18th February 2020, Tuesday

E-budhabar
Header Right Side NTC Advertisement

पुरीकै लागि यत्रो खातिरदारी

काठमाडौं । श्रम, रोजगार तथा सामाजिक सुरक्षा मन्त्रालयले निष्पक्ष ढंगले गराएको भनिएको काममा पनि व्यापक आर्थिक चलखेल भएको बुझिएको छ ।
श्रममन्त्री गोकर्ण विष्टले जतिसुकै आदर्शवादी गफ गरे पनि पछिल्लोपटक मलेसियामा रोजगारीका लागि जानेहरूको स्वास्थ्य परीक्षण गर्ने मेडिकल इन्स्टिच्युट छनोट गर्दा आर्थिक चलखेल भएको स्रोतको दाबी छ । उनले निष्पक्ष रूपमा छनोट गरिएको पहिलो चरणमा आफ्ना निकटकाहरू नपरेपछि दोस्रोपटकसमेत अनुगमन गरिएको खुलेको छ ।
मन्त्रालयले गत असार २० गते २ सय ९० वटा संस्थाबाट मापदण्ड पुगेको भन्दै ९९ वटा संस्था छनोट गरिएको सूचना सार्वजनिक गरिएको थियो । असार १९ गतेको मन्त्रीस्तरीय निर्णयअनुसार त्यसरी ९९ संस्था छनोट गरेकामा केही नक्कली उजुरी खडा गर्न लगाएर हटाउनुका साथै केहीलाई मादण्ड पूरा भइसकेको र अनुगमनका छुट भएको भन्दै थप गरिएको बताइन्छ । मलेसिया सरकारले भनेबमोजिम मापदण्ड पूरा नगरेको भन्दै १ सय ३८ वटा संस्थालाई अयोग्यको सूचीमा राखेकोमा केही दिनको चलखेलपछि फेरि सो सूची हेरफेर गरिएको छ । यही साउन २१ गते पुनः सूचना प्रकाशित गर्दै मन्त्रालयले पहिलेको सूचीमध्येबाट केहीलाई हटाएको छ भने केहीलाई थपेको छ ।
पछिल्लोपटक पहिलेको तुलनामा ३१ वटा संस्था थपिएका छन् भने २२ वटा संस्थालाई मापदण्ड नपुगेको भन्दै हटाइएको छ । खासगरी रिभर ओभरसिज नामक मेनपावर सञ्चालक रघु पुरीको मेडिकल सो छनोटमा नपरेकाले नै मन्त्रीले पूरक अनुगमनका नाममा दोस्रो चरणमा सूचीहरू हेरफेर गरेको बताइएको छ । पुरी र मन्त्री विष्टको पछिल्लो समयको हिमचिम रहस्यमय बन्दै गएको बताइन्छ । खजाना मेडिकन सेन्टर अहिले पुरीले सञ्चालन गर्दै आएका छन् ।
श्रम रोजगार तथा सामाजिक सुरक्षा मन्त्रालयले रोजगारीका लागि मलेसिया जाने कामदारको स्वास्थ्य परीक्षण गर्ने स्वास्थ्य संस्थाहरू सूचीरकरण गर्ने क्रममा मनपरी भएको भन्दै गुनासो व्यापक मात्रामा आएको थियो । यसअघिकै ३७ मेडिकल संस्थालाई मात्र मलेसिया जाने कामदारको स्वास्थ्य परीक्षण गर्ने अनुमति दिइएकोमा त्यो सिन्डिकेट मन्त्रीले तोडेकोमा बधाईका पात्र त भएका छन् नै, तर पछिल्लो छनोटमा पनि उत्तिकै आर्थिक चलखेल भएकाले उनी विवादमुक्त भने हुन सकेनन् । मेडिकल व्यवसायी कैलाश खड्काहरूको मनोमानी तोड्न उनी सफल भए पनि नयाँमा समेत उस्तै चलखेल भएपछि सर्वत्र आक्रोश बढेको छ ।
पछिल्लोपटक थपिएका मेडिकल संस्थाहरूमा युभी स्वास्थ्य क्लिनिक, डाइमन्ड पोलिक्निक, रिभाइभ क्लिनिक, खजाना मेडिकल सेन्टर, स्पेस मेडिकल सेन्टर, यु एन्ड मी मेडिकल सेन्टर, जनता मेडिकल सेन्टर, अल्का अस्पताल, सिद्धि पोलिक्लिनिक, ब्लुक्रस अस्पताल, सोसियल मेडिकल सेन्टर, रिभाइव मेडिकल, हेल्थ केयर क्लिनिक, ओम अस्पताल, नीता पोलिक्लिनिक, बाबा मेडिकल, निशान्त मेडिकल, बुढासुब्बा मेडिकल, मुनाल डाइग्नोस्टिक, सनसाइन मेडिकललगायत छन् । यसैगरी फुल मेडिकल, दीक्षा स्वास्थ्य सेवा प्रालि, रिलायन्स मेडिकल, सिद्धार्थ प्याथोलोजी, सुधा मेडिकल, नेसनल प्याथोलोजी, मध्यपश्चिम पोलक्लिनिकलगायत छन् । पछिल्लोपटक थपिएकोमा नाम चलेका अस्पताल सञ्चालक र प्रभावशाली व्यक्तिका नातगोताका संस्थाहरू परेको बताइन्छ ।
यता पुरीकै सुझावका आधारमा अन्य मेनपावर व्यवसायीलाई पेसाबाट विस्थापित गर्ने योजनाअनुरूप ६ करोड धरौटीको प्रस्ताव गरिएको समेत अन्य मेनपावर व्यवसायीहरूको आरोप छ । मन्त्रीकै नीतिका कारण वैदेशिक रोजगार व्यवसायीबीच संघका पदाधिकारहरूले मुख देखाउन नसक्ने अवस्था भएको बताइन्छ । सरकारले व्यवसायीलाई कस्दै लगेपछि त्यही बहानामा नेपाल वैदेशिक रोजगार व्यवसायी संघको निर्वाचनमा पनि त्यसको असर पर्ने र नेकपानिकटले हार्ने भएपछि असारमा हुनुपर्ने निर्वाचन असोजमा सारिएको एक व्यवसायीले बताए । ‘पार्टी एउटै भएर मात्र के गर्नु, मन्त्रीजीलाई हाम्रो कुरा सुन्ने फुर्सद छैन, एकाध माफिया भए पुगिहाल्यो ?’ एक नेकपानिकट मेनपावर व्यवसायीका नेताले गुनासो गरे ।

