30th May 2020, Saturday

E-budhabar
Header Right Side NTC Advertisement

संसदीय दलमा पहिलोपटक सवालजवाफ

काठमाडौं । २०७४ सालको निर्वाचनपछि पहिलोपटक सांसदहरूसँग दोहोरो सवालजवाफसहित सोमबार बसेको नेकपाको संसदीय दलको बैठकमा सांसदहरूले आफ्ना गुनासाहरू मात्र पोखेनन्, यसले पार्टीमा सामूहिकताको भावना प्रतिविम्बित गरेको भन्दै सांसदहरूले खुसी प्रकट गरेका छन् ।
विगतमा एकाधपटक संसदीय दलको बैठक बसे पनि त्यहाँ शीर्ष नेताहरूले आफ्नो कुरा मात्र सुनाउने गरेका थिए, सांसदहरूले बोल्न पाएका थिएनन् । पार्टीमा पनि एक वर्षभन्दा बढी समयदेखि केन्द्रीय कमिटीको बैठक नै नबसेको अवस्थामा अस्ति बसेको संसदीय दल बैठकमा बोल्न पाएपछि सांसदहरूले थोरै भए पनि प्यास मेटिएको अनुभूति गरेका छन् । पार्टी कमिटी र संसदीय दल अलग–अलग संरचना हुन् तर अधिकांश केन्द्रीय कमिटीका नेता सांसद पनि छन् । दलभित्र पार्टी एकताका सन्दर्भमा पनि सवाल जवाफ भएको थियो । बैठकमा २९ सांसदले बोलेका थिए । जसमध्ये २७ जनाले सरकारका कमजोरीहरू बारे नेताहरूको ध्यनाकर्षण गराएका थिए भने दुईजना सांसद निरु पाल र पदम गिरीले सरकारको बचाउ गरेका थिए । बैठकमा सांसदहरू भीम रावल, घनश्याम भुसाल, खगराज अधिकारी, झपट रावल, गाणेशकुमार पहाडी, रामकुमारी झाँक्री, जनार्दन शर्मा, लालबहादुर थापालगायत सांसदले बोलेका थिए । सांसदहरूले संसदीय समितिहरू प्रभावकारी नभएको सरकार आफैं मात्र होइन, दलको काम कारबाही प्रभावकारी नभएको, मूल बजेट नभएर मन्त्रालयगत विनियोजन अन्यायपूर्ण भएको, गुट र नेताको पहुँचका आधारमा बजेट गएको भन्दै असन्तुष्टी प्रकट गरेका थिए ।
नेताहरूको गुनासोपछि दलका नेता केपी शर्मा ओलीले मन्त्रीहरू अर्थमन्त्री डा. युवराज खतिवडा, भौतिक पूर्वाधार तथा यातायात मन्त्री रघुवीर महासेठ र भूमिसुधारमन्त्री पद्मा अर्याललाई बोल्न समय दिएका थिए । बोल्ने क्रममा मन्त्री महासेठले संसदीय दललाई ढाँटेको भन्दै सांसद लालबहादुर थापाले आपत्ति जनाएपछि केही चर्काचर्कीसमेत परेको थियो ।
मन्त्रीहरूको जवाफपछि अध्यक्षद्वय ओली र पुष्पकमल दाहाल ‘प्रचण्ड’ले बोलेका थिए । ओलीले सरकार सञ्चालन र पार्टी उकताका सन्दर्भमा भनाइ राखेका थिए भने अर्का अध्यक्ष प्रचण्डले पार्टी एकताबारे भनाइ राखेका थिए । पार्टी एकता बिथोलिने खालका अभिव्यक्ति बाहिर आएको सन्दर्भमा सांसदहरूले राखेको जिज्ञासाको जवाफ दिँदै अध्यक्ष ओलीले त्यसमा सत्यता नभएको जिकिर गरे । त्यसलाई थप पुष्टि गर्न उनले पार्टी एकताका खातिर आफूले एकताको दस्तावेज बनाएर ल्याउन प्रचण्डलाई भनेको र उहाँले ल्याएको दस्तावेज नपढी हस्ताक्षर गरेको बताए । त्यो विश्वासमा आफूहरूले काम गरेकाले पार्टी एकता नटुट्ने र असार मसान्तभित्रै एकताका सबै काम सक्नेमा उनले सांसदहरूले आश्वस्त बनाए । अध्यक्ष ओलीको भनाइमा अर्का अध्यक्ष प्रचण्डले पनि लोली मिलाएका थिए ।

Leave a Reply

Your email address will not be published. Required fields are marked *

... र यो पनि ...

  • प्रदेश प्रमुखकसँग राष्ट्रपति रुष्ट

    काठमाडौं । संवैधानिक भूमिका र पदीय मर्यादालाई बिर्सिंदै राजनीतिक दलका प्रमुखको निवासमा पुगेर मागपत्र पेस गरेको सूचना पाएपछि राष्ट्रपति विद्या भण्डारी प्रदेश प्रमुखहरूसँग रुष्ट भएकी छन् । प्रदेश प्रमुखहरूको त्यस्तो कदमले लज्जाबोध गराएको भन्दै संविधानविद्ले चिन्ता व्यक्त गरेका छन् भने आमनागरिकसमेत आक्रोशित भएका छन् । प्रसंग गत २ गतेको हो...
  • रोकिएन हायातको मनपरी

