4th July 2020, Saturday

E-budhabar
Header Right Side NTC Advertisement

एक वर्षपछि नेपालकै दस्तावेज हुबहु, मसान्तमा बैठकको तयारी

काठमाडौं । पार्टी एकताको साँढे १३ महिनापछि नेपाल कम्युनिष्ट पार्टी (नेकपा) को राजनीतिक दस्तावेज प्रकाशनमा गएको छ । एकता घोषणामै भइसकेको समझदारीलाई अनेक कोणबाट प्रश्न उठाउने, सैद्धान्तिक–वैचारिक बहसका नाममा पार्टी एकतालाई कमजोर बनाएर शीर्ष नेताहरूबीच अनावश्यक दूरी बढाउन खेलोफड्को भइरहेको बेला दस्तावेज प्रकाशनमा पठाइएको हो । अध्यक्षद्वय केपी ओली र पुष्पकमल दाहाल ‘प्रचण्ड’ले दस्तावेज प्रकाशनका लागि पठाइएको वरिष्ठ नेता माधवकुमार नेपाललाई पनि जानकारी गराएका छन् ।
पार्टी एकताको संघारमा तत्कालीन एमाले–माओवादीबीच एकता महाधिवेशनसम्म अबको कार्यदिशा जनताको जनवाद रहने र दुवै पार्टीले अपनाउँदै आएका जनताको बहुदलीय जनवाद, एक्काइसौं शताब्दीको जनवाद र माओवादलाई महाधिवेशनमा छलफलमा लैजाने सहमति भएको थियो । यो सहमतिको जगमा टेकेर एकताका निम्ति वरिष्ठ नेता माधवकुमार नेपालको संयोजकत्वमा दुवै पार्टीका नेता सम्मिलित कार्यदलले राजनीतिक दस्तावेज तयार पारेको थियो । वतर्मान कम्युनिस्ट आन्दोलन, अबको कार्यदिशा, राष्ट्रिय–अन्तराष्ट्रिय परिस्थिति, विभिन्न शक्तिहरूलाई हेर्ने दृष्टिकोणलगायतका विषयमा नेपाल नेतृत्वको कार्यदलले अघि सारेको दृष्टिकोणलाई पार्टी एकता संयोजन समितिले अनुमोदन गरेपछि मात्र दुई पार्टीबीच एकता घोषणा भएको थियो । उक्त दस्तावेजलाई पार्टी स्थायी समिति र सचिवालय बैठकले पारित गरिसके पनि अबको कार्यदिशा जबज कि जनताको जनवाद भन्दै बेमौसमको खेती गर्न खोजिएपछि एकता प्रक्रियामाथि नै आशंका पैदा भएका थियो । विशेषगरी सचिवालय सदस्य ईश्वर पोखरेलले त्यस्तो कामको नेतृत्व गर्न खोजेपछि पार्टी पंक्तिमा भ्रम पैदा गर्ने मात्र होइन, नेताहरूबीच गम्भीर अविश्वास पैदा हुने स्थिति बनेको थियो । तर, त्यस्ता प्रयासलाई पाखा लगाउँदै तीन नेताको सहमतिमा प्रकाशित दस्तावेज अब कार्यकर्ता तहमा पुग्ने भएको छ ।
नेपाल नेतृत्वले तयार पारेको दस्तावेजमा शान्तिपूर्ण प्रतिस्पर्धाको माध्यमबाट श्रेष्ठता हासिल गरेर सामाजिक–आर्थिक रूपान्तरण गर्दै समाजवादतर्फ अघि बढ्ने जनताको बहुदलीय जनवादको दार्शनिक पक्षलाई आत्मसात् गरिएको छ । त्यति मात्र होइन, जबजका सबै विशेषतालाई समावेश गरेर अन्तरिम कालका लागि मात्र पार्टीको कार्यदिशाको नाम जनताको जनवाद दिइएको छ । तर, त्यो जनवाद समाजवादउन्मुख हुने किटानी गरिएको छ । जबजले नै सामन्तवादविरोधी क्रान्तिपछि उत्पादन र उत्पादन शक्ति, राज्यको चरित्रमा परिवर्तन गर्दै शान्तिपूर्ण प्रतिस्पर्धाबाट समाजवादतिर अघि बढ्ने कार्यदिशाको बाटो देखाएको छ । त्यसैको जगमा टेकेर बनाइएको एकीकृत पार्टींको दस्तावेजलाई निरन्तरता दिँदै प्रकाशनमा पठाइएको छ । नेपालको नेतृत्वमा तयार भएको प्रतिवेदनको अंशमा सामान्य भाषिक सम्पादनबाहेक हुबहु छपाइका लागि पठाएको बताइएको छ । दस्तावेज छपाइको सहमतिसँगै पार्टी एकताका समझदारीहरूलाई अक्षरशः पालना गर्दै अघि बढ्ने प्रतिबद्धता पुनः दोह¥याइएको मात्र छैन, एकता प्रक्रियाका बाँकी कामलाई पनि छिट्टै पूरा गर्ने नेताहरूबीच समझदारी बनेको छ ।
एकतासँग जोडिएका थुप्रै काम बाँकी छन् । नेताहरूको कार्यविभाजन, सम्पर्क मञ्चहरूको एकीकरण, प्रवास कमिटीहरूको एकीकरण, विशेष प्रदेश कमिटी गठन, सल्लाहकार, ज्येष्ठ कम्युनिस्ट मञ्च गठन, केन्द्रीय आयोगहरूको एकीकरण, पार्टी एकता सन्देशका लागि देशभर सञ्चालन गर्ने भनिएको अभियानजस्ता प्रस्तावहरू लामै समयदेखि थाँती छन् । ती सबै प्रस्तावहरूमाथि क्रमशः निर्णय गर्दै जानेगरी केन्द्रीय सचिवालय बैठक बोलाउन अध्यक्ष ओली र अर्का अध्यक्ष पुष्पकमल दाहाल ‘प्रचण्ड’बीच छलफल हुँदै आएको छ । खासगरी नेताहरूको कार्यविभाजन जिल्ला अध्यक्ष, सचिवहरूको चयन गर्दा अपनाइएको निश्चित विधि, प्रक्रिया र मापदण्ड अपनाउने कि नअपनाउने विषयमा अध्यक्ष ओली, प्रचण्ड र वरिष्ठ नेता नेपालबीच सहमति हुन बाँकी छ । तीन नेताहरूबीच अन्तिम समझदारी हुनेबित्तिकै कार्यविभाजन प्रक्रिया टुंगिनेछ । एकतासँगैको जिम्मेवारी र कार्यविभाजन सामाजिक न्यायका आधारमा एक व्यक्ति ः एक जिम्मेवारीलाई दृढतापूर्वक लागू गर्नुपर्ने आवाज उठिरहेको छ । यो मापदण्ड अपनाउँदा एकता र कार्यविभाजनसँग जोडिएको काम पनि छिट्टै टुंगिने स्थिति छ । पछिल्लोपटक नेताहरूबीचको समझदारीमै राजनीतिक दस्तावेज प्रकाशन भएकाले सचिवालयका प्रस्तावित एजेन्डामा पनि छिट्टै समझदारी जुट्ने अपेक्षा गरिएको छ । अध्यक्ष ओली र वरिष्ठ नेता नेपालबीच सोमबार यिनै विषयमा केन्द्रित रहेर कुरकानी भएको बुझिएको छ । ओलीसँगको छलफलपछि वरिष्ठ नेता साताव्यापी भ्रमणको सिलसिलामा श्रीलंका प्रस्थान गरेका छन् । उनी २९ गते फर्किने र ३० गते सचिवालय बैठक बोलाउने समझदारी भएको बुझिएको छ ।

