28th January 2020, Tuesday

E-budhabar
Header Right Side NTC Advertisement

प्रहरी, प्रशासन र नेताको मिलमतोमा करोडौंको ‘बुद्धचित्त’ कब्जा

प्रहरी, प्रशासन र नेताको मिलमतोमा करोडौंको ‘बुद्धचित्त’ कब्जा

काठमाडौं । अदालतको आदेश अवज्ञा गर्दै करोडौंको ‘बुद्धचित्त’ स्थानीय प्रशासन, प्रहरी र राजनीतिक दलका नेताहरूको मिलेमतोमा कब्जा गरिएको छ । काभ्रेको रोशी गाउँपालिका–५ सिफालेमा रहेको करोडौं पर्ने ‘बुद्धचित्त’ माला स्थानीय प्रशासन, प्रहरी र राजनीतिक दलका नेताहरूको मिलेमतोमा उच्च अदालत पाटनको फैसला अवज्ञा गर्दै टिपिएको हो ।
काभ्रेको रोशी गाउँपालिका–५ (साबिकको सिसाखानी–९) मा स्रेस्ता कायम रहेको नीरबहादुर तामाङको कित्ता नं. ९७३ र ९७७ मा रहेको ठूलो बुद्धचित्तका मालाका दानाहरू ‘बुद्धचित्त’ माला स्थानीय प्रशासन, प्रहरी र राजनीतिक दलका नेताहरूको मिलेमतोमा गत २६ असार २०७६ मा टिपिएको हो ।
के हो प्रकरण ?
१० साउन २०७६ मा जग्गाधनी नीरबहादुर तामाङले काभ्रे तेमाल गाउँपालिका–६ का ठेकेदार सत्यमान लामाबीच कित्ता नं. ९७३ र ९७७ मा रहेको ठूलो बुद्धचित्तका मालाका दानाहरू फल लाग्न अगाबै ठेक्कामा दिएका थिए । कित्ता नं. ९७३ र ९७७ मा रहेको ठूलो बुद्धचित्तका मालाका ८० लाख रुपैयाँमा तामाङले लामालाई ठेक्का दिएका थिए । सम्झौतामा भनिएको छ, ‘ठूलो रूखमा जे–जति बुद्धचित्तका मालाहरू फले पनि यसै सम्झौतका आधारमा सबै दाना दोस्रो पक्ष (सत्यमान लामा) ले लिन पाउनेछ ।’
यसैगरी सोही कित्ता नं. ९७३ र ९७७ मा सँगै जोडिएको कित्ता नं. ९७९ मा रहेको जग्गा भने नीरबहादुर तामाङसहित उनको परिवारका सदस्यहरू वीरबहादुर तामाङ, ठकु तामाङ, धनबहादुर तामाङ, दिलकुमार तामाङ, शेरबहादुर तामाङको रहेको छ । कित्ता नं. ९७९ मा रहेको बुद्धचित्तका मालाहरू भने अर्का ठेकेदार दुर्गालाल तामाङ र मानबहादुर तामाङले ठेक्का लिएका थिए । गत २५ फागुन २०७६ मा तामाङद्वयले ९७९ कित्ता नं.का बुद्धचित्त टिप्नेगरी नीरबहादुरको परिवारसँग ठेक्कामा लिएका हुन् ।
यी तिनैवटा जग्गा आपसमा जोडिएका थिए । यी दुवै जग्गाका बीचमा जोडिएका ठूलो बुद्धचित्तको मालाहरू ठेकेदार दुर्गालाल–मानबहादुर तामाङ र अर्का ठेकेदार सत्यमान लामा दुवैले दाबी गरेका थिए । ९७९ कित्तामा रहेका जग्गा नीरबहादुरसहित उनका परिवारको सदस्यहरू वीरबहादुर तामाङ, ठकु तामाङ, धनबहादुर तामाङ, दिलकुमार तामाङ, शेरबहादुर तामाङको रहेको छ । तर, ठेकेदार दुर्गालाल तामाङ र मानबहादुर तामाङले नीरबहादुर तामाङ अर्थात् उनले ठेक्का दिएका सत्यमान लामालाई बुद्धचित्त माला नदिने अडान लिएपछि विवाद बढेको थियो ।
विवाद बढेपछि कित्ता नं. ९७९ को जग्गाको बुद्धचित्तमाथि आफ्नो पनि हकमागसहित उच्च अदालत पाटन ललितपुरमा नीरबहादुर तामाङले मुद्दा दायर गरेका थिए । नीरबहादुरको निवेदन माथि गत ५ असार २०७६ मा फैसला गर्दै उच्च अदालत पाटनले कित्ता नं. ९७९ को जग्गमा रहेको बुद्धचित्त मालाको हिस्सेदार नीरबहादुरको रहेको फैसला सुनाएको थियो । अदालतको फैसलापछि पनि ठेकेदार दुर्गालाल तामाङ र मानबहादुर तामाङले आफैंले मात्रै टिप्ने अडान लिएपछि यो विवाद प्रशासन, प्रहरी, स्थानीय नेता र विप्लव नेकपासम्म पुगेको थियो । स्थानीय नेताहरू रत्न ढकाल, लालध्वज लामा, विप्लव नेकपाका नेता सागर मैनाली, सत्तारूढ नेकपाका विद्यार्थी नेता दूधराज लामालगायत नेताहरू ठेकेदार दुर्गालाल तामाङ र मानबहादुर तामाङ पक्षमा उभिएका थिए ।
स्रोतका अनुसार यो विवाद गृह मन्त्रालयसम्म पुगेको थियो । गृहसचिव प्रेमकुमार राईले पनि अदालतको फैसलाअनुसार ‘गाउँका भद्रभलादमी’ सबैको उपस्थितिमा दुवै पक्ष बसेर बुद्धचित्त टिप्न सल्लाह दिएका थिए । तर, गृहको सुझाव र अदालतको आदेशविपरीत चलखेल सुरु भएको थियो । स्रोतका अनुसार यो विवाद उपराष्ट्रपति पुत्र अनेरास्ववियुका नेता दीपेश पुनसम्म पुग्यो । यसपछि दीपेशलगायतका समूहहरूले काभ्रे प्रहरी प्रमुख जयराज सापकोटा, जिल्ला प्रमुख अधिकारी उदयबहादुर रानामगर र तत्कालीन काभ्रे प्रहरी प्रमुख तथा हालका अपराध अनुसन्धानका प्रमुख सहकुल थापा समेतसँग मिलेर सेटिङ मिलाएका थिए ।
उनीहरूले ठेकेदार सत्यमान लामा बाहिर रहेसम्म बुद्धचित्त टिप्न नसकिने निचोड निकालेपछि १७ असार २०७६ मा लामालाई ठगीको आरोपमा नियन्त्रणमा लिएका थिए । प्रहरीले काभ्रेका गुन्डा सत्यमान लामालाई ठगी आरोपमा पक्राउ गरेको छ । महानगरीय अपराध अनुसन्धान महाशाखा टेकुको विशेष टोलीले उनलाई पक्राउ गरेको थियो ।
लामा अहिले महानगरीय अपराध अनुसन्धान महाशाखा, टेकुको हिरासतमा छन् । उनी हिरासतमा रहेको समयमा नै २६ असार २०७६ मा काभ्रेको रोशी गाउँपालिका–५ सिफालेमा रहेको करोडौं पर्ने ‘बुद्धचित्त’ माला टिपिएको हो । स्रोतका अनुसार प्रहरीको सुरक्षामा साझा छापामार शैलीमा गएर ठेकेदारहरूले माला टिपेका थिए ।
बुद्धचित्तको माला टिप्नलाई वातावरण बनाउनकै लागि अर्का ठेकेदार सत्यमानलाई ठगीको मुद्दामा पक्राउ गरेर सेटिङ मिलाएको स्रोतको दाबी छ । ती स्रोतले भन्यो, ‘सत्यमानलाई भित्र हालेर छापारमार शैलीमा करोडौंको दाना टिपियो ।’ अपराध अनुसन्धान महाशाखाका प्रमुख थापा, काभ्रे प्रहरी प्रमुख सापकोटालगायतलाई पनि नेताहरूले प्रभावमा पारेर सेटिङ मिलाइएको स्रोतको दाबी छ ।