    काठमाडौं । २७ वर्षअघि अर्थात् २०४९ सालदेखि आफूखुुसी गर्दै आएको तारागाउँ रिजेन्सी होटल्स लिमिटेडको मनपरी अझै रोकिएको छ । होटलले फेरि आफूखुसी सम्पत्ति तथा दायित्व मूल्यांकन (डीडीए) गराउने चलखेल सुरु गरेको छ । घाटा देखाउँदै नेपाल सरकारको लगानी ३९.६७ प्रतिशतबाट घटेर ९.०१ प्रतिशत घटाएको हायातले फेरि चलखेल सुरु गरेको हो...
  • दलाली गर्दै, पुरस्कार दिँदै

    काठमाडौं । साहित्यका नाममा दलाली गर्नेहरूको हामीकहाँ कमी छैन । लामो समयदेखि विभिन्न शक्तिकेन्द्र र व्यक्तिहरूलाई प्रभावमा पारेर साहित्यकै नाममा दलाली गर्दै आएको नइ प्रकाशनले राखेका विभिन्न पुरस्कारहरूको स्रोतहरू के हुन् भन्नेचाहिँ अहिलेसम्म गुपचुप नै देखिन्छ । नरेन्द्रराज प्रसार्इं र इन्दिरा प्रसाईंले दुई दशकअघि स्थापना गरेको नइ प्रकाशनले हरेक व्यवस्था...

चक्रपथ

बीजकोयाका हाकिमको यो हर्कत

काठमाडौं । प्रजनन पिँढी बीजकोया स्रोत केन्द्र बन्दीपुर तनहुँका हाकिम शंकरप्रसाद न्यौपानेको चर्तिकलाले सीमा नाघेको छ । अवकाशको केही महिना बाँकी रहँदा वरिष्ठ बाली संरक्षण अधिकृतको हैसियतमा रहेका उनले अनियमिता र भ्रष्टाचारको शृंखला नै चलाएको भन्दै सर्वत्र गुनासो आएको छ । माहुरी, च्याउ, रेशम खेतीलगायत बालीको विकास, विस्तार र अनुसन्धानसमेतको...
पूरा पढ्नुहोस्

स्रष्टा र सिर्जना

‘गीता’ को राजनीति

कुनै वैचारिक मुद्दाका आधारमा नभई व्यक्तिगत टकरावको उत्पत्ति हुँदा विभाजनको पीडा झेल्ने नेपालका सीमित राजनीतिक दलमा पूर्वपञ्चहरूको पार्टी राष्ट्रिय प्रजातन्त्र पार्टीले बदनामी कमाउँदै आएको छ । विभाजन र एकताको अनेक अभ्यास गरिसकेको सो पार्टी पछिल्लो समय फेरि एकताको सूत्रमा बाँधिएको छ । पछिल्लो समय तीन समूहमा विभाजित राप्रपा केही दिनपूर्व...
पूरा पढ्नुहोस्

नयाँ पुस्तक

फरक स्वरध्वनि

तीन दशकयता कविता–कर्म र साधनामै व्यस्त छन्, वीरु बाङ्देल । सिक्किमका बासिन्दा बाङ्देलले नेपाली भाषामा उम्दा काव्य सिर्जना गरेर पृथक पहिचान बनाउँदै आएका छन् । कवितालाई नै लेखनको मूल विषय बनाएका उनले आजको समाज र राजनीतिक परिस्थितिहरूको भित्री यथार्थको अभिव्यक्ति धेरै नै प्रभावशाली ढंगले पस्किँदै आएका छन् । उनको पछिल्लो...
पूरा पढ्नुहोस्

छोटकरीमा

  • चिरायुको कर्जा फाइल किन गायब ?

    काठमाडौं । पदीय दुरुपयोगको चरम नमुना हेर्नुपरे नेपाल राष्ट्र बैंकका डेपुटी गभर्नर चिन्तामणि सिवाकोटीले आफू पदमा रहँदा गरेका अनियमित कार्यहरू हेरे पुग्छ । विगतमा आफूले गरेका अनियमित कार्यहरूबाट सफाइ पाएको दाबी सिवाकोटीले गरे पनि कतिपय कसुरमा भने उनीमाथि कारबाही भएको छैन । डेपुटी गभर्नर भएपछि सिवाकोटीले चिरायु अस्पतालको कर्जा प्रवाह...
  • म्याट्रेस खरिदको १५ करोड फ्रिज हुने खतरा

    काठमाडौं । सरकारले दिएको पैसा समयमा नै खर्च गर्न नसक्दा नेपाल प्रहरीको म्याटेस खरिदका लागि छुट्याएको १५ करोड ४० लाख रुपैयाँ फ्रिज हुने अवस्था देखिएको छ । आर्थिक वर्ष सकिन अब चार महिना मात्र बाँकी छ । यो चार महिनामा नेपाल प्रहरीले खरिद गर्न सक्ने अवस्था नरहेको बताइन्छ । यो...
  • मुद्दती खाताको परिचय नै फे¥यो एनआईसीले

    काठमाडौं । एनआईसी एसिया बैंकले मुद्दती खातामा उच्च ब्याजदर सँगै २१ लाख रुपैयाँसम्मको बिमा सुविधा पनि दिँदै आएको छ । सर्वाधिक उच्च ब्याजदर पाइने खाताका रूपमा चिनिएको मुद्दती निक्षेप खातामा एनआईसी एसिया बैंकले न्यु सुपर चामत्कारिक मुद्दती निक्षेप खाता खोलेकै आधारमा बिमा सुविधा पनि थप गरेको हो । यसअघि विभिन्न...