18th February 2020, Tuesday

E-budhabar
Header Right Side NTC Advertisement

प्राधिकरणमा कसले मार्लान् बाजी ?

काठमाडौं । सञ्चार तथा सूचना प्रविधि मन्त्रालयले नेपाल दूरसञ्चार प्राधिकरणको अध्यक्ष नियुक्तिको प्रक्रिया अगाडि बढाएपछि कसले उक्त आकर्षक पदमा बाजी मार्ने हो भन्ने कौतुहलता बढाएको छ । प्राधिकरणको अध्यक्षका दाबेदारहरूलाई आवेदन दिन सूचना प्रविधि तथा सञ्चार मन्त्रालयले छनोट समिति गठन गरी काम अघि बढाएको थियो ।
गत जेठ २७ गते गोरखापत्र दैनिकमा प्रकाशित सूचनाअनुसार असार १२ सम्ममा १२ आकांक्षी देखिएपछि ती आकांक्षीमध्ये प्रारम्भिक छनोट प्रक्रिया मनत्रालयले अघि बढाएको छ । त्यसका लागि प्राधिकरणको नेतृत्व गर्न आ–आफ्नो व्यावसायिक कार्ययोजनासहित उपस्थित हुन मन्त्रालयले सूचना गरेकोमा यही असार १६, १७ र १८ गतेका लागि आवदेकहरूलाई मन्त्रालयमा बोलाएको छ ।
प्राधिकरणको अध्यक्षका लागि कार्यवाहक अध्यक्ष पुरुषोत्तम खनालसहित जनक शिक्षा सामग्री केन्द्रका पूर्वमहाप्रबन्धक अनिलकुमार झा, पर्यटन बोर्डका सीईओ दीपकराज जोशी, रेडियो नेपालका कार्यकारी निर्देशक सुरेशकुमार कार्की, नेपाल टेलिकमका पूर्वप्रबन्ध निर्देशक बुद्धिप्रसाद आचार्यलगायतले आवेदन दिएका थिए । यसैगरी सो दौडमा देवनारायण यादव, रोहित रौनियार, नन्दविक्रम अधिकारी, गोविन्दप्रसाद दाहाल, मधुसूदन कर्माचार्य, डिल्लीप्रसाद चौधरी, प्रकाश बराललगायतको आवेदन परेको छ । यसमध्येबाट मन्त्रिपरिषद्मा तीनजनाको नाम सिफारिस हुने र मन्त्रिपरिषद्ले एकजनालाई निर्णय गर्ने बताइएको छ ।
आमजनतामा दूरसञ्चार सेवा प्रदायकको नियमनकारी निकाय प्राधिकरणलाई चिनाउने काम गरेको श्रेय विगतमा दिगम्बर झाले नै गरेका थिए । यसअघिका दूरसञ्चारका विज्ञहरूले ग्रामीण दूरसञ्चार कोषको रकम परिचालन गर्न नसकी थुप्रिएको थियो । झाले प्राधिकरणको नेतृत्व गरेपछि मध्यपहाडी लोकमार्गमा अप्टिकल फाइबर बिछ्याएर सूचनाको महामार्गमा लाने कामको सुरुवात गरेका थिए । पछि झाका बारेमा विवाद भएपछि उनलाई राजीनामा दिन लगाएर खनालबाट प्राधिकरणको काम गराउँदै आइएको छ । सूचना तथा सञ्चार प्रविधि मन्त्रालयले दूरसञ्चार प्राधिकरणका निर्देशक पुरुषोत्तम खनाललाई कार्यवाहक अध्यक्षको जिम्मेवारी दिँदै अर्का निर्देशक आनन्दराज खनाललाई काजमा मन्त्रालय तानेको थियो । यसअघि सरकारले प्राधिकरणको अध्यक्ष पदको आवेदन माग गर्दा आनन्दराज र पुरुषोत्तम खनाल दुवैले दाबी प्रस्तुत गरेका थिए । पुरुषोत्तम खनाललाई भने छनोट समितिले उत्कृष्ट तीनजनाको सूचीमा समावेश गरी सिफासिर गरेको थियो । त्यही सिफारिसका आधारमा गत भदौ २० गते मन्त्रिपरिषद्ले दिगम्बर झालाई प्राधिकरणको अध्यक्ष नियुक्त गरेको थियो । उनको नियुक्तिको नेकपाभित्रै विरोध भएपछि झालाई राजीनामा दिन लगाइएको थियो ।

Leave a Reply

Your email address will not be published. Required fields are marked *

... र यो पनि ...

  • सामान्यमा आफ्नै हात जगन्नाथ

    काठमाडौं । रोजेको आकर्षक ठाउँमा जाने इच्छा प्रायः सबै कर्मचारीको हुन्छ । कतिपय कर्मचारी त पहुँच नपुगेकै कारण वर्षौंदेखि दुर्गम र अनाकर्षक ठाउँमा बस्दै आएका छन् । वर्षौंदेखि घरपरिवारसँग टाढिएर बस्नुपरेको धेरै दर्दनाक पीडा छन् । तर, सामान्य प्रशासन मन्त्रालयमा बसेका केहीले भने आफ्नो सरुवा पनि भनेको ठाउँमा आफैंले गरेर...
  • हिमालयन बैंकमा होडबाजी

