25th August 2019, Sunday

E-budhabar
Header Right Side NTC Advertisement

नेकपा कार्यकर्ताको यो हालत



मकवानपुर । केन्द्र, प्रदेश र स्थानीय तहसम्मै एकछत्र सरकार भएको सत्तारूढ दल नेपाल कम्युनिस्ट पार्टीकी एक कार्यकर्ता जीवन–मरणको दोसाँधमा परेकी छन् ।
भरतपुरस्थित बीपी क्यान्सर अस्पतालमा उपचाररत ती नेकपा कार्यकर्ता स्वयं हेटौंडा उपमहानगरपालिका–१३ पदमपोखरीकी वडा कार्यपालिका सदस्य हुन् । ३९ वर्षीया रूपा लामा तत्कालीन नेकपा एमालेको नगर इलाका कमिटीकी उपसचिव तथा अहिले वडा सदस्य हुन् । उनलाई विगत केही वर्षदेखि क्यान्सर रोगले सताएको रहेछ । केही वर्षयता मात्र सो व्यथाको पहिचान भएपछि उनको दुवै स्तन काटेर फालिएको छ । तर पनि सो समस्या निराकरण हुनुको सट्टा झनै बढी गाँजेर अहिले टाउकोमा सरेको बताइन्छ । भरतपुर अस्पतालमा लामो समयदेखि उपाचार गरिरहेकी उनलाई चिकित्सकहरूले समस्या जटिल हुँदै गइरहेको बताएका छन् । अहिलेसम्म उपचारको क्रममा ३० लाख रुपैयाँभन्दा बढी रकम खर्च भइसकेको परिवारले जनाएको छ ।
दिल्लीस्थित राजिव गान्धी अस्पताल पुगेर उपचार गराउन चिकित्सकले सुझाव दिए पनि खर्चको अभावमा उनको बाँकी उपचार हुन सकेको छैन । भएभरको सम्पत्ति सबै बेचेर अहिलेसम्म खर्च धानेकी रूपाको आम्दानीको कुनै स्रोत नभएको र बेच्न पनि कुनै सम्पत्ति नभएको अत्यन्त दर्दनाक अवस्था छ । दुईवटा छोरी अध्ययनरत रहेको र तिनीहरूलाई समेत पाल्ने अभिभारा बोकेकी आमाकै यस्तो अवस्था भएपछि छोरीहरूसमेत अत्यन्त ठूलो मानसिक चपेटामा परेका छन् ।
बल छउन्जेल त्यही पार्टीको काम भन्दै घर परिवार सबै छाडेर लगातार हिँडिरहने सामाजिक चरित्रकी रूपा आफू जीवन मरणको दोसाँधमा परेर अस्पताल भर्ना हुँदा भने पार्टीका नेताहरूले वास्ता नगरेकोमा साह्रै चिन्तित छिन् ।
उनीसँग एउटै नगर कार्यपालिकामा काम गर्ने हेटौंडा उपमहानगरपलिकाका मेयर हरिबोल महत, पूर्वमेयर तथा हालका ३ नम्बर प्रदेशका मुख्यमन्त्री डोरमणि पौडेल, संघीय सांसद तथा पार्टी नेताहरू विरोध खतिवडा, कृष्ण दाहाल, प्रदेश सांसदहरूलगायत कसैले पनि आफ्नो स्वास्थ्यबारे चासो नलिएकोमा उनी गहभरि आँसु लिएर रुन्छिन् । सामान्य रुघाखोकी लाग्दा पनि राज्यकोषबाट दोहन गरेर नेताहरू उपचारका क्रममा विदेशकै महँगा अस्पतालहरू पुग्ने गरेको पाइन्छ ।
तर एउटा इमानदार पार्टी कार्यकर्तालाई भारतसम्म लगेर बाँकी उपचार गरी जीवन बचाउने कार्यमा पार्टीले ध्यान नदिँदा भने आफ्नो मन साह्रै रोएको उनको भनाइ छ । रूपा खानेपानी तथा सरसफाइ उपभोक्ता महासंघ नेपाल जिल्ला शाखा मकवानपुरका अध्यक्षसमेत हुन् ।

Leave a Reply

Your email address will not be published. Required fields are marked *

... र यो पनि ...

चक्रपथ

नेकपामा कुन नेतालाई के जिम्मेवारी ?

ShareTweet काठमाडौं । नेपाल कम्युनिस्ट पार्टी (नेकपा) को गत शनिबार र आइतबार बसेको सचिवालय बैठकले पार्टीका केन्द्रीय विभागहरूको प्रमुख तथा उपप्रमुख र जनवर्गीय संगठनका- ...
पूरा पढ्नुहोस्

स्रष्टा र सिर्जना

निभ्यो समृद्ध ज्ञान–पुञ्ज

ShareTweet नेपाली भाषा, साहित्य, संस्कृति, दर्शन र पत्रकारिता जगत्का मनिषि मदनमणि दीक्षितको दुःखद अवसानले पूर्वीय दर्शन र चिन्तन परम्पराको क्षेत्रमा शून्यता प्रतीत- ...
पूरा पढ्नुहोस्

नयाँ पुस्तक

‘मित्रताको आकाश’मा इन्द्रधनुषी विम्ब

ShareTweet पूर्वरंग संस्कृत साहित्यको नीतिवचनमा एउटा भनाइ छ– संसार विषवृक्षस्य द्वेफले अमृतोपमे । काव्यामृत रसास्वाद संलाप सज्जनैः सह ।। नीतिवचन संग्रह ६।७ अर्थात्- ...
पूरा पढ्नुहोस्

छोटकरीमा