25th August 2019, Sunday

E-budhabar
Header Right Side NTC Advertisement

निमित्तकै हातमा डाडुपन्यु



काठमाडौं । बितेको डेढ वर्षयता नेपाल कृषि अनुसन्धान परिषद् (नार्क) नेतृत्वविहीन रूपमा चलिरहेको छ । लामो समयदेखि कायममुकायम र निमित्तको भरमा सो संस्था चल्दा प्रभावकारी रूपमा कामकारबाहीहरू अघि बढ्न सकिरहेको छैन ।
कृषि तथा पशुपन्छी विकासमन्त्री चक्रपाणि खनालले सो मन्त्रालयको नेतृत्व लिएको पनि करिब डेढ वर्ष नै पुग्दै छ । तर, नार्कमा कार्यकारी–निर्देशक नियुक्त गरेर कृषि क्षेत्रको अनुसन्धानलाई गति दिनमा भने मन्त्री खनाल पनि चुक्दै आएका छन् । मन्त्री खनालको प्राथमिकताभित्र नपरेर नै हुनसक्छ, एकपछि अर्को कामु र निमित्तले नार्कलाई चलाइरहेका छन् ।
पछिल्लो समय भने कामु पाएका डा. टेकबहादुर गुरुङको पनि अवधि सकिएपछि उनले नै निमित्त चलाइरहेका छन् । ऐनअनुसार कुनै पनि कर्मचारीलाई ६ महिनाभन्दा बढी कामु दिन पाइँदैन । डा. गुरुङले कामु पाएको ६ महिना बितेको हुँदा करिब दुई हप्तायता नार्क निमित्तको भरमा चलिरहेको छ । अहिले भने डा. गुरुङ अमेरिका भ्रमणमा रहेका हुँदा उनले मुख्य वैज्ञानिक डा. दीपक भण्डारीलाई निमित्त दिएका छन् ।
डेढ वर्षअघि डा. वाइआर पाण्डेको पदावधि सकिएपछि डा. वैद्यनाथ महतोले कामु चलाएका थिए । उनको पनि अवधि सकिएपछि डा. गुरुङले कामु पाएका थिए । तर, कामुमा एक पटकभन्दा बढी चलाउन नपाइने भएपछि अहिले निमित्तको भरमा नार्क चल्न पुगेको हो ।
अहिले नार्कको कार्यकारी–निर्देशकमा चारजनाले दाबी गर्दै आएका छन् । त्यसमा बाली तथा बागवानी महाशाखा सम्हालिरहेका मुख्य वैज्ञानिक डा. दीपक भण्डारी, प्रशासन महाशाखाका प्रमुख वरिष्ठ वैज्ञानिक डा. सीताराम अर्याल, योजना महाशाखाका प्रमुख रामचन्द्र अधिकारी र लेखाका प्रमुख रामबहादुर केसी रहेका छन् । वरिष्ठताका आधारमा कार्यकारी–निर्देशक पाउनुापर्नेमा डा. गुरुङपछि डा. भण्डारी नै हुन् । तर, मन्त्री स्वयंले कार्यकारी–निर्देशक नियुक्त गर्नेमा तत्परता नदेखाउँदा निमित्तको भरमा नार्क चलाउनुपरिरहेको छ ।

Leave a Reply

Your email address will not be published. Required fields are marked *

... र यो पनि ...

चक्रपथ

नेकपामा कुन नेतालाई के जिम्मेवारी ?

ShareTweet काठमाडौं । नेपाल कम्युनिस्ट पार्टी (नेकपा) को गत शनिबार र आइतबार बसेको सचिवालय बैठकले पार्टीका केन्द्रीय विभागहरूको प्रमुख तथा उपप्रमुख र जनवर्गीय संगठनका- ...
पूरा पढ्नुहोस्

स्रष्टा र सिर्जना

निभ्यो समृद्ध ज्ञान–पुञ्ज

ShareTweet नेपाली भाषा, साहित्य, संस्कृति, दर्शन र पत्रकारिता जगत्का मनिषि मदनमणि दीक्षितको दुःखद अवसानले पूर्वीय दर्शन र चिन्तन परम्पराको क्षेत्रमा शून्यता प्रतीत- ...
पूरा पढ्नुहोस्

नयाँ पुस्तक

‘मित्रताको आकाश’मा इन्द्रधनुषी विम्ब

ShareTweet पूर्वरंग संस्कृत साहित्यको नीतिवचनमा एउटा भनाइ छ– संसार विषवृक्षस्य द्वेफले अमृतोपमे । काव्यामृत रसास्वाद संलाप सज्जनैः सह ।। नीतिवचन संग्रह ६।७ अर्थात्- ...
पूरा पढ्नुहोस्

छोटकरीमा