1st June 2020, Monday

E-budhabar
Header Right Side NTC Advertisement

६ वर्षपछि दुई नेताबीच तीन घण्टा एकान्त वार्ता

६ वर्षपछि दुई नेताबीच तीन घण्टा एकान्त वार्ता

काठमाडौं । प्रधानमन्त्री तथा नेकपाका अध्यक्ष केपी शर्मा ओलीले पार्टीमा आफ्नो कार्यशैलीका आलोचक स्थायी समिति सदस्य घनश्याम भुसालसँग करिब तीन घन्टा एकान्त छलफल गरेका छन् ।
गत शनिबार प्रधानमन्त्री निवास बालुवाटारमा बोलाएर प्रधानमन्त्री ओलीले भुसालसँग निकै लामो छलफल गरेको बालुवाटारनिकट स्रोतले बतायो । स्रोतका अनुसार आफ्नै पार्टी अध्यक्षसँग भुसालले ६ वर्षपछि त्यति लामो भेटवार्ताको अवसर पाएका छन् । पार्टी कार्यालय, संसदीय दल, औपचारिक फोरम र सामूहिक रूपमा नेताहरूसँगको औपचारिक फोरमहरूमा जम्काभेट हुनेबाहेक प्रधानमन्त्री ओली र भुसालबीच लामो समयदेखि संवादहीनताको अबस्था रहेको कटु यथार्थबीच पछिल्लो छलफललाई अर्थपूर्ण रूपमा हेरिएको छ । यसअघि ओली–भुसालबीच २०७० माघ २२ मा संसदीय दलको निर्बाचन हुनुभन्दा केही दिन पहिले यस्तै लामो छलफल भएको थियो । २०७१ सालमा सम्पन्न तत्कालीन एमालेको नवौं महाधिवेशनको संघारमा थोरै संवाद भए पनि उनीहरूबीच लामो छलफल भएको थिएन ।
पार्टी अध्यक्ष ओलीसँग औपचारिक फोरमहरूमा आँखा जुधाएर सैद्धान्तिक तर्क गर्ने र उनका कार्यशैलीको कटु आलोचना गर्ने प्रतिपक्ष नेताको जस्तो भुसालको बाहिरी छवि बने पनि यथार्थमा दुई नेताबीच ठ्याक्कै त्यस्तो प्रचारित सम्बन्ध पनि नभएको बताइन्छ । प्रधानमन्त्री ओलीको पहिलो कार्यकालमा भुसालले राष्ट्रिय अडान र दृष्टिकोणसँगै देशमा उत्साह जगाएको भन्दै उनको प्रशंसा गरेका थिए । त्यसका निम्ति भुसालले ओलीसँगको संक्षिप्त भेटहरूमा बधाई दिँदै सफल नेतृत्वका लागि पटक–पटक शुभकामना पनि दिएका थिए । यद्यपि, उनले सार्वजनिक फोरमहरूमा भने नेतृत्वको उतिसारो प्रशंसा र प्रतिरक्षा गरेनन् । ओली निकटहरू भुसालले आफ्नो विद्धतालाई कहिल्यै पार्टी र नेतृत्वको प्रतिरक्षामा प्रयोग नगर्ने, साँघुरो घेरामै रमाउने गरेको भन्दै आलोचना गर्ने गर्छन् । त्यति मात्र होइन, उनलाई मदन भण्डारीले अघि सारेको जनताको बहुदलीय जनवादको सिद्धान्तको विरोधीका रूपमा चित्रित गर्दै आएका छन् । तर, भुसाल स्वयंले भने आफूहरूले नै आठौं महाधिवेशनमा जबजलाई सिद्धान्तका रूपमा विकसित गरेको दाबी गर्दै २०६२÷६३ को जनक्रान्तिसँगै त्यसको कार्यक्रमिक पक्षको ‘च्याप्टर क्लोज’ भएको र दार्शनिक, सैद्धान्तिक पक्ष बाँकी नै रहेकाले समाजवाद प्राप्तिको मार्गदर्शन हुनेगरी थप विकसित र समृद्ध बनाउनुपर्ने बताउँदै आएका छन् ।
नवौं महाधिवेशनमा भुसालले गरेको नेपाली समाजको चरित्र विश्लेषण स्विकार्दै राजनीतिक दस्तावेज पारित भएको थियो । त्यसपछि उनले पार्टीले स्कुल विभागको जिम्मेवारी दिने अपेक्षा गरेका थिए । तर, भुसालले त्यस्तो अपेक्षा ओलीलाई भेटेर वा मागका रूपमा कसैसँग प्रस्तुत गरेनन् । पार्टी एकतापछि नेतृत्वले प्रदेश इन्चार्जमा भुसालको नाममा छलफल त के सुन्न पनि नचाहेको बताइन्छ । तत्कालीन एमाले उपमहासचिवमा निर्वाचित भए पनि भुसाल कर्नरमा परे । भुसाल तत्कालीन महाधिवेशनमा नेपाल समूहबाट निर्बाचित भएकाले पार्टी एकतापछि पनि उनकै समूहमा छन् । पार्टी संचालनसम्बन्धि ओलीको कार्यशैलीमा निरन्तर फरक मत राख्दै आएका भुसालले पछिल्ला दिनमा नेतृत्वले सरकार र पार्टी सञ्चालनमा ध्यान नपु¥याए गम्भीर संकट आउन सक्ने चेतावनी दिँदै आएका थिए । पार्टी एकता लामो समयसम्म नटुंगिएको, राजनीतिक दस्तावेजसमेत प्रकाशनमा आइनसकेको मात्र होइन, पार्टी सञ्चालनमा विधि, प्रक्रिया र मापदण्डको विषय बारम्बार जोडदार उठ्दै गएको, पार्टी एकता कमजोर हुँदा सरकारले कतिपय राम्रा काम गर्न खोज्दाखोज्दै पनि क्रमशः ब्याक हुँदै गएको परिवेशमा ओली–भुसालबीचको भेटलाई अर्थपूर्ण रूपमै हेरिएको छ । यो भेटलाई बालुवाटार स्रोतले मात्र होइन, भुसाल स्वयंले पनि गुपचुप राख्न रुचाएका छन् ।
‘उहाँहरूबीच धेरै लामै छलफल भयो, करिब तीन घण्टाको समयमा दुई तिहाइभन्दा बढी समय त लामो समयदेखिको सम्बन्धका उतारचढावलाई संस्मरणात्मक ढंगले नै अध्यक्षले प्रस्तुत गर्नुभयो,’ स्रोतले भन्यो, ‘अन्त्यतिर घनश्याम कमरेडले व्यक्तिगत मामिलाभन्दा पनि राजनीतिक विषयमै छलफल गरौं भन्नेमै जोड गर्नुभएको थियो तर समय अभाव भएकाले छलफल त्यतिकैमा सकियो ।’ भुसषालले पार्टीलाई विधिसम्म ढंगले सञ्चालन गर्ने बित्तिकै अहिले आएका देखिएका समस्याहरू मूलभूत रूपमा समाधान हुँदै जाने र सकारात्मक वातावरण बन्ने सुझाव दिएको बुझिएको छ ।
स्रोतका अनुसार प्रधानमन्त्री ओलीले संवादलाई निरन्तरता दिनुपर्ने आवश्यकता औंल्याउँदै समय मिलेपछि पुनः खबर गर्ने भुसाललाई आश्वासन दिएका छन् । भुसालले पनि निमन्त्रणालाई ‘पेस्की’का रूपमा स्वीकार गर्दै खबर भए बालुवाटारमा भेट्न आउने जवाफ फर्काएका छन् ।

