18th February 2020, Tuesday

E-budhabar
Header Right Side NTC Advertisement

गौतमले बदनाम बनाए महालेखा

काठमाडौं । शिक्षा मन्त्रालयमा हुँदा आफ्नै श्रीमतीको कापी जाँचेर पास गराई बदनाम भएका सूर्यप्रसाद गौतमले महालेखा नियन्त्रकको कार्यालयलाई पनि दुहुनो गाई बनाएका छन् । महालेखा नियन्त्रकको कार्यालयले विभिन्न सरकारी कार्यालयमा कार्यरत लेखापाल, सहलेखापाल तथा उपसचिवहरूको सरुवा गर्दा आर्थिक चलखेल गर्ने गरेको भन्दै गुनासो बढेको छ ।
उच्च प्रशासकहरू आफन्तलाई निजामती सेवामा प्रवेश गराउन पद र पहुँचको कतिसम्म दुरुपयोग गर्छन् भन्ने गतिलो उदाहरण गौतमले केही वर्षअघि नै देखाएका थिए । पूर्वशिक्षा सचिव रामस्वरूप सिन्हाले छोरी अन्तिमा कुमारी र गौतमले पत्नी इन्दिरालाई लोकसेवाले लिएको शाखा अधिकृत (विद्यालय निरीक्षक) पदको परीक्षाको कापी आफैंले जाँचेर उत्तीर्ण गराएको खुलासा भएपछि सो परीक्षा नै पछि बदर गरिएको थियो र उनीहरू नांगिएका थिए । ठीक यसैगरी अहिले कार्यालय प्रमुख गौतमले सीधै कमिसन लिएर मात्र सरुवा गर्ने काम गर्दै आएको भन्दै गुनासो बढेको छ ।
हरेक वर्ष लेखा समूहका कर्मचारीहरूले मालदार स्थानमा सरुवाका लागि करोडौंसम्म खर्च गर्ने र विभिन्न शक्ति केन्द्रबाट फोन गराउनेसमेत गर्दै आएका छन् । कर्मचारीहरूका लागि अत्यन्त आकर्षक मानिएको लेखा समूहमा कर्मचारी सरुवामा व्यापक आर्थिक चलखेल हुने गर्छ । महालेखा नियन्त्रकको कार्यालयले गरेको लेखा समूहका कर्मचारीहरूको सरुवामा आर्थिक चलखेलकै कारण व्यापक अनियमितता भएको पाइएको हो । पैसाको बलमा सरुवा मापदण्डविपरीत काम भएको भन्दै अधिकांश कर्मचारीहरूले गुनासो गरेका छन् । सो कार्यालयका महालेखा नियन्त्रक सूर्यप्रसाद गौतम, प्रवक्ता जगन्नाथ देवकोटालगायत कर्मचारीहरू मिलेर अनियमितता गर्ने गरेको स्रोतले बतायो ।
उनीहरूले आर्थिक चलखेल गरेर मापदण्ड मिचेर सरुवा गरेको बताइन्छ । मूलतः कर्मचारी समायोजनपछि उनीहरू रोजेको स्थानमा जाने भयले उनीहरूलाई धेरै पहिल्यै सरुवा गरिएको र सरुवा गर्दा चलखेल गरेको बताइएको छ । सरुवा प्रणालीलाई व्यवस्थित र वैज्ञानिक पार्न भन्दै सरुवा मापदण्ड लागू गरिएको छ । तर, उक्त मापदण्ड देखाउने दाँत मात्र भएको कर्मचारीहरूको गुनासो छ । अधिकांश कर्मचारीहरूको रोजाइ विकासे अड्डा, परियोजनाहरू र ठूलो संख्यामा बजेट प्रवाह र परिचालन हुने कार्यालय पर्छन् । मापदण्डअनुसार अनुसूची ३ मा कार्यरत कर्मचारीहरूलाई १ मा सरुवा गर्नुपर्नेमा राम्रा स्थानबाट राम्रामै र केहीलाई नराम्रा तथा अनाकर्षक स्थानबाट अनाकर्षक स्थानमै सरुवा गरिएको बताइन्छ ।
महालेखा नियन्त्रकको कार्यालय र त्यस मातहतका कोष तथा लेखा नियन्त्रण कार्यालयहरू तुलनात्मक रूपमा आकर्षक मानिन्छ । किनकि, हरेक सरकारी कार्यालयका आन्तरिक अडिटका क्रममा बिल पास गर्दा त्यहाँ सीधै प्रतिशतको हिस्सा माग गरिन्छ । र, त्यसरी अतिरिक्त आम्दानी लिनुलाई वैधानिकजस्तै मानिन्छ । त्यति मात्र होइन, ती अड्डामा काम गर्ने कर्मचारीहरूले ५० प्रतिशत भत्तासमेत पाउँछन् । महालेखा नियन्त्रकको कार्यालयमै बसेर च्यानल मिलाउन सक्ने अधिकांशले मापदण्ड मिचेरै भए पनि आकर्षक स्थानमा बस्ने मौका पाएका छन् । कार्यालयको नियन्त्रक रहेका गौतम शिक्षा मन्त्रालयमा रहँदा आफैंले आफन्तको कापी जाँचेर पास गराएपछि विवादमा आएका थिए । सरकारले उत्कृष्ट कर्मचारी भनेर २०६९ सालका पुरस्कार दिएको उनलाई त्यो साल नै लोकसेवाको कापी जाँच्दा आफन्तलाई पास गरेका थिए ।
गैरकानुनी रूपमा सिन्हा र गौतमले छोरी र पत्नीलाई उत्तीर्ण गराउन प्रश्नपत्र परिमार्जनमा बसेको र आफैंले उत्तरपुस्तिका जाँची उत्तीर्ण गराएको अनुसन्धानबाट खुलेपछि लोकसेवाले दुवैजनाको परीक्षा रद्द गरेको थियो । उनीहरूले ‘नियतवश नै उत्तरपुस्तिका परीक्षण गरेको भन्ने अर्थ गर्न सकिने अवस्था रहेको र प्रश्नपत्र परिमार्जनमा समेत संलग्न रहेबाट नियत सफा नरहेको’ भन्दै आयोगले सूचना जारी गरी अन्तिमा कुमारी र इन्दिराको परीक्षा रद्द गरिएको थियो ।

