28th January 2020, Tuesday

E-budhabar
Header Right Side NTC Advertisement

चिरञ्जीवीको कस्तो चर्तिकला ?

काठमाडौं । बिमा कम्पनीहरूको संख्यामा वृद्धि भए पनि चुस्त र भरपर्दो सेवा दिन अझै नसकिरहेको हुँदा केही समययता बिमा कम्पनीहरूलाई मर्जरमा जान दबाब बढिरहेको छ । ठूला बैंक तथा लघुवित्त संस्थाहरूलाई मर्जरमा जान दबाब बढिरहेको बेला बिमा कम्पनीहरूलाई पनि त्यस्तो दबाब बढ्दै गएको हो ।
अहिले बिमा कम्पनीहरूलाई मर्जरमा जान दबाब दिन केही ठूला उद्योगी र व्यापारीहरूले लबिइङ थालेको बताइन्छ । बिमा समितिका अध्यक्ष चिरञ्जीवी चापागाईंलाई प्रयोग गरेर तिनै व्यापारीहरू दुई वर्षअघि १० वटा बिमा कम्पनीहरू स्वीकृत गराउन सफल भएका थिए । तर, १० वटा बिमा कम्पनी थपिएको दुई वर्षपछि नै बिमा कम्पनीहरूलाई मर्जर जान दबाब समितिका अध्यक्ष चापागार्इंले नै दिन थालेका छन् । दुई वर्षअघि आफंैले १० वटा बिमा कम्पनीलाई एकै दिन स्वीकृति दिने र दुई वर्षपछि नै बिमा कम्पनीहरूलाई मर्जरमा जान बाध्य पार्ने बिमा समितिका अध्यक्ष चापागाई कसको निर्देशनअनुरुप चलिरहेका छन् भन्ने कुरा अहिले उठ्न थालेको छ ।
दुई वर्षअघि तत्कालीन माओवादी केन्द्रबाट अर्थमन्त्री बनेका कृष्णबहादुर महराको पालामा चापागाई बिमा समितिको अध्यक्षमा नियुक्त भएका थिए । समितिको अध्यक्ष बन्न माओवादी केन्द्रकै अरू व्यक्तिहरू इच्छुक रहे पनि र उनीहरूको दौडधुप चले पनि माओवादी केन्द्रसँग निकट नरहेका चापागाईंले अध्यक्षमा बाजी मारेका थिए । चापागाईंलाई अध्यक्ष बनाउन केही उद्योगी, व्यापारीहरूले अर्थमन्त्री महरासँग लबिइङ गरेका थिए र व्यापारीहरूका सामु महराको केही जोडबल चलेन र चापागार्इं व्यापारीहरूको चाहनाबमोजिम अध्यक्ष नियुक्त भए ।
बिमा समितिको अध्यक्षमा नियुक्त भएलगत्तै चापागाईंले १४ वटा बिमा कम्पनीहरूलाई स्वीकृति दिने तयारी गरेका थिए । तर, उनले अध्यक्षमा नियुक्त भएलगत्तै १० वटालाई स्वीकृति दिन भ्याए । त्यतिखेर स्वीकृति पाउने बिमा कम्पनीहरूमा सिटिजन लाइफ, स्टार लाइफ, सन नेपाल लाइफ, सानिमा लाइफ, रिलायन्स लाइफ, रिलायबल लाइफ, आईएमई लाइफ, महालक्ष्मी लाइफ, ज्योति लाइफ र युनियन लाइफ इन्स्योरेन्स रहेका थिए । पाइपलाइनमा रहेका ती बिमा कम्पनीहरूलाई स्वीकृति दिँदा अध्यक्ष चापागाईले राम्रै आर्थिक फाइदा लिएको चर्चा त्यतिबेला चलेको थियो । पाइपलाइनमा रहेका बिमा कम्पनीहरूलाई स्वीकृति दिँदा प्राप्त रकम उनले माथिल्लै तहसम्म पु¥याएको चर्चा पनि चलेको थियो ।
तर, अहिले भने अध्यक्ष चापागाईले बिमा कम्पनीहरूलाई पुँजी वृद्धि गरेर मर्जरमा जान दबाब दिन थालेका छन् । हिजो आफैंले लाइसेन्स बाँड्ने र अहिले मर्जरमा जान दबाब दिने उनको शैली देखेर बिमा कम्पनीका सञ्चालकहरू पनि चकित परेका छन् । हिजो किन धमाधम लाइसेन्स बाँडियो र अहिले किन मर्जरमा जान दबाब दिइरहेका छन् ? अध्यक्ष चापागार्इंमाथि नैतिक प्रश्न उब्जिएको बताइन्छ ।

