18th February 2020, Tuesday

E-budhabar
Header Right Side NTC Advertisement

घुमीफिरी कमाउने ठाउँमा

काठमाडौं । दुईचोटि सडक विभागको महानिर्देक र एकपटक भौतिक पूर्वाधार मन्त्रालयको सचिव हुँदा सडक विभागअन्तर्गतका ठूला आयोजनाहरू सेटिङमा ठेक्का दिएर अर्बौं रुपैयाँ कुम्ल्याएको आरोप लागेका सचिव देवेन्द्र कार्की फेरि दोहोरिएर भौतिक पूर्वाधार मन्त्रालययमै आएका छन् । सडक विभागको महानिर्देशक र सचिवमा दोहोरिएर जानेमा उनी अपवाद हुन् ।
सरकारले भौतिक पूर्वाधार तथा यातायात मन्त्रालयका सचिव मधुसुदन अधिकारीलाई सरकारले ऊर्जा आयोगमा सरुवा गरी अरू सचिव नै नभएजस्तो कार्कीलाई लगेको छ । १३ महिनाअघि भौतिक मन्त्रालयमा सरुवा भएका अधिकारीलाई ऊर्जा आयोगमा सरुवा गरिएको हो । १३ महिनापछि ऊर्जा आयोगबाट देवेन्द्र कार्की पुनः भौतिक मन्त्रालयमा फर्किएका छन् । भौतिक मन्त्री रघुवीर महासेठ र उनकी पत्नीको इच्छाअनुसार भ्रष्ट डीईहरूलाई मालदार डिभिजन वा आयोजनामा सरुवा गर्न उनले अस्वीकार गर्दै आएका थिए । त्यही भएर उनको सरुवा भएको छ । र, सिन्डिकेट लागू गरी प्रतिस्पर्धा सीमित गरी ६ वटा ठेकेदारलाई करिब १ खर्ब रुपैयाँको ठेक्का दिएर देशलाई अरबौं रुपैयाँ नोक्सान पारी ठेकेदार पोसी फाइदा लिने कार्कीलाई पुनः मन्त्री महासेठले भौतिक मन्त्रालयमा ल्याएका छन् ।
पूर्वप्रधानमन्त्री शेरबहादुर देउवापत्नी आरजु राणाको दबाबमा तत्कालीन सचिव कार्की र तत्कालीन महानिर्देशक गोपालप्रसाद सिग्देलले धरान–चतरा–गाईघाट–हेटौंडा सडक, गल्छी–मैलुङ–स्याफ्रुबेंसीलगायत सडक आयोजनाको ठेक्का ६ वटा ठेकेदारले मात्र पाउनेगरी खरिद नियमावली संशोधन गरी टेन्डर गरी ठेक्का दिएका थिए । आरजु देउवा, सचिव देवेन्द्र कार्की र सडक विभागका तत्कालीन महानिर्देशक गोपालप्रसाद सिग्देलले सडकका ठेक्काका ठूला प्याकेज बनाएर वार्षिक १ अर्ब कारोबार गरेकोलगायत स्पेसिफिकेसन राखी ६ वटा ठेकेदारलाई मात्र दिएका थिए । अरूलाई टेन्डरमा भाग लिनै नसक्नेगरी सिन्डिकेट लागू गरिएको थियो । जसका कारण ती आयोजनाका ठेक्कामा प्रतिस्पर्धा नै हुन पाएन । मिलेमतोमा टेन्डर भयो ।
आरजुको निर्देशनमा सडकका ठेक्का विक्रम पाण्डेको कालिका कन्स्ट्रक्सन, जिपछिरिङ लामाको लामा कन्स्ट्रक्सन, जयराम लामिछानेको स्वच्छन्द निर्माण सेवा, ऋषि सुवेदीको तुँदी कन्ट्रक्सन, मोहन आचार्यको रसुवा कन्स्ट्रक्सन, रमेश शर्माको शर्मा एन्ड कम्पनी, श्रेष्ठ कन्स्ट्रक्सनले मात्र पाए । उनीहरूमार्फत् नै विदेशी जेभी राख्न पाउनेगरी सडकका ठेक्कामा सिन्डिकेट कायम गराउँदै ठेक्का दिएका थिए ।
पुष्पकमल दाहाल सरकारका भौतिक मन्त्री रमेश लेखक र देउवा सरकारका मन्त्री वीरबहादुर बलायरका पालामा सडकका ठेक्का लगाउँदा प्रतिस्पर्धा सीमित गरी देशलाई अरबौं नोक्सान पार्ने कार्कीलाई १३ महिनापछि पुनः भौतिक सचिवमै प्रतिष्ठापित गराउने काम मन्त्री महासेठले गरेका छन् । त्यसो त मन्त्री महासेठ कार्कीलाई सरुवा गर्ने पक्षमा थिएनन् । तर, प्रधानमन्त्री ओलीले ठूला ठेक्कामा आरजुको निर्देशनमा अरबौं नीतिगत भ्रष्टाचार भएको सूचना पाएकाले उनलाई २०७४ चैत २३ मा सरुवा गरेका थिए ।
६ वटा ठेकेदारले मात्र बाँडीचुँडी सडकका ठेक्का लिनेगरी आरजु, देवेन्द्र कार्की, गोपाल सिग्देल र सरोज प्रधानहरूले गरेका कारण प्रतिस्पर्धा सीमित हुन गई सरकारलाई २० अर्ब नोक्सान हुन पुगेको थियो ।

