4th June 2020, Thursday

E-budhabar
Header Right Side NTC Advertisement

अध्यक्षद्वयकै कारण स्कुल विभागमा लफडा

अध्यक्षद्वयकै कारण स्कुल विभागमा लफडा

काठमाडौं । अध्यक्षद्वय केपी ओली र पुष्पकमल दाहाल ‘प्रचण्ड’ले परिपक्व गृहकार्य नगर्दा नेपाल कम्युनस्टि पार्टी (नेकपा) मा पार्टी स्कुल विभागमा अनावश्यक लफडा परेको छ । ३३ मध्ये ३२ वटा विभागको मात्र भागबन्डा गरेर स्कुल विभाग थाँती राखेका अध्यक्षद्वयले सचिवालयकै नेताहरूबीच खेल्ने र जुधाउने काम गरेर केन्द्रीय सदस्यहरूको कार्यविभाजन र एकीकरणको बाँकी काम पछाडि धकेलेको आरोप लागेको छ ।
स्कुल विभाग पूर्वएमाले कि पूर्वमाओवादीले राख्ने विषयमा समझदारी नगरीकनै सचिवालयमा प्रस्ताव ल्याएर अनावश्यक किचलो सिर्जना गरिएको आकांक्षी नेताहरूले नै बताउन थालेका छन् । बाहिर असारभित्रै सबै टुंगिन्छ भन्दै भाषण गर्ने तर दर्जनौं बैठक गर्दा पनि एउटा विभागमा सहमति नगर्ने दुवै अध्यक्षको क्षमता र कार्यशैलीमाथि वरिष्ठ नेताहरूले पछिल्लो सचिवालय बैठकमा प्रश्न उठाएका छन् । सबै टुंग्याउने भन्दै सोमबार डाकिएको बैठकमा समेत एउटा पनि एजेन्डामा निर्णय नभएपछि विभाग प्रमुखका आकांक्षीहरूले नै आफूहरूमाथि षड्यन्त्र भएको महसुस गरेका छन् । वरिष्ठ नेता झलनाथ खनाल, छैटौं वरीयताका नेता नारायणकाजी श्रेष्ठ र सातौं वरीयताका नेता ईश्वर पोखरेल सो विभागका आकांक्षी छन् । खनालले प्रत्यक्ष आकांक्षा नराखे पनि सर्वसम्मत हुँदा स्कुल विभाग सम्हाल्न तयार रहेको सन्देश दिँदै आएका छन् ।
विदेश विभाग, संगठन विभाग र नीति तथा अनुसन्धान प्रतिष्ठान विभागमा माधवकुमार नेपाल, वामदेव गौतम र झलनाथ खनालको नाममा समझदारी भइसकेपछि स्कुल विभाग पूर्वएमाले समूहको भागमा परेको प्रचार भयो । तर ३२ वटा विभाग मात्र टुंग्याएर स्कुल विभागमा छलफल जारी राख्ने र पछि टुंग्याउने सहमतिलाई त्यसरी प्रचार भएपछि पूर्वमाओवादी समूहबाट नारायणकाजी श्रेष्ठले दाबी गरे । पूर्वएमाले समूहबाट ईश्वर पोखरेलको दाबी सुरुदेखि नै छँदै थियो । तर, त्यहीबीचमा विभाग कुन समूहले नेतृत्व गर्ने टुंगो नगरीकनै दुवै अध्यक्षले तेस्रो विकल्पका रूपमा झलनाथ खनालको नाम चर्चामा ल्याएपछि स्थायी समिति सदस्यहरू घनश्याम भुसाल, डा. बेदुराम भुसालले पनि दाबी गरे । विभाग कुन समूहले लिने टुंगो नलाग्दै अध्यक्ष ओलीले दुई पटकसम्म सहमति जुटाउन भन्दै पूर्वएमाले समूहको बैठक पनि बोलाए, तर सोमबार बोलाइएको सचिवालय बैठक एजेन्डामै प्रवेश नगरी २८ साउनसम्म दुई साता पछि धकेलियो । यससँगै दुई अध्यक्षले नै दर्जनौं बसाइमा पनि स्कुल विभागमा सहमति गर्न नसकेको रहस्योद्घाटन भएको छ । यसरी सचिवालयकै नेताहरू आपसमा जुधाउने काम भएपछि पछिल्लो बैठकमा वरिष्ठ नेता नेपाल, खनाल, गौतम र श्रेष्ठले दुई अध्यक्षको कार्यक्षमतामाथि प्रश्न उठाए भने अर्का आकांंक्षी पोखरेल बैठक अवधिभर चुप रहे । अरू सबै विभाग दुई समूहमा बाँडेर स्कुल मात्रै अनिर्णीत बनाउनु कमजोरी रहेको भनाइ नेताहरूले राखेका थिए । त्यस्तै, पूर्वएमाले समूहका बैठकमा नेताहरूले भागबन्डाका क्रममा स्कुल विभाग पूर्वएमाले समूहको भागमा परेको हो कि होइन भन्दै ओलीलाई जवाफसमेत माग गरेका थिए । ‘पहिले स्कुल विभाग कुन समूहले पाएको हो, प्रस्ट हुनुप¥यो अनि सर्वसम्मत नाम टुंग्याउन सजिलो हुन्छ,’ छलफललाई उद्धृत गर्दै एक नेताले भने, ‘यदि त्यसो नगरी सचिवालयमा सीधै व्यक्तिका नाममा छलफल गर्ने हो भने वरीयतामा सिनियर रहेकैले विभाग पाउने आधार बलियो हुन्छ ।’ दुई अध्यक्षपछि वरीयतामा रहेका नेताहरू नेपाल, खनाल र गौतमको विभाग टुंगिसकेको छ । त्यसपछि छैटौं वरीयतामा रहेका श्रेष्ठले आफूमाथिका सिनियरले रोज्ने क्रममा सर्वसम्मत निर्णय गरिएकाले स्कुल विभाग आफूले पाउनु स्वाभाविक हक भएको दाबी गर्दै आएका छन् । श्रेष्ठपछिको वरीयतामा पोखरेल छन् । सचिवालय बैठकमा समेत नेताहरूले दुई अध्यक्षले ३२ वटा विभाग भागबन्डामा टुंग्याउँदा स्कुल कसले लिने नटुंग्याएकैले अनावश्यक विवाद खडा भएको भन्दै आलोचना गरेका थिए । प्रवक्ता श्रेष्ठले कुनै विभागबारे निर्णय नभइसकेकाले स्कुल विभागमा विवाद छ भन्न नमिल्ने बताए ।
वरिष्ठ नेता खनालले पनि स्कुल विभागका सन्दर्भमा मिडियामा सार्वजनिक भएजस्तो कुनै विवाद नभएको दाबी गरेका छन् । ‘स्कुल विभागमा केही पनि विवाद छैन, मिडियाले बनाएको मात्र हो,’ खनालले भने, ‘पहिले कसले लिने टुंगो हुनुप¥यो,’ पूर्वमाओवादी समूहले लिने हो भने नारायणकाजीको नाममा निर्णय हुन्छ, एमालेले लिने हो भने पनि बसेर नाम दिन सकिहालिन्छ, त्यसैले विवाद गर्नुको कुनै तुक छैन ।’ खनालले पत्रकारहरूसँग भनेका छन् । केन्द्रीय सचिवालय बैठक आवश्यक गृहकार्य नपुगेको भन्दै २८ साउनमा बस्नेगरी स्थगित भएको छ । नेताहरूको रुचि र प्राथमिकता बुझेर व्यवस्थित र परिमार्जित रूपमा प्रस्ताव ल्याउने गृहकार्यका लागि बैठक स्थगित गरिएको बताइएको छ ।

