4th July 2020, Saturday

E-budhabar
Header Right Side NTC Advertisement

नेकपामा प्याकेज छलफल अनिश्चित

काठमाडौं । प्रधानमन्त्री केपी शर्मा ओलीको कार्यशैलीले एकीकरणको बाँकी काम धकेलिँदै जाँदा नेकपाभित्र गुनासो र असन्तुष्टि चुलिँदै गएको छ । पार्टीभित्रको शक्ति सन्तुलन पन्छाएर विधि, प्रक्रिया र मापदण्डबिनै एजेन्डा अघि सार्दा नेकपाको सचिवालय नै कामयावी हुन सकेको छैन । एकीकरण सम्पन्न भएको १३ महिनामा एकपटक केन्द्रीय कमिटी बोलाइएको छैन भने जम्मा दुईपटक मात्र स्थायी समिति बैठक बसेको छ ।
पछिल्लोपटक गत २३ जेठमा डाकिएको सचिवालय बैठक प्रधानमन्त्री युरोप भ्रमणबाट फर्किएपछि बस्नेगरी अनिश्चितकालका लागि स्थगित भएको थियो । जिल्ला इन्चार्ज र सहइन्चार्जमा वरिष्ठ नेता माधवकुमार नेपालनिकट प्रभावशाली नेताहरूलाई छानीछानी बाइपास गर्नेगरी मापदण्डबिनाको प्रस्तावमा विवाद भएको थियो । नेपालको प्रभाव रहेका जिल्लामा पूर्वमाओवादीलाई इन्चार्ज दिने र बाँकीमा आफ्ना समूहकालाई जिम्मा दिने अध्यक्ष केपी ओलीले रणनीति अख्तियार गर्दै आएपछि विवाद अझै निरूपण भएको छैन । पछिल्लो बैठकअघि अध्यक्षद्वय ओली र प्रचण्डले वरिष्ठ नेता नेपालसँग छुट्टै परामर्श गरेका थिए । उक्त बैठकमा नेपालले मापदण्डबिनै जुनियरहरूलाई इन्चार्जमा अघि सार्नुको औचित्यमाथि पुनः प्रश्न उठाएपछि ओलीले सल्लाह गरेर बैठक बसौंला भन्ने प्रस्ताव गरेका थिए ।
‘अनौपचारिक छलफल सकिएपछि उहाँहरू तीनै जनाले गृहकार्य पुगेन, विदेश भ्रमणबाट आएपछि बसौं र त्यतिबेला इन्चार्ज र सहइन्चार्जका साथसाथै अरू संगठनात्मक एकीकरण र कार्यविभाजनको समग्र काम गरौंला भन्नुभएको थियो,’ नेता नारायणकाजी श्रेष्ठले भने, ‘मूल एजेन्डामा प्रवेश नगरी बैठक स्थगित भएको थियो, अब कहिले बस्छ, अध्यक्षहरूले नै गृहकार्य सकेपछि बोलाउनुहोला ।’
अध्यक्ष ओलीले नै इन्चार्ज, सहइन्चार्ज चयनदेखि अहिलेसम्म स्थगित एकीकरणसँग जोडिएका काम समग्रमै टुंगो लगाउने भने पनि उनी युरोप भ्रमणबाट फर्किएपछि ती कुनै पनि काममा गृहकार्य सुरु भएको छैन । यस्तो कार्यशैलीले एकीकरणसम्बन्धी सबै काम सक्न अझै एक वर्ष लाग्ने नेताहरूले बताउन थालेका छन् ।

Leave a Reply

Your email address will not be published. Required fields are marked *

... र यो पनि ...

  • प्रदेश प्रमुखकसँग राष्ट्रपति रुष्ट

    काठमाडौं । संवैधानिक भूमिका र पदीय मर्यादालाई बिर्सिंदै राजनीतिक दलका प्रमुखको निवासमा पुगेर मागपत्र पेस गरेको सूचना पाएपछि राष्ट्रपति विद्या भण्डारी प्रदेश प्रमुखहरूसँग रुष्ट भएकी छन् । प्रदेश प्रमुखहरूको त्यस्तो कदमले लज्जाबोध गराएको भन्दै संविधानविद्ले चिन्ता व्यक्त गरेका छन् भने आमनागरिकसमेत आक्रोशित भएका छन् । प्रसंग गत २ गतेको हो...
  • रोकिएन हायातको मनपरी

    काठमाडौं । २७ वर्षअघि अर्थात् २०४९ सालदेखि आफूखुुसी गर्दै आएको तारागाउँ रिजेन्सी होटल्स लिमिटेडको मनपरी अझै रोकिएको छ । होटलले फेरि आफूखुसी सम्पत्ति तथा दायित्व मूल्यांकन (डीडीए) गराउने चलखेल सुरु गरेको छ । घाटा देखाउँदै नेपाल सरकारको लगानी ३९.६७ प्रतिशतबाट घटेर ९.०१ प्रतिशत घटाएको हायातले फेरि चलखेल सुरु गरेको हो...
  • दलाली गर्दै, पुरस्कार दिँदै

