25th August 2019, Sunday

E-budhabar
Header Right Side NTC Advertisement

अपांगका नाममा गोपालको मनपरी



काठमाडौं । आफ्नै छोरा र आफन्तलाई बोर्डमा ल्याउन मानिसहरूले कतिसम्म हर्कत गर्न सक्दा रहेछन् भन्ने दृष्टान्त राष्ट्रिय अपांग कोषका सभापतिले देखाएका छन् । कोषका सभापति गोपाल भण्डारीले आफ्नै छोरा र एकजना आफन्तलाई बोर्डमा नियुक्त गर्न समय छँदै दुईजना बोर्ड सदस्यलाई हटाएका छन् ।
समाजकल्याण परिषद्अन्तर्गत रहेको उक्त कोषका सभापति भण्डारीले एक महिना समयावधि छँदै कोषका दुईजना बोर्ड सदस्यहरूलाई जबर्जस्ती हटाएका हुन् । सभापति भण्डारीको कोपभाजनमा पर्ने बोर्ड सदस्यहरू जुना घिमिरे र सुलोचना बानियाँ हुन् । चारवर्षे कार्यकाल पूरा हुन एक महिना बाँकी छँदा नै उनीहरूलाई हटाइएको हो ।
बोर्ड सदस्यद्वय घिमिरे र बानियाँलाई हटाएकै दिन सभापति भण्डारीले आफ्ना छोरा र एकजना आफन्तलाई बोर्ड सदस्य नियुक्त गरेका थिए । उनीहरूलाई हटाएकै दिन कोषले हतारहतार पदपूर्ति समिति गठन गरेको थियो । सो समितिले त्यही दिन नै दुई जनालाई नियुक्त गरेर बोर्डबाट पारित गराएका थिए ।
पदावधि बाँकी छँदै आफूहरूलाई हटाएपछि घिमिरे र बानियाँले सभापति भण्डारीलाई भेटेर आपत्ति जनाएका थिए । हटेका बोर्ड सदस्यहरूले आपत्ति जनाएपछि सभापति भण्डारीले ‘म थमौती गर्छु’ भनेर आश्वासन दिएका थिए । तर, सभापति भण्डारीले आश्वासन दिए पनि पूरा भने गरेनन् ।
दुईजना बोर्ड सदस्यहरूलाई हटाउन खोज्दा कोषका सचिव यम मैनालीले सुरुमा असहमति जनाएका थिए । मैनालीले ‘उनीहरूको पदावधि बाँकी नै छ, हटाउँदा समस्या आउन सक्छ, नहटाऊ । आखिर एक महिना त बाँकी छ नि’ भनेर सभापति भण्डारीलाई सम्झाएका थिए । तर, उनीहरूको समयावधि सकिएपछि अरूलाई नियुक्त गर्न दबाब आउने ठानेर भण्डारीले हतारहतार दुई सदस्यलाई हटाई आफ्नै छोरा र आफन्तलाई नियुक्त गरेको बताइन्छ ।
यसरी नै कोषका सभापति भण्डारीले अनेक अनियमितता गरेको थाहा पाएपछि बोर्ड सदस्य छवि खनालले खुलेरै विरोध गरेको बताइन्छ । खनालले भण्डारीलाई चेतावनी दिँदै ‘तपाईंले धेरै अनियमितता गर्न थाल्नुभयो, यसरी नै अनियमितता गर्दै जानुभयो भने म अख्तियारमा जान सक्छु’ भनेका थिए । तर, खनालले चेतावनी दिए पनि भण्डारीले कुनै वास्ता नगरेको बुझिएको छ ।
तत्कालीन महिला, बालबालिका तथा समाजकल्याणमन्त्री सीता खड्काको पालामा नियुक्त भएका भण्डारीले कोषको जिम्मेवारी पाएपछि मनपरी ढंगले काम गर्दै आएको बताइन्छ । अरूका कुरा सुन्नेभन्दा पनि आफ्नै कुरा मात्र लाद्ने, मनपरी गर्ने काममा उनी सक्रिय रहेको बुझिएको छ ।

Leave a Reply

Your email address will not be published. Required fields are marked *

... र यो पनि ...

चक्रपथ

नेकपामा कुन नेतालाई के जिम्मेवारी ?

ShareTweet काठमाडौं । नेपाल कम्युनिस्ट पार्टी (नेकपा) को गत शनिबार र आइतबार बसेको सचिवालय बैठकले पार्टीका केन्द्रीय विभागहरूको प्रमुख तथा उपप्रमुख र जनवर्गीय संगठनका- ...
पूरा पढ्नुहोस्

स्रष्टा र सिर्जना

निभ्यो समृद्ध ज्ञान–पुञ्ज

ShareTweet नेपाली भाषा, साहित्य, संस्कृति, दर्शन र पत्रकारिता जगत्का मनिषि मदनमणि दीक्षितको दुःखद अवसानले पूर्वीय दर्शन र चिन्तन परम्पराको क्षेत्रमा शून्यता प्रतीत- ...
पूरा पढ्नुहोस्

नयाँ पुस्तक

‘मित्रताको आकाश’मा इन्द्रधनुषी विम्ब

ShareTweet पूर्वरंग संस्कृत साहित्यको नीतिवचनमा एउटा भनाइ छ– संसार विषवृक्षस्य द्वेफले अमृतोपमे । काव्यामृत रसास्वाद संलाप सज्जनैः सह ।। नीतिवचन संग्रह ६।७ अर्थात्- ...
पूरा पढ्नुहोस्

छोटकरीमा