15th August 2020, Saturday

E-budhabar
Header Right Side NTC Advertisement

कांग्रेसको कन्तबिजोग

नेपाली कांग्रेस जनतालाई आफ्नो गथासो सुनाउन आतुर र व्यग्र थियो । देशमा प्रमुख प्रतिपक्षी दल छ कि छैन ? भन्ने कुरा थाहा पाउनबाट जनता वञ्चित रहेको बेला कांग्रेसले आफ्नो उपस्थिति देखाउन भए पनि केही न केही गर्नैपर्ने थियो । राष्ट्रिय जनजागरण अभियान त्यसकै एउटा कडी थियो । तर, केही दिनअघि सम्पन्न कांग्रेसको राष्ट्रिय जनजागरण अभियान अपेक्षाकृत रूपमा फितलो साबित हुन पुग्यो । जनजागरण अभियानमा देखिएको जनताको लगभग शून्य उपस्थितिले कांग्रेसको कुरा सुन्न जनता इच्छुक छैनन् भन्ने सन्देश मात्र प्रवाहित गरेको छ । हुन पनि कुनै ठोस वा निर्दिष्ट राजनीतिक एजेन्डाबिना नै कांग्रेसले थालेको जनजागरण अभियानलाई जनताले पटक्कै रुचाएनन् र त्यो एउटा कार्यकर्ता भेलाका रूपमा मात्र परिणत हुन पुग्यो ।
नेपाली कांग्रेसले जनजागरण वा अरु कुनै त्यस्तै प्रकृतिको अभियान सञ्चालन गर्नु नितान्त जरुरी भइसकेको थियो । संघीय र प्रदेश तहको निर्वाचनपछि सेलाउन पुगेको कांग्रेसले आफ्नो अस्तित्व जीवित नै छ भन्ने देखाउन पनि कुनै न कुनै कार्यक्रम वा अभियान चलाउनैपथ्र्यो । तर, वामपन्थी नेतृत्वको सरकारले बटुल्दै गएको लोकप्रियता र क्रियाशीलताको अघि कांग्रेसले जस्तोसुकै अभियान चाले पनि त्यो जनताको नजरमा अंकित हुने सम्भावना भने कमै थियो । सायद यही रहस्य बुझेर नै हुनुपर्छ, वामपन्थी शक्तिको नेतृत्वमा सरकार गठन भएको करिब १५ महिनापछि जनताको नाडी छाम्ने हेतुले कांग्रेसले जनजागरण अभियानको सहारा लिएको प्रस्टै बुझिन्छ ।
तर, वामपन्थी नेतृत्वको सरकारको चमकदमकको अगाडि कांग्रेसको कुरा कसले सुन्ने ? कांग्रेसको कुरा कसरी पत्याउने ? हरेक ठाउँमा सञ्चालित जनजागरण अभियानमा जनताले देखाएको उदासीनताले अझै पनि कांग्रेसको कुरा सुन्न जनता अग्रसर छैनन् भन्ने प्रस्टै देखाएको छ । जबसम्म जनता कुनै राजनीतिक शक्तिको कुरा सुन्न उदासीन हुन्छन्, तबसम्म त्यस्ता राजनीतिक शक्तिले जनतालाई आफ्नो कुरा सुनाउने अपेक्षा राख्नु व्यर्थ हुनेछ । कांग्रेसको जनजागरण अभियानले भोगेको असफलतालाई पनि त्यही पृष्ठभूमिमा हेर्नुपर्ने हुन्छ ।
जनतालाई जागृत तुल्याउने हेतु कांग्रेसजनहरूले राख्नुलाई गलत रूपमा लिइनुहुँदैन । कुनै पनि राजनीतिक शक्तिलाई जनताका बीच पुग्ने छुट छ र उसलाई जनतासामु आफ्नो राजनीतिक एजेन्डा बिसाउने पर्याप्त अवसर पनि छ । तर, जनताका बीचमा जाँदा आफूभित्रका यावत् अन्तरविरोधहरूलाई साथसाथै लिएर जाँदा त्यसले कार्यकर्ता, समर्थक, शुभेच्छुक र जनपंक्तिलाई एकीकृत तुल्याउन कदापि भूमिका खेल्दैन । जनतासामु जाँदा एकढिक्का भएर जाने राजनीतिक शक्तिले मात्र जनताको मन र विश्वास जित्न सक्दछन् । तर, कांग्रेसको सवालमा भने त्यसो हुन सकेन । जनजागरण अभियानमा जाँदा सभापति शेरबहादुर देउवा र कोइराला खेमाबीचको अन्तरद्वन्द्वको प्रतिच्छाया प्रस्टै देखियो ।
राष्ट्रिय राजनीतिमा कांग्रेस दिनदिनै कमजोर साबित हुँदै गए पनि सो पार्टीभित्रको अन्तरद्वन्द्व भने थामिनसक्नु छ । तीन वर्षअघि शेरबहादुर देउवाले कोइराला खेमाबाट उभ्याइएको प्रत्यासी रामचन्द्र पौडेललाई पाखा लगाउँदा एउटा आशा पलाएको थियो, अब कांग्रेस वंशवादको घेराबाट टाढियो । तर, देउवाले पनि अपेक्षाकृत रूपमा कांग्रेसलाई गति दिन सकेनन् । अझैसम्म पनि कांग्रेसका कतिपय कमिटीहरूले पूर्णता नपाउनुको त्यसको संग्लो उदाहरण हो । अझ, सभापति देउवाको नेतृत्वमा लडेका प्रदेश र संघीय संसद्को निर्वाचनमा कांग्रेसले लज्जाजनक पराजय बेहोर्नुपरेपछि त देउवाको नेतृत्व क्षमतामाथि नै प्रश्नचिह्न उठ्न पुग्यो ।
सभापतिमा देउवा चुनिएपछि आफ्नो वंशवृक्ष मासिने हो कि भन्ने भय कोइराला खेमामा व्याप्त छ र अब हुने महाधिवेशनमा देउवा समूहलाई पाखा लगाउने दाउ र रणनीतिमा कोइराला खेमा जुटेको प्रस्टै देखिन्छ । तीन वर्षअघिको महाधिवेशनमा कोइराला खेमाबाट सभापतिका लागि ‘योग्य वर’ नपाइएपछि रामचन्द्र पौडेललाई उभ्याउनु सो खेमाको बाध्यता नै थियो । तर, अब हुने महाधिवेशनमा भने वंशवादलाई कायम राख्न कोइराला खेमाबाटै कोही न कोही सभापतिमा उठ्ने संकेत अहिलेदेखि नै देखिन थालेको छ । देउवाले पनि अर्को महाधिवेशनमा आफूलाई शक्तिशाली देखाउन र पुनः अर्को कार्यकाल दोहो¥याउन अहिल्यैदेखि अभ्यास गर्न थालेका छन् ।
केही दिनपूर्व सम्पन्न कांग्रेसको जनजागरण अभियानमा दुवै खेमाको ‘अभ्यास’को संकेत देखिन पुगेको थियो । वामपन्थी नेतृत्वको सरकारलाई खुइल्याउन सो जागरण अभियान थाले पनि राजनीतिक रूपमा आफैं खुइलिन पुगेको कांग्रेसले पत्तो नै पाएन । किनभने, जनताको अपार सहभागिता हुने अपेक्षा राखेर जागरण अभियान थाले पनि जनताले नपत्याइदिँदा कांग्रेसको कुरा सुन्न जनता अझै तत्पर रहेनछन् भन्ने प्रष्टै देखाएको छ र एक हिसाबले कांग्रेस आफैं जनपंक्तिबाट खुइलिन पुगेको छ ।