Leave a Reply

Your email address will not be published. Required fields are marked *

... र यो पनि ...

  • सामान्यमा आफ्नै हात जगन्नाथ

    काठमाडौं । रोजेको आकर्षक ठाउँमा जाने इच्छा प्रायः सबै कर्मचारीको हुन्छ । कतिपय कर्मचारी त पहुँच नपुगेकै कारण वर्षौंदेखि दुर्गम र अनाकर्षक ठाउँमा बस्दै आएका छन् । वर्षौंदेखि घरपरिवारसँग टाढिएर बस्नुपरेको धेरै दर्दनाक पीडा छन् । तर, सामान्य प्रशासन मन्त्रालयमा बसेका केहीले भने आफ्नो सरुवा पनि भनेको ठाउँमा आफैंले गरेर...
  • हिमालयन बैंकमा होडबाजी

    काठमाडौं । हिमालयन बैंकमा राणा, श्रेष्ठ, खेतान र पाण्डे समूहबीचको विवाद उत्कर्षमा पुगेको छ । आज बुधबार हुने साधारणसभाबाट राणा र श्रेष्ठ समूहको एकाधिकार तोड्न खेतान समूह सक्रिय भएको छ । एन ट्रेडिड्र कम्पनी प्रालि झम्सिखेलका तर्फबाट अध्यक्ष बनेका मनोजबहादुर श्रेष्ठ र आभा इन्टरनेसनलन प्रालि थापाथलीका तर्फबाट बैंकका प्रमुख कार्यकारी...
  • खरिपाटीमा ‘कोरोना’को त्रास

    काठमाडौं । कोरोना भाइरसबाट संक्रमित मुलुक चीनबाट फर्काइने नागरिकलाई राख्न भक्तपुरको खरिपाटीस्थित नेपाल विद्युत् प्राधिकरणको तालिम केन्द्र छनोट गरिएसँगै कर्मचारीहरूमा आतंक मच्चिएको छ । चीनबाट फर्काइने नागरिकलाई राख्न तीनचार ठाउँबारे छलफल चले पनि अन्ततः खरिपाटीमा नै राख्ने टुंगोमा सरकार पुगेको हो । सो स्थान सुरक्षित रहेको हुँदा सरकारले क्वारेन्टाइन राख्ने...