Leave a Reply

Your email address will not be published. Required fields are marked *

... र यो पनि ...

  • सामान्यमा आफ्नै हात जगन्नाथ

    काठमाडौं । रोजेको आकर्षक ठाउँमा जाने इच्छा प्रायः सबै कर्मचारीको हुन्छ । कतिपय कर्मचारी त पहुँच नपुगेकै कारण वर्षौंदेखि दुर्गम र अनाकर्षक ठाउँमा बस्दै आएका छन् । वर्षौंदेखि घरपरिवारसँग टाढिएर बस्नुपरेको धेरै दर्दनाक पीडा छन् । तर, सामान्य प्रशासन मन्त्रालयमा बसेका केहीले भने आफ्नो सरुवा पनि भनेको ठाउँमा आफैंले गरेर...
  • हिमालयन बैंकमा होडबाजी

    काठमाडौं । हिमालयन बैंकमा राणा, श्रेष्ठ, खेतान र पाण्डे समूहबीचको विवाद उत्कर्षमा पुगेको छ । आज बुधबार हुने साधारणसभाबाट राणा र श्रेष्ठ समूहको एकाधिकार तोड्न खेतान समूह सक्रिय भएको छ । एन ट्रेडिड्र कम्पनी प्रालि झम्सिखेलका तर्फबाट अध्यक्ष बनेका मनोजबहादुर श्रेष्ठ र आभा इन्टरनेसनलन प्रालि थापाथलीका तर्फबाट बैंकका प्रमुख कार्यकारी...
  • खरिपाटीमा ‘कोरोना’को त्रास

    काठमाडौं । कोरोना भाइरसबाट संक्रमित मुलुक चीनबाट फर्काइने नागरिकलाई राख्न भक्तपुरको खरिपाटीस्थित नेपाल विद्युत् प्राधिकरणको तालिम केन्द्र छनोट गरिएसँगै कर्मचारीहरूमा आतंक मच्चिएको छ । चीनबाट फर्काइने नागरिकलाई राख्न तीनचार ठाउँबारे छलफल चले पनि अन्ततः खरिपाटीमा नै राख्ने टुंगोमा सरकार पुगेको हो । सो स्थान सुरक्षित रहेको हुँदा सरकारले क्वारेन्टाइन राख्ने...