    काठमाडौं । हिमालयन बैंकमा राणा, श्रेष्ठ, खेतान र पाण्डे समूहबीचको विवाद उत्कर्षमा पुगेको छ । आज बुधबार हुने साधारणसभाबाट राणा र श्रेष्ठ समूहको एकाधिकार तोड्न खेतान समूह सक्रिय भएको छ । एन ट्रेडिड्र कम्पनी प्रालि झम्सिखेलका तर्फबाट अध्यक्ष बनेका मनोजबहादुर श्रेष्ठ र आभा इन्टरनेसनलन प्रालि थापाथलीका तर्फबाट बैंकका प्रमुख कार्यकारी...
  • खरिपाटीमा ‘कोरोना’को त्रास

    काठमाडौं । कोरोना भाइरसबाट संक्रमित मुलुक चीनबाट फर्काइने नागरिकलाई राख्न भक्तपुरको खरिपाटीस्थित नेपाल विद्युत् प्राधिकरणको तालिम केन्द्र छनोट गरिएसँगै कर्मचारीहरूमा आतंक मच्चिएको छ । चीनबाट फर्काइने नागरिकलाई राख्न तीनचार ठाउँबारे छलफल चले पनि अन्ततः खरिपाटीमा नै राख्ने टुंगोमा सरकार पुगेको हो । सो स्थान सुरक्षित रहेको हुँदा सरकारले क्वारेन्टाइन राख्ने...

चक्रपथ

फागुनबाट नेकपाको विशेष अभियान

पार्टी प्रवेश, ¥यालीदेखि जनसभभासम्मको योजना काठमाडौं । नेपाल कम्युनिस्ट पार्टी (नेकपा) ले फागुन १ बाट पार्टी एकता सुदृढीकरण र जनसम्बन्ध विस्तार विशेष अभियान सञ्चालन गर्ने भएको छ । खासगरी पाँचमहिने कार्ययोजनासहित बनेको विशेष अभियान मूल रूपमा तीन महिना विशेष रूपले सञ्चालन गर्ने नेकपाको तयारी छ । गत १९ माघमा सम्पन्न...
पूरा पढ्नुहोस्

स्रष्टा र सिर्जना

ढुंगे युगतिर डोर्याउने धृष्टता

केही दिनपूर्व, प्रदर्शनीमार्गको एउटा पुस्तक पसलको दराजमा सजाइएको एउटा पुस्तकमा आँखा प¥यो, जुन पुस्तक एकजना विदेशी लेखकले लेखेका थिए र जसमा उनले नेपालका हिमालीदेखि अरु भूभाग घुम्दाका अनुभवलाई उतारेका थिए । हरेक पुस्तक किन्दा छुट लिने बानी नै परिसकेको हुँदा पुस्तक बिक्रेतालाई सोधें, ‘यो पुस्तक किन्दा कति छुट पाइन्छ ?’...
पूरा पढ्नुहोस्

नयाँ पुस्तक

फरक स्वरध्वनि

तीन दशकयता कविता–कर्म र साधनामै व्यस्त छन्, वीरु बाङ्देल । सिक्किमका बासिन्दा बाङ्देलले नेपाली भाषामा उम्दा काव्य सिर्जना गरेर पृथक पहिचान बनाउँदै आएका छन् । कवितालाई नै लेखनको मूल विषय बनाएका उनले आजको समाज र राजनीतिक परिस्थितिहरूको भित्री यथार्थको अभिव्यक्ति धेरै नै प्रभावशाली ढंगले पस्किँदै आएका छन् । उनको पछिल्लो...
पूरा पढ्नुहोस्

छोटकरीमा

  • फोटोमा हारजितको फैसला

    काठमाडौं । ‘तपाईंहरू यही हुनुहुन्छ तर तपाईंहरूकै फोटो राजारानीको जस्तो गरी राखिएको छ । यो फोटो राख्ने सामान्तवादी प्रवृत्ति हो । राजावादी प्रवृत्ति भयो । यो फोटो निकाल्नुहोस्, यसपटक सक्नुहुन्न भने अर्कोपटक नराख्नुहोला ।’ नेकपा केन्द्रीय कमिटी बैठक चलिरह“दा केन्द्रीय सदस्य राजेन्द्र राईले उठेर यसरी कडा स्वरमा प्रतिवाद गरेपछि १५...
  • कुन पार्टीमा जालिन् शिवमाया ?

    काठमाडौं । कुनै हालतमा राजीनामा नदिने अडानमा रहेकी तत्कालीन उपसभामुख डा. शिवमाया तुम्बाहम्फेले पार्टी केन्द्रीय सदस्यको हैसियतमा क्रियाशील हुने इच्छा व्यक्त गरेकी छन् । तत्कालीन सभामुख कृष्णबहादुर महराले गरेको गल्तीको सजाय आफूलाई दिन लागिएको भन्दै तुम्बाहाम्फेले आफूले गल्ती गरेको लिखित कारण पार्टीले दिनुपर्ने सर्त राखेकी थिइन् । सभामुखमा उम्मेद्वारी दिने...
  • वैदेशिक रोजगार पत्रकार समाजमा थापा

    काठमाडौं । वैदेशिक रोजगार पत्रकार समाजको साधारणसभाले हरिबहादुर थापाको अध्यक्षतामा सर्वसम्मतिले नयाँ कार्यसमिति चयन गरेको छ । शनिबार राजधानीमा सम्पन्न समाजको साधारणसभाले मिडिया मिसनका सञ्चालक थापाको अध्यक्षतामा ११ सदस्यीय कार्यसमिति गठन गरेको हो । वैदेशिक रोजगार क्षेत्रमा कलम चलाउने सक्रिय सञ्चारकर्मीहरूको संस्थाका रूपमा समाज १० वर्षअघि स्थापना भएको हो ।...