8th December 2019, Sunday

E-budhabar
Header Right Side NTC Advertisement

निगमको उही ताल



काठमाडौं । भ्रष्टाचारले थिलथिलो भएर कर्मचारीले तलब खान समेत धौ–धौ परेको नेपाल वायुसेवा निगममा पछिल्लो समय भद्रगोल भएको छ । नेपाल वायुसेवा निगमले कर्मचारी सञ्चय कोषलगायतसँग लिएको ऋणको किस्ता तिर्न सकेको छैन । उसले सरकारसँग पैसा माग गर्दै आएको छ । उसको अहिले ३७ अर्ब रुपैयाँ घाटा रहेको छ । तर, जहाज चढ्ने र चढाउने निजी कम्पनीहरू सधैं नाफामा रहेका छन् । सायद यही बुझेर निगमको वार्षिक उत्सवका अवसरमा आयोजित कार्यक्रममा प्रधानमन्त्री केपी शर्मा ओलीले अब निगमलाई सरकारले पैसा नदिने बताए ।
उनले अहिले ३७ अर्ब दियो भने अर्को वर्ष पनि दिनुपर्छ । त्यसैले यसको व्यवस्थापन, सञ्चालन उपयुक्त ढंगले हुनुपर्ने उनको भनाइ छ । आफ्नै जिल्लावासी मदन खरेल निगमको अध्यक्ष भएर आएका बेला ओलीले यथास्थितिमा नेपाल वायुसेवा निगमलाई एक पैसा पनि दिन नसकिने बताएका हुन् । उनले पैसा कमाउने ठोस योजना ल्याउन निगम नेतृत्वलाई आग्रहसमेत गरेका छन्, तर कर्मचारी व्यवस्थापन र आवश्यक अन्य व्यवस्थापन नगर्दा निगम अझै घाटामा जाने देखिन्छ । तर, यस्तो संस्थामा वायुसेवा निगम सुधार होइन कि मालदार विभागमा गएर पैसा कुम्ल्याउन विभागीय प्रमुखहरूबीच हानथाप भएको छ । निगममा राम्रा विभागहरूमा सरुवा हुन निर्देशक तहका कर्मचारीहरूबीच गुटबन्दी र तीव्र चलखेल सुरु भएको छ । निगमको सबैभन्दा आकर्षक र कमाइको अखडाका रूपमा चिनिने कमर्सियल डिपार्टमेन्टमा बसेर अकूत सम्पत्ति कमाएको आरोप लाग्दै आएका जनकराज कालाखेती अहिले पुनः कमर्सियल विभाग या अर्थ विभागमा सरुवा हुन कस्सिएका छन् । कमर्सिएल विभागमा अहिले निर्देशक टंकनिधि दाहाल छन् । दाहाल प्रधानमन्त्री केपी ओलीको गृह जिल्ला झापाका हुन् । कार्यकारी अध्यक्ष खरेलसँगै उनी गत साता मात्रै जापान पुगी फर्किएका थिए । त्यसैगरी अर्थ विभागमा युवराज अधिकारी छन् । विगतमा यौन दुराचारको अभियोगमा कारबाहीसमेत भएका उनी त्यसअघि कानुन विभागमा थिए ।

Leave a Reply

Your email address will not be published. Required fields are marked *

... र यो पनि ...

चक्रपथ

श्री लालीगुँरास सहकारीको २०औं साधारणसभा सम्पन्न

ShareTweet ललितपुर । ललिलतपुर महानगरपालिका–३ पुल्चोकस्थित श्री लालीगुराँस बहुउद्देश्यीय सहकारी संस्था लिमिटेडको २०औं वार्षिक साधारणसभा सम्पन्न भएको छ । पूर्वप्रधानमन्त्री- ...
पूरा पढ्नुहोस्

स्रष्टा र सिर्जना

रहेनन् यथार्थका अन्वेषक

ShareTweet मितभाषी, मृदुभाषी । थाहा भएन, गते र बार । न त महिना नै । पहिलोपटक विनयकुमार कसजू सरलाई भेट्दा उहाँका बानी, बेहोरा र अरूसँग प्रस्तुत हुने शैलीले आकर्षित तुल्याएको- ...
पूरा पढ्नुहोस्

नयाँ पुस्तक

संवेदनाको उच्चता

ShareTweet कवि गोकुल अधिकारीको कविताका स्वर बहुआयामिक छन् । देश, समाज र पारिवारिक जीवनभित्रका विभिन्न निर्मम यथार्थलाई सहज रूपमा चित्रित गर्न उनी माहिर देखिन्छन्- ...
पूरा पढ्नुहोस्

छोटकरीमा