Leave a Reply

Your email address will not be published. Required fields are marked *

... र यो पनि ...

  • कोरोनाका नाममा ३२ लाख झ्वाम

    काठमाडौं । कोभिड–१९ अर्थात् कोरेनाका कारण संसारभरि आक्रान्त फैलिरहेको बेला केहीलाई भने यो आर्थिक दुरुपयोग गर्ने मेलो भएको छ । जिल्ला अस्पताल तनहुँका कर्मचारीहरूले प्रदेश सरकारले पठाएको ५० लाख रकम त्यसैगरी मनपरी ढंगले भत्ताका नाममा खर्च गरेका छन् । आइसोलेसन र क्वारेन्टिनमा सिटामोलसम्म पुग्न नसकेको बेला सबै आइसोलेसन केन्द्रमा अत्यन्त...
  • काम रोकेर आन्दोलनमा व्यस्त

    काठमाडौं । कोभिड–१९ को जोखिम झन् बढ्दै गएको छ । विश्वव्यापी रूपमै यो महामारीले सताउँदा अग्रपंक्तिमा रहेर स्वास्थ्यकर्मीका साथै अस्पतालमा कार्यरत कर्मचारीहरूले महामारीविरुद्ध आफूहरूलाई उभ्याए । नेपालका स्वास्थ्यकर्मीहरूले पनि कोभिड–१९ मा खेलेका भूमिकालाई सराहना गर्ने गरिएको छ । तर, कोभिड–१९ को जोखिम बढ्दै जाँदा निजामती कर्मचारी अस्पतालमा कार्यरत कर्मचारीहरू भने...
  • ६ अर्ब उठ्नेमा अझै आशंका

    काठमाडौं । डेडिकेटेड र टंक लाइनको महसुल विवाद सुल्झाउने जिम्मा विद्युत् नियमन आयोगलाई दिने भित्री तयारी चलिरहे पनि सो आयोगको क्षमतामाथि प्रश्नचिह्न उब्जिएको छ । यो विवाद सुल्झाउन आयोगले नसक्ने जिकिर गर्न थालिएको छ । तर, ऊर्जा, जलस्रोत तथा सिँचाइ मन्त्रालयले भने सो आयोगलाई नै जिम्मा दिन खोजेको छ ।...

