25th August 2019, Sunday

E-budhabar
Header Right Side NTC Advertisement

राजधानीको क्यासिनोमा गैरकानुनी हुन्डी



काठमाडौं । राजधानी हाल सञ्चालनमा रहेका केही क्यासिनोले हुन्डीको धन्दा चलाउँदै आएको पुष्टि भएको छ । यसरी गैरकानुनी रूपमा हुन्डी कारोबार गर्नेमा चर्चित र नाम चलेका क्यासिनोहरू नै रहेको बताइन्छ ।
अझ खतरनाक कुरा त केही क्यासिनोले हुन्डीसँगै अवैध रूपमा अनलाइन जुवासमेत खेलाउँदै आएका छन् । हुन्डीको धन्दा चलाउनेमा सोल्टी होटेलमा रहेको क्यासिनो माजोङ सबैभन्दा अगाडि रहेको छ ।
यता अनलाइन जुवा भने होटल ¥याडिसनले चलाउँदै आएको क्यासिनो ¥याडले गराउँदै आएको छ । प्रचलित कानुनअनुसार नेपालका क्यासिनोलाई अनलाइन जुवा खेलाउने अनुमति छैन । तर, प्रहरीलाई मासिक नजराना बुझाएर क्यासिनो ¥याडले अनलाइन जुवा खेलाउँदै आएको हो । विदेशीलाई मात्र प्रवेश अनुमति रहेका क्यासिनोमा नेपाली प्रवेशलाई प्रहरीले कडाइ गर्नु पनि नाटक मात्र भएको बताइन्छ । कुनै एक दिन छापा मारेर प्रचार गराउने तर वर्षभरि नै सेटिङमै उक्त धन्दा जारी राख्ने काम हुँदै आएको छ । पछिल्लोपटक जुवा खेलाउन क्यासिनो ¥याडले अनलाइन धन्दा सुरु गरेको हो । विदेशमा जुवा खेल्न जाने नेपाली जुवाडेलाई होस् वा विदेशबाट नेपालमा जुवा खेल्न आउने जुवाडेलाई क्यासिनो माजोङले हुन्डीको माध्यमबाट पैसाको व्यवस्थापन गर्दै आएको प्रहरी स्रोतको भनाइ छ । विशेष गरी माजोङले दिल्लीबाट नेपाल जुवा खेल्न आउनेलाई दिल्लीमै कार्यालय खोलेरै रकम जम्मा गर्ने र जुवा जित्नेलाई उतै पैसा उपलब्ध गराउँदै आएको छ । जसको कारण क्यासिनोले कति पैसा जित्यो कति हा¥यो भन्ने रेकर्ड कतै हुँदैन । यो पैसाको बैकिङ कारोबार हुने हो भने देशलाई करोडौं रूपैंयाको राजश्व जम्मा हुन्थ्यो भने अवैध पैसाको कारोबारमा पनि बन्देज हुन्थ्यो ।
यति मात्र होइन, माजोङ क्यासिनोले जुवा खेल्न विदेश जाने नेपालीको पैसाको समेत बन्दोबस्ती मिलाउँदै आएको छ । विशेष गरी सिक्किम जुवा खेल्न जाने जुवाडेको पैसा क्यासिनो माजोङमै जम्मा हुने गरेको स्रोतको दाबी छ ।
माजोङमा पैसा जम्मा भएपछि सिक्कीममा रहेको क्यासिनो माजोङलेले जुवा खेल्न निस्केको जुवाडेलाई झापाको भद्रपुरसम्मको टिकट र भद्रपुर विमानस्थलबाट सिक्किमसम्मको गाडीको व्यवस्थापन गर्दै आएको छ । उता सोल्टी होटलमा रहेका क्यासिनो माजोङका मालिक विनोद श्रेष्ठले यो धन्दा सबैतिर सेटिङ मिलाएर गरेकाले अहिले सबैजना तै चुप मै चुप भएका छन् ।

Leave a Reply

Your email address will not be published. Required fields are marked *

... र यो पनि ...

चक्रपथ

नेकपामा कुन नेतालाई के जिम्मेवारी ?

ShareTweet काठमाडौं । नेपाल कम्युनिस्ट पार्टी (नेकपा) को गत शनिबार र आइतबार बसेको सचिवालय बैठकले पार्टीका केन्द्रीय विभागहरूको प्रमुख तथा उपप्रमुख र जनवर्गीय संगठनका- ...
पूरा पढ्नुहोस्

स्रष्टा र सिर्जना

निभ्यो समृद्ध ज्ञान–पुञ्ज

ShareTweet नेपाली भाषा, साहित्य, संस्कृति, दर्शन र पत्रकारिता जगत्का मनिषि मदनमणि दीक्षितको दुःखद अवसानले पूर्वीय दर्शन र चिन्तन परम्पराको क्षेत्रमा शून्यता प्रतीत- ...
पूरा पढ्नुहोस्

नयाँ पुस्तक

‘मित्रताको आकाश’मा इन्द्रधनुषी विम्ब

ShareTweet पूर्वरंग संस्कृत साहित्यको नीतिवचनमा एउटा भनाइ छ– संसार विषवृक्षस्य द्वेफले अमृतोपमे । काव्यामृत रसास्वाद संलाप सज्जनैः सह ।। नीतिवचन संग्रह ६।७ अर्थात्- ...
पूरा पढ्नुहोस्

छोटकरीमा