18th February 2020, Tuesday

E-budhabar
Header Right Side NTC Advertisement

परिसंघका अध्यक्ष नै गलत काममा

परिसंघका अध्यक्ष नै गलत काममा

काठमाडौं । मकवानपुर जिल्लामा शिवम् सिमेन्ट सञ्चालन गरेर स्थानीय जनतालाई उठिबास लगाउने र प्राकृतिक दोहन गर्ने लक्की ग्रुपका अध्यक्ष सतिश मोरजस्ता विवादास्पद व्यक्ति नेपाल उद्योग परिसंघजस्तो प्रतिष्ठित संस्थाको अध्यक्ष भएका छन् ।
गुणस्तरहीन सिमेन्ट उत्पादन गरी जनता ठग्ने त कहिले अनधिकृत रूपमा खानी उत्खनन गरी प्रकृतिक स्रोतसाधनकै चरम दुरुपयोग गरी राज्यलाई नै चुनौती दिने विवादास्पद व्यक्ति एकाएक नेपाल उद्योग परिसंघको अध्यक्ष हुनुले सर्वत्र चासो प्रकट गरिएको छ ।
जमिनमाफियाका रूपमा समेत परिचित मोर अध्यक्ष भएसँगै परिसंघमा असन्तुष्टि छाएको बताइएको छ । मोरको कार्यशैलीप्रति अधिकांश पदाधिकारी रुष्ट भएका छन् । सेयर तथा धितो बजारमा समेत करोडौं आर्थिक चलखेल गरी नागरिकको पैसा कुम्ल्याउन सफल मोर अन्य उद्योगका बिजुली चोरी आफू धनी बन्ने व्यापारी भनेर समेत उद्योगीबीच परिचित छन् ।
यसअघि वरिष्ठ उपाध्यक्ष रहेका सतिश मोर १६औं वार्षिक साधारण सभाबाट अध्यक्षमा चयन भएका हुन् । त्रिपुरेश्वरमा कार्यालय राखिएको लक्की ग्रुपका अध्यक्षसमेत रहेका मोरका एकपछि अर्को ठगी धन्दा नेपालमा मौलाउँदै गएको बताइएको छ ।
अहिले परिसंघको अध्यक्ष भएपछि त उनले आफ्नो लोगो प्रयोग गरेर समेत मान्छेहरूलाई थर्काउने गरेको बताइएको छ । शिवम सिमेन्टेले लोडसेडिङ गराएर प्रयोग गरेको करोडौं रकमसमेत अझै बुझाएको छैन । अतिरिक्त शुल्क तिर्ने सर्तमा विभिन्न उद्योगहरूमा जडान गरिएको डेडिकेटेड फिडर तथा ट्रंक लाइनबाट वितरण गरिएको विद्युत् महसुलको बिल अहिलेसम्म सेटिङकै कारण नबुझाउने सूचीमा मोरको नाम सूचीमा छ ।
उनको स्वामित्व रहेको शिवम् सिमेन्टले ३० करोडभन्दा बढी रकम नबुझाएपछि विवाद बाहिर आएको हो । सर्वसाधारणलाई ५ सय रुपैयाँ नबुझाउँदा पनि कारबाही गर्ने सरकारले व्यापारीले अर्बौं रकम नबुझाउँदा पनि कारबाही गर्न सकेको छैन । विद्युत् चोरी, सेयरका नाममा जनता ठगी, अवैध खानी संचालनजस्ता कार्यमा सरिक मोरलाई विभिन्न निकायले सेटिङमा ती धन्दाहरूमा छुट दिएको बताइएको छ । यसअघि वरिष्ठ उपाध्यक्ष रहेका मोर आगामी दुई वर्षका लागि अध्यक्ष भएका हुन् । मोरले यअसघि परिसंघमा राष्ट्रिय परिषद्को सदस्य, उपाध्यक्ष र वरिष्ठ उपाध्यक्षका रूपमा एक–एक कार्यकाल पूरा गरिसकेका छन् । उनी नेपाल समुद्रपार निकासी तथा पैठारी संघका पूर्वअध्यक्षसमेत हुन् । त्यतिबेलै देखि उनी ठूल्ठूला तस्करीमा जोडिएका पात्र भएको बताइएको छ ।
त्यसो त भीमफेदी शिवम सिमेन्टको ज्याजती अचाक्ली भएपछि केही दिनअघि भीमफेदी गाउँपालिकाकी उपाध्यक्ष पार्वती रानाले भीमफेदी गाउँपालिकामा रहेको सिमेन्ट ढुंगाखानी बन्द गराउन प्रदेश सरकारलाई ध्यानाकर्षण गराएकी थिइन् । हेटौंडामा आयोजित एक कार्यक्रममा बोल्दै उनले भीमफेदीमा ढुंगा खानी धेरै रहेको र उत्खनन गर्दा गाउँपालिकाको अधिकांश बस्तीको उठीबास लाग्ने भन्दै खानी बन्द गराउन प्रदेश सरकारलाई ध्यानाकर्षण गराएकी थिइन् । पालिका अध्यक्ष हिदम लामालगायतको सेटिङमा बस्तीलाई असर पर्नेगरी खानी चलाइएको र त्यहाँबाट केही व्यक्तिले नियमित रूपमा मोटो रकम लिइरहेकोप्रति समेत उनको संकेत थियो । भीमफेदीमा शालिमार सिमेन्ट, हेटौंडा सिमेन्ट, नयाँ सिमेन्ट उद्योग ऋद्धिसिद्धि र शिवम् सिमेन्टका ढुंगा खानी सञ्चालित छ । यसले भविष्यामा ठूलो क्षति निम्त्याउने सम्भावना छ । भीमफेदी र मकवानपुरगढी गाउँपालिका क्षेत्रमा पर्ने ओखे्रखानीबाट हेटौंडा सिमेन्टले पहिलेदेखि नै सिमेन्ट ढुंगा उत्खनन गरिरहेको छ । भीमफेदीमा शालिमार, ऋद्धिसिद्धि र शिवम्ले नयाँ चुनढुंगा उत्खननका लागि कदम अगाडि बढाएको छ । शालिमारले भीमफेदी–२ भैंसे, ऋद्धिसिद्धिले भीमफेदी–३ इचुङ र दमार तथा शिवम्ले भीमफेदी–५ दमार क्षेत्रमा नयाँ चुनढुंगा उत्खननको लागि अगाडि बढिरहेको बताइएको छ ।
अहिले सतिश मोरविरुद्ध मकवानपुरका जनता एकजुट भएका छन् । उनले केही जनप्रतिनिधिसँगको सेटिङमा गलत काम गरिरहेकाहरूविरुद्ध उनीहरूले अभियान छेड्ने बताएका छन् ।