चक्रपथ

फागुनबाट नेकपाको विशेष अभियान

पार्टी प्रवेश, ¥यालीदेखि जनसभभासम्मको योजना काठमाडौं । नेपाल कम्युनिस्ट पार्टी (नेकपा) ले फागुन १ बाट पार्टी एकता सुदृढीकरण र जनसम्बन्ध विस्तार विशेष अभियान सञ्चालन गर्ने भएको छ । खासगरी पाँचमहिने कार्ययोजनासहित बनेको विशेष अभियान मूल रूपमा तीन महिना विशेष रूपले सञ्चालन गर्ने नेकपाको तयारी छ । गत १९ माघमा सम्पन्न...
पूरा पढ्नुहोस्

स्रष्टा र सिर्जना

ढुंगे युगतिर डोर्याउने धृष्टता

केही दिनपूर्व, प्रदर्शनीमार्गको एउटा पुस्तक पसलको दराजमा सजाइएको एउटा पुस्तकमा आँखा प¥यो, जुन पुस्तक एकजना विदेशी लेखकले लेखेका थिए र जसमा उनले नेपालका हिमालीदेखि अरु भूभाग घुम्दाका अनुभवलाई उतारेका थिए । हरेक पुस्तक किन्दा छुट लिने बानी नै परिसकेको हुँदा पुस्तक बिक्रेतालाई सोधें, ‘यो पुस्तक किन्दा कति छुट पाइन्छ ?’...
पूरा पढ्नुहोस्

नयाँ पुस्तक

फरक स्वरध्वनि

तीन दशकयता कविता–कर्म र साधनामै व्यस्त छन्, वीरु बाङ्देल । सिक्किमका बासिन्दा बाङ्देलले नेपाली भाषामा उम्दा काव्य सिर्जना गरेर पृथक पहिचान बनाउँदै आएका छन् । कवितालाई नै लेखनको मूल विषय बनाएका उनले आजको समाज र राजनीतिक परिस्थितिहरूको भित्री यथार्थको अभिव्यक्ति धेरै नै प्रभावशाली ढंगले पस्किँदै आएका छन् । उनको पछिल्लो...
पूरा पढ्नुहोस्

छोटकरीमा

  • फोटोमा हारजितको फैसला

    काठमाडौं । ‘तपाईंहरू यही हुनुहुन्छ तर तपाईंहरूकै फोटो राजारानीको जस्तो गरी राखिएको छ । यो फोटो राख्ने सामान्तवादी प्रवृत्ति हो । राजावादी प्रवृत्ति भयो । यो फोटो निकाल्नुहोस्, यसपटक सक्नुहुन्न भने अर्कोपटक नराख्नुहोला ।’ नेकपा केन्द्रीय कमिटी बैठक चलिरह“दा केन्द्रीय सदस्य राजेन्द्र राईले उठेर यसरी कडा स्वरमा प्रतिवाद गरेपछि १५...
  • कुन पार्टीमा जालिन् शिवमाया ?

    काठमाडौं । कुनै हालतमा राजीनामा नदिने अडानमा रहेकी तत्कालीन उपसभामुख डा. शिवमाया तुम्बाहम्फेले पार्टी केन्द्रीय सदस्यको हैसियतमा क्रियाशील हुने इच्छा व्यक्त गरेकी छन् । तत्कालीन सभामुख कृष्णबहादुर महराले गरेको गल्तीको सजाय आफूलाई दिन लागिएको भन्दै तुम्बाहाम्फेले आफूले गल्ती गरेको लिखित कारण पार्टीले दिनुपर्ने सर्त राखेकी थिइन् । सभामुखमा उम्मेद्वारी दिने...
  • वैदेशिक रोजगार पत्रकार समाजमा थापा

    काठमाडौं । वैदेशिक रोजगार पत्रकार समाजको साधारणसभाले हरिबहादुर थापाको अध्यक्षतामा सर्वसम्मतिले नयाँ कार्यसमिति चयन गरेको छ । शनिबार राजधानीमा सम्पन्न समाजको साधारणसभाले मिडिया मिसनका सञ्चालक थापाको अध्यक्षतामा ११ सदस्यीय कार्यसमिति गठन गरेको हो । वैदेशिक रोजगार क्षेत्रमा कलम चलाउने सक्रिय सञ्चारकर्मीहरूको संस्थाका रूपमा समाज १० वर्षअघि स्थापना भएको हो ।...