30th May 2020, Saturday

E-budhabar
Header Right Side NTC Advertisement

सरकारी जग्गामा उमेशको ढलीमली

काठमाडौं । शक्ति र पहुँचको आधारमा सरकारी जग्गा मिचेका लिट्टिल एन्जेल स्कुलका मालिक उमेश श्रेष्ठले अझै पनि मिचेको जग्गा छाड्न चाहिरहेका छैनन् । जनप्रतिनिधिहरूले मिचिएको सरकारी जग्गा छाड्न मालिक श्रेष्ठसँग एकाधपटक अनुरोध गरे पनि उनले तत्परता देखाइरहेका छैनन् ।
ललितपुरको हात्तीवनमा अवस्थित लिट्टिल एन्जेल्स स्कुलले नेपाल सरकारको नाममा रहेको ६ रोपनी १४ आना जग्गामा फुटबल खेल्ने मैदान निर्माण गरेको छ । स्कुलका प्रिन्सिपल श्रेष्ठले विगतमा शक्तिको आधारमा सो जग्गा हडपेर फुटबल मैदान निर्माण गरेका थिए । सरकारी जग्गा छाड्न स्थानीय र जनप्रतिनिधिहरूले अनुरोध गर्दै आए पनि उनले टेरेका छैनन् । त्यस्तै, स्कुलको नजिकै रहेको कर्मनासा खोलाको दायाँबायाँको भूभाग पनि मिचेर सो स्कुलले संरचना निर्माण गरेको छ । सो खोलाको दायाँबायाँ उनले थुप्रै रोपनी जग्गा मिचेको बताइन्छ ।
ललितपुर महानगरपालिका–१५ र महालक्ष्मी नगरपालिका–४ हुँदै बग्ने कर्मनासा खोला मिचेर स्कुलले संरचना निर्माण गरेको हो । तर, दुवै स्थानीय तहले सो खोलाको दायाँबायाँ करिडोर निर्माण गर्ने निर्णय गरिसकेको छ । हात्तीवनदेखि ग्वार्कोसम्म करिडोर निर्माण गर्ने निर्णय दुवै स्थानीय तहले गरिसकेको छ । तर, करिडोर निर्माण गर्ने भनिए पनि सो स्कुलले मिचेको संरचना छाड्न चाहिरहेको छैन । सो स्कुल ३ सय ५० रोपनी क्षेत्रफलमा फैलिए पनि आसपासमा रहेका सार्वजनिक जग्गाहरूसमेत मिचेर संरचना निर्माण गरी प्रयोग गर्दै आएको छ । काठमाडौं उपत्यकाभित्रका अरू स्कुलहरूले मिचेको सार्वजनिक जग्गा विरोध आएपछि छाडे पनि लिट्टिल एन्जेल्सले भने अहिलेसम्म कब्जा जमाउँदै आएको छ । सिद्धार्थ वनस्थली स्कुललगायत अरू स्कुलहरूले सार्वजनिक जग्गा मिचेर बनाइएको संरचना भत्काइसकेका छन् ।
ललितपुर महानगरपालिका–१५ का वडाध्यक्ष सुदर्शन मिश्रले स्कुलले जग्गा मिचेको विषयलाई लिएर स्कुलका प्रिन्सिपल श्रेष्ठसँग आफूले दुईपटक बैठक गरिसकेको बताए । उनले भने, ‘मैले उहाँसँग अनौपचारिक बैठक राखेको थिएँ । उहाँलाई हामीले सबै कुरा बताइसकेका छौं । सार्वजनिक जग्गा मिचेपछि जोकोहीले छाड्नैपर्छ ।’ वडाध्यक्ष मिश्रले सरकारी जग्गामा स्कुलद्वारा निर्मित फुटबल मैदान चाँडै नै खाली गर्न लगाउन आफूले पहल गरिरहेको बताउँदै भने, ‘विगतमा पहुँचका आधारमा जग्गा मिच्ने काम भए पनि अब भने स्थानीय सरकार गठन भइसकेको हुँदा सार्वजनिक जग्गामा संरचना बनाएर प्रयोग गर्न त्यति सजिलो छैन । हामी मिचिएको जग्गा फिर्ता गरेरै छाड्छौं ।’

Leave a Reply

Your email address will not be published. Required fields are marked *

... र यो पनि ...

  • प्रदेश प्रमुखकसँग राष्ट्रपति रुष्ट

    काठमाडौं । संवैधानिक भूमिका र पदीय मर्यादालाई बिर्सिंदै राजनीतिक दलका प्रमुखको निवासमा पुगेर मागपत्र पेस गरेको सूचना पाएपछि राष्ट्रपति विद्या भण्डारी प्रदेश प्रमुखहरूसँग रुष्ट भएकी छन् । प्रदेश प्रमुखहरूको त्यस्तो कदमले लज्जाबोध गराएको भन्दै संविधानविद्ले चिन्ता व्यक्त गरेका छन् भने आमनागरिकसमेत आक्रोशित भएका छन् । प्रसंग गत २ गतेको हो...
  • रोकिएन हायातको मनपरी

