30th May 2020, Saturday

E-budhabar
Header Right Side NTC Advertisement

मेलम्ची डुबाउने सचिव सहरी मन्त्रालय ताक्दै

काठमाडौं । मेलम्ची खानेपानी आयोजना डुबाउने मुख्य खलनायक सचिव गजेन्द्र ठाकुर सहरी विकास मन्त्रालयमा सरुवा हुन समाजवादी पार्टी नेपालका अध्यक्ष उपेन्द्र यादवको मात्र भर नपरी प्रधानमन्त्री कार्यालयमा बस्ने बिचौलियालाई समेत प्रभावित पार्न दौडेका छन् । प्रधानमन्त्री केपी ओलीका निकट भन्दै लाभ लिँदैआएका बिचौलिया गोविन्द थापालाई मिलाएको भन्दै उनी सहरी विकासमा छिट्टै सरुवा हुने भन्न थालेका छन् । र, सहरी विकास तथा भवन विभागका ठेकेदारहरूसँग ‘म सहरी विकासमा आउँदै छु, सहयोग चाहियो’ भन्दै घुस माग्न थालिसकेका छन् ।
उपेन्द्र यादवलाई पहिले नै सेटिङ गरे पनि उनले सहरी विकास मन्त्रालयमा सरुवामा विलम्ब गरेपछि प्रधानमन्त्रीका निकट गोविन्द थापालाई प्रभावित पारी सहरीमा सरुवा हुने दाउमा छन् । यो साता जनकपुर गएका उनले फर्किनासाथ समाजवादी पार्टीका सांसदहरूलाई पार्टीलाई सहयोग गर्दा पनि सरुवा नभएको, पैसा डुब्ने भयो भन्दै उपेन्द्र यादवलाई दबाब दिन हारगुहार गरेका छन् ।
सचिव ठाकुर नेपालका वर्तमान सचिवमध्ये अति बदनाम मानिन्छन् । ठाकुरमाथि खानेपानी विभागको महानिर्देशक, भौतिक पूर्वाधार मन्त्रालय, सिँचाइ र खानेपानी मन्त्रालयमा हुँदा अर्बौंका आयोजनामा भ्रष्टाचार गरेको आरोपमा अख्तियार दुरुपयोग अनुसन्धान आयोगले छानबिन गरिरहेको छ । उनीमाथि खानेपानी मन्त्रालयको सचिव हुँदा वरिष्ठ सहसचिवलाई आयोजना प्रमुखबाट हटाई उपसचिवलाई राखी साना सहरी खानेपानीको ठेक्काका अर्बौं घोटाला गरेको आरोप छ । सिँचाइ मन्त्रालयमा हुँदा कर्मचारी काजसरुवामा पनि घुस मागेपछि उनीविरुद्ध सबै कर्मचारी एकजुट भएर हस्ताक्षर अभियान सुरु गरेपछि उनी सरुवा भएका थिए ।
खानेपानी मन्त्रालयमा दोहोरिएर आएपछि उनले मेलम्ची आयोजना २०७५ दसैंमा काठमाडौंका घरघरमा आउँछ भनेर मन्त्री बिना मगरलाई बोल्न लगाई विवादमा पार्ने काम गरे । तर, मेलम्चीको ठेकेदार कम्पनी सिएमसीलाई काम गरेको रकमसमेत भुक्तानी रोक्दा ऊ भाग्यो । र, मेलम्ची आयोजना विलम्ब हुनुमा सम्पूर्ण अपजसको भारी सचिव ठाकुरले मन्त्री मगरलाई बोकाउन खोजेपछि उनी त्यहाँबाट सरुवा भएका थिए । नेपाल ट्रस्टमा सरुवा भएका सचिव ठाकुर त्यहाँ अतिरिक्त आम्दानी केही नभएपछि छटपटीमा परेका छन् । र, सरुवाका लागि उपप्रधानमन्त्री यादव र प्रधानमन्त्री कार्यालयका बिचौलिया गोविन्द थापालाई सहयोग गरिसकेको तर सरुवा भने ढिला भएकोमा हुटहुटी लगाइरहेका छन् । असार सुरुमै सरुवा भए साल तमामीमा खानेपानी विभाग, पिआइडीदेखि सबैतिरबाट पैसा उठाउने र लगानी असुल गर्ने उनको रणनीति छ ।

Leave a Reply

Your email address will not be published. Required fields are marked *

... र यो पनि ...

  • प्रदेश प्रमुखकसँग राष्ट्रपति रुष्ट

    काठमाडौं । संवैधानिक भूमिका र पदीय मर्यादालाई बिर्सिंदै राजनीतिक दलका प्रमुखको निवासमा पुगेर मागपत्र पेस गरेको सूचना पाएपछि राष्ट्रपति विद्या भण्डारी प्रदेश प्रमुखहरूसँग रुष्ट भएकी छन् । प्रदेश प्रमुखहरूको त्यस्तो कदमले लज्जाबोध गराएको भन्दै संविधानविद्ले चिन्ता व्यक्त गरेका छन् भने आमनागरिकसमेत आक्रोशित भएका छन् । प्रसंग गत २ गतेको हो...
  • रोकिएन हायातको मनपरी

