4th June 2020, Thursday

E-budhabar
Header Right Side NTC Advertisement

कर्मचारीहरू अझै असन्तुष्ट

काठमाडौं । संघ, प्रदेश र स्थानीय तहमा कर्मचारी समायोजन भएको दुई महिना बितिसक्दा पनि अझै पनि समस्या जहीँका तहीँ अल्झिएर रहेको पाइएको छ । कतिपय कर्मचारीहरू समायोजन भएको तहमा हाजिर हुन गएकै छैनन् भने समायोजनमा चित्त नबुझेका कर्मचारीहरू भने निवेदन दिएर कस्तो निर्णय आउला भनी प्रतीक्षा गरेर बसिरहेका छन् ।
गएको चैत ६ र ३० गते गरी दुई चरणमा कर्मचारी समायोजन प्रक्रियालाई संघीय मामिला तथा सामान्य प्रशासन मन्त्रालयले टुंग्याएको थियो । तर, मन्त्रालयले समायोजन टुंग्याए पनि कतिपय समस्याहरू भने अझै समाधान हुन सकेका छैनन् । समायोजनमा प्रशस्तै त्रुटिहरू समेत देखिएको हुँदा समस्या उत्पन्न भएको बताइन्छ ।
समायोजनप्रति ठूलो संख्याका स्वास्थ्यकर्मीहरूले अझै चित्त बुझाइरहेका छैनन् । प्रदेश र स्थानीय तहमा जान स्वास्थ्यकर्मीहरूले आनाकानी गर्दै आइरहेका छन् । करिब १५ हजारजति स्वास्थ्यकर्मीहरूले समायोजनमा चित्त नबुझेको जनाउँदै मन्त्रालयमा निवेदनसमेत दिएका छन् । तर, त्यति ठूलो संख्याका कर्मचारीहरूका निवेदनलाई सम्बोधन गर्ने अवस्था नरहेको बताइन्छ । त्यस्तै, समायोजनमा वरिष्ठ र कनिष्ठहरूको जिम्मेवारीमा पनि समस्या उत्पन्न भएको थियो । वरिष्ठलाई जिम्मेवारी दिनुपर्ने ठाउँमा कनिष्ठलाई दिइएको हुँदा समस्या देखिएको हो । समायोजन गर्दा पति र पत्नी सरकारी सेवामा छन् भने एउटै जिल्लामा समायोजन गर्ने प्रावधान समायोजन ऐनमा उल्लेख भए पनि त्यसलाई नपछ्याएको बताइन्छ । त्यस्तै, समायोजन गर्दा मृतक र अवकाशप्राप्त कर्मचारीहरूको समेत समायोजन भएको पाइएको थियो । समायोजनमा २ नम्बर प्रदेशका कर्मचारीलाई कर्णाली प्रदेशमा र कर्णाली प्रदेशका कर्मचारीलाई सुदूर पूर्वका इलाममा समायोजनमा पारिएको थियो । समायोजनमा अवैज्ञानिक तरिका अपनाइएको हुँदा समस्या देखा परेको हो ।
तर, समायोजनमा परेका केही कर्मचारीले भने समायोजित तहका कार्यालयमा नगई पनि बसेको बताइन्छ । नेपाल निजामती कर्मचारी संगठनका केही केन्द्रीय पदाधिकारीहरूको प्रदेश र स्थानीय तहमा समायोजन भएका हुँदा उनीहरू हाजिर हुन गइसकेका छन् । संगठनका केन्द्रीय अध्यक्ष केदारप्रसाद देवकोटा सिन्धुपाल्चोकको बलेफी गाउँपालिकामा र अर्का केन्द्रीय नेता भोला पोखरेल खोटाङको मजुवागढी गाउँपालिकामा समायोजन भएर जिम्मेवारी लिइसकेका छन् । तर, संगठनका केन्द्रीय उपाध्यक्ष चेतनाथ न्यौपानेको भने मोरङको एउटा गाउँपालिकामा समायोजन भए पनि उनी अहिलेसम्म हाजिर हुन नगएको बुझिएको छ । समायोजन भएको २१ दिनभित्र हाजिर भइसक्नुपर्ने समायोजन ऐनमा उल्लेख छ । २१ दिनभित्र हाजिर नभए जागिर नै खोसिनसक्ने प्रावधानसमेत ऐनमा उल्लेख छ । तर, न्यौपाने भने समायोजन भएको दुई महिना बितिसक्दा पनि हाजिर हुन नगएको बताइन्छ । तर गर्भवती, अपांगता भएकाहरूले भने २१ दिनभित्र हाजिर नभए पनि हाजिर नहुनुको कारण देखाउँदा भने छुट पाउने व्यवस्था ऐनमा गरिएको छ ।

Leave a Reply

Your email address will not be published. Required fields are marked *

... र यो पनि ...

