20th November 2019, Wednesday

E-budhabar
Header Right Side NTC Advertisement

‘अछुत जून’ र ‘मनको पहिरो’ एकसाथ लोकार्पण



काठमाडौं । कवि रुवि सत्यालको कविताकृति ‘अछुत जून‘ र मुक्तककार देवेन्द्र केसी देवुको मुक्तककृति ‘मनको पहिरो‘ एकसाथ लोकार्पण गरिएका छन् ।
लोकार्पित कृतिमाथि समालोचक महेश पौड्यालले आफ्नो भनाइ राख्दै रुबीका कवितामा विश्वजनिन चेतना, सामाजिक, राजनीतिक विचलन, मानवीय चेतना र व्यवहारमा ह्रासोन्मुख परिदृश्यको उद्घाटन गरिएको बताए । पौड्यालले देवुका मुक्तक समयको विम्ब रहेको र मुक्तकमा समकालीन जीवन भोगाइका चित्र समेटिएको उल्लेख गरे ।
लोकार्पण कार्यक्रममा साहित्यकार घनेन्द्र ओझाले देवुका मुक्तकमा समकालीन नेपाली समाजको चित्रण गरिएको धारणा राखे । ओझाले वर्तमानका थिति, बेथिति, आरोहअवरोह, दुःखसुख आदि मुक्तकका विषय बनेको उल्लेख गरे । रुबीका कवितामा मानवीय संवेदना र राष्ट्रप्रेम प्रबल रहेको ओझाको भनाइ थियो ।
कार्यक्रममा गीतकार संघका अध्यक्ष चूडामणि देवकोटा र साहित्यकार भोजराज घिमिरेले दुवै स्रष्टालाई बधाई तथा शुभकामना दिए । प्रमुख अतिथि नेपाल प्रज्ञा प्रतिष्ठानका कुलपति गंगाप्रसाद उप्रेतीले दुवै स्रष्टाका रचनाको स्वर सामाजिक, राजनीतिक रूपान्तरण रहेको धारणा राखे । कार्यक्रम साहित्यकार डा. विष्णुराज आत्रेयको सभापतित्वमा सम्पन्न भएको थियो । मुक्तक कृति मनको पहिरो कन्दरा पब्लिकेसनले प्रकाशन गरेको हो भने अछूत जून कवितासंग्रह एडीबी पब्लिकेसनले बजारमा ल्याएको हो ।

Leave a Reply

Your email address will not be published. Required fields are marked *

... र यो पनि ...

चक्रपथ

अलपत्रै छाडियो कम्प्युटर ल्याब

ShareTweet काठमाडौं । नेपाल दूरसञ्चार प्राधिकरणले अत्याधुनिक कम्प्युटर ल्याब राख्न देशभरिका करिब एक हजार विद्यालयसँग सम्झौता गरेको लामो समय बितिसक्दा पनि अझै काम- ...
पूरा पढ्नुहोस्

स्रष्टा र सिर्जना

कति दुख्छ कालापानी ?

ShareTweet यतिबेला राष्ट्रवादी स्वरलहरी गुन्जिइरहेका छन्, सर्वत्र । युवापंक्ति सडकमा ओर्लिएका छन् । आवाज घन्काइरहेका छन्– ‘लिपुलेक हाम्रो हो ।’ नेपालको भूभाग एकपक्षीय- ...
पूरा पढ्नुहोस्

नयाँ पुस्तक

आफ्नै ठगी बुद्धिले रूपज्योति फन्दामा

ShareTweet काठमाडौं । अर्बौंको कारोबार भएका चर्चित व्यापारी रूपज्योति करोड चानचुनको ठगीमा परेका छन् । जग्गा बेच्न भन्दै विज्ञेन्द्र मल्लसँग एक करोड २६ लाख बैना लिएर- ...
पूरा पढ्नुहोस्

छोटकरीमा