16th July 2019, Tuesday

३५ कटेकालाई पनि मौका



काठमाडौं । वृत्ति विकास रोकिने गरी विनियमावली आएपछि आन्दोलित बनेका नेपाल विद्युत् प्राधिकरणका कर्मचारीहरूले तत्काललाई राहत पाएका छन् । चार दिनअघि सर्वोच्च अदालतले कर्मचारीहरूको पक्षमा अन्तरिम आदेश दिएपछि वृत्ति विकासको ढोका खुलेको छ ।
प्रस्तावित कर्मचारी सेवा सर्त विनियमावली प्राधिकरणमा कार्यरत कर्मचारीहरूको वृत्ति विकासमा असर पुग्ने गरी ल्याइएको थियो । विनियमावलीविरुद्ध कर्मचारीहरूले गएको बिहीबार सर्वोच्च अदालतमा मुद्दा दायर गरेका थिए । गएको आइतबार अदालतले अन्तरिम आदेश जारी गर्दै ‘कर्मचारी सेवा विनियमावली–२०६२ अनुसार योग्य भएका कर्मचारीलाई आन्तरिक प्रतिस्पर्धा, बढुवा र खुला प्रतियोगितामा सहभागी गर्नु र गराउनू’ भनी आदेश दिएको थियो ।
नयाँ विनियमावलीमा प्राधिकरणमा कार्यरत कर्मचारीहरूको ३५ वर्ष उमेर हद कटेपछि आन्तरिक प्रतिस्पर्धामा सहभागी हुन नपाउने व्यवस्था गरिएको थियो । यस्तो प्रावधान राखिएपछि कर्मचारीहरूले वृत्ति विकासमा असर पुग्ने भन्दै विरोध जनाउँदै आएका थिए । तर, अदालतको अन्तरिम आदेशपछि भने अब प्राधिकरणका ३५ वर्ष उमेर कटेका कर्मचारीहरूले पनि आन्तरिक प्रतिस्पर्धामा सहभागी हुन पाउनेछन् । त्यस्तै, प्राधिकरणको सातौं तहको आवेदन खुल्दा स्नातक उत्तीर्ण पाँचौं तहका कर्मचारीले सहभागी हुन पाउने प्रावधान पनि नयाँ विनियमावलीले रोकेको थियो । अब भने त्यो पनि खुला भएको छ ।
यसैगरी, प्राधिकरणको व्यवस्थापन पक्षले कर्मचारीहरूको सरुवा सच्याउने विषयमा गरेको सहमति कार्यान्वयन हुने सम्भावना बढेको छ । गएको जेठमा ठूलो संख्यामा कर्मचारीहरूको सरुवा भएपछिसरुवाको विषयलाई लिएर कर्मचारीहरू असन्तुष्ट रहँदै आएका थिए । तर, व्यवस्थापनले सरुवा सच्याउने भनेर सहमति गरेपछि कर्मचारीहरूले आन्दोलन स्थगन गरेका थिए । अब भने व्यवस्थापनले अपायक ठाउँमा सरुवा भएका कर्मचारीहरूको सरुवा सच्याउने तयारी थालेको छ । जसमा सरुवा भएका कर्मचारीले जुन ठाउँमा आफ्ना छोराछोरीलाई पढाइरहेका छन्, त्यस्ता कर्मचारी त्यही ठाउँमा नै रहने जनाइएको छ । त्यस्ता कर्मचारीहरू चालू शैक्षिक वर्षभरि सोही ठाउँमा नै कार्यरत रहन पाउनेछन् । त्यस्तै, बदमासी गरेको आरोप लागेका कर्मचारीहरूलाई सजायस्वरूप सरुवा गरिएकोमा सरुवालाई सजाय ठान्न नमिल्ने भन्दै कर्मचारीले विरोध जनाएका हुँदा त्यस्ता कर्मचारीहरूको सरुवाबारे पनि पुनर्विचार गर्न सकिनेमा व्यवस्थापन सहमत बनेको बताइन्छ ।

Leave a Reply

Your email address will not be published. Required fields are marked *

... र यो पनि ...

चक्रपथ

टेलिकमका ग्रहकलाई भारी छुट

ShareTweet काठमाडौं । सम्भव भएसम्म सस्तो मूल्यमा अत्याधुनिक दूरसञ्चार सेवाहरु ग्राहकलाई उपलब्ध गराउँदै आएको नेपाल टेलिकमले असार २७ गते शुक्रबार देखि लागू हुनेगरी- ...
पूरा पढ्नुहोस्

स्रष्टा र सिर्जना

सावित्रीको साढे पाँच दशक

ShareTweet शकुन्तला गुरुङ शर्माले नाट्य क्षेत्रमा पाइला टेक्दा नेपाली समाज पूरै परम्परागत मान्यताबाट निर्देशित थियो । स्त्रीहरूको कुनै स्वतन्त्र निजता र हैसियत- ...
पूरा पढ्नुहोस्

नयाँ पुस्तक

दरबारको इतिवृत्तान्त

ShareTweet विज्ञानले एकपछि अर्को चमत्कार थप्दै लगिरहेको छ । नयाँ–नयाँ प्रविधिको विकास र परिमार्जनले हरेक क्षेत्र÷माध्यम सहज बन्दै गइरहेको छ । प्रविधिको तीव्रतर विकास- ...
पूरा पढ्नुहोस्

छोटकरीमा