18th October 2019, Friday

E-budhabar
Header Right Side NTC Advertisement

‘उज्यालाकर्मी’हरू झनै रुष्ट



काठमाडौं । नेपाल विद्युत् प्राधिकरणका कार्यकारी–निर्देशक कुलमान घिसिङ तीन दिनअघि लोकसेवा आयोगको कार्यालयमा हान्निएर पुगे । उनी पुग्नुको एउटै उद्देश्य थियो, प्राधिकरणको कर्मचारी सेवा सर्त विनियमावली सच्याउनु । उक्त विनियमावली बनाउँदा लोकसेवाले हस्तक्षेप गरेको ठहर गर्दै प्राधिकरणका कर्मचारीहरू व्यवस्थापनविरुद्ध आन्दोलित भएपछि गाँठो फुकाउने हेतुले कार्यकारी–निर्देशक घिसिङ आयोगमा पुगेको अनुमान गरिएको छ ।
उक्त विनियमावलीले कर्मचारीहरूको वृत्ति विकासमा असर पु¥याउने भन्दै त्यसलाई सच्याउन कर्मचारीहरूले आजसम्म अल्टिमेटम दिए पनि कुनै टुंगो भने लागिसकेको छैन । कर्मचारी सरुवाको विषयलाई लिएर आन्दोलित भएको केही दिनपछि नै प्राधिकरणका कर्मचारीहरू विनियमावली संशोधन हुनुपर्ने माग राख्दै आन्दोलनमा उत्रिएका हुन् । कर्मचारी विनियमावली बनाउँदा लोकसेवाको काम परामर्श दिने मात्र भए पनि आयोगले हस्तक्षेप नै गर्न पुगेको बताइन्छ । लोकसेवाको अनावश्यक हस्तक्षेपविरुद्ध प्राधिकरणको आधिकारिक टे«ड युनियन, नेपाली कांग्रेस निकट कर्मचारी संघ र कर्मचारी कल्याण परिषद्ले संयुक्त रूपमा आन्दोलनको घोषणा गरेको हो ।
प्राधिकरणका कर्मचारीहरू व्यवस्थापनलाई कर्मचारी सेवा सर्त विनियमावलीमा सच्याउनुपर्ने बुँदाहरू उल्लेख गर्दै आन्दोलनमा उत्रिएका थिए । विभिन्न सेवा तथा समूहका पदहरूमा रहेको बढुवाका प्रतिशत सच्याउनुपर्ने, कार्यरत कर्मचारीहरूलाई खुला प्रतियोगितामा सहभागी हुनका लागि उमेर हद लाग्ने व्यवस्था सच्याउनुपर्ने, बढुवाका लागि अनिवार्य सेवा तालिम दिइनुपर्ने, सहायक कर्मचारीहरूको स्तरोन्नतिमा ध्यान दिनुपर्ने, तह ७ का पदहरूमा सेवा प्रवेश गर्दाको असमान शैक्षिक योग्यता हटाइनुपर्ने, स्किल टेस्ट सर्टिफिकेटमार्फत सेवा प्रवेश गर्ने र बढुवा हुने व्यवस्था गर्नुपर्ने, कर्मचारी सुरक्षण कोषको व्यवस्था हुनुपर्ने र कर्मचारीका अन्य सेवा, सर्त, सुविधा र वृत्ति विकासमा ध्यान दिइनुपर्ने विषयहरू मागका रुपमा उठाइएको छ ।

Leave a Reply

Your email address will not be published. Required fields are marked *

... र यो पनि ...

चक्रपथ

३ नम्बर प्रदेशमा संविधान दिवसको भव्य तयारीे

ShareTweet काठमाडौं । संविधान दिवसको अवसरमा ३ नम्बर प्रदेश सरकारले विविध कार्यक्रमहरू गर्ने भएको छ । सोमबार प्रदेशका मुख्यमन्त्री डोरमणि पौडेलको संयोजकत्वमा दिवस- ...
पूरा पढ्नुहोस्

स्रष्टा र सिर्जना

समान पीडा

ShareTweet शिव रेग्मीले सिंगो जीवन नेपाली भाषा–साहित्यको प्रवद्र्धनमा बिताए । भाषा–साहित्यसँग जोडिएका खोज–अनुसन्धानमूलक कार्यमा उनको गहिरो अभिरुचि रह्यो । त्यही- ...
पूरा पढ्नुहोस्

नयाँ पुस्तक

विसंगतिमाथि चोट

ShareTweet पोखराको साहित्यिक परिवेशमा भिजेका अधिकांश सर्जकहरूले मुक्तक विधामा कलम नचलाएका कमै दृष्टान्त होलान् । सरुभक्त, तीर्थ श्रेष्ठ, प्रकट पगेनी ‘शिव’, रमेश श्रेष्ठलगायत- ...
पूरा पढ्नुहोस्

छोटकरीमा