18th February 2020, Tuesday

E-budhabar
Header Right Side NTC Advertisement

गुमराहमा राखेपछि बबन्डर

काठमाडौं । नेपाल विद्युत् प्राधिकरणका कार्यकारी–निर्देशक कुलमान घिसिङले कर्मचारीहरूलाई आश्वस्त तुल्याए पनि सरुवा भएका कर्मचारीहरूको सूची सच्याउनेतिर अझसम्म कुनै पहल थालेका छैनन् । कार्यकारी–निर्देशक घिसिङले कर्मचारीहरूको सरुवाबारे पुनर्विचार गरिने आश्वासन दिएपछि आन्दोलनरत कर्मचारीहरूले कार्यकारी–निर्देशकलगायत प्राधिकरणका उच्च तहका कर्मचारीहरूको कार्यकक्षमा लगाइएको ताला खोलेका थिए ।
तर, आन्दोलनरत कर्मचारीहरूले ताला खोलेको आठ दिन बितिसक्दा पनि कर्मचारी सरुवाको सूची सच्याउनेतिर प्राधिकरणको व्यवस्थापन पक्षले कुनै पहल थालिरहेको छैन । प्राधिकरणको व्यवस्थापनले जथाभावी रूपले कर्मचारीहरूको सरुवा गरेपछि कर्मचारी संगठनहरू आक्रोशित बन्न पुगेको थियो । जेठमा प्राधिकरणले १ हजार ५ सय ७४ कर्मचारीको सरुवा गरेको थियो । सरुवा भएकामध्ये करिब ९ सय कर्मचारीहरूलाई मर्का परेको भन्दै कर्मचारी संगठनले आन्दोलन सुरु गरेको थियो । सामान्यतः कुनै पनि कर्मचारीको दुई वर्ष नपुगी सरुवा हुँदैन । तर, व्यवस्थापनले भने दुई वर्ष नै नपुगेका कर्मचारीहरूको समेत सरुवा गरेको थियो । त्यस्तै, घरपायक सरुवा मागेका कर्मचारीहरूको पनि सरुवा गरिएको थियो । खासगरी, तल्लो तहका कर्मचारीहरूले घरपायक सरुवा नपाएपछि उनीहरू मर्कामा परेको बताइन्छ ।
प्राधिकरणले कर्मचारीहरूको सरुवा २०७५ चैतमा गर्नुपर्ने थियो । चैतमा सरुवा हुने कार्यतालिका पहिला नै बनेको थियो । तर, प्राधिकरणका उच्च तहका कर्मचारीहरूले चलखेल गरेर २०७६ जेठमा सरुवा गर्न चाहेको बताइन्छ । एकैपटक ठूलो संख्यामा कर्मचारीहरूको सरुवा गरिँदा प्राधिकरणका केही कर्मचारीहरूले कार्यकारी–निर्देशक घिसिङलाई समेत गुमराहमा राखेको बुझिएको छ । केही कर्मचारीले ‘हामीले सबै मिलाएका छौं, हजुरले हस्ताक्षर गरे मात्र पुग्छ’ भनेर घिसिङलाई समेत गुमराहमा राखेको बताइन्छ । त्यसरी कार्यकारी–निर्देशकलाई गुमराहमा राखेर कर्मचारी सरुवामा चलखेल गर्नेहरूमा जनसाधन विभागका प्रमुख तुलाराम गिरी, कर्मचारी प्रशासन महाशाखाका प्रमुख डोलनाथ कँडेल र प्रशासन शाखाकी प्रमुख जमुनाकुमारी खड्का रहेको सूत्रको दाबी छ ।
कर्मचारीहरूको सरुवा गर्दा गिरी, कँडेल र खड्काले कतिपय कर्मचारीहरूसँग रिसइबी साँध्ने हिसाबले पनि सरुवा गरेको बताइन्छ । कतिपय कर्मचारीको त पहुँचका आधारमा राम्रो ठाउँमा समेत सरुवा हुन पुगेको थियो । सरुवासम्बन्धी कुनै मापदण्ड नै नबनाई सरुवा गरिँदा कर्मचारीहरू आक्रोशित बन्न पुगेका थिए । आक्रोशित कर्मचारीहरूले उच्च तहका कर्मचारीहरूको कार्यकक्षमा ताला लगाएपछि व्यवस्थापन पक्ष केही लचिलो बनेर सरुवाको सूची सच्याउन तयार देखिएको थियो । तर, अहिलेसम्म पनि सरुवाको सूची सच्याउनेतिर कुनै पहल नभइरहेको बताइन्छ ।

Leave a Reply

Your email address will not be published. Required fields are marked *

... र यो पनि ...

  • सामान्यमा आफ्नै हात जगन्नाथ

    काठमाडौं । रोजेको आकर्षक ठाउँमा जाने इच्छा प्रायः सबै कर्मचारीको हुन्छ । कतिपय कर्मचारी त पहुँच नपुगेकै कारण वर्षौंदेखि दुर्गम र अनाकर्षक ठाउँमा बस्दै आएका छन् । वर्षौंदेखि घरपरिवारसँग टाढिएर बस्नुपरेको धेरै दर्दनाक पीडा छन् । तर, सामान्य प्रशासन मन्त्रालयमा बसेका केहीले भने आफ्नो सरुवा पनि भनेको ठाउँमा आफैंले गरेर...
  • हिमालयन बैंकमा होडबाजी

    काठमाडौं । हिमालयन बैंकमा राणा, श्रेष्ठ, खेतान र पाण्डे समूहबीचको विवाद उत्कर्षमा पुगेको छ । आज बुधबार हुने साधारणसभाबाट राणा र श्रेष्ठ समूहको एकाधिकार तोड्न खेतान समूह सक्रिय भएको छ । एन ट्रेडिड्र कम्पनी प्रालि झम्सिखेलका तर्फबाट अध्यक्ष बनेका मनोजबहादुर श्रेष्ठ र आभा इन्टरनेसनलन प्रालि थापाथलीका तर्फबाट बैंकका प्रमुख कार्यकारी...
  • खरिपाटीमा ‘कोरोना’को त्रास

    काठमाडौं । कोरोना भाइरसबाट संक्रमित मुलुक चीनबाट फर्काइने नागरिकलाई राख्न भक्तपुरको खरिपाटीस्थित नेपाल विद्युत् प्राधिकरणको तालिम केन्द्र छनोट गरिएसँगै कर्मचारीहरूमा आतंक मच्चिएको छ । चीनबाट फर्काइने नागरिकलाई राख्न तीनचार ठाउँबारे छलफल चले पनि अन्ततः खरिपाटीमा नै राख्ने टुंगोमा सरकार पुगेको हो । सो स्थान सुरक्षित रहेको हुँदा सरकारले क्वारेन्टाइन राख्ने...

चक्रपथ

फागुनबाट नेकपाको विशेष अभियान

पार्टी प्रवेश, ¥यालीदेखि जनसभभासम्मको योजना काठमाडौं । नेपाल कम्युनिस्ट पार्टी (नेकपा) ले फागुन १ बाट पार्टी एकता सुदृढीकरण र जनसम्बन्ध विस्तार विशेष अभियान सञ्चालन गर्ने भएको छ । खासगरी पाँचमहिने कार्ययोजनासहित बनेको विशेष अभियान मूल रूपमा तीन महिना विशेष रूपले सञ्चालन गर्ने नेकपाको तयारी छ । गत १९ माघमा सम्पन्न...
पूरा पढ्नुहोस्

स्रष्टा र सिर्जना

ढुंगे युगतिर डोर्याउने धृष्टता

केही दिनपूर्व, प्रदर्शनीमार्गको एउटा पुस्तक पसलको दराजमा सजाइएको एउटा पुस्तकमा आँखा प¥यो, जुन पुस्तक एकजना विदेशी लेखकले लेखेका थिए र जसमा उनले नेपालका हिमालीदेखि अरु भूभाग घुम्दाका अनुभवलाई उतारेका थिए । हरेक पुस्तक किन्दा छुट लिने बानी नै परिसकेको हुँदा पुस्तक बिक्रेतालाई सोधें, ‘यो पुस्तक किन्दा कति छुट पाइन्छ ?’...
पूरा पढ्नुहोस्

नयाँ पुस्तक

फरक स्वरध्वनि

तीन दशकयता कविता–कर्म र साधनामै व्यस्त छन्, वीरु बाङ्देल । सिक्किमका बासिन्दा बाङ्देलले नेपाली भाषामा उम्दा काव्य सिर्जना गरेर पृथक पहिचान बनाउँदै आएका छन् । कवितालाई नै लेखनको मूल विषय बनाएका उनले आजको समाज र राजनीतिक परिस्थितिहरूको भित्री यथार्थको अभिव्यक्ति धेरै नै प्रभावशाली ढंगले पस्किँदै आएका छन् । उनको पछिल्लो...
पूरा पढ्नुहोस्

छोटकरीमा

  • फोटोमा हारजितको फैसला

    काठमाडौं । ‘तपाईंहरू यही हुनुहुन्छ तर तपाईंहरूकै फोटो राजारानीको जस्तो गरी राखिएको छ । यो फोटो राख्ने सामान्तवादी प्रवृत्ति हो । राजावादी प्रवृत्ति भयो । यो फोटो निकाल्नुहोस्, यसपटक सक्नुहुन्न भने अर्कोपटक नराख्नुहोला ।’ नेकपा केन्द्रीय कमिटी बैठक चलिरह“दा केन्द्रीय सदस्य राजेन्द्र राईले उठेर यसरी कडा स्वरमा प्रतिवाद गरेपछि १५...
  • कुन पार्टीमा जालिन् शिवमाया ?

    काठमाडौं । कुनै हालतमा राजीनामा नदिने अडानमा रहेकी तत्कालीन उपसभामुख डा. शिवमाया तुम्बाहम्फेले पार्टी केन्द्रीय सदस्यको हैसियतमा क्रियाशील हुने इच्छा व्यक्त गरेकी छन् । तत्कालीन सभामुख कृष्णबहादुर महराले गरेको गल्तीको सजाय आफूलाई दिन लागिएको भन्दै तुम्बाहाम्फेले आफूले गल्ती गरेको लिखित कारण पार्टीले दिनुपर्ने सर्त राखेकी थिइन् । सभामुखमा उम्मेद्वारी दिने...
  • वैदेशिक रोजगार पत्रकार समाजमा थापा

    काठमाडौं । वैदेशिक रोजगार पत्रकार समाजको साधारणसभाले हरिबहादुर थापाको अध्यक्षतामा सर्वसम्मतिले नयाँ कार्यसमिति चयन गरेको छ । शनिबार राजधानीमा सम्पन्न समाजको साधारणसभाले मिडिया मिसनका सञ्चालक थापाको अध्यक्षतामा ११ सदस्यीय कार्यसमिति गठन गरेको हो । वैदेशिक रोजगार क्षेत्रमा कलम चलाउने सक्रिय सञ्चारकर्मीहरूको संस्थाका रूपमा समाज १० वर्षअघि स्थापना भएको हो ।...