Leave a Reply

Your email address will not be published. Required fields are marked *

... र यो पनि ...

  • क–कसले जोगाए शिवराजलाई ?

    काठमाडौं । नेपाल राष्ट्र बैंकका डेपुटी गभर्नर शिवराज श्रेष्ठको निलम्बन–प्रकरण अन्ततः ‘हात्ती आयो, फुस्सा’ हुन पुगेको छ । वित्तीय अपचलन र अनियमितताको आरोप लगाएर निलम्बनमा परेका डेपुटी गभर्नर श्रेष्ठ कारबाही हुनबाट जोगिएका छन् । पदावधि सकिन केही समय मात्र बाँकी रहँदा डेपुटी गभर्नरमाथि गम्भीर प्रकृतिका आरोपहरू लागेको थियो र केही...
  • नाट्टामा चुनावी प्रतिस्पर्धा तीव्र

    काठमाडौं । नेपाल एसोसिएसन अफ टुर एन्ड ट्राभल एजेन्टस् नाट्टालाई तीव्र चुनावी रन्को लागेको छ । यही माघ ३ गते हुने निर्वाचनमा अध्यक्ष पदका लागि हालका वरिष्ठ उपाध्यक्ष अच्यूत गुरागाईं, पूर्वमहासचिवद्वय भीमप्रसाद पन्त र मिहीका शाह धाख्वाले छुट्टाछुट्टै प्यानलसहित उम्मेदवारी घोषणा गरेका छन् । निर्वाचनमा तीन अलगअलग समूहले मनोनयन दर्ता...
  • नौ महिना बित्यो, छैन सुरसार

    काठमाडौं । संघीय मामिला तथा सामान्य प्रशासनमन्त्री हृदयेश त्रिपाठीलाई नौ महिनादेखि अड्किएर रहेको संघीय निजामती विधेयकलाई टुंगो लगाउनुपर्ने चुनौती उभिएको छ । मन्त्री भएलगत्तै सो विधेयकलाई अघि बढाउन पहल गरे पनि कर्मचारीहरूको विरोध र असन्तुष्टि रहेका कारण त्यत्तिकै थाती रहेको छ । केही दिनअघि संसदीय समितिमा बोलाइएका मन्त्री त्रिपाठीले ‘विधेयकबारे...