Leave a Reply

Your email address will not be published. Required fields are marked *

... र यो पनि ...

  • सामान्यमा आफ्नै हात जगन्नाथ

    काठमाडौं । रोजेको आकर्षक ठाउँमा जाने इच्छा प्रायः सबै कर्मचारीको हुन्छ । कतिपय कर्मचारी त पहुँच नपुगेकै कारण वर्षौंदेखि दुर्गम र अनाकर्षक ठाउँमा बस्दै आएका छन् । वर्षौंदेखि घरपरिवारसँग टाढिएर बस्नुपरेको धेरै दर्दनाक पीडा छन् । तर, सामान्य प्रशासन मन्त्रालयमा बसेका केहीले भने आफ्नो सरुवा पनि भनेको ठाउँमा आफैंले गरेर...
  • हिमालयन बैंकमा होडबाजी

    काठमाडौं । हिमालयन बैंकमा राणा, श्रेष्ठ, खेतान र पाण्डे समूहबीचको विवाद उत्कर्षमा पुगेको छ । आज बुधबार हुने साधारणसभाबाट राणा र श्रेष्ठ समूहको एकाधिकार तोड्न खेतान समूह सक्रिय भएको छ । एन ट्रेडिड्र कम्पनी प्रालि झम्सिखेलका तर्फबाट अध्यक्ष बनेका मनोजबहादुर श्रेष्ठ र आभा इन्टरनेसनलन प्रालि थापाथलीका तर्फबाट बैंकका प्रमुख कार्यकारी...
  • खरिपाटीमा ‘कोरोना’को त्रास

    काठमाडौं । कोरोना भाइरसबाट संक्रमित मुलुक चीनबाट फर्काइने नागरिकलाई राख्न भक्तपुरको खरिपाटीस्थित नेपाल विद्युत् प्राधिकरणको तालिम केन्द्र छनोट गरिएसँगै कर्मचारीहरूमा आतंक मच्चिएको छ । चीनबाट फर्काइने नागरिकलाई राख्न तीनचार ठाउँबारे छलफल चले पनि अन्ततः खरिपाटीमा नै राख्ने टुंगोमा सरकार पुगेको हो । सो स्थान सुरक्षित रहेको हुँदा सरकारले क्वारेन्टाइन राख्ने...