  • प्रदेश प्रमुखकसँग राष्ट्रपति रुष्ट

    काठमाडौं । संवैधानिक भूमिका र पदीय मर्यादालाई बिर्सिंदै राजनीतिक दलका प्रमुखको निवासमा पुगेर मागपत्र पेस गरेको सूचना पाएपछि राष्ट्रपति विद्या भण्डारी प्रदेश प्रमुखहरूसँग रुष्ट भएकी छन् । प्रदेश प्रमुखहरूको त्यस्तो कदमले लज्जाबोध गराएको भन्दै संविधानविद्ले चिन्ता व्यक्त गरेका छन् भने आमनागरिकसमेत आक्रोशित भएका छन् । प्रसंग गत २ गतेको हो...
  • रोकिएन हायातको मनपरी

    काठमाडौं । २७ वर्षअघि अर्थात् २०४९ सालदेखि आफूखुुसी गर्दै आएको तारागाउँ रिजेन्सी होटल्स लिमिटेडको मनपरी अझै रोकिएको छ । होटलले फेरि आफूखुसी सम्पत्ति तथा दायित्व मूल्यांकन (डीडीए) गराउने चलखेल सुरु गरेको छ । घाटा देखाउँदै नेपाल सरकारको लगानी ३९.६७ प्रतिशतबाट घटेर ९.०१ प्रतिशत घटाएको हायातले फेरि चलखेल सुरु गरेको हो...
  • दलाली गर्दै, पुरस्कार दिँदै

    काठमाडौं । साहित्यका नाममा दलाली गर्नेहरूको हामीकहाँ कमी छैन । लामो समयदेखि विभिन्न शक्तिकेन्द्र र व्यक्तिहरूलाई प्रभावमा पारेर साहित्यकै नाममा दलाली गर्दै आएको नइ प्रकाशनले राखेका विभिन्न पुरस्कारहरूको स्रोतहरू के हुन् भन्नेचाहिँ अहिलेसम्म गुपचुप नै देखिन्छ । नरेन्द्रराज प्रसार्इं र इन्दिरा प्रसाईंले दुई दशकअघि स्थापना गरेको नइ प्रकाशनले हरेक व्यवस्था...

चक्रपथ

बीजकोयाका हाकिमको यो हर्कत

काठमाडौं । प्रजनन पिँढी बीजकोया स्रोत केन्द्र बन्दीपुर तनहुँका हाकिम शंकरप्रसाद न्यौपानेको चर्तिकलाले सीमा नाघेको छ । अवकाशको केही महिना बाँकी रहँदा वरिष्ठ बाली संरक्षण अधिकृतको हैसियतमा रहेका उनले अनियमिता र भ्रष्टाचारको शृंखला नै चलाएको भन्दै सर्वत्र गुनासो आएको छ । माहुरी, च्याउ, रेशम खेतीलगायत बालीको विकास, विस्तार र अनुसन्धानसमेतको...
पूरा पढ्नुहोस्

स्रष्टा र सिर्जना

‘गीता’ को राजनीति

कुनै वैचारिक मुद्दाका आधारमा नभई व्यक्तिगत टकरावको उत्पत्ति हुँदा विभाजनको पीडा झेल्ने नेपालका सीमित राजनीतिक दलमा पूर्वपञ्चहरूको पार्टी राष्ट्रिय प्रजातन्त्र पार्टीले बदनामी कमाउँदै आएको छ । विभाजन र एकताको अनेक अभ्यास गरिसकेको सो पार्टी पछिल्लो समय फेरि एकताको सूत्रमा बाँधिएको छ । पछिल्लो समय तीन समूहमा विभाजित राप्रपा केही दिनपूर्व...
पूरा पढ्नुहोस्

नयाँ पुस्तक

फरक स्वरध्वनि

तीन दशकयता कविता–कर्म र साधनामै व्यस्त छन्, वीरु बाङ्देल । सिक्किमका बासिन्दा बाङ्देलले नेपाली भाषामा उम्दा काव्य सिर्जना गरेर पृथक पहिचान बनाउँदै आएका छन् । कवितालाई नै लेखनको मूल विषय बनाएका उनले आजको समाज र राजनीतिक परिस्थितिहरूको भित्री यथार्थको अभिव्यक्ति धेरै नै प्रभावशाली ढंगले पस्किँदै आएका छन् । उनको पछिल्लो...
पूरा पढ्नुहोस्

छोटकरीमा

  • चिरायुको कर्जा फाइल किन गायब ?

    काठमाडौं । पदीय दुरुपयोगको चरम नमुना हेर्नुपरे नेपाल राष्ट्र बैंकका डेपुटी गभर्नर चिन्तामणि सिवाकोटीले आफू पदमा रहँदा गरेका अनियमित कार्यहरू हेरे पुग्छ । विगतमा आफूले गरेका अनियमित कार्यहरूबाट सफाइ पाएको दाबी सिवाकोटीले गरे पनि कतिपय कसुरमा भने उनीमाथि कारबाही भएको छैन । डेपुटी गभर्नर भएपछि सिवाकोटीले चिरायु अस्पतालको कर्जा प्रवाह...
  • म्याट्रेस खरिदको १५ करोड फ्रिज हुने खतरा

    काठमाडौं । सरकारले दिएको पैसा समयमा नै खर्च गर्न नसक्दा नेपाल प्रहरीको म्याटेस खरिदका लागि छुट्याएको १५ करोड ४० लाख रुपैयाँ फ्रिज हुने अवस्था देखिएको छ । आर्थिक वर्ष सकिन अब चार महिना मात्र बाँकी छ । यो चार महिनामा नेपाल प्रहरीले खरिद गर्न सक्ने अवस्था नरहेको बताइन्छ । यो...
  • मुद्दती खाताको परिचय नै फे¥यो एनआईसीले

    काठमाडौं । एनआईसी एसिया बैंकले मुद्दती खातामा उच्च ब्याजदर सँगै २१ लाख रुपैयाँसम्मको बिमा सुविधा पनि दिँदै आएको छ । सर्वाधिक उच्च ब्याजदर पाइने खाताका रूपमा चिनिएको मुद्दती निक्षेप खातामा एनआईसी एसिया बैंकले न्यु सुपर चामत्कारिक मुद्दती निक्षेप खाता खोलेकै आधारमा बिमा सुविधा पनि थप गरेको हो । यसअघि विभिन्न...