28th January 2020, Tuesday

E-budhabar
Header Right Side NTC Advertisement

कसले भाँड्दैछ नेकपाको एकता ?

कसले भाँड्दैछ नेकपाको एकता ?

काठमाडौं । गत जेठ १८ गते पोखरामा पुगेर प्रधानमन्त्री तथा नेकपा अध्यक्षले केपी शर्मा ओलीले भने, ‘पार्टी एकता भाँड्नेहरू सक्रिय भएका छन् । अर्का अध्यक्ष पुष्पकमल दाहाल ‘प्रचण्ड’ले आफू भारत गएका बेला सरकार चलाउन दुई अध्यक्षबीच आधा–आधा कार्यकाल बाँड्ने सहमति भएको सार्वजनिक गरेपछि चिढिएका ओलीले त्यही आधारमा मात्रै यस्तो भने होला वा भित्रभित्रै अरू केही पाक्दै छ ? तथ्यहरू केलाउँदा नेकपाभित्रका संकेतहरू त्यति राम्रो देखिँदैन ।
केन्द्रीय सदस्यहरूको कार्यविभाजन गर्न बोलाइएका केन्द्रीय सचिवालयका तीन बैठक त्यसमा असफल भएपछि पार्टीभित्रको संकट गहिरिएको विश्लेषण हुन थालेको छ । अध्यक्षद्वयले कुनै मापदण्ड र आधारबिना पक्षधरताका आधारमा कार्यविभाजन प्रस्ताव ल्याएपछि वरिष्ठ नेता माधवकुमार नेपालले त्यसमा आपत्ति जनाएका छन् । पहिले टिकट दिँदा पनि आफूनिकटकालाई दिने, मन्त्री, समितिका सभापति आदि बनाउँदा पनि पक्षधरताका आधारमै बनाउने अनि अहिले पार्टीमा जिम्मेवारी दिँदा पनि तिनैलाई प्राथमिकता दिने गरी प्रस्ताव आएकोमा वरिष्ठ नेता नेपालले स्वीकार गरेका छैनन् । स्रोतका अनुसार राज्यको कार्यकारी तहमा भएकालाई पार्टीको कार्यकारी जिम्मेवारी दिन नहुने, जिल्लामा इन्चार्ज बनाउँदा वरिष्ठ केन्द्रीय सदस्यलाई दिनुपर्ने र एक जिल्लामा एकभन्दा बढी सहइन्चार्ज नहुने कुरामा बरिष्ठ नेता नेपालले अडान लिएका छन् । अध्यक्ष ओली आफूनिकटलाई जिम्मेवारी दिन यीमध्ये कुनै मापदण्ड लागू गर्ने पक्षमा छैनन् भने अर्का अध्यक्ष दाहाल रमितेको भूमिकामा देखिएका छन् ।
गत वर्ष जेठ ३ गते पार्टी एकता घोषणा गर्दा तीन महिनाभित्र एकताका आधारभूत कामहरू तीन महिनाभित्र सक्ने घोषणा गरे पनि अहिलेसम्म नेतृत्व यसमा उदासीन हुनुका पछाडि पार्टीमा आफ्नो पकड कमजोर हुने मनोविज्ञानले काम गरेको छ । अध्यक्ष ओलीले मन्त्री, समितिका सभापति, मेयरजस्ता कार्यकारी र पार्टी काम गर्नै नभ्याउने पदमा भए पनि आफूनिकटकालाई जिल्ला इन्चार्ज बनाउनैपर्ने अडान लिनुका पछाडि हालै जिल्ला अध्यक्ष तथा सचिव बनाउँदा आफूलाई घाटा भएको जोडघटाउले काम गरेको छ । वरिष्ठ नेता नेपालले जिल्ला नेतृत्व चयन गर्दा व्यक्तिमा नगएर विधिमा जान राखेको अडानका कारण पार्टीमा सन्तुलन कायम भएको पूर्वएमाले पक्षबाट अध्यक्ष र सचिव गरी जिम्मेवारी पाउने ७७ जनामा ओली पक्षधर ३९ र नेपाल पक्षधर ३८ जनाले जिम्मेवारी पाएको र त्यही आधारमा पार्टीमा नेपालले राखेको अडान कार्यान्वयन गरेकाले उहाँको पल्ला भारी भएको विश्लेषण गर्दै यसपटक कुनै मापदण्डबिना नै जिल्ला इन्चार्ज तोक्ने प्रयास भइरहेको छ ।
