25th August 2019, Sunday

E-budhabar
Header Right Side NTC Advertisement

प्रधानमन्त्री ओली युटर्न !



प्रधानमन्त्री ओली युटर्न !

काठमाडौं । सरकार गठनको पहिलो वर्षलाई समृद्धिको आधार वर्ष र दोस्रो आर्थिक वर्षपछि तीव्र आर्थिक समृद्धितर्फको यात्रामा अघि बढ्ने घोषणा गरेका प्रधानमन्त्री केपी ओलीले गत १ साउनयता कार्यशैलीमा आमूल परिवर्तनको संकेत गरेका छन् । मन्त्रिपरिषद् फेरबदलको हल्ला चलिरहेका बेला प्रधानमन्त्री ओलीले पार्टीभित्र र बाहिर रुचाइएका नेता योगेश भट्टराईलाई इन्ट्री गराएका छन् । रिक्त संस्कृति, पयर्टन तथा नागरिक उड्डयन मन्त्रालयमा भट्टराईलाई जिम्मा दिएसँगै उनले एकैपटक धेरै प्रश्नको जवाफ दिएका छन् ।
भट्टराईको इन्ट्रीपछि सरकारमा रहेका सदस्यहरू कम्तीमा पनि एक÷डेढ वर्ष फेरबदल नहुने तर सरकारले विगतको कार्यशैलीमा भने आमूल सुधार गर्ने प्रस्ट सन्देश प्रधानमन्त्रीले दिएका छन् । इतिहासमै पहिलोपटक प्रधानमन्त्रीले मन्त्री, मन्त्रीले सचिव, सचिवले सहसचिव र विभागीय प्रमुखहरूले उपसचिव र अधिकृत तहसम्म कार्यसम्पादन करार सम्झौताअनुसार काम अघि बढाउने प्रतिबद्धतासहित ओलीले सरकारले जनअपेक्षाअनुसार नयाँ ढंगले विकास र समृद्धिको अभियान सञ्चालन सुरु गरेको प्रस्ट सन्देश दिएका छन् । यसबाट सरकार–कर्मचारीबीच ‘चेन अफ कमान्ड’ बलियो मात्र भएको छैन, विकास निर्माणको कामले अवश्य पनि गति लिने अपेक्षा गरिएको छ । किनभने क्यालेन्डरसहित करारमा कार्य सम्पादन गर्ने कुराले मन्त्री र कर्मचारीहरूले विगतको तुलनामा दोब्बर मिहेनतका साथ काम गर्नुपर्ने हुन्छ । त्यसो त राष्ट्रिय गौरवका आयोजनाहरूको कामको प्रधानमन्त्री कार्यालयबाटै अनुगमन गर्ने, अख्तियार दुरुपयोग अनुसन्धान आयोगलाई थप सक्रिय तुल्याएर भ्रष्टाचार नियन्त्रणका लागि सरकारले गरेको प्रयासको पनि चौतर्फी प्रशंसा भइरहेको छ । जनताको तहबाट आलोचना भएपछि प्रधानमन्त्री ओलीले आफ्नो सचिवालयलाई पनि चुस्त बनाउँदै नेपाल टेलिभिजनबाट प्रसारण हुँदै आएको जनतासँग प्रधानमन्त्री कार्यक्रम बन्द गराएका छन् । कुरा कम तर काम बढी गर्ने रणनीति अख्तियार गरेका प्रधानमन्त्री ओलीले पनि पार्टीभित्र पनि कमसेकम विधिलाई ‘फलो’ गर्ने प्रयास अघि बढाएका छन् । अध्यक्ष पुष्पकमल दाहाल ‘प्रचण्ड’सहित शीर्ष नेताहरूसँग निरन्तर संवाद गर्ने, पार्टीका विधिको माग गर्ने नेताहरूको कुरा सुन्ने मात्र होइन, कतिपय कुरा उनले व्यवहारमै लागू गर्ने प्रयास गरिरहेका छन् । नेकपा पूर्वएमाले र पूर्वमाओवादी समूहबाट बनेको छ । यो पक्षलाई उनले ख्याल गरेका छन् । तर, पूर्वमाओवादी समूहका नेताहरू विचार, सिद्धान्त, विधि, प्रक्रिया र पद्धतिलाई आत्मसात् गर्ने प्रवृत्तिमा अझै अभ्यस्त हुन सकेका छैनन् । पार्टी अध्यक्षको जस्तोसुकै नकारात्मक शैली र प्रवृत्तिको पनि व्यक्ति पूजाको रूपमा प्रशंसा गर्ने, पद र प्रतिष्ठाका निम्ति अध्यक्ष प्रचण्डलाई घेराबन्दी गर्ने जस्ता प्रवृत्तिका कारण नेकपाभित्र पूर्वमाओवादी समूहको भूमिका फितलो बन्दै गएको छ । यी सबै परिप्रेक्ष्यमा लोकतान्त्रिक पद्धतिलाई आत्मसात् गरेर प्रधानमन्त्री ओली भावी दिनमा थप कसरी अघि बढ्छन्, त्यसबाटै उनको फेरिएको शैलीको परीक्षा हुने विश्लेषण गरिएको छ ।

Leave a Reply

Your email address will not be published. Required fields are marked *

... र यो पनि ...

चक्रपथ

नेकपामा कुन नेतालाई के जिम्मेवारी ?

ShareTweet काठमाडौं । नेपाल कम्युनिस्ट पार्टी (नेकपा) को गत शनिबार र आइतबार बसेको सचिवालय बैठकले पार्टीका केन्द्रीय विभागहरूको प्रमुख तथा उपप्रमुख र जनवर्गीय संगठनका- ...
पूरा पढ्नुहोस्

स्रष्टा र सिर्जना

निभ्यो समृद्ध ज्ञान–पुञ्ज

ShareTweet नेपाली भाषा, साहित्य, संस्कृति, दर्शन र पत्रकारिता जगत्का मनिषि मदनमणि दीक्षितको दुःखद अवसानले पूर्वीय दर्शन र चिन्तन परम्पराको क्षेत्रमा शून्यता प्रतीत- ...
पूरा पढ्नुहोस्

नयाँ पुस्तक

‘मित्रताको आकाश’मा इन्द्रधनुषी विम्ब

ShareTweet पूर्वरंग संस्कृत साहित्यको नीतिवचनमा एउटा भनाइ छ– संसार विषवृक्षस्य द्वेफले अमृतोपमे । काव्यामृत रसास्वाद संलाप सज्जनैः सह ।। नीतिवचन संग्रह ६।७ अर्थात्- ...
पूरा पढ्नुहोस्

छोटकरीमा