    काठमाडौं । २७ वर्षअघि अर्थात् २०४९ सालदेखि आफूखुुसी गर्दै आएको तारागाउँ रिजेन्सी होटल्स लिमिटेडको मनपरी अझै रोकिएको छ । होटलले फेरि आफूखुसी सम्पत्ति तथा दायित्व मूल्यांकन (डीडीए) गराउने चलखेल सुरु गरेको छ । घाटा देखाउँदै नेपाल सरकारको लगानी ३९.६७ प्रतिशतबाट घटेर ९.०१ प्रतिशत घटाएको हायातले फेरि चलखेल सुरु गरेको हो...
  • दलाली गर्दै, पुरस्कार दिँदै

    काठमाडौं । साहित्यका नाममा दलाली गर्नेहरूको हामीकहाँ कमी छैन । लामो समयदेखि विभिन्न शक्तिकेन्द्र र व्यक्तिहरूलाई प्रभावमा पारेर साहित्यकै नाममा दलाली गर्दै आएको नइ प्रकाशनले राखेका विभिन्न पुरस्कारहरूको स्रोतहरू के हुन् भन्नेचाहिँ अहिलेसम्म गुपचुप नै देखिन्छ । नरेन्द्रराज प्रसार्इं र इन्दिरा प्रसाईंले दुई दशकअघि स्थापना गरेको नइ प्रकाशनले हरेक व्यवस्था...

चक्रपथ

बीजकोयाका हाकिमको यो हर्कत

काठमाडौं । प्रजनन पिँढी बीजकोया स्रोत केन्द्र बन्दीपुर तनहुँका हाकिम शंकरप्रसाद न्यौपानेको चर्तिकलाले सीमा नाघेको छ । अवकाशको केही महिना बाँकी रहँदा वरिष्ठ बाली संरक्षण अधिकृतको हैसियतमा रहेका उनले अनियमिता र भ्रष्टाचारको शृंखला नै चलाएको भन्दै सर्वत्र गुनासो आएको छ । माहुरी, च्याउ, रेशम खेतीलगायत बालीको विकास, विस्तार र अनुसन्धानसमेतको...
पूरा पढ्नुहोस्

स्रष्टा र सिर्जना

‘गीता’ को राजनीति

कुनै वैचारिक मुद्दाका आधारमा नभई व्यक्तिगत टकरावको उत्पत्ति हुँदा विभाजनको पीडा झेल्ने नेपालका सीमित राजनीतिक दलमा पूर्वपञ्चहरूको पार्टी राष्ट्रिय प्रजातन्त्र पार्टीले बदनामी कमाउँदै आएको छ । विभाजन र एकताको अनेक अभ्यास गरिसकेको सो पार्टी पछिल्लो समय फेरि एकताको सूत्रमा बाँधिएको छ । पछिल्लो समय तीन समूहमा विभाजित राप्रपा केही दिनपूर्व...
पूरा पढ्नुहोस्

नयाँ पुस्तक

फरक स्वरध्वनि

तीन दशकयता कविता–कर्म र साधनामै व्यस्त छन्, वीरु बाङ्देल । सिक्किमका बासिन्दा बाङ्देलले नेपाली भाषामा उम्दा काव्य सिर्जना गरेर पृथक पहिचान बनाउँदै आएका छन् । कवितालाई नै लेखनको मूल विषय बनाएका उनले आजको समाज र राजनीतिक परिस्थितिहरूको भित्री यथार्थको अभिव्यक्ति धेरै नै प्रभावशाली ढंगले पस्किँदै आएका छन् । उनको पछिल्लो...
पूरा पढ्नुहोस्

छोटकरीमा

  • चिरायुको कर्जा फाइल किन गायब ?

    काठमाडौं । पदीय दुरुपयोगको चरम नमुना हेर्नुपरे नेपाल राष्ट्र बैंकका डेपुटी गभर्नर चिन्तामणि सिवाकोटीले आफू पदमा रहँदा गरेका अनियमित कार्यहरू हेरे पुग्छ । विगतमा आफूले गरेका अनियमित कार्यहरूबाट सफाइ पाएको दाबी सिवाकोटीले गरे पनि कतिपय कसुरमा भने उनीमाथि कारबाही भएको छैन । डेपुटी गभर्नर भएपछि सिवाकोटीले चिरायु अस्पतालको कर्जा प्रवाह...
  • म्याट्रेस खरिदको १५ करोड फ्रिज हुने खतरा

    काठमाडौं । सरकारले दिएको पैसा समयमा नै खर्च गर्न नसक्दा नेपाल प्रहरीको म्याटेस खरिदका लागि छुट्याएको १५ करोड ४० लाख रुपैयाँ फ्रिज हुने अवस्था देखिएको छ । आर्थिक वर्ष सकिन अब चार महिना मात्र बाँकी छ । यो चार महिनामा नेपाल प्रहरीले खरिद गर्न सक्ने अवस्था नरहेको बताइन्छ । यो...
  • मुद्दती खाताको परिचय नै फे¥यो एनआईसीले

    काठमाडौं । एनआईसी एसिया बैंकले मुद्दती खातामा उच्च ब्याजदर सँगै २१ लाख रुपैयाँसम्मको बिमा सुविधा पनि दिँदै आएको छ । सर्वाधिक उच्च ब्याजदर पाइने खाताका रूपमा चिनिएको मुद्दती निक्षेप खातामा एनआईसी एसिया बैंकले न्यु सुपर चामत्कारिक मुद्दती निक्षेप खाता खोलेकै आधारमा बिमा सुविधा पनि थप गरेको हो । यसअघि विभिन्न...