24th June 2019, Monday

प्रहरी सरुवामा मनोमानी



काठमाडौं । आफ्नो पदावधी नौ महिना मात्र बाँकी रहँदा प्रहरी प्रमुख सर्वेन्द्र खनालले आर्थिक प्रभावमा परेर प्रहरी अधिकृतहरूको सरुवामा चलखेल तीव्र बनाएको बताइन्छ । आफूनिकटस्थहरूलाई र नजरना चढाउनेहरूलाई पहिले काजमा महŒवपूर्ण स्थानमा पठाउने र पछि त्यही दरबन्दी कायम गर्ने गरेका छन् ।
पछिल्ला दुई महिनाका बीचमा पनि उनले थुप्रै प्रहरी नायब उपरीक्षकहरूको सरुवामा यही विधि अपनाएको बताइन्छ । केही महिनाअघि सुरुमा रूपन्देहीमा काजमा पठाइएका प्रहरी नायब उपरीक्षक धर्म भण्डारीलाई त्यही दरबन्दी कायम गरिएको छ । त्यस्तै, प्रेमसागर केसीलाई उदयपुरको कटारीमा पहिले काजमा पठाएर पछि त्यही दरबन्दी कायम गरिएको हो । रसुवाबाट काठमाडौं काजमा ल्याइएका सन्तोष तामाङलाई पनि त्यही दरबन्दी कायम गरिएको छ ।
त्यस्तै अर्का प्रहरी नायब उपरीक्षक मोहन थापालाई काठमाडौंबाट काजमा झापाको दमक पठाइएको थियो । सामान्यतया मुद्दा फाँटमा रहेकालाई इन्चार्ज दिइँदैन । तर, थापालाई काठमाडौं प्रहरी परिसर मुद्दा फाँटबाट पहिले काजमा दमक पठाएर अहिले त्यही दरबन्दी कायम गरिएको छ । कवित कटुवाललाई पनि पहिले काजमा चन्द्रनिगाहपुर पठाएर अहिले त्यहि दरबन्दी कायम गरिएको छ । मिसनबाट फर्किएकालाई तुरुन्त तर आमअधिकारीलाई सुरुमा काजमा अपराध महाशाखामा पठाएर त्यहि दरवन्दी कायम गरिएको छ । यसबाहेक पनि थुप्रै अधिकृतहरूको सरुवामा आइजी खनालले मनोमानी गरेको बताइन्छ ।
सामान्यतया एक वर्ष र विशेष अवस्थामा ११ महिनाभन्दा कम अवधिमा सरुवा चलाइँदैन । तर प्रहरी नायब उपरीक्षकहरू अपिलराज बोहरा, राजकुमार केसी, आभूषण तिमिल्सिनालगायतलाई नौ महिनामै सरुवा गरिएको छ ।

Leave a Reply

Your email address will not be published. Required fields are marked *

... र यो पनि ...

चक्रपथ

नेकपामा प्याकेज छलफल अनिश्चित

ShareTweet काठमाडौं । प्रधानमन्त्री केपी शर्मा ओलीको कार्यशैलीले एकीकरणको बाँकी काम धकेलिँदै जाँदा नेकपाभित्र गुनासो र असन्तुष्टि चुलिँदै गएको छ । पार्टीभित्रको- ...
पूरा पढ्नुहोस्

स्रष्टा र सिर्जना

मसिना अक्षर, खँदिलो लेखन

ShareTweet अक्षर र लेखन मनोविज्ञानबारे मलाई खासै जानकारी छैन । राम्रा अक्षर हुनेहरूलाई परीक्षामा राम्रो अंक प्राप्त हुने कुराचाहिँ सर्वसिद्ध छ । अक्षर सिकाइका क्रममा- ...
पूरा पढ्नुहोस्

नयाँ पुस्तक

वीरेन्द्रको प्रशस्ती

ShareTweet राजदरबारमा शाही पाश्र्ववर्तीका रूपमा १७ वर्ष बिताएका सुन्दरप्रताप रानाले रहस्यमयी दरबार हत्याकाण्ड भएको १८ वर्षपछि दरबारको दुःखान्त नामक पुस्तक बाहिर- ...
पूरा पढ्नुहोस्

छोटकरीमा