24th June 2019, Monday

बल्लतल्ल उठ्यो २० लाख



काठमाडौं । उठाउनुपर्ने ५ करोड, बल्ल उठ्यो २० लाख । यो भृकुटीमण्डपको हल प्रयोग गरेबापत तिर्नुपर्ने संघ÷संस्थाहरूको कहानी हो, जसमा प्रमुख राजनीतिक दल र तिनका भ्रातृ संगठनहरूसमेत मुछिएका छन् ।
चौतर्फी दबाब बढेपछि र प्रहरी–प्रशासनले नै ताकेता गरेपछि समाजकल्याण परिषद्मातहत रहेको भृकुटीमण्डपको हल, पसल र सटरहरू भाडामा लिएर नतिरेका केही संघसंस्थाले २० लाख रुपैयाँ बक्यौता तिरेका छन् । जसमा नेपाली कांग्रेसको गणेशमान सिंह फाउन्डेसन, तत्कालीन एमालेको युवा संघलगायतले बितेको एक महिनाको अवधिमा २० लाख रुपैयाँ तिरेका छन् । गणेशमान सिंह फाउन्डेसनले एक्लैले पाँच लाख रुपैयाँ तिर्न बाँकी रहेको थियो ।
तर, राजनीतिक दलसम्बद्ध केही संघसंस्थाले पछिल्लो समय केही रकम तिरे पनि अझै करिब ४ करोड ८० लाख रुपैयाँ उठाउन बाँकी नै रहेको छ । गएको चैतमा परिषद्का सदस्य सिद्धि महर्जनको संयोजकत्वमा बाँकी बक्यौता उठाउन एउटा कमिटी गठन भएको थियो । उक्त कमिटीमा जिल्ला प्रशासन कार्यालय, काठमाडौं र प्रहरीका प्रतिनिधिसमेत सामेल थिए । तीन महिनाभित्र बाँकी बक्यौता उठाउने गरी सो कमिटी गठन भएको थियो । सो कमिटीले दुई महिनाको अवधिमा २० लाख रुपैयाँ उठाउन सफल भएको हो ।
बाँकी बक्यौता उठाउने कमिटीका संयोजक महर्जनले भने, ‘हामीले एउटा निश्चित समय सीमा तोकेर रकम तिर्न बाँकी संघसंस्थाहरूलाई तिर्न ताकेता गरेका छौं । हामीले अलिअलि गर्दै तिर्नुपर्ने रकम घटाउँदै जाने छुट पनि दिएका छौं । हाम्रो जिम्मेवारी अझै एक महिना बाँकी रहेको हुँदा यो अवधिमा अझ केही प्रगति होला ।’
यसअघि परिषद्का कोषाध्यक्ष वीरबहादुर ठगुन्नाको नेतृत्वमा बाँकी बक्यौता रकम उठाउन एउटा कमिटी गठन गरेको थियो । तर, सो कमिटीले एक वर्षसम्म समय पाउँदा पनि एक पैसा उठाउन सकेन । कोषाध्यक्ष ठगुन्नालाई भने सरकारले बर्खास्त गरेको छ । ठगुन्नासहित उपाध्यक्ष नीलमणि बराल, सदस्य गोकर्ण भट्टले इच्छुमति तरकारी बजार ठेक्का दिँदा अनियमितता गरेको हुँदा उनीहरूलाई सरकारले पदमुक्त गरेको हो । पदमुक्त भएपछि उनीहरूले अदालतमा पदबहालीका लागि मुद्दा दिए पनि अहिलेसम्म केही फैसला हुन सकेको छैन ।

Leave a Reply

Your email address will not be published. Required fields are marked *

... र यो पनि ...

चक्रपथ

नेकपामा प्याकेज छलफल अनिश्चित

ShareTweet काठमाडौं । प्रधानमन्त्री केपी शर्मा ओलीको कार्यशैलीले एकीकरणको बाँकी काम धकेलिँदै जाँदा नेकपाभित्र गुनासो र असन्तुष्टि चुलिँदै गएको छ । पार्टीभित्रको- ...
पूरा पढ्नुहोस्

स्रष्टा र सिर्जना

मसिना अक्षर, खँदिलो लेखन

ShareTweet अक्षर र लेखन मनोविज्ञानबारे मलाई खासै जानकारी छैन । राम्रा अक्षर हुनेहरूलाई परीक्षामा राम्रो अंक प्राप्त हुने कुराचाहिँ सर्वसिद्ध छ । अक्षर सिकाइका क्रममा- ...
पूरा पढ्नुहोस्

नयाँ पुस्तक

वीरेन्द्रको प्रशस्ती

ShareTweet राजदरबारमा शाही पाश्र्ववर्तीका रूपमा १७ वर्ष बिताएका सुन्दरप्रताप रानाले रहस्यमयी दरबार हत्याकाण्ड भएको १८ वर्षपछि दरबारको दुःखान्त नामक पुस्तक बाहिर- ...
पूरा पढ्नुहोस्

छोटकरीमा