Leave a Reply

Your email address will not be published. Required fields are marked *

... र यो पनि ...

  • सामान्यमा आफ्नै हात जगन्नाथ

    काठमाडौं । रोजेको आकर्षक ठाउँमा जाने इच्छा प्रायः सबै कर्मचारीको हुन्छ । कतिपय कर्मचारी त पहुँच नपुगेकै कारण वर्षौंदेखि दुर्गम र अनाकर्षक ठाउँमा बस्दै आएका छन् । वर्षौंदेखि घरपरिवारसँग टाढिएर बस्नुपरेको धेरै दर्दनाक पीडा छन् । तर, सामान्य प्रशासन मन्त्रालयमा बसेका केहीले भने आफ्नो सरुवा पनि भनेको ठाउँमा आफैंले गरेर...
  • हिमालयन बैंकमा होडबाजी

    काठमाडौं । हिमालयन बैंकमा राणा, श्रेष्ठ, खेतान र पाण्डे समूहबीचको विवाद उत्कर्षमा पुगेको छ । आज बुधबार हुने साधारणसभाबाट राणा र श्रेष्ठ समूहको एकाधिकार तोड्न खेतान समूह सक्रिय भएको छ । एन ट्रेडिड्र कम्पनी प्रालि झम्सिखेलका तर्फबाट अध्यक्ष बनेका मनोजबहादुर श्रेष्ठ र आभा इन्टरनेसनलन प्रालि थापाथलीका तर्फबाट बैंकका प्रमुख कार्यकारी...
  • खरिपाटीमा ‘कोरोना’को त्रास

    काठमाडौं । कोरोना भाइरसबाट संक्रमित मुलुक चीनबाट फर्काइने नागरिकलाई राख्न भक्तपुरको खरिपाटीस्थित नेपाल विद्युत् प्राधिकरणको तालिम केन्द्र छनोट गरिएसँगै कर्मचारीहरूमा आतंक मच्चिएको छ । चीनबाट फर्काइने नागरिकलाई राख्न तीनचार ठाउँबारे छलफल चले पनि अन्ततः खरिपाटीमा नै राख्ने टुंगोमा सरकार पुगेको हो । सो स्थान सुरक्षित रहेको हुँदा सरकारले क्वारेन्टाइन राख्ने...