चक्रपथ

फागुनबाट नेकपाको विशेष अभियान

पार्टी प्रवेश, ¥यालीदेखि जनसभभासम्मको योजना काठमाडौं । नेपाल कम्युनिस्ट पार्टी (नेकपा) ले फागुन १ बाट पार्टी एकता सुदृढीकरण र जनसम्बन्ध विस्तार विशेष अभियान सञ्चालन गर्ने भएको छ । खासगरी पाँचमहिने कार्ययोजनासहित बनेको विशेष अभियान मूल रूपमा तीन महिना विशेष रूपले सञ्चालन गर्ने नेकपाको तयारी छ । गत १९ माघमा सम्पन्न...
पूरा पढ्नुहोस्

स्रष्टा र सिर्जना

ढुंगे युगतिर डोर्याउने धृष्टता

केही दिनपूर्व, प्रदर्शनीमार्गको एउटा पुस्तक पसलको दराजमा सजाइएको एउटा पुस्तकमा आँखा प¥यो, जुन पुस्तक एकजना विदेशी लेखकले लेखेका थिए र जसमा उनले नेपालका हिमालीदेखि अरु भूभाग घुम्दाका अनुभवलाई उतारेका थिए । हरेक पुस्तक किन्दा छुट लिने बानी नै परिसकेको हुँदा पुस्तक बिक्रेतालाई सोधें, ‘यो पुस्तक किन्दा कति छुट पाइन्छ ?’...
पूरा पढ्नुहोस्

नयाँ पुस्तक

फरक स्वरध्वनि

तीन दशकयता कविता–कर्म र साधनामै व्यस्त छन्, वीरु बाङ्देल । सिक्किमका बासिन्दा बाङ्देलले नेपाली भाषामा उम्दा काव्य सिर्जना गरेर पृथक पहिचान बनाउँदै आएका छन् । कवितालाई नै लेखनको मूल विषय बनाएका उनले आजको समाज र राजनीतिक परिस्थितिहरूको भित्री यथार्थको अभिव्यक्ति धेरै नै प्रभावशाली ढंगले पस्किँदै आएका छन् । उनको पछिल्लो...
पूरा पढ्नुहोस्

छोटकरीमा

  • फोटोमा हारजितको फैसला

    काठमाडौं । ‘तपाईंहरू यही हुनुहुन्छ तर तपाईंहरूकै फोटो राजारानीको जस्तो गरी राखिएको छ । यो फोटो राख्ने सामान्तवादी प्रवृत्ति हो । राजावादी प्रवृत्ति भयो । यो फोटो निकाल्नुहोस्, यसपटक सक्नुहुन्न भने अर्कोपटक नराख्नुहोला ।’ नेकपा केन्द्रीय कमिटी बैठक चलिरह“दा केन्द्रीय सदस्य राजेन्द्र राईले उठेर यसरी कडा स्वरमा प्रतिवाद गरेपछि १५...
  • कुन पार्टीमा जालिन् शिवमाया ?

    काठमाडौं । कुनै हालतमा राजीनामा नदिने अडानमा रहेकी तत्कालीन उपसभामुख डा. शिवमाया तुम्बाहम्फेले पार्टी केन्द्रीय सदस्यको हैसियतमा क्रियाशील हुने इच्छा व्यक्त गरेकी छन् । तत्कालीन सभामुख कृष्णबहादुर महराले गरेको गल्तीको सजाय आफूलाई दिन लागिएको भन्दै तुम्बाहाम्फेले आफूले गल्ती गरेको लिखित कारण पार्टीले दिनुपर्ने सर्त राखेकी थिइन् । सभामुखमा उम्मेद्वारी दिने...
  • वैदेशिक रोजगार पत्रकार समाजमा थापा

    काठमाडौं । वैदेशिक रोजगार पत्रकार समाजको साधारणसभाले हरिबहादुर थापाको अध्यक्षतामा सर्वसम्मतिले नयाँ कार्यसमिति चयन गरेको छ । शनिबार राजधानीमा सम्पन्न समाजको साधारणसभाले मिडिया मिसनका सञ्चालक थापाको अध्यक्षतामा ११ सदस्यीय कार्यसमिति गठन गरेको हो । वैदेशिक रोजगार क्षेत्रमा कलम चलाउने सक्रिय सञ्चारकर्मीहरूको संस्थाका रूपमा समाज १० वर्षअघि स्थापना भएको हो ।...