चक्रपथ

चारवटै विषयगत सभापति यथावत्

काठमाडौं । राष्ट्रियसभा अन्तर्गतका समितिहरूमा भएको सभापतिको निर्वाचनमा सबै समितिका सभापतिहरू निर्विरोध निर्वाचित भएका छन् । हाल निर्विरोध निर्वाचित भएकाहरू नै यसअघि पनि त्यही समितिका सभापति थिए । कार्यकाल सकिएपछि पुनः उनीहरूलाई नै सभापतिमा चयन गरिएको हो । समिति सभापति चयन गर्न शुक्रबार निर्वाचन भएको हो । निर्वाचनबाट प्रत्यायोजित व्यवस्थापन...
पूरा पढ्नुहोस्

स्रष्टा र सिर्जना

पारिजात ः एउटी स्वाभिमानी स्रष्टा

दार्जिलिङको सुन्दर प्रकृतिको काखमा डुबुल्की मार्दै कहिले फ्रकभरि चाँपका कोपिला बटुलेर नागबेलीको माला लगाएर, जंगलमा लुकामारी खेलेर बाल्यकाल बिताएकी पारिजातको प्रारम्भिक शिक्षा त्यही नै सम्पन्न भएको थियो । सांस्कृतिक कार्यकलापमा बढी रुचि देखाउने पारिजातको पढाइ भने मध्यमस्तरको थियो । उनले अनौपचारिक रूपमा घरमै केही अध्ययन गरेर औपचारिक अध्ययनका लागि दार्जिलिङका...
पूरा पढ्नुहोस्

नयाँ पुस्तक

छोटो क्यानभासको चित्र

सामन्तकालीन अर्थ, सामाजिक, राजनीतिक र सांस्कृतिक व्यवस्थाले नारीलाई एउटा ‘तुच्छ वस्तु’ का रूपमा परिभाषित ग¥यो । नारीको बहुमुखी अस्तित्वलाई स्वीकार गर्न तत्कालीन समाजव्यवस्थाले चाहेन । एउटा भनाइ नै बन्यो, ‘वीर भोग्या वसुन्धरा...।’ सामन्तवादभन्दा धेरै हिसाबले प्रगतिशील ठानिने पुँजीवादले पनि नारीलाई ‘वीर भोग्या वसुन्धरा’ को तहभन्दा माथि उकास्ने चाहना राखेन ।...
पूरा पढ्नुहोस्

छोटकरीमा

  • प्रहरी कार्यालयले नै कोरोनो ल्याउने त्रास

    काठमाडौं । गोंगबुस्थित एक होटलमा बस्दै आएका रोल्पाका कृष्णबहादुर बोहोराको हत्याप्रकरणमा नेपालप्रहरीले तत्कालै चितवनबाट अभियुक्तप्रकाउ गरेर अनुसन्धानमा सफलताप्राप्त गरेको छ । चितवनकीकल्पना मुडभरी (पौडेल) ले आफैंले हत्या गरेको स्वीकारसमेत गरिसकेकीछन् । तर, सोही सन्दर्भमामंगलबार महानगरीय प्रहरी परिसर टेकुमापत्रकार सम्मेलन गरेर भने प्रहरीले उल्टै कोरोना संक्रमण पो फैलायो किभन्ने आशंका बढाएको...
  • कमलामाई–मेसान मैत्रीपूर्ण सम्बन्ध कायमै

    काठमाडौं । सिन्धुलीको कमलामाई नगरपालिका र चीनको सिचुवान प्रान्तस्थित मेसान सिटीबीच मैत्रीपूर्ण सम्बन्ध स्थापना भएको छ । बुधबार आयोजना गरिएको भर्चुअल समारोहमा कमलामाई नगरपालिकाका प्रमुख खड्ग खत्री र मेसान सिटीका मेयर ह्यु आनखुनले समझदारीपत्रमा हस्ताक्षर गरे । दुवै नगरका प्रमुखले आपसी हितका आधारमा मैत्रीपूर्ण सहयोग आदानप्रदान गर्ने प्रतिबद्धता जनाएका छन्...
  • सेनाका परिवारलाई ७ लाख रुपैयाँ

    काठमाडौं । मोेटरसाइकल दुर्घटनामा परी असामयिक निधन भएका नेपाली सेनाका सिपाही शिवराज रानाका परिवारलाई मेगा बैंक नेपाल लिमिटेडले बिमाबापत ७ लाख रुपैयाँ प्रदान गरेको छ । मेगा बैंकमा ‘मेगा कर्पोरेट बेनिफिट सेभिङ अकाउन्ट’ खोलेका दिवंगत सैनिक जवान रानालाई मेगा बैंकले सोही खाताको बिमाबापत ७ लाख रुपैयाँ हस्तान्तरण गरेको हो ।...