4th June 2020, Thursday

E-budhabar
Header Right Side NTC Advertisement

नेकपाको युवा संगठनमा नामको विवाद

काठमाडौं । नेपाल कम्युनिस्ट पार्टी (नेकपा) को भ्रातृ संगठन युवा संगठनको नाममा विवाद भएको छ । तत्कालीन एमाओवादीको भ्रातृ संगठन वाईसिएल समूहले जनवर्गीय संगठनको एकता घोषणा कार्यक्रममा सार्वजनिक भएको नाम स्वीकार नगरेपछि विवाद भएको हो ।
गत ३ जेठमा तत्कालीन एमाले पार्टी कार्यालय बल्खुमा जनसंगठन एकीकरण घोषणा कार्यक्रममा युवाहरूको भ्रातृ संगठनको नाम युवा संघ नेपाल तथा संयोजक रामप्रसाद सापकोटा ‘दिपशिखा’ र सहसंयोजक रमेश पौडेलको नाम घोषणा भएको थियो । महासचिव विष्णु पौडेलले संघको केन्द्रीय २ सय ५१ सदस्यीय हुने घोषणा गरेका थिए । नेकपाको केन्द्रीय सदस्यसमेत रहेका सापकोटा तत्कालीन वाईसीएलका अध्यक्ष तथा पौडेल युवा संघका अध्यक्ष हुन् ।
सबै जनवर्गीय संगठनको नाम, नेतृत्व र संख्या घोषणा भए पनि युवा संगठनमा भने तत्कालीन वाईसीएल समूहले युवा संघ नेपालको घोषित नाम अस्वीकार गरेको हो । तत्कालीन एमालेको युवा संघ नेपाल समूहले भने महासचिवबाट घोषित नाम नै आधिकारिक भएकाले पार्टी नेतृत्वको निर्णयलाई विधि, प्रक्रियाबाहिर गएर कसैले चुनौती दिन नसक्ने अडान राख्दै आएको छ ।
‘महासचिवले पार्टी निर्णयका आधारमा नाम, नेतृत्व र संख्या घोषणा गरिसकेपछि त्यसैलाई आधिकारिक मान्नुपर्छ, नेतृत्व मान्ने, नामचाहिँ नमान्ने भन्ने तर्कै हुन सक्दैन,’ तत्कालीन युवा संघका महासचिव नरेश शाहीले भने, ‘उहाँहरूले पार्टी महासचिवको सर्कुलरसम्म पर्खौं भने पनि पार्टीले निर्णयका आधारमा घोषणा गरिसकेपछि परिवर्तन हुन्छ भन्ने मलाई लाग्दैन ।’ पूर्ववाईसीएल समूहले भने युवा संगठनका दुवै समूहका तत्कालीन महासचिवसहितको पाँच सदस्यीय कार्यदल र पार्टी एकीकरणका लागि गठित कार्यदलले बुझाएको दुईवटा साझा नामभन्दा फरक नाम घोषणा भएकाले पार्टीको सर्कुलर नआएसम्मका लागि पर्खिनुपर्ने अडान राखेको छ । ‘पार्टी महासचिवले नै यो विषयमा छलफल गरौंला भन्नुभएकाले हामीले सर्कुलर नआएसम्मका लागि संगठनको नाम आधिकारिक रूपमा टुंगिएको नमानेका हौं,’ वाईसीएलका पूर्वमहासचिव सुबोधराज श्रीपाइलीले भने, ‘विधान मस्यौदा कार्यदल र पार्टी एकीकरण कार्यदलले युवा संगठन नेपाल र राष्ट्रिय युवा संगठन नेपालमध्ये जुनसुकै नाम राखे पनि उपयुक्त हुनेगरी प्रतिवेदन बुझाएका थियौं तर त्यसभन्दा फरक नाम घोषणा भएकाले सर्कुलर नआएसम्मका लागि पर्खौं भन्ने मात्र हाम्रो आग्रह हो ।’
विधान मस्यौदा कार्यदलमा तत्कालीन युवा संघका महासचिव शाही र वाईसीएलका महासचिव श्रीपाईलीसहित दुवै तर्फका ३ सचिव थिए । जसअनुसार वाईसीएलले राष्ट्रिय युवा संगठन नेपाल र युवा संघले युवा संगठन नेपालको नाम पार्टी नेतृत्वसमक्ष प्रस्ताव गरेको थियो । युवा संगठनको नेतृत्व पूर्व माओवादी समूहले पाइसकेपछि पनि नामलाई अस्वीकार गर्नु अराजकता हुने पूर्वयुवा संघ समूहको तर्क छ । स्रोतका अनुसार युवा संगठनको नेतृत्व पूर्वमाओवादी समूहका सापकोटालाई दिने विषयमा अध्यक्ष केपी ओली अन्तिम समयसम्म अनिच्छुक थिए । तर, अन्ततः नेतृत्व पाएपछि सापकोटाले संगठनको नाम स्वीकार गर्न आनाकानी गरेर जवाफ फर्काएको हुन सक्ने युवा संघकै पदाधिकारी तहका एक नेता बताउँछन् ।
केन्द्रीय सदस्य अझै छानिएनन्
संगठनको एकतापछि युवा संघ नेपालले अझै केन्द्रीय कमिटी चयन गर्न सकेको छैन । तत्कालीन युवा संघ र वाईसीएलका महासचिव रहेको विधान मस्यौदा उपसमितिले २ सय ५१ सदस्यीय केन्द्रीय कमिटी रहनेगरी अन्तरिम विधान संयोजक र सहसंयोजकलाई बुझाएको छ । अन्तरिम विधानअनुसार तत्कालीन युवा संघको २ सय ५६ सदस्यीय तथा वाईसीएलको २ सय १६ सदस्यीयसहित ४ सय ७२ जनाबाट अब युवा संघ नेपालको नयाँ केन्द्रीय कमिटी चुनिनेछ । कार्यदलका संयोजक युवा संघका तत्कालीन महासचिव नरेश शाहीले केन्द्रीय कमिटी सदस्यहरूको नामावली संयोजक र सहसंयोजकलाई नै टुंग्याउन आग्रह गरिएको बताए ।

