19th September 2019, Thursday

E-budhabar
Header Right Side NTC Advertisement

सामान्यले देखायो दोहोरो चरित्र



काठमाडौं । संघीय मामिला तथा सामान्य प्रशासन मन्त्रालयले दोहोरो चरित्र देखाएको छ । मन्त्रालयले एकातिर समायोजनपछि सरुवा भएको ठाउँमा नगएका कर्मचारीलाई निलम्बन गरेको छ भने अर्कोतिर राष्ट्रिय स्तरका टे«ड युनियनमा आबद्ध कर्मचारीहरूलाई भने उन्मुक्ति दिँदै आएको छ । कसैलाई काख र कसैलाई पाखा गर्ने मन्त्रालयको चरित्र देखेर सबै कर्मचारी चकित परेका छन् ।
मन्त्रालयले केही दिनअघि गौर नगरपालिकाका प्रमुख कार्यकारी अधिकृत सुमन कार्कीलाई सरुवा भएको ठाउँमा हाजिर हुन नगएको भन्दै निलम्बन ग¥यो । सचिव यादवप्रसाद कोइरालाले गएको जेठ २४ गते कार्कीलाई निलम्बन गरिएको पत्र काटेका थिए । सो पत्रमा ‘तपाईलाई मिति २०७६÷२÷१ म शैल्यशिखर नगरपालिका दार्चुलामा कामकाज गर्न खटाइएकोमा उक्त कार्यालयमा हाजिर हुन नगएको, यस मन्त्रालयबाट तीन दिनभित्र खटाइएको कार्यालयमा हाजिर हुन लिखित रूपमा पत्राचार तथा मौखिक निर्देशनसमेत भएकोमा सोको अवज्ञा गरी निजामती सेवा नियमावली–२०५० को नियम १२४ बमोजिम २१ दिनको म्यादभित्र बरबुझारथ गरी खटाइएको कार्यालयमा बहालन गर्न नगई तहाँ रहिरहेकाले तथा तपाईंउपर यस मन्त्रालयमा विभिन्न उजुरी प्राप्त भएकाले भनी उल्लेख गरिएको छ ।
कार्कीलाई खटाइएको ठाउँमा नगएको बताउँदै मन्त्रालयले उनलाई दुई महिनाका लागि निजामती कर्मचारी ऐनअन्तर्गत निलम्बन गरेको कुरा सचिव कोइरालाको पत्रमा जनाइएको छ । तर, प्रमुख प्रशासकीय अधिकृत कार्कीलाई निलम्बन गरे पनि अझै पनि प्रदेश र स्थानीय तहमा समायोजन भएका दर्जनौं कर्मचारी हाजिर हुन गएका छैनन् । गएको चैत ३० गते कर्मचारी समायोजन टुंगिए पनि राष्ट्रिय स्तरका टे«ड युनियनसँग आबद्ध कर्मचारीहरूले भने आफूलाई खटाइएको ठाउँमा नगई अवज्ञा गरिरहेको पाइएको छ । त्यस्ता कर्मचारीहरू करिब दुई दर्जनभन्दा बढी नै रहेको बताइन्छ । नेपाल निजामती कर्मचारी संगठनका वरिष्ठ केन्द्रीय उपाध्यक्ष चेतनाथ न्यौपानेको झापाको एक स्थानीय तहमा समायोजन भए पनि उनी अहिलेसम्म आफूलाई खटाइएको ठाउँमा हाजिर हुन गएका छैनन् । त्यस्तै, आधिकारिक टे«ड युनियनका केन्द्रीय उपाध्यक्ष भोला पोखरेल पनि आफूलाई खटाइएको खोटाङको मजुवागढी गाउँपालिकामा हाजिर हुन गएका छैनन् । टे«ड युनियनका केन्द्रीय नेता हरि रावल पनि आफूलाई खटाइएको ठाउँमा हाजिर हुन गएका छैनन् । अर्का केन्द्रीय सदस्य सीता गुरुङ पनि आफूलाई खटाइएको मोरङको स्थानीय तहमा जानुपर्नेमा अहिलेसम्म गएकी छैनन् ।
सचिव कोइरालाले गौरका प्रशासकीय अधिकृत कार्कीलाई निलम्बन गरे पनि टे«ड युनियनका राष्ट्रिय स्तरका नेताहरूलाई भने छुन सकेका छैनन् । कसैलाई निलम्बन गरेर कारबाही गर्ने र कसैलाई उन्मुक्ति दिने काम किन भइरहेको छ ? कर्मचारी वृत्तमा यस्तो प्रश्न उठाइन थालिएको छ ।

Leave a Reply

Your email address will not be published. Required fields are marked *

... र यो पनि ...

चक्रपथ

३ नम्बर प्रदेशमा संविधान दिवसको भव्य तयारीे

ShareTweet काठमाडौं । संविधान दिवसको अवसरमा ३ नम्बर प्रदेश सरकारले विविध कार्यक्रमहरू गर्ने भएको छ । सोमबार प्रदेशका मुख्यमन्त्री डोरमणि पौडेलको संयोजकत्वमा दिवस- ...
पूरा पढ्नुहोस्

स्रष्टा र सिर्जना

सामाजिक मुद्दाहरूतिर उन्मुख

ShareTweet हामी वर्षौंदेखि जुन समाजमा भिजिरहेका छौं÷बाँचिरहेका छौं, त्यो समाजमा साहित्य, कला, सिनेमाजस्ता सिर्जना र अभिव्यक्तिका लागि अनेकानेक विषयहरू छन् । समाजका- ...
पूरा पढ्नुहोस्

नयाँ पुस्तक

विसंगतिमाथि चोट

ShareTweet पोखराको साहित्यिक परिवेशमा भिजेका अधिकांश सर्जकहरूले मुक्तक विधामा कलम नचलाएका कमै दृष्टान्त होलान् । सरुभक्त, तीर्थ श्रेष्ठ, प्रकट पगेनी ‘शिव’, रमेश श्रेष्ठलगायत- ...
पूरा पढ्नुहोस्

छोटकरीमा