19th September 2019, Thursday

E-budhabar
Header Right Side NTC Advertisement

पूर्वगृहसचिव पोखरेलका सबै दाजुभाइ अख्तियारको कारबाहीमा



पूर्वगृहसचिव पोखरेलका सबै दाजुभाइ अख्तियारको कारबाहीमा

काठमाडौ । सूर्यनाथ उपाध्याय अख्तियार दुरुपयोग अनुसन्धान आयोगको प्रमुख आयुक्त हुँदा अकूत सम्पत्ति आर्जन गरेको आरोपमा विशेष अदालतमा मुद्दा दायर गरिएका पूर्वगृहसचिव पदमप्रसाद पोखरेलका कान्छा भाइ हरिप्रसाद पोखरेल ९ लाख रुपैयाँ घुससहित साउन २४ मा पक्राउ परे । पूर्वसचिव पोखरेलविरुद्ध सर्वोच्च अदालतमा पुनरावेदनमा नजाने अख्तियारले निर्णय गरेको एक महिनामै उनका भाइ हरिप्रसादलाई अख्तियारले नौ लाख घुससहित नियन्त्रणमा लिएको हो । हरिप्रसाद पोखरेल सडक डिभिजन कार्यालय पोखराका प्रमुख हुन् । डिभिजन कार्यालयकै एक प्राविधिकले दिएको सूचनाका आधारमा डीई पोखरेल पक्राउ परेका हुन् । यसअघि पूर्वसचिव पोखरेलका अर्का भाइ खगेन्द्रमणि पोखरेल यातायात कार्यालयको निर्देशक हुँदा अख्तियारको नियन्त्रणमा परेका थिए । पद्मप्रसाद पोखरेलविरुद्ध अख्तियारले पुनरावेदनमा नजाने निर्णय गरिसकेको भए पनि अझै पनि उनको र उनको परिवारको नामको सम्पत्ति फुुकुवाको प्रक्रिया चलि नै रहेको बेला भाइ पक्राउ परेका छन् ।
खगेन्द्रमणि पोखरेल पद्मप्रसादकी अर्की आमापट्टिका हुन् । सडक डिभिजन पोखराका प्रमुख हरिप्रसाद र पद्मप्रसाद सहोदर भाइ हुन् । २०४८ पछि निजामती प्रशासनको उच्च तहमा पद्मप्रसाद पोखरेल शक्तिशाली मानिन्थे । कांग्रेसको कार्यकालमा गृह प्रशासनमा उनको दबदबा नै थियो । उनको सिफारिसमा नेपाल प्रहरीमा धेरैले अधिