17th November 2019, Sunday

E-budhabar
Header Right Side NTC Advertisement

सशस्त्रमा बढुवा जाम



काठमाडौं । सशस्त्र प्रहरी बलमा प्राविधिक सेवाका बढुवामा जाम भएको छ । प्राविधिक सेवा सञ्चार तथा प्रविधिलगायत क्षेत्रका दरबन्दीहरू लामो समयदेखि रिक्त हुँदा समेत बढुवाको लागि ध्यान नदिएको बताइएको छ ।
बलमा आईजीपीमा शैलेन्द्र खनाल नियुक्त हुनासाथ वर्षौंदेखि रोकिएका बढुवा र सरुवा खोलिएको थियो । सो खोलिएसँगै सिंगो फौजमा वृत्ति विकास हुने आशा जगाएको थियो । हालसम्म अधिकांश पदहरूको बढुवा भइसके पनि प्राविधिकतर्फको बढुवामा जाम भइरहेको बताइएको छ । एउटा प्राविधिक डीएसपी पद खाली भएको एक वर्ष भइसकेको बताइन्छ । २०६७ मंसिर ९ मा इन्सपेक्टरमा भर्ना भएका प्राविधीकहरूको भविष्य अन्योलमा परेको छ । तर, स्वास्थ्यतर्फ भने गत वर्ष नै एक वर्ष जुनियरहरू इन्सपेक्टरहरूको डीएसपीमा बढुवा भइसकेको छ । जसले गर्दा प्राविधीक् इन्जिनियरहरूमा निराशा छाएको बताइन्छ । सशस्त्र मुख्यालयले असार मसान्तसम्म सो बढुवा गरिसक्ने भने पनि बढुवा त्यत्तिकै रोकिएको छ ।
स्मरणीय छ, यही २०७५ मंसिर १३ गते प्राविधिक सशस्त्र प्रहरी निरीक्षक पदमा सञ्जयकुमार यादव, सुधीर विष्ट र पृथ्वीन्द्र खनालको बढुवा तथा पदस्थापन भएको थियो । यता प्राविधिक समूहअन्तर्गत सञ्चार तथा इन्जिनियरिङ सेवातर्फको प्राविधिक सशस्त्र प्रहरी उपरीक्षक पदमा इन्जिनियर प्रमोदकुमार साहलाई भने बढुवा गरिएको थियो ।
मूलतः यी सेवाहरूमा एसपीबाट एसएसपीमा बढुवा भएको, डीएसपीबाट एसपीमा बढुवा भएको, सईबाट इन्सपेक्टरमा बढुवा गरेको तर इन्सपेक्टरबाट डीएसपीमा भने बढुवा नभएको लामो अवधि भएको छ । सो बढुवा भने नियतवश छुटाइएको बताइएको छ ।

Leave a Reply

Your email address will not be published. Required fields are marked *

... र यो पनि ...

चक्रपथ

अलपत्रै छाडियो कम्प्युटर ल्याब

ShareTweet काठमाडौं । नेपाल दूरसञ्चार प्राधिकरणले अत्याधुनिक कम्प्युटर ल्याब राख्न देशभरिका करिब एक हजार विद्यालयसँग सम्झौता गरेको लामो समय बितिसक्दा पनि अझै काम- ...
पूरा पढ्नुहोस्

स्रष्टा र सिर्जना

कति दुख्छ कालापानी ?

ShareTweet यतिबेला राष्ट्रवादी स्वरलहरी गुन्जिइरहेका छन्, सर्वत्र । युवापंक्ति सडकमा ओर्लिएका छन् । आवाज घन्काइरहेका छन्– ‘लिपुलेक हाम्रो हो ।’ नेपालको भूभाग एकपक्षीय- ...
पूरा पढ्नुहोस्

नयाँ पुस्तक

आफ्नै ठगी बुद्धिले रूपज्योति फन्दामा

ShareTweet काठमाडौं । अर्बौंको कारोबार भएका चर्चित व्यापारी रूपज्योति करोड चानचुनको ठगीमा परेका छन् । जग्गा बेच्न भन्दै विज्ञेन्द्र मल्लसँग एक करोड २६ लाख बैना लिएर- ...
पूरा पढ्नुहोस्

छोटकरीमा