Leave a Reply

Your email address will not be published. Required fields are marked *

... र यो पनि ...

  • प्रदेश प्रमुखकसँग राष्ट्रपति रुष्ट

    काठमाडौं । संवैधानिक भूमिका र पदीय मर्यादालाई बिर्सिंदै राजनीतिक दलका प्रमुखको निवासमा पुगेर मागपत्र पेस गरेको सूचना पाएपछि राष्ट्रपति विद्या भण्डारी प्रदेश प्रमुखहरूसँग रुष्ट भएकी छन् । प्रदेश प्रमुखहरूको त्यस्तो कदमले लज्जाबोध गराएको भन्दै संविधानविद्ले चिन्ता व्यक्त गरेका छन् भने आमनागरिकसमेत आक्रोशित भएका छन् । प्रसंग गत २ गतेको हो...
  • रोकिएन हायातको मनपरी

    काठमाडौं । २७ वर्षअघि अर्थात् २०४९ सालदेखि आफूखुुसी गर्दै आएको तारागाउँ रिजेन्सी होटल्स लिमिटेडको मनपरी अझै रोकिएको छ । होटलले फेरि आफूखुसी सम्पत्ति तथा दायित्व मूल्यांकन (डीडीए) गराउने चलखेल सुरु गरेको छ । घाटा देखाउँदै नेपाल सरकारको लगानी ३९.६७ प्रतिशतबाट घटेर ९.०१ प्रतिशत घटाएको हायातले फेरि चलखेल सुरु गरेको हो...
  • दलाली गर्दै, पुरस्कार दिँदै

    काठमाडौं । साहित्यका नाममा दलाली गर्नेहरूको हामीकहाँ कमी छैन । लामो समयदेखि विभिन्न शक्तिकेन्द्र र व्यक्तिहरूलाई प्रभावमा पारेर साहित्यकै नाममा दलाली गर्दै आएको नइ प्रकाशनले राखेका विभिन्न पुरस्कारहरूको स्रोतहरू के हुन् भन्नेचाहिँ अहिलेसम्म गुपचुप नै देखिन्छ । नरेन्द्रराज प्रसार्इं र इन्दिरा प्रसाईंले दुई दशकअघि स्थापना गरेको नइ प्रकाशनले हरेक व्यवस्था...