नेकपाभित्रको विवाद सतहमा देखिएभन्दा पनि गहिरिँदै गएको छ । नेकपाका एक नेताले बुधबारलाई बताएअनुसार, अघिल्लो बैठककै जस्तो अडान र आक्रोश कायम रहेमा जिल्ला केन्द्रीय सदस्यहरूको कार्यविभाजन हुनै मुस्किल देखिएको छ । अध्यक्ष ओलीले आफू एउटै कक्षामा दोहोरिएर पढ्ने व्यक्ति नभएकाले अर्को कार्यकाल अध्यक्षको दौडमा नरहेको घोषणा गरे पनि उहाँको फेर समातेर बैतरणी तर्न चाहनेहरूले घेरा बलियो बनाउँदै लगेकाले पार्टी गतिहीनताको सिकार भएको विश्लेषण नेकपामा हुन थालेको छ । यतिसम्म कि केन्द्रीय सदस्यहरूको कार्यविभाजनमा ओली कुनै पनि हालतमा मापदण्ड लागू गर्न नचाहने र नेपाल कुनै पनि हालतमा मापदण्डविपरीत निर्णय हुन नदिने अडानमा रहिरहेमा केन्द्रीय सदस्यहरूको कार्यविभाजन नै नगरेर पार्टी काम अघि बढाउनेसम्मको तयारी छ । अध्यक्ष ओली पक्षबाट कार्यविभाजनमा विवाद हुँदा जिल्ला जिल्लामा पार्टी सदस्यहरूको विवरण संकलन गर्ने, बरु सीधै महाधिवेशनमा जाने र महाधिवेशनबाटै फैसला गर्ने काउन्टर प्रस्ताव अघि सारिएको छ ।
यहीबेलामा दुई अध्यक्षबीच सरकारको आयुबारे विवाद सतहमा आएपछि एकता झन् जटिल भएको छ । नेताहरूबीच कुनै विवाद देखापरेमा मिलाउनमा भन्दा त्यसमा फेसो हाल्न रमाउने ईश्वर पोखरेलले दिनदिनै त्यसै विषयमा भाषण गर्न थालेपछि पार्टी एकतामा देखापरेको दरार सार्वजनिक भइरहेको छ । एकता भए आफ्नो महŒवाकांक्षा पूरा नहुने भएकाले सुरुदेखि नै पार्टी एकताका पक्षमा नरहेको पोखरेलका अभिव्यक्तिले अध्यक्ष दाहाललाई थप सशंकित बनाएको छ । उहाँले अर्का अध्यक्ष ओलीसँग पोखरेलका अभिव्यक्तिबारे सोधेको पनि थाहा भएको छ । अध्यक्ष ओलीले आफूलाई त्यसबारेमा थाहा र मतलब दुवै नभएको भन्दै दाहाललाई स्पष्ट पारे पनि कार्यकर्ताहरूबीच चाहिँ भ्रम सिर्जना भइरहेको छ । आफूले चाहेको अर्थ मन्त्रालय नपाएपछि कुण्ठित भएका पोखरेलले ओली पक्षधर कार्यकर्ताको मन जित्ने ओलीको चाकडी गरे जस्तो देखिए पनि त्यसलाई उनलाई तल्लो पंक्तिसम्म पार्टी एकताविरोधीका रूपमा चित्रित गरिरहेको छ ।
एकातिर अध्यक्ष ओली स्वयंले एकताविरोधीहरू सल्बलाइरहेको सार्वजनिक अभिव्यक्ति दिनु र अर्कातिर पोखरेलले पार्टीका एकताका विपक्षमा लगातार अभिव्यक्ति दिनुले परिस्थितिलाई झन् जटिल बनाएको छ । एमालेले अंगीकार गर्दै आएको जनताको बहुदलीय जननवाद र माओवादीले अंगीकार गर्दै आएको एक्काइसौँ शताब्दीको जनवाद र माओवादलाई हाल स्थगन गरी महाधिवेशनबाट टुंगो लगाउन सहमति गर्ने उच्चस्तरीय एकता संयोजन समितिका आठ सदस्यमध्ये पोखरेल पनि एक थिए । अझ आश्चर्यको कुरा के छ भने त्यसबेला विचारसम्बन्धी छलफल हुँदा एक शब्द पनि नबोल्ने नेता पनि उनै थिए । बरु शारदा अधिकारीको घरमा भएको बैठकमा माधव नेपालले जनताको बहुदलीय जनवाद नछाड्ने अडान लिएका कारण त्यस दिन एकता वक्तव्यमा हस्ताक्षर नभए पनि वामदेव गौतमले नेपाललाई एकता गर्न नचाहेको आरोपसमेत लगाएका थिए । तर, अहिले एकताका कामहरू बाँकी नै रहेको र महाधिवेशनसम्बन्धी कुनै छलफल नै सुरु नभएको बेला पोखरेलले रहस्यमय रूपमा कसको योजनामा कथित विचार कुरा गर्दै भाषण गरिरहनुभएको छ भनेर नेताहरूबीच छलफल चलेको छ ।
नेकपामा संस्थागत निर्णय हुन छाडेको छ । एकतापछिका अधिकांश निर्णय दुई अध्यक्षले गर्ने गर्नुभएको छ, बढीमा वरिष्ठ नेतालाईसम्म सहभागी गराइन्छ । तर, तिनै दुई अध्यक्षले गरेका अरू सबै निर्णय लागू हुने तर प्रधानमन्त्रीको कार्यकालसम्बन्धी निर्णयचाहिँ थाहा नहुने वा लागू नहुने कुरा गर्नु काइते हुन्छ र त्यसले एकतालाई बल पु¥याउँदैन भन्ने स्पष्टै छ । तर पनि नेताहरू दिनदिनै त्यही विषयमा भाषण गरिरहँदा कार्यकर्ता पंक्तिमा निराशा बढेको छ ।