Leave a Reply

Your email address will not be published. Required fields are marked *

... र यो पनि ...

  • प्रदेश प्रमुखकसँग राष्ट्रपति रुष्ट

    काठमाडौं । संवैधानिक भूमिका र पदीय मर्यादालाई बिर्सिंदै राजनीतिक दलका प्रमुखको निवासमा पुगेर मागपत्र पेस गरेको सूचना पाएपछि राष्ट्रपति विद्या भण्डारी प्रदेश प्रमुखहरूसँग रुष्ट भएकी छन् । प्रदेश प्रमुखहरूको त्यस्तो कदमले लज्जाबोध गराएको भन्दै संविधानविद्ले चिन्ता व्यक्त गरेका छन् भने आमनागरिकसमेत आक्रोशित भएका छन् । प्रसंग गत २ गतेको हो...
  • रोकिएन हायातको मनपरी

    काठमाडौं । २७ वर्षअघि अर्थात् २०४९ सालदेखि आफूखुुसी गर्दै आएको तारागाउँ रिजेन्सी होटल्स लिमिटेडको मनपरी अझै रोकिएको छ । होटलले फेरि आफूखुसी सम्पत्ति तथा दायित्व मूल्यांकन (डीडीए) गराउने चलखेल सुरु गरेको छ । घाटा देखाउँदै नेपाल सरकारको लगानी ३९.६७ प्रतिशतबाट घटेर ९.०१ प्रतिशत घटाएको हायातले फेरि चलखेल सुरु गरेको हो...
  • दलाली गर्दै, पुरस्कार दिँदै

    काठमाडौं । साहित्यका नाममा दलाली गर्नेहरूको हामीकहाँ कमी छैन । लामो समयदेखि विभिन्न शक्तिकेन्द्र र व्यक्तिहरूलाई प्रभावमा पारेर साहित्यकै नाममा दलाली गर्दै आएको नइ प्रकाशनले राखेका विभिन्न पुरस्कारहरूको स्रोतहरू के हुन् भन्नेचाहिँ अहिलेसम्म गुपचुप नै देखिन्छ । नरेन्द्रराज प्रसार्इं र इन्दिरा प्रसाईंले दुई दशकअघि स्थापना गरेको नइ प्रकाशनले हरेक व्यवस्था...