चक्रपथ

फागुनबाट नेकपाको विशेष अभियान

पार्टी प्रवेश, ¥यालीदेखि जनसभभासम्मको योजना काठमाडौं । नेपाल कम्युनिस्ट पार्टी (नेकपा) ले फागुन १ बाट पार्टी एकता सुदृढीकरण र जनसम्बन्ध विस्तार विशेष अभियान सञ्चालन गर्ने भएको छ । खासगरी पाँचमहिने कार्ययोजनासहित बनेको विशेष अभियान मूल रूपमा तीन महिना विशेष रूपले सञ्चालन गर्ने नेकपाको तयारी छ । गत १९ माघमा सम्पन्न...
पूरा पढ्नुहोस्

स्रष्टा र सिर्जना

ढुंगे युगतिर डोर्याउने धृष्टता

केही दिनपूर्व, प्रदर्शनीमार्गको एउटा पुस्तक पसलको दराजमा सजाइएको एउटा पुस्तकमा आँखा प¥यो, जुन पुस्तक एकजना विदेशी लेखकले लेखेका थिए र जसमा उनले नेपालका हिमालीदेखि अरु भूभाग घुम्दाका अनुभवलाई उतारेका थिए । हरेक पुस्तक किन्दा छुट लिने बानी नै परिसकेको हुँदा पुस्तक बिक्रेतालाई सोधें, ‘यो पुस्तक किन्दा कति छुट पाइन्छ ?’...
पूरा पढ्नुहोस्

नयाँ पुस्तक

फरक स्वरध्वनि

तीन दशकयता कविता–कर्म र साधनामै व्यस्त छन्, वीरु बाङ्देल । सिक्किमका बासिन्दा बाङ्देलले नेपाली भाषामा उम्दा काव्य सिर्जना गरेर पृथक पहिचान बनाउँदै आएका छन् । कवितालाई नै लेखनको मूल विषय बनाएका उनले आजको समाज र राजनीतिक परिस्थितिहरूको भित्री यथार्थको अभिव्यक्ति धेरै नै प्रभावशाली ढंगले पस्किँदै आएका छन् । उनको पछिल्लो...
पूरा पढ्नुहोस्

छोटकरीमा

  • फोटोमा हारजितको फैसला

    काठमाडौं । ‘तपाईंहरू यही हुनुहुन्छ तर तपाईंहरूकै फोटो राजारानीको जस्तो गरी राखिएको छ । यो फोटो राख्ने सामान्तवादी प्रवृत्ति हो । राजावादी प्रवृत्ति भयो । यो फोटो निकाल्नुहोस्, यसपटक सक्नुहुन्न भने अर्कोपटक नराख्नुहोला ।’ नेकपा केन्द्रीय कमिटी बैठक चलिरह“दा केन्द्रीय सदस्य राजेन्द्र राईले उठेर यसरी कडा स्वरमा प्रतिवाद गरेपछि १५...
  • कुन पार्टीमा जालिन् शिवमाया ?

    काठमाडौं । कुनै हालतमा राजीनामा नदिने अडानमा रहेकी तत्कालीन उपसभामुख डा. शिवमाया तुम्बाहम्फेले पार्टी केन्द्रीय सदस्यको हैसियतमा क्रियाशील हुने इच्छा व्यक्त गरेकी छन् । तत्कालीन सभामुख कृष्णबहादुर महराले गरेको गल्तीको सजाय आफूलाई दिन लागिएको भन्दै तुम्बाहाम्फेले आफूले गल्ती गरेको लिखित कारण पार्टीले दिनुपर्ने सर्त राखेकी थिइन् । सभामुखमा उम्मेद्वारी दिने...
  • वैदेशिक रोजगार पत्रकार समाजमा थापा

    काठमाडौं । वैदेशिक रोजगार पत्रकार समाजको साधारणसभाले हरिबहादुर थापाको अध्यक्षतामा सर्वसम्मतिले नयाँ कार्यसमिति चयन गरेको छ । शनिबार राजधानीमा सम्पन्न समाजको साधारणसभाले मिडिया मिसनका सञ्चालक थापाको अध्यक्षतामा ११ सदस्यीय कार्यसमिति गठन गरेको हो । वैदेशिक रोजगार क्षेत्रमा कलम चलाउने सक्रिय सञ्चारकर्मीहरूको संस्थाका रूपमा समाज १० वर्षअघि स्थापना भएको हो ।...