Leave a Reply

Your email address will not be published. Required fields are marked *

... र यो पनि ...

  • क–कसले जोगाए शिवराजलाई ?

    काठमाडौं । नेपाल राष्ट्र बैंकका डेपुटी गभर्नर शिवराज श्रेष्ठको निलम्बन–प्रकरण अन्ततः ‘हात्ती आयो, फुस्सा’ हुन पुगेको छ । वित्तीय अपचलन र अनियमितताको आरोप लगाएर निलम्बनमा परेका डेपुटी गभर्नर श्रेष्ठ कारबाही हुनबाट जोगिएका छन् । पदावधि सकिन केही समय मात्र बाँकी रहँदा डेपुटी गभर्नरमाथि गम्भीर प्रकृतिका आरोपहरू लागेको थियो र केही...
  • नाट्टामा चुनावी प्रतिस्पर्धा तीव्र

    काठमाडौं । नेपाल एसोसिएसन अफ टुर एन्ड ट्राभल एजेन्टस् नाट्टालाई तीव्र चुनावी रन्को लागेको छ । यही माघ ३ गते हुने निर्वाचनमा अध्यक्ष पदका लागि हालका वरिष्ठ उपाध्यक्ष अच्यूत गुरागाईं, पूर्वमहासचिवद्वय भीमप्रसाद पन्त र मिहीका शाह धाख्वाले छुट्टाछुट्टै प्यानलसहित उम्मेदवारी घोषणा गरेका छन् । निर्वाचनमा तीन अलगअलग समूहले मनोनयन दर्ता...
  • नौ महिना बित्यो, छैन सुरसार

    काठमाडौं । संघीय मामिला तथा सामान्य प्रशासनमन्त्री हृदयेश त्रिपाठीलाई नौ महिनादेखि अड्किएर रहेको संघीय निजामती विधेयकलाई टुंगो लगाउनुपर्ने चुनौती उभिएको छ । मन्त्री भएलगत्तै सो विधेयकलाई अघि बढाउन पहल गरे पनि कर्मचारीहरूको विरोध र असन्तुष्टि रहेका कारण त्यत्तिकै थाती रहेको छ । केही दिनअघि संसदीय समितिमा बोलाइएका मन्त्री त्रिपाठीले ‘विधेयकबारे...

चक्रपथ

द्वन्द्वपीडित शिक्षकलाई राहत

काठमाडौं । द्वन्द्वकालीन समयमा पीडा झेलेका शिक्षकहरूले बल्ल राहत पाउने भएका छन् । शिक्षा तथा विज्ञान प्रविधि मन्त्रालयले सेवा अवधि बाँकी रहेका द्वन्द्वपीडित शिक्षकहरूलाई रिक्त दरबन्दीमा समायोजन गर्ने तयारी थालेको छ । द्वन्द्वपीडित शिक्षकहरूलाई रिक्त दरबन्दीमा समायोजन गर्ने विषयमा अर्थ मन्त्रालयले संकेत दिएपछि शिक्षा मन्त्रालयले सो प्रक्रियाको थालनी गरेको हो...
पूरा पढ्नुहोस्