Leave a Reply

Your email address will not be published. Required fields are marked *

... र यो पनि ...

  • प्रदेश प्रमुखकसँग राष्ट्रपति रुष्ट

    काठमाडौं । संवैधानिक भूमिका र पदीय मर्यादालाई बिर्सिंदै राजनीतिक दलका प्रमुखको निवासमा पुगेर मागपत्र पेस गरेको सूचना पाएपछि राष्ट्रपति विद्या भण्डारी प्रदेश प्रमुखहरूसँग रुष्ट भएकी छन् । प्रदेश प्रमुखहरूको त्यस्तो कदमले लज्जाबोध गराएको भन्दै संविधानविद्ले चिन्ता व्यक्त गरेका छन् भने आमनागरिकसमेत आक्रोशित भएका छन् । प्रसंग गत २ गतेको हो...
  • रोकिएन हायातको मनपरी

    काठमाडौं । २७ वर्षअघि अर्थात् २०४९ सालदेखि आफूखुुसी गर्दै आएको तारागाउँ रिजेन्सी होटल्स लिमिटेडको मनपरी अझै रोकिएको छ । होटलले फेरि आफूखुसी सम्पत्ति तथा दायित्व मूल्यांकन (डीडीए) गराउने चलखेल सुरु गरेको छ । घाटा देखाउँदै नेपाल सरकारको लगानी ३९.६७ प्रतिशतबाट घटेर ९.०१ प्रतिशत घटाएको हायातले फेरि चलखेल सुरु गरेको हो...
  • दलाली गर्दै, पुरस्कार दिँदै

    काठमाडौं । साहित्यका नाममा दलाली गर्नेहरूको हामीकहाँ कमी छैन । लामो समयदेखि विभिन्न शक्तिकेन्द्र र व्यक्तिहरूलाई प्रभावमा पारेर साहित्यकै नाममा दलाली गर्दै आएको नइ प्रकाशनले राखेका विभिन्न पुरस्कारहरूको स्रोतहरू के हुन् भन्नेचाहिँ अहिलेसम्म गुपचुप नै देखिन्छ । नरेन्द्रराज प्रसार्इं र इन्दिरा प्रसाईंले दुई दशकअघि स्थापना गरेको नइ प्रकाशनले हरेक व्यवस्था...