चक्रपथ

बीजकोयाका हाकिमको यो हर्कत

काठमाडौं । प्रजनन पिँढी बीजकोया स्रोत केन्द्र बन्दीपुर तनहुँका हाकिम शंकरप्रसाद न्यौपानेको चर्तिकलाले सीमा नाघेको छ । अवकाशको केही महिना बाँकी रहँदा वरिष्ठ बाली संरक्षण अधिकृतको हैसियतमा रहेका उनले अनियमिता र भ्रष्टाचारको शृंखला नै चलाएको भन्दै सर्वत्र गुनासो आएको छ । माहुरी, च्याउ, रेशम खेतीलगायत बालीको विकास, विस्तार र अनुसन्धानसमेतको...
पूरा पढ्नुहोस्

स्रष्टा र सिर्जना

‘गीता’ को राजनीति

कुनै वैचारिक मुद्दाका आधारमा नभई व्यक्तिगत टकरावको उत्पत्ति हुँदा विभाजनको पीडा झेल्ने नेपालका सीमित राजनीतिक दलमा पूर्वपञ्चहरूको पार्टी राष्ट्रिय प्रजातन्त्र पार्टीले बदनामी कमाउँदै आएको छ । विभाजन र एकताको अनेक अभ्यास गरिसकेको सो पार्टी पछिल्लो समय फेरि एकताको सूत्रमा बाँधिएको छ । पछिल्लो समय तीन समूहमा विभाजित राप्रपा केही दिनपूर्व...
पूरा पढ्नुहोस्

नयाँ पुस्तक

फरक स्वरध्वनि

तीन दशकयता कविता–कर्म र साधनामै व्यस्त छन्, वीरु बाङ्देल । सिक्किमका बासिन्दा बाङ्देलले नेपाली भाषामा उम्दा काव्य सिर्जना गरेर पृथक पहिचान बनाउँदै आएका छन् । कवितालाई नै लेखनको मूल विषय बनाएका उनले आजको समाज र राजनीतिक परिस्थितिहरूको भित्री यथार्थको अभिव्यक्ति धेरै नै प्रभावशाली ढंगले पस्किँदै आएका छन् । उनको पछिल्लो...
पूरा पढ्नुहोस्

छोटकरीमा

  • चिरायुको कर्जा फाइल किन गायब ?

    काठमाडौं । पदीय दुरुपयोगको चरम नमुना हेर्नुपरे नेपाल राष्ट्र बैंकका डेपुटी गभर्नर चिन्तामणि सिवाकोटीले आफू पदमा रहँदा गरेका अनियमित कार्यहरू हेरे पुग्छ । विगतमा आफूले गरेका अनियमित कार्यहरूबाट सफाइ पाएको दाबी सिवाकोटीले गरे पनि कतिपय कसुरमा भने उनीमाथि कारबाही भएको छैन । डेपुटी गभर्नर भएपछि सिवाकोटीले चिरायु अस्पतालको कर्जा प्रवाह...
  • म्याट्रेस खरिदको १५ करोड फ्रिज हुने खतरा

    काठमाडौं । सरकारले दिएको पैसा समयमा नै खर्च गर्न नसक्दा नेपाल प्रहरीको म्याटेस खरिदका लागि छुट्याएको १५ करोड ४० लाख रुपैयाँ फ्रिज हुने अवस्था देखिएको छ । आर्थिक वर्ष सकिन अब चार महिना मात्र बाँकी छ । यो चार महिनामा नेपाल प्रहरीले खरिद गर्न सक्ने अवस्था नरहेको बताइन्छ । यो...
  • मुद्दती खाताको परिचय नै फे¥यो एनआईसीले

    काठमाडौं । एनआईसी एसिया बैंकले मुद्दती खातामा उच्च ब्याजदर सँगै २१ लाख रुपैयाँसम्मको बिमा सुविधा पनि दिँदै आएको छ । सर्वाधिक उच्च ब्याजदर पाइने खाताका रूपमा चिनिएको मुद्दती निक्षेप खातामा एनआईसी एसिया बैंकले न्यु सुपर चामत्कारिक मुद्दती निक्षेप खाता खोलेकै आधारमा बिमा सुविधा पनि थप गरेको हो । यसअघि विभिन्न...