स्रष्टा र सिर्जना

कथित बाबा र साक्षीकर्ताहरू

धर्मको आड र आवरणमा अनैतिक क्रियाकलाप उद्घाटित हुने क्रम झन् बढ्दो छ÷फस्टाउँदो छ । पछिल्लो समय कृष्णदास गिरीको कर्तुत सहतमा उत्रिएसँगै धार्मिक टेकोमा हुँदै आएका शोषण, विकृति र व्यापार हामीकहाँ दिनानुदिन कसरी झाँगिदै गइरहेको रहेछ भन्ने स्पष्ट तस्बिर देखाउँछ । कथित बाबा वा धार्मिक गुरुहरूले सत्ता र शक्तिको आड र...
पूरा पढ्नुहोस्

नयाँ पुस्तक

वैचारिक ताप

निबन्ध विधालाई निरन्तर पछ्याउँदै रचना–कर्ममा निमग्न स्रष्टा हुन्, माधव काफ्ले । राजनीति, समाज र संस्कृतिलगायत क्षेत्रहरूमा देखिएका संगत–विसंगत पक्षहरूलाई उनले लेखन–कार्यमा समेट्दै आएका छन् । उनको पछिल्लो निबन्ध–कृति ‘लाक्षागृह’मा उनले पूर्ववर्ती दुई निबन्ध–सँगालो ‘लिगलिग कोट’ र ‘जीवन एउटा थोत्रो स्क्रिन’मा जस्तै आफू बाँचेको परिवेशका गहनदेखि सामान्य घटनाक्रमहरूलाई ‘नोटिस’ गर्न चाहेका...
पूरा पढ्नुहोस्

छोटकरीमा

  • वैदेशिक रोजगार पत्रकार समाजमा थापा

    काठमाडौं । वैदेशिक रोजगार पत्रकार समाजको साधारणसभाले हरिबहादुर थापाको अध्यक्षतामा सर्वसम्मतिले नयाँ कार्यसमिति चयन गरेको छ । शनिबार राजधानीमा सम्पन्न समाजको साधारणसभाले मिडिया मिसनका सञ्चालक थापाको अध्यक्षतामा ११ सदस्यीय कार्यसमिति गठन गरेको हो । वैदेशिक रोजगार क्षेत्रमा कलम चलाउने सक्रिय सञ्चारकर्मीहरूको संस्थाका रूपमा समाज १० वर्षअघि स्थापना भएको हो ।...
  • डिडिसीमा जिएमका लागि दौडधुप

    काठमाडौं । दुग्ध विकास संस्थानको महाप्रबन्धक पदका लागि दौडधुप सुरु भएको छ । सरकारले खुला प्रतिस्पर्धाबाट महाप्रबन्धक नियुक्ति गर्ने योजना अघि सारी आवेदन माग गरेपछि सो पदका लागि आकांक्षीहरूको दौडधुप चलेको हो । पछिल्लो सूचनाअनुसार संस्थानमा महाप्रबन्धक पदमा १० जनाले आवेदन दिएका छन् । आवेदन दिनेहरूमा शीतलकाजी श्रेष्ठ, बैकुण्ठ अधिकारी,...
  • यादव ‘आउट’, तुम्बाहाम्फे ‘इन’ !

    काठमाडौं । अन्ततः समाजवादी पार्टीले सरकार छाड्ने निर्णय गरेको छ । सो पार्टीबाट सरकारमा सहभागी उपप्रधान तथा कानुनमन्त्री उपेन्द्र यादव र सहरी विकासमन्त्री मोहम्मद इस्तियाक राईले हिजै राजीनामा दिएका छन् । उपप्रधानमन्त्री यादवले सोमबारको मन्त्रीपरिषद् बैठकमा संविधान संशोधनसम्बन्धी प्रस्ताव टेबुल गर्न खोजे पनि प्रधानमन्त्री केपी शर्मा ओलीले अस्वीकार गरेको भोलिपल्टै...