    काठमाडौं । २७ वर्षअघि अर्थात् २०४९ सालदेखि आफूखुुसी गर्दै आएको तारागाउँ रिजेन्सी होटल्स लिमिटेडको मनपरी अझै रोकिएको छ । होटलले फेरि आफूखुसी सम्पत्ति तथा दायित्व मूल्यांकन (डीडीए) गराउने चलखेल सुरु गरेको छ । घाटा देखाउँदै नेपाल सरकारको लगानी ३९.६७ प्रतिशतबाट घटेर ९.०१ प्रतिशत घटाएको हायातले फेरि चलखेल सुरु गरेको हो...
  • दलाली गर्दै, पुरस्कार दिँदै

    काठमाडौं । साहित्यका नाममा दलाली गर्नेहरूको हामीकहाँ कमी छैन । लामो समयदेखि विभिन्न शक्तिकेन्द्र र व्यक्तिहरूलाई प्रभावमा पारेर साहित्यकै नाममा दलाली गर्दै आएको नइ प्रकाशनले राखेका विभिन्न पुरस्कारहरूको स्रोतहरू के हुन् भन्नेचाहिँ अहिलेसम्म गुपचुप नै देखिन्छ । नरेन्द्रराज प्रसार्इं र इन्दिरा प्रसाईंले दुई दशकअघि स्थापना गरेको नइ प्रकाशनले हरेक व्यवस्था...

चक्रपथ

बीजकोयाका हाकिमको यो हर्कत

काठमाडौं । प्रजनन पिँढी बीजकोया स्रोत केन्द्र बन्दीपुर तनहुँका हाकिम शंकरप्रसाद न्यौपानेको चर्तिकलाले सीमा नाघेको छ । अवकाशको केही महिना बाँकी रहँदा वरिष्ठ बाली संरक्षण अधिकृतको हैसियतमा रहेका उनले अनियमिता र भ्रष्टाचारको शृंखला नै चलाएको भन्दै सर्वत्र गुनासो आएको छ । माहुरी, च्याउ, रेशम खेतीलगायत बालीको विकास, विस्तार र अनुसन्धानसमेतको...
पूरा पढ्नुहोस्

स्रष्टा र सिर्जना

‘गीता’ को राजनीति

कुनै वैचारिक मुद्दाका आधारमा नभई व्यक्तिगत टकरावको उत्पत्ति हुँदा विभाजनको पीडा झेल्ने नेपालका सीमित राजनीतिक दलमा पूर्वपञ्चहरूको पार्टी राष्ट्रिय प्रजातन्त्र पार्टीले बदनामी कमाउँदै आएको छ । विभाजन र एकताको अनेक अभ्यास गरिसकेको सो पार्टी पछिल्लो समय फेरि एकताको सूत्रमा बाँधिएको छ । पछिल्लो समय तीन समूहमा विभाजित राप्रपा केही दिनपूर्व...
पूरा पढ्नुहोस्

नयाँ पुस्तक

फरक स्वरध्वनि

तीन दशकयता कविता–कर्म र साधनामै व्यस्त छन्, वीरु बाङ्देल । सिक्किमका बासिन्दा बाङ्देलले नेपाली भाषामा उम्दा काव्य सिर्जना गरेर पृथक पहिचान बनाउँदै आएका छन् । कवितालाई नै लेखनको मूल विषय बनाएका उनले आजको समाज र राजनीतिक परिस्थितिहरूको भित्री यथार्थको अभिव्यक्ति धेरै नै प्रभावशाली ढंगले पस्किँदै आएका छन् । उनको पछिल्लो...
पूरा पढ्नुहोस्

छोटकरीमा

  • चिरायुको कर्जा फाइल किन गायब ?

    काठमाडौं । पदीय दुरुपयोगको चरम नमुना हेर्नुपरे नेपाल राष्ट्र बैंकका डेपुटी गभर्नर चिन्तामणि सिवाकोटीले आफू पदमा रहँदा गरेका अनियमित कार्यहरू हेरे पुग्छ । विगतमा आफूले गरेका अनियमित कार्यहरूबाट सफाइ पाएको दाबी सिवाकोटीले गरे पनि कतिपय कसुरमा भने उनीमाथि कारबाही भएको छैन । डेपुटी गभर्नर भएपछि सिवाकोटीले चिरायु अस्पतालको कर्जा प्रवाह...
  • म्याट्रेस खरिदको १५ करोड फ्रिज हुने खतरा

    काठमाडौं । सरकारले दिएको पैसा समयमा नै खर्च गर्न नसक्दा नेपाल प्रहरीको म्याटेस खरिदका लागि छुट्याएको १५ करोड ४० लाख रुपैयाँ फ्रिज हुने अवस्था देखिएको छ । आर्थिक वर्ष सकिन अब चार महिना मात्र बाँकी छ । यो चार महिनामा नेपाल प्रहरीले खरिद गर्न सक्ने अवस्था नरहेको बताइन्छ । यो...
  • मुद्दती खाताको परिचय नै फे¥यो एनआईसीले

    काठमाडौं । एनआईसी एसिया बैंकले मुद्दती खातामा उच्च ब्याजदर सँगै २१ लाख रुपैयाँसम्मको बिमा सुविधा पनि दिँदै आएको छ । सर्वाधिक उच्च ब्याजदर पाइने खाताका रूपमा चिनिएको मुद्दती निक्षेप खातामा एनआईसी एसिया बैंकले न्यु सुपर चामत्कारिक मुद्दती निक्षेप खाता खोलेकै आधारमा बिमा सुविधा पनि थप गरेको हो । यसअघि विभिन्न...