Leave a Reply

Your email address will not be published. Required fields are marked *

... र यो पनि ...

  • क–कसले जोगाए शिवराजलाई ?

    काठमाडौं । नेपाल राष्ट्र बैंकका डेपुटी गभर्नर शिवराज श्रेष्ठको निलम्बन–प्रकरण अन्ततः ‘हात्ती आयो, फुस्सा’ हुन पुगेको छ । वित्तीय अपचलन र अनियमितताको आरोप लगाएर निलम्बनमा परेका डेपुटी गभर्नर श्रेष्ठ कारबाही हुनबाट जोगिएका छन् । पदावधि सकिन केही समय मात्र बाँकी रहँदा डेपुटी गभर्नरमाथि गम्भीर प्रकृतिका आरोपहरू लागेको थियो र केही...
  • नाट्टामा चुनावी प्रतिस्पर्धा तीव्र

    काठमाडौं । नेपाल एसोसिएसन अफ टुर एन्ड ट्राभल एजेन्टस् नाट्टालाई तीव्र चुनावी रन्को लागेको छ । यही माघ ३ गते हुने निर्वाचनमा अध्यक्ष पदका लागि हालका वरिष्ठ उपाध्यक्ष अच्यूत गुरागाईं, पूर्वमहासचिवद्वय भीमप्रसाद पन्त र मिहीका शाह धाख्वाले छुट्टाछुट्टै प्यानलसहित उम्मेदवारी घोषणा गरेका छन् । निर्वाचनमा तीन अलगअलग समूहले मनोनयन दर्ता...
  • नौ महिना बित्यो, छैन सुरसार

    काठमाडौं । संघीय मामिला तथा सामान्य प्रशासनमन्त्री हृदयेश त्रिपाठीलाई नौ महिनादेखि अड्किएर रहेको संघीय निजामती विधेयकलाई टुंगो लगाउनुपर्ने चुनौती उभिएको छ । मन्त्री भएलगत्तै सो विधेयकलाई अघि बढाउन पहल गरे पनि कर्मचारीहरूको विरोध र असन्तुष्टि रहेका कारण त्यत्तिकै थाती रहेको छ । केही दिनअघि संसदीय समितिमा बोलाइएका मन्त्री त्रिपाठीले ‘विधेयकबारे...