चक्रपथ

बीजकोयाका हाकिमको यो हर्कत

काठमाडौं । प्रजनन पिँढी बीजकोया स्रोत केन्द्र बन्दीपुर तनहुँका हाकिम शंकरप्रसाद न्यौपानेको चर्तिकलाले सीमा नाघेको छ । अवकाशको केही महिना बाँकी रहँदा वरिष्ठ बाली संरक्षण अधिकृतको हैसियतमा रहेका उनले अनियमिता र भ्रष्टाचारको शृंखला नै चलाएको भन्दै सर्वत्र गुनासो आएको छ । माहुरी, च्याउ, रेशम खेतीलगायत बालीको विकास, विस्तार र अनुसन्धानसमेतको...
पूरा पढ्नुहोस्

स्रष्टा र सिर्जना

‘गीता’ को राजनीति

कुनै वैचारिक मुद्दाका आधारमा नभई व्यक्तिगत टकरावको उत्पत्ति हुँदा विभाजनको पीडा झेल्ने नेपालका सीमित राजनीतिक दलमा पूर्वपञ्चहरूको पार्टी राष्ट्रिय प्रजातन्त्र पार्टीले बदनामी कमाउँदै आएको छ । विभाजन र एकताको अनेक अभ्यास गरिसकेको सो पार्टी पछिल्लो समय फेरि एकताको सूत्रमा बाँधिएको छ । पछिल्लो समय तीन समूहमा विभाजित राप्रपा केही दिनपूर्व...
पूरा पढ्नुहोस्

नयाँ पुस्तक

फरक स्वरध्वनि

तीन दशकयता कविता–कर्म र साधनामै व्यस्त छन्, वीरु बाङ्देल । सिक्किमका बासिन्दा बाङ्देलले नेपाली भाषामा उम्दा काव्य सिर्जना गरेर पृथक पहिचान बनाउँदै आएका छन् । कवितालाई नै लेखनको मूल विषय बनाएका उनले आजको समाज र राजनीतिक परिस्थितिहरूको भित्री यथार्थको अभिव्यक्ति धेरै नै प्रभावशाली ढंगले पस्किँदै आएका छन् । उनको पछिल्लो...
पूरा पढ्नुहोस्

छोटकरीमा

  • चिरायुको कर्जा फाइल किन गायब ?

    काठमाडौं । पदीय दुरुपयोगको चरम नमुना हेर्नुपरे नेपाल राष्ट्र बैंकका डेपुटी गभर्नर चिन्तामणि सिवाकोटीले आफू पदमा रहँदा गरेका अनियमित कार्यहरू हेरे पुग्छ । विगतमा आफूले गरेका अनियमित कार्यहरूबाट सफाइ पाएको दाबी सिवाकोटीले गरे पनि कतिपय कसुरमा भने उनीमाथि कारबाही भएको छैन । डेपुटी गभर्नर भएपछि सिवाकोटीले चिरायु अस्पतालको कर्जा प्रवाह...
  • म्याट्रेस खरिदको १५ करोड फ्रिज हुने खतरा

    काठमाडौं । सरकारले दिएको पैसा समयमा नै खर्च गर्न नसक्दा नेपाल प्रहरीको म्याटेस खरिदका लागि छुट्याएको १५ करोड ४० लाख रुपैयाँ फ्रिज हुने अवस्था देखिएको छ । आर्थिक वर्ष सकिन अब चार महिना मात्र बाँकी छ । यो चार महिनामा नेपाल प्रहरीले खरिद गर्न सक्ने अवस्था नरहेको बताइन्छ । यो...
  • मुद्दती खाताको परिचय नै फे¥यो एनआईसीले

    काठमाडौं । एनआईसी एसिया बैंकले मुद्दती खातामा उच्च ब्याजदर सँगै २१ लाख रुपैयाँसम्मको बिमा सुविधा पनि दिँदै आएको छ । सर्वाधिक उच्च ब्याजदर पाइने खाताका रूपमा चिनिएको मुद्दती निक्षेप खातामा एनआईसी एसिया बैंकले न्यु सुपर चामत्कारिक मुद्दती निक्षेप खाता खोलेकै आधारमा बिमा सुविधा पनि थप गरेको हो । यसअघि विभिन्न...