18th September 2019, Wednesday

E-budhabar
Header Right Side NTC Advertisement

वातावरण दिवसको अवसरमा सरसफाइ



काठमाडौं । विश्व वातावरण दिवसका अवसरमा करिअर प्वाइन्ट एजुकेसन सर्भिसको आयोजनामा बुधबार बौद्धमा स्वच्छ वायुको अधिकारसम्बन्धी कार्यक्रम सम्पन्न भएको छ । उक्त कार्यक्रमको संयोजन तथा व्यवस्थापन नेपाल टिन लिडर्सका सदस्यहरूले गरेको करियर प्वाइन्ट एजुकेसन सर्भिसका सञ्चालक विशाल केसीले बताए ।
‘स्वच्छ वायु स्वच्छ जीवन’ भन्ने मूलनाराका साथ उक्त कार्यक्रम गरिएको नेपाल टिन लिडर्सको सदस्य रोमियो घले गुरुङले बताए । बौद्ध क्षेत्रका बालबालिकाले स्वच्छ वायुको अधिकारसम्बन्धी ‘डियर सरकार खै त मेरो स्वच्छ हावामा जिउने अधिकार’, ’वायु प्रदूषण पनि विनाशको एक हतियार हो’, ‘नाक मुख छोपेर अपराधीजस्तो भएर म कहिलेसम्म हिँड्ने’, ‘स्वच्छ हावा मेरो अधिकार’लगायत नारासहितको प्लेकार्ड बोकेर बौद्धमा प्रदर्शन गरेका थिए ।
प्रदूषणको मुख्य असर बालबालिकालाई सीधै पर्ने भएको हुँदा उनीहरूले दैनिक रूपमा सामना गर्नुपर्ने समस्याविरुद्ध र सम्बन्धित निकाय झक्झक्याउन बालबालिकाले नेपाल टिन लिडर्ससँग मिली यो कार्यक्रम गरिएको लिडर्सकी सदस्य ओजस्वि शिवाकोटीले बताइन् ।
उक्त विभिन्न वायुसम्बन्धी मागसहित सरकारलाई वायु प्रदूषण घटाउन झक्झक्याउने कोसिस उनीहरूले कार्यक्रममार्फत गरेका थिए । सो कार्यक्रममा बौद्धको सर्वनाम शिक्षालयका विद्यार्थीहरूको विशेष उपस्थिति रहेको थियो । सो कार्यक्रममा विद्यार्थीहरूले नृत्यसमेत प्रस्तुत गरेका थिए ।
संयुक्त राष्ट्रद्वारा घोषित ‘विश्व वातावरण दिवस’ पर्यावरणप्रति राजनीतिक र सामाजिक जागृति ल्याउने उद्देश्यले मनाइन्छ । वातावरण संरक्षणका लागि विश्वमै राजनीतिक र सामाजिक चेतना जगाउने उद्देश्यका साथ सन् १९७२ को ५ जुनदेखि १६ जुनसम्म संयुक्त राष्ट्रसंघको महासभाले विश्व वातावरण सम्मेलनको आयोजना गरेको थियो ।
सम्मेलनको एक वर्षपछि वातावरणीय संरक्षणको आवश्यकता महसुस गरी १९७३ देखि बर्सेनि जुन ५ तारिखमा विश्व वातावरण दिवस मनाउन थालिएको हो ।

Leave a Reply

Your email address will not be published. Required fields are marked *

... र यो पनि ...

चक्रपथ

३ नम्बर प्रदेशमा संविधान दिवसको भव्य तयारीे

ShareTweet काठमाडौं । संविधान दिवसको अवसरमा ३ नम्बर प्रदेश सरकारले विविध कार्यक्रमहरू गर्ने भएको छ । सोमबार प्रदेशका मुख्यमन्त्री डोरमणि पौडेलको संयोजकत्वमा दिवस- ...
पूरा पढ्नुहोस्

स्रष्टा र सिर्जना

तिमी कहाँ सुरक्षित छौ ?

ShareTweet कुनै महिलाका निम्ति सुरक्षित ठाउँ कुन होला ? घर, विद्यालय वा सार्वजनिक स्थल ? केही दिनपूर्व वीरगन्जकी एउटी किशोरीको अनुहारमा दुई किशोरले एसिड छ्यापे । एकान्त- ...
पूरा पढ्नुहोस्

नयाँ पुस्तक

प्रेममा तरंगित सिर्जना

ShareTweet युवा–सर्जक हरिराम पौडेलको गीति–सिर्जना प्रेमका कोमल अनुभूतिहरूका खानी हुन्, सायद । किनभने, प्रेमका अनगिन्ति आवाजहरू उनका गीति–लेखनमा सहजै र सर्वस्वीकृत- ...
पूरा पढ्नुहोस्

छोटकरीमा