Leave a Reply

Your email address will not be published. Required fields are marked *

... र यो पनि ...

  • प्रदेश प्रमुखकसँग राष्ट्रपति रुष्ट

    काठमाडौं । संवैधानिक भूमिका र पदीय मर्यादालाई बिर्सिंदै राजनीतिक दलका प्रमुखको निवासमा पुगेर मागपत्र पेस गरेको सूचना पाएपछि राष्ट्रपति विद्या भण्डारी प्रदेश प्रमुखहरूसँग रुष्ट भएकी छन् । प्रदेश प्रमुखहरूको त्यस्तो कदमले लज्जाबोध गराएको भन्दै संविधानविद्ले चिन्ता व्यक्त गरेका छन् भने आमनागरिकसमेत आक्रोशित भएका छन् । प्रसंग गत २ गतेको हो...
  • रोकिएन हायातको मनपरी

    काठमाडौं । २७ वर्षअघि अर्थात् २०४९ सालदेखि आफूखुुसी गर्दै आएको तारागाउँ रिजेन्सी होटल्स लिमिटेडको मनपरी अझै रोकिएको छ । होटलले फेरि आफूखुसी सम्पत्ति तथा दायित्व मूल्यांकन (डीडीए) गराउने चलखेल सुरु गरेको छ । घाटा देखाउँदै नेपाल सरकारको लगानी ३९.६७ प्रतिशतबाट घटेर ९.०१ प्रतिशत घटाएको हायातले फेरि चलखेल सुरु गरेको हो...
  • दलाली गर्दै, पुरस्कार दिँदै

    काठमाडौं । साहित्यका नाममा दलाली गर्नेहरूको हामीकहाँ कमी छैन । लामो समयदेखि विभिन्न शक्तिकेन्द्र र व्यक्तिहरूलाई प्रभावमा पारेर साहित्यकै नाममा दलाली गर्दै आएको नइ प्रकाशनले राखेका विभिन्न पुरस्कारहरूको स्रोतहरू के हुन् भन्नेचाहिँ अहिलेसम्म गुपचुप नै देखिन्छ । नरेन्द्रराज प्रसार्इं र इन्दिरा प्रसाईंले दुई दशकअघि स्थापना गरेको नइ प्रकाशनले हरेक व्यवस्था...