चक्रपथ

द्वन्द्वपीडित शिक्षकलाई राहत

काठमाडौं । द्वन्द्वकालीन समयमा पीडा झेलेका शिक्षकहरूले बल्ल राहत पाउने भएका छन् । शिक्षा तथा विज्ञान प्रविधि मन्त्रालयले सेवा अवधि बाँकी रहेका द्वन्द्वपीडित शिक्षकहरूलाई रिक्त दरबन्दीमा समायोजन गर्ने तयारी थालेको छ । द्वन्द्वपीडित शिक्षकहरूलाई रिक्त दरबन्दीमा समायोजन गर्ने विषयमा अर्थ मन्त्रालयले संकेत दिएपछि शिक्षा मन्त्रालयले सो प्रक्रियाको थालनी गरेको हो...
पूरा पढ्नुहोस्

स्रष्टा र सिर्जना

कथित बाबा र साक्षीकर्ताहरू

धर्मको आड र आवरणमा अनैतिक क्रियाकलाप उद्घाटित हुने क्रम झन् बढ्दो छ÷फस्टाउँदो छ । पछिल्लो समय कृष्णदास गिरीको कर्तुत सहतमा उत्रिएसँगै धार्मिक टेकोमा हुँदै आएका शोषण, विकृति र व्यापार हामीकहाँ दिनानुदिन कसरी झाँगिदै गइरहेको रहेछ भन्ने स्पष्ट तस्बिर देखाउँछ । कथित बाबा वा धार्मिक गुरुहरूले सत्ता र शक्तिको आड र...
पूरा पढ्नुहोस्

नयाँ पुस्तक

वैचारिक ताप

निबन्ध विधालाई निरन्तर पछ्याउँदै रचना–कर्ममा निमग्न स्रष्टा हुन्, माधव काफ्ले । राजनीति, समाज र संस्कृतिलगायत क्षेत्रहरूमा देखिएका संगत–विसंगत पक्षहरूलाई उनले लेखन–कार्यमा समेट्दै आएका छन् । उनको पछिल्लो निबन्ध–कृति ‘लाक्षागृह’मा उनले पूर्ववर्ती दुई निबन्ध–सँगालो ‘लिगलिग कोट’ र ‘जीवन एउटा थोत्रो स्क्रिन’मा जस्तै आफू बाँचेको परिवेशका गहनदेखि सामान्य घटनाक्रमहरूलाई ‘नोटिस’ गर्न चाहेका...
पूरा पढ्नुहोस्

छोटकरीमा

  • वैदेशिक रोजगार पत्रकार समाजमा थापा

    काठमाडौं । वैदेशिक रोजगार पत्रकार समाजको साधारणसभाले हरिबहादुर थापाको अध्यक्षतामा सर्वसम्मतिले नयाँ कार्यसमिति चयन गरेको छ । शनिबार राजधानीमा सम्पन्न समाजको साधारणसभाले मिडिया मिसनका सञ्चालक थापाको अध्यक्षतामा ११ सदस्यीय कार्यसमिति गठन गरेको हो । वैदेशिक रोजगार क्षेत्रमा कलम चलाउने सक्रिय सञ्चारकर्मीहरूको संस्थाका रूपमा समाज १० वर्षअघि स्थापना भएको हो ।...
  • डिडिसीमा जिएमका लागि दौडधुप

    काठमाडौं । दुग्ध विकास संस्थानको महाप्रबन्धक पदका लागि दौडधुप सुरु भएको छ । सरकारले खुला प्रतिस्पर्धाबाट महाप्रबन्धक नियुक्ति गर्ने योजना अघि सारी आवेदन माग गरेपछि सो पदका लागि आकांक्षीहरूको दौडधुप चलेको हो । पछिल्लो सूचनाअनुसार संस्थानमा महाप्रबन्धक पदमा १० जनाले आवेदन दिएका छन् । आवेदन दिनेहरूमा शीतलकाजी श्रेष्ठ, बैकुण्ठ अधिकारी,...
  • यादव ‘आउट’, तुम्बाहाम्फे ‘इन’ !

    काठमाडौं । अन्ततः समाजवादी पार्टीले सरकार छाड्ने निर्णय गरेको छ । सो पार्टीबाट सरकारमा सहभागी उपप्रधान तथा कानुनमन्त्री उपेन्द्र यादव र सहरी विकासमन्त्री मोहम्मद इस्तियाक राईले हिजै राजीनामा दिएका छन् । उपप्रधानमन्त्री यादवले सोमबारको मन्त्रीपरिषद् बैठकमा संविधान संशोधनसम्बन्धी प्रस्ताव टेबुल गर्न खोजे पनि प्रधानमन्त्री केपी शर्मा ओलीले अस्वीकार गरेको भोलिपल्टै...