25th August 2019, Sunday

E-budhabar
Header Right Side NTC Advertisement

भिजिट नेपालको नाममा इटालीको सयर



काठमाडौं । भिजिट नेपाल–२०२० का लागि छुट्ट्याइएको बजेट सिध्याउन विदेश भ्रमणको तारतम्य प्रारम्भ भएको छ । भिजिट नेपाल–२०२० लाई प्रवद्र्धन गर्ने नाममा विदेश जाने क्रम सुरु भएको छ ।
भिजिट नेपाल–२०२० लाई प्रवद्र्धन गर्ने भनी हिजो मात्रै संस्कृति, पर्यटन तथा नागरिक उड्डयन मन्त्रालयका सचिव मोहनकृष्ण सापकोटा, भिजिट नेपाल– २०२० का राष्ट्रिय संयोजक सुरज वैद्य र नेपाल पर्यटन बोर्डका प्रमुख कार्यकारी अधिकृत दीपकराज जोशी इटाली उडेका छन् । उनीहरू इटालीमा रहेका गैरआवासीय नेपालीहरूको निम्तोमा भिजिट नेपाल–२०२० लाई प्रवद्र्धन गर्न त्यतातिर लागेका हुन् । सो भ्रमणका लागि भिजिट नेपाल–२०२० सचिवालयले २० लाख रुपैयाँ छुट्ट्याएको थियो ।
इटालीमा रहेका गैरआवासीय नेपालीहरूले सो कार्यक्रमको आयोजना गरे पनि त्यसले पर्यटन प्रवद्र्धनमा खासै सहयोग नपु¥याउने बताइन्छ । इटालीमा रहेका नेपालीहरूबीच कार्यक्रम राखेर त्यसले इटालीका नागरिकहरूलाई नेपाल भ्रमण गर्न आकर्षित नगर्ने बताइन थालिएको छ । तर, भिजिट नेपाल– २०२० का निम्ति सरकारले दिएको १० करोड बजेटमध्ये इटाली भ्रमणका लागि २० लाख छुट्ट्याइएको थियो र त्यही बजेट सिध्याउन सचिवसहितलाई लिएर राष्ट्रिय संयोजक वैद्य इटालीतिर उडेका हुन् ।
इटाली घुमफिर गर्न संयोजक वैद्य सचिव र पर्यटन बोर्डका प्रमुख कार्यकारी अधिकृतलाई लिएर गए पनि नेपालमा भिजिट नेपाल–२०२० कामहरू भने त्यति अगाडि बढ्न सकेका छैनन् । भिजिट नेपाल– २०२० आउन केही महिना बाँकी रहे पनि अहिलेसम्म राष्ट्रिय स्तरमा सल्लाहकार कमिटी गठन गरिएको छैन । संयोजक वैद्यले भिजिट नेपाल–२०२० को कमिटीको बैठक पनि चासो दिएर डाक्ने गरेका छैनन् । कमिटीमा रहेका एकाध सदस्यहरूसँग मात्र सरसल्लाह गर्ने र अरू सदस्यहरूलाई बेवास्ता गर्ने काम वैद्यले गरिरहेको बताइन्छ । तर, यही बीचमा वैद्यले पर्यटन विज्ञ भनेर निकी श्रेष्ठलाई नियुक्त गरेका छन् ।
भिजिट नेपाल–२०२० का संयोजक वैद्यको कार्यशैलीलाई लिएर कर्मचारीहरूमा पनि असन्तुष्टि बढिरहेको छ । भिजिट नेपाल– २०२० को सचिवालयमा उपसचिवको हैसियतले काम गर्ने भनी जिम्मेवारी दिएर मन्त्रालयबाट पठाइएका उपसचिव दीपक थापा आफ्नो असन्तुष्टि पोख्दै मन्त्रालयमै फर्किएका छन् । मन्त्रालयमै फर्किएका उपसचिव थापाले भिजिट नेपाल–२०२० को कार्यालयमा रङरोगन गर्दा बढी पैसा लागेको, खर्चमा पारदर्शी नअनाइएको भनी असहमति जनाएका थिए । तत्कालीन शिक्षा मन्त्रालय रहेको केशर महलमा भिजिट नेपाल–२०२० को कार्यालय राखिएको छ र सो कार्यालय रङरोगन गर्नका लागि ४० लाख रुपैयाँ खर्च गरिएको थियो । तर, रङरोगनमा त्यति पैसा नलाग्ने भनी उपसचिव थापाले असहमति जनाएका थिए ।
उपसचिव थापालाई मन्त्रालयमा फर्काएपछि अहिले उनको ठाउँमा मन्त्रालयका उपसचिव नीलमकुमार न्यौपानेलाई पठाइएको छ । भिजिट नेपाल–२०२० को कामले अपेक्षाकृत रूपमा गति लिन नसकेपछि न्यौपानेलाई पठाइएको बताइन्छ । यसैबीच, भिजिट नेपाल– २०२० को कामलाई चुस्त रूपले अघि बढाउन प्रवक्ता, सूचना अधिकारीहरू राखेर काम गर्नुपर्ने सुझाव संयोजक वैद्यलाई कर्मचारीहरूले दिए पनि उनले अहिलेसम्म त्यस दिशातिर कुनै चासो नदिएको बताइन्छ ।

Leave a Reply

Your email address will not be published. Required fields are marked *

... र यो पनि ...

चक्रपथ

नेकपामा कुन नेतालाई के जिम्मेवारी ?

ShareTweet काठमाडौं । नेपाल कम्युनिस्ट पार्टी (नेकपा) को गत शनिबार र आइतबार बसेको सचिवालय बैठकले पार्टीका केन्द्रीय विभागहरूको प्रमुख तथा उपप्रमुख र जनवर्गीय संगठनका- ...
पूरा पढ्नुहोस्

स्रष्टा र सिर्जना

निभ्यो समृद्ध ज्ञान–पुञ्ज

ShareTweet नेपाली भाषा, साहित्य, संस्कृति, दर्शन र पत्रकारिता जगत्का मनिषि मदनमणि दीक्षितको दुःखद अवसानले पूर्वीय दर्शन र चिन्तन परम्पराको क्षेत्रमा शून्यता प्रतीत- ...
पूरा पढ्नुहोस्

नयाँ पुस्तक

‘मित्रताको आकाश’मा इन्द्रधनुषी विम्ब

ShareTweet पूर्वरंग संस्कृत साहित्यको नीतिवचनमा एउटा भनाइ छ– संसार विषवृक्षस्य द्वेफले अमृतोपमे । काव्यामृत रसास्वाद संलाप सज्जनैः सह ।। नीतिवचन संग्रह ६।७ अर्थात्- ...
पूरा पढ्नुहोस्

छोटकरीमा