्यटक भित्रिएकोमा केही वर्षयता भने पर्यटक आगमनमा वृद्धि हुँदै गएको बताइन्छ ।

Leave a Reply

Your email address will not be published. Required fields are marked *

... र यो पनि ...

चक्रपथ

नेकपामा प्याकेज छलफल अनिश्चित

ShareTweet काठमाडौं । प्रधानमन्त्री केपी शर्मा ओलीको कार्यशैलीले एकीकरणको बाँकी काम धकेलिँदै जाँदा नेकपाभित्र गुनासो र असन्तुष्टि चुलिँदै गएको छ । पार्टीभित्रको- ...
पूरा पढ्नुहोस्

स्रष्टा र सिर्जना

मसिना अक्षर, खँदिलो लेखन

ShareTweet अक्षर र लेखन मनोविज्ञानबारे मलाई खासै जानकारी छैन । राम्रा अक्षर हुनेहरूलाई परीक्षामा राम्रो अंक प्राप्त हुने कुराचाहिँ सर्वसिद्ध छ । अक्षर सिकाइका क्रममा- ...
पूरा पढ्नुहोस्

नयाँ पुस्तक

वीरेन्द्रको प्रशस्ती

ShareTweet राजदरबारमा शाही पाश्र्ववर्तीका रूपमा १७ वर्ष बिताएका सुन्दरप्रताप रानाले रहस्यमयी दरबार हत्याकाण्ड भएको १८ वर्षपछि दरबारको दुःखान्त नामक पुस्तक बाहिर- ...
पूरा पढ्नुहोस्

छोटकरीमा