    काठमाडौं । साहित्यका नाममा दलाली गर्नेहरूको हामीकहाँ कमी छैन । लामो समयदेखि विभिन्न शक्तिकेन्द्र र व्यक्तिहरूलाई प्रभावमा पारेर साहित्यकै नाममा दलाली गर्दै आएको नइ प्रकाशनले राखेका विभिन्न पुरस्कारहरूको स्रोतहरू के हुन् भन्नेचाहिँ अहिलेसम्म गुपचुप नै देखिन्छ । नरेन्द्रराज प्रसार्इं र इन्दिरा प्रसाईंले दुई दशकअघि स्थापना गरेको नइ प्रकाशनले हरेक व्यवस्था...

चक्रपथ

बीजकोयाका हाकिमको यो हर्कत

काठमाडौं । प्रजनन पिँढी बीजकोया स्रोत केन्द्र बन्दीपुर तनहुँका हाकिम शंकरप्रसाद न्यौपानेको चर्तिकलाले सीमा नाघेको छ । अवकाशको केही महिना बाँकी रहँदा वरिष्ठ बाली संरक्षण अधिकृतको हैसियतमा रहेका उनले अनियमिता र भ्रष्टाचारको शृंखला नै चलाएको भन्दै सर्वत्र गुनासो आएको छ । माहुरी, च्याउ, रेशम खेतीलगायत बालीको विकास, विस्तार र अनुसन्धानसमेतको...
पूरा पढ्नुहोस्

स्रष्टा र सिर्जना

‘गीता’ को राजनीति

कुनै वैचारिक मुद्दाका आधारमा नभई व्यक्तिगत टकरावको उत्पत्ति हुँदा विभाजनको पीडा झेल्ने नेपालका सीमित राजनीतिक दलमा पूर्वपञ्चहरूको पार्टी राष्ट्रिय प्रजातन्त्र पार्टीले बदनामी कमाउँदै आएको छ । विभाजन र एकताको अनेक अभ्यास गरिसकेको सो पार्टी पछिल्लो समय फेरि एकताको सूत्रमा बाँधिएको छ । पछिल्लो समय तीन समूहमा विभाजित राप्रपा केही दिनपूर्व...
पूरा पढ्नुहोस्

नयाँ पुस्तक

फरक स्वरध्वनि

तीन दशकयता कविता–कर्म र साधनामै व्यस्त छन्, वीरु बाङ्देल । सिक्किमका बासिन्दा बाङ्देलले नेपाली भाषामा उम्दा काव्य सिर्जना गरेर पृथक पहिचान बनाउँदै आएका छन् । कवितालाई नै लेखनको मूल विषय बनाएका उनले आजको समाज र राजनीतिक परिस्थितिहरूको भित्री यथार्थको अभिव्यक्ति धेरै नै प्रभावशाली ढंगले पस्किँदै आएका छन् । उनको पछिल्लो...
पूरा पढ्नुहोस्

छोटकरीमा

  • चिरायुको कर्जा फाइल किन गायब ?

    काठमाडौं । पदीय दुरुपयोगको चरम नमुना हेर्नुपरे नेपाल राष्ट्र बैंकका डेपुटी गभर्नर चिन्तामणि सिवाकोटीले आफू पदमा रहँदा गरेका अनियमित कार्यहरू हेरे पुग्छ । विगतमा आफूले गरेका अनियमित कार्यहरूबाट सफाइ पाएको दाबी सिवाकोटीले गरे पनि कतिपय कसुरमा भने उनीमाथि कारबाही भएको छैन । डेपुटी गभर्नर भएपछि सिवाकोटीले चिरायु अस्पतालको कर्जा प्रवाह...
  • म्याट्रेस खरिदको १५ करोड फ्रिज हुने खतरा

    काठमाडौं । सरकारले दिएको पैसा समयमा नै खर्च गर्न नसक्दा नेपाल प्रहरीको म्याटेस खरिदका लागि छुट्याएको १५ करोड ४० लाख रुपैयाँ फ्रिज हुने अवस्था देखिएको छ । आर्थिक वर्ष सकिन अब चार महिना मात्र बाँकी छ । यो चार महिनामा नेपाल प्रहरीले खरिद गर्न सक्ने अवस्था नरहेको बताइन्छ । यो...
  • मुद्दती खाताको परिचय नै फे¥यो एनआईसीले

    काठमाडौं । एनआईसी एसिया बैंकले मुद्दती खातामा उच्च ब्याजदर सँगै २१ लाख रुपैयाँसम्मको बिमा सुविधा पनि दिँदै आएको छ । सर्वाधिक उच्च ब्याजदर पाइने खाताका रूपमा चिनिएको मुद्दती निक्षेप खातामा एनआईसी एसिया बैंकले न्यु सुपर चामत्कारिक मुद्दती निक्षेप खाता खोलेकै आधारमा बिमा सुविधा पनि थप गरेको हो । यसअघि विभिन्न...