चक्रपथ

बीजकोयाका हाकिमको यो हर्कत

काठमाडौं । प्रजनन पिँढी बीजकोया स्रोत केन्द्र बन्दीपुर तनहुँका हाकिम शंकरप्रसाद न्यौपानेको चर्तिकलाले सीमा नाघेको छ । अवकाशको केही महिना बाँकी रहँदा वरिष्ठ बाली संरक्षण अधिकृतको हैसियतमा रहेका उनले अनियमिता र भ्रष्टाचारको शृंखला नै चलाएको भन्दै सर्वत्र गुनासो आएको छ । माहुरी, च्याउ, रेशम खेतीलगायत बालीको विकास, विस्तार र अनुसन्धानसमेतको...
पूरा पढ्नुहोस्

स्रष्टा र सिर्जना

‘गीता’ को राजनीति

कुनै वैचारिक मुद्दाका आधारमा नभई व्यक्तिगत टकरावको उत्पत्ति हुँदा विभाजनको पीडा झेल्ने नेपालका सीमित राजनीतिक दलमा पूर्वपञ्चहरूको पार्टी राष्ट्रिय प्रजातन्त्र पार्टीले बदनामी कमाउँदै आएको छ । विभाजन र एकताको अनेक अभ्यास गरिसकेको सो पार्टी पछिल्लो समय फेरि एकताको सूत्रमा बाँधिएको छ । पछिल्लो समय तीन समूहमा विभाजित राप्रपा केही दिनपूर्व...
पूरा पढ्नुहोस्

नयाँ पुस्तक

फरक स्वरध्वनि

तीन दशकयता कविता–कर्म र साधनामै व्यस्त छन्, वीरु बाङ्देल । सिक्किमका बासिन्दा बाङ्देलले नेपाली भाषामा उम्दा काव्य सिर्जना गरेर पृथक पहिचान बनाउँदै आएका छन् । कवितालाई नै लेखनको मूल विषय बनाएका उनले आजको समाज र राजनीतिक परिस्थितिहरूको भित्री यथार्थको अभिव्यक्ति धेरै नै प्रभावशाली ढंगले पस्किँदै आएका छन् । उनको पछिल्लो...
पूरा पढ्नुहोस्

छोटकरीमा

  • चिरायुको कर्जा फाइल किन गायब ?

    काठमाडौं । पदीय दुरुपयोगको चरम नमुना हेर्नुपरे नेपाल राष्ट्र बैंकका डेपुटी गभर्नर चिन्तामणि सिवाकोटीले आफू पदमा रहँदा गरेका अनियमित कार्यहरू हेरे पुग्छ । विगतमा आफूले गरेका अनियमित कार्यहरूबाट सफाइ पाएको दाबी सिवाकोटीले गरे पनि कतिपय कसुरमा भने उनीमाथि कारबाही भएको छैन । डेपुटी गभर्नर भएपछि सिवाकोटीले चिरायु अस्पतालको कर्जा प्रवाह...
  • म्याट्रेस खरिदको १५ करोड फ्रिज हुने खतरा

    काठमाडौं । सरकारले दिएको पैसा समयमा नै खर्च गर्न नसक्दा नेपाल प्रहरीको म्याटेस खरिदका लागि छुट्याएको १५ करोड ४० लाख रुपैयाँ फ्रिज हुने अवस्था देखिएको छ । आर्थिक वर्ष सकिन अब चार महिना मात्र बाँकी छ । यो चार महिनामा नेपाल प्रहरीले खरिद गर्न सक्ने अवस्था नरहेको बताइन्छ । यो...
  • मुद्दती खाताको परिचय नै फे¥यो एनआईसीले

    काठमाडौं । एनआईसी एसिया बैंकले मुद्दती खातामा उच्च ब्याजदर सँगै २१ लाख रुपैयाँसम्मको बिमा सुविधा पनि दिँदै आएको छ । सर्वाधिक उच्च ब्याजदर पाइने खाताका रूपमा चिनिएको मुद्दती निक्षेप खातामा एनआईसी एसिया बैंकले न्यु सुपर चामत्कारिक मुद्दती निक्षेप खाता खोलेकै आधारमा बिमा सुविधा पनि थप गरेको हो । यसअघि विभिन्न...