चक्रपथ

द्वन्द्वपीडित शिक्षकलाई राहत

काठमाडौं । द्वन्द्वकालीन समयमा पीडा झेलेका शिक्षकहरूले बल्ल राहत पाउने भएका छन् । शिक्षा तथा विज्ञान प्रविधि मन्त्रालयले सेवा अवधि बाँकी रहेका द्वन्द्वपीडित शिक्षकहरूलाई रिक्त दरबन्दीमा समायोजन गर्ने तयारी थालेको छ । द्वन्द्वपीडित शिक्षकहरूलाई रिक्त दरबन्दीमा समायोजन गर्ने विषयमा अर्थ मन्त्रालयले संकेत दिएपछि शिक्षा मन्त्रालयले सो प्रक्रियाको थालनी गरेको हो...
पूरा पढ्नुहोस्

स्रष्टा र सिर्जना

कथित बाबा र साक्षीकर्ताहरू

धर्मको आड र आवरणमा अनैतिक क्रियाकलाप उद्घाटित हुने क्रम झन् बढ्दो छ÷फस्टाउँदो छ । पछिल्लो समय कृष्णदास गिरीको कर्तुत सहतमा उत्रिएसँगै धार्मिक टेकोमा हुँदै आएका शोषण, विकृति र व्यापार हामीकहाँ दिनानुदिन कसरी झाँगिदै गइरहेको रहेछ भन्ने स्पष्ट तस्बिर देखाउँछ । कथित बाबा वा धार्मिक गुरुहरूले सत्ता र शक्तिको आड र...
पूरा पढ्नुहोस्

नयाँ पुस्तक

वैचारिक ताप

निबन्ध विधालाई निरन्तर पछ्याउँदै रचना–कर्ममा निमग्न स्रष्टा हुन्, माधव काफ्ले । राजनीति, समाज र संस्कृतिलगायत क्षेत्रहरूमा देखिएका संगत–विसंगत पक्षहरूलाई उनले लेखन–कार्यमा समेट्दै आएका छन् । उनको पछिल्लो निबन्ध–कृति ‘लाक्षागृह’मा उनले पूर्ववर्ती दुई निबन्ध–सँगालो ‘लिगलिग कोट’ र ‘जीवन एउटा थोत्रो स्क्रिन’मा जस्तै आफू बाँचेको परिवेशका गहनदेखि सामान्य घटनाक्रमहरूलाई ‘नोटिस’ गर्न चाहेका...
पूरा पढ्नुहोस्

छोटकरीमा

  • वैदेशिक रोजगार पत्रकार समाजमा थापा

    काठमाडौं । वैदेशिक रोजगार पत्रकार समाजको साधारणसभाले हरिबहादुर थापाको अध्यक्षतामा सर्वसम्मतिले नयाँ कार्यसमिति चयन गरेको छ । शनिबार राजधानीमा सम्पन्न समाजको साधारणसभाले मिडिया मिसनका सञ्चालक थापाको अध्यक्षतामा ११ सदस्यीय कार्यसमिति गठन गरेको हो । वैदेशिक रोजगार क्षेत्रमा कलम चलाउने सक्रिय सञ्चारकर्मीहरूको संस्थाका रूपमा समाज १० वर्षअघि स्थापना भएको हो ।...
  • डिडिसीमा जिएमका लागि दौडधुप

    काठमाडौं । दुग्ध विकास संस्थानको महाप्रबन्धक पदका लागि दौडधुप सुरु भएको छ । सरकारले खुला प्रतिस्पर्धाबाट महाप्रबन्धक नियुक्ति गर्ने योजना अघि सारी आवेदन माग गरेपछि सो पदका लागि आकांक्षीहरूको दौडधुप चलेको हो । पछिल्लो सूचनाअनुसार संस्थानमा महाप्रबन्धक पदमा १० जनाले आवेदन दिएका छन् । आवेदन दिनेहरूमा शीतलकाजी श्रेष्ठ, बैकुण्ठ अधिकारी,...
  • यादव ‘आउट’, तुम्बाहाम्फे ‘इन’ !

    काठमाडौं । अन्ततः समाजवादी पार्टीले सरकार छाड्ने निर्णय गरेको छ । सो पार्टीबाट सरकारमा सहभागी उपप्रधान तथा कानुनमन्त्री उपेन्द्र यादव र सहरी विकासमन्त्री मोहम्मद इस्तियाक राईले हिजै राजीनामा दिएका छन् । उपप्रधानमन्त्री यादवले सोमबारको मन्त्रीपरिषद् बैठकमा संविधान संशोधनसम्बन्धी प्रस्ताव टेबुल गर्न खोजे पनि प्रधानमन्त्री केपी शर्मा ओलीले अस्वीकार गरेको भोलिपल्टै...