चक्रपथ

फागुनबाट नेकपाको विशेष अभियान

पार्टी प्रवेश, ¥यालीदेखि जनसभभासम्मको योजना काठमाडौं । नेपाल कम्युनिस्ट पार्टी (नेकपा) ले फागुन १ बाट पार्टी एकता सुदृढीकरण र जनसम्बन्ध विस्तार विशेष अभियान सञ्चालन गर्ने भएको छ । खासगरी पाँचमहिने कार्ययोजनासहित बनेको विशेष अभियान मूल रूपमा तीन महिना विशेष रूपले सञ्चालन गर्ने नेकपाको तयारी छ । गत १९ माघमा सम्पन्न...
पूरा पढ्नुहोस्

स्रष्टा र सिर्जना

ढुंगे युगतिर डोर्याउने धृष्टता

केही दिनपूर्व, प्रदर्शनीमार्गको एउटा पुस्तक पसलको दराजमा सजाइएको एउटा पुस्तकमा आँखा प¥यो, जुन पुस्तक एकजना विदेशी लेखकले लेखेका थिए र जसमा उनले नेपालका हिमालीदेखि अरु भूभाग घुम्दाका अनुभवलाई उतारेका थिए । हरेक पुस्तक किन्दा छुट लिने बानी नै परिसकेको हुँदा पुस्तक बिक्रेतालाई सोधें, ‘यो पुस्तक किन्दा कति छुट पाइन्छ ?’...
पूरा पढ्नुहोस्

नयाँ पुस्तक

फरक स्वरध्वनि

तीन दशकयता कविता–कर्म र साधनामै व्यस्त छन्, वीरु बाङ्देल । सिक्किमका बासिन्दा बाङ्देलले नेपाली भाषामा उम्दा काव्य सिर्जना गरेर पृथक पहिचान बनाउँदै आएका छन् । कवितालाई नै लेखनको मूल विषय बनाएका उनले आजको समाज र राजनीतिक परिस्थितिहरूको भित्री यथार्थको अभिव्यक्ति धेरै नै प्रभावशाली ढंगले पस्किँदै आएका छन् । उनको पछिल्लो...
पूरा पढ्नुहोस्

छोटकरीमा

  • फोटोमा हारजितको फैसला

    काठमाडौं । ‘तपाईंहरू यही हुनुहुन्छ तर तपाईंहरूकै फोटो राजारानीको जस्तो गरी राखिएको छ । यो फोटो राख्ने सामान्तवादी प्रवृत्ति हो । राजावादी प्रवृत्ति भयो । यो फोटो निकाल्नुहोस्, यसपटक सक्नुहुन्न भने अर्कोपटक नराख्नुहोला ।’ नेकपा केन्द्रीय कमिटी बैठक चलिरह“दा केन्द्रीय सदस्य राजेन्द्र राईले उठेर यसरी कडा स्वरमा प्रतिवाद गरेपछि १५...
  • कुन पार्टीमा जालिन् शिवमाया ?

    काठमाडौं । कुनै हालतमा राजीनामा नदिने अडानमा रहेकी तत्कालीन उपसभामुख डा. शिवमाया तुम्बाहम्फेले पार्टी केन्द्रीय सदस्यको हैसियतमा क्रियाशील हुने इच्छा व्यक्त गरेकी छन् । तत्कालीन सभामुख कृष्णबहादुर महराले गरेको गल्तीको सजाय आफूलाई दिन लागिएको भन्दै तुम्बाहाम्फेले आफूले गल्ती गरेको लिखित कारण पार्टीले दिनुपर्ने सर्त राखेकी थिइन् । सभामुखमा उम्मेद्वारी दिने...
  • वैदेशिक रोजगार पत्रकार समाजमा थापा

    काठमाडौं । वैदेशिक रोजगार पत्रकार समाजको साधारणसभाले हरिबहादुर थापाको अध्यक्षतामा सर्वसम्मतिले नयाँ कार्यसमिति चयन गरेको छ । शनिबार राजधानीमा सम्पन्न समाजको साधारणसभाले मिडिया मिसनका सञ्चालक थापाको अध्यक्षतामा ११ सदस्यीय कार्यसमिति गठन गरेको हो । वैदेशिक रोजगार क्षेत्रमा कलम चलाउने सक्रिय सञ्चारकर्मीहरूको संस्थाका रूपमा समाज १० वर्षअघि स्थापना भएको हो ।...