चक्रपथ

बीजकोयाका हाकिमको यो हर्कत

काठमाडौं । प्रजनन पिँढी बीजकोया स्रोत केन्द्र बन्दीपुर तनहुँका हाकिम शंकरप्रसाद न्यौपानेको चर्तिकलाले सीमा नाघेको छ । अवकाशको केही महिना बाँकी रहँदा वरिष्ठ बाली संरक्षण अधिकृतको हैसियतमा रहेका उनले अनियमिता र भ्रष्टाचारको शृंखला नै चलाएको भन्दै सर्वत्र गुनासो आएको छ । माहुरी, च्याउ, रेशम खेतीलगायत बालीको विकास, विस्तार र अनुसन्धानसमेतको...
पूरा पढ्नुहोस्

स्रष्टा र सिर्जना

‘गीता’ को राजनीति

कुनै वैचारिक मुद्दाका आधारमा नभई व्यक्तिगत टकरावको उत्पत्ति हुँदा विभाजनको पीडा झेल्ने नेपालका सीमित राजनीतिक दलमा पूर्वपञ्चहरूको पार्टी राष्ट्रिय प्रजातन्त्र पार्टीले बदनामी कमाउँदै आएको छ । विभाजन र एकताको अनेक अभ्यास गरिसकेको सो पार्टी पछिल्लो समय फेरि एकताको सूत्रमा बाँधिएको छ । पछिल्लो समय तीन समूहमा विभाजित राप्रपा केही दिनपूर्व...
पूरा पढ्नुहोस्

नयाँ पुस्तक

फरक स्वरध्वनि

तीन दशकयता कविता–कर्म र साधनामै व्यस्त छन्, वीरु बाङ्देल । सिक्किमका बासिन्दा बाङ्देलले नेपाली भाषामा उम्दा काव्य सिर्जना गरेर पृथक पहिचान बनाउँदै आएका छन् । कवितालाई नै लेखनको मूल विषय बनाएका उनले आजको समाज र राजनीतिक परिस्थितिहरूको भित्री यथार्थको अभिव्यक्ति धेरै नै प्रभावशाली ढंगले पस्किँदै आएका छन् । उनको पछिल्लो...
पूरा पढ्नुहोस्

छोटकरीमा

  • चिरायुको कर्जा फाइल किन गायब ?

    काठमाडौं । पदीय दुरुपयोगको चरम नमुना हेर्नुपरे नेपाल राष्ट्र बैंकका डेपुटी गभर्नर चिन्तामणि सिवाकोटीले आफू पदमा रहँदा गरेका अनियमित कार्यहरू हेरे पुग्छ । विगतमा आफूले गरेका अनियमित कार्यहरूबाट सफाइ पाएको दाबी सिवाकोटीले गरे पनि कतिपय कसुरमा भने उनीमाथि कारबाही भएको छैन । डेपुटी गभर्नर भएपछि सिवाकोटीले चिरायु अस्पतालको कर्जा प्रवाह...
  • म्याट्रेस खरिदको १५ करोड फ्रिज हुने खतरा

    काठमाडौं । सरकारले दिएको पैसा समयमा नै खर्च गर्न नसक्दा नेपाल प्रहरीको म्याटेस खरिदका लागि छुट्याएको १५ करोड ४० लाख रुपैयाँ फ्रिज हुने अवस्था देखिएको छ । आर्थिक वर्ष सकिन अब चार महिना मात्र बाँकी छ । यो चार महिनामा नेपाल प्रहरीले खरिद गर्न सक्ने अवस्था नरहेको बताइन्छ । यो...
  • मुद्दती खाताको परिचय नै फे¥यो एनआईसीले

    काठमाडौं । एनआईसी एसिया बैंकले मुद्दती खातामा उच्च ब्याजदर सँगै २१ लाख रुपैयाँसम्मको बिमा सुविधा पनि दिँदै आएको छ । सर्वाधिक उच्च ब्याजदर पाइने खाताका रूपमा चिनिएको मुद्दती निक्षेप खातामा एनआईसी एसिया बैंकले न्यु सुपर चामत्कारिक मुद्दती निक्षेप खाता खोलेकै आधारमा बिमा सुविधा पनि थप गरेको हो । यसअघि विभिन्न...