18th October 2019, Friday

E-budhabar
Header Right Side NTC Advertisement

दोहोरो चरित्रले दोहोलो



काठमाडौं । नेपाल राष्ट्र बैंकको दोहोरो चरित्रका कारण पछिल्लो समय लघुवित्त संस्थाहरू मर्जरमा जान समस्या उत्पन्न भइरहेको छ । राष्ट्र बैंकको नेतृत्वले स्पष्ट नीति नलिँदा लघुवित्त संस्थाहरूलाई मर्जरमा जान समस्या भइरहेको हो ।
राष्ट्र बैंकको नेतृत्वले लघुवित्त संस्थाहरूलाई मर्जरमा जान पछिल्लो समय दबाब दिँदै आइरहेको छ । अहिले देशभरमा करिब सयको हाराहारीमा लघुवित्त संस्थाहरू रहेका हुँदा मर्जरमा गएर पुँजी वृद्धि गर्न ती संस्थाहरूलाई राष्ट्र बैंक नेतृत्वले दबाब दिइरहेको हो । तर, लघुवित्त संस्थाहरूलाई मर्जरमा जान दबाब दिइरहे पनि लघुवित्त संस्थाहरूलाई लाइसेन्स दिने काम भने रोकिएको छैन । नयाँ लघुवित्त संस्था दर्ता गर्न रोकिए पनि पाइपलाइनमा रहेका संस्थाहरूलाई भने राष्ट्र बैंकले लाइसेन्स दिने काम गरिरहेको छ । यसबाट एकातिर लघुवित्त संस्थाहरूलाई लाइसेन्स दिने र अर्कोतिर मर्जरमा जाऊ भन्ने राष्ट्र बैंकको दोहोरो चरित्र स्पष्टै देखिएको छ ।
अहिले राष्ट्र बैंकले लघुवित्त संस्थाहरूलाई मर्जरका लागि दबाब दिइरहे पनि विगतमा सीमित बैंकिङ कारोबार गर्ने इजाजत पाएका संस्थाहरूलाई पनि लघुवित्तमा जान दबाब दिइरहेको छ । विगतमा राष्ट्र बैंकले गैरसरकारी संस्था र केही सहकारीलाई सीमित बैंकिङ कारोबार गर्न अनुमति दिएको थियो । तर, अहिले ती संस्थाहरूलाई पनि लघुवित्तमा जान दबाब दिइरहेको छ । राष्ट्र बैंकको यस्तो कार्यले लघुवित्त संस्थाहरू मर्जर भएर सीमित हुने नभई झनै संख्या बढ्ने देखिएको छ । विगत केही दशकयता ठूला बैंकहरूको सेवा नपुगेको ठाउँमा लघुवित्त संस्थाहरूले सेवा पु¥याउँदै आएको थियो । खासगरी, गरिब र विपन्न वर्गका लागि लघुवित्त संस्थाहरूले सहयोगीको भूमिका खेल्दै आएको थियो ।

Leave a Reply

Your email address will not be published. Required fields are marked *

... र यो पनि ...

चक्रपथ

३ नम्बर प्रदेशमा संविधान दिवसको भव्य तयारीे

ShareTweet काठमाडौं । संविधान दिवसको अवसरमा ३ नम्बर प्रदेश सरकारले विविध कार्यक्रमहरू गर्ने भएको छ । सोमबार प्रदेशका मुख्यमन्त्री डोरमणि पौडेलको संयोजकत्वमा दिवस- ...
पूरा पढ्नुहोस्

स्रष्टा र सिर्जना

समान पीडा

ShareTweet शिव रेग्मीले सिंगो जीवन नेपाली भाषा–साहित्यको प्रवद्र्धनमा बिताए । भाषा–साहित्यसँग जोडिएका खोज–अनुसन्धानमूलक कार्यमा उनको गहिरो अभिरुचि रह्यो । त्यही- ...
पूरा पढ्नुहोस्

नयाँ पुस्तक

विसंगतिमाथि चोट

ShareTweet पोखराको साहित्यिक परिवेशमा भिजेका अधिकांश सर्जकहरूले मुक्तक विधामा कलम नचलाएका कमै दृष्टान्त होलान् । सरुभक्त, तीर्थ श्रेष्ठ, प्रकट पगेनी ‘शिव’, रमेश श्रेष्ठलगायत- ...
पूरा पढ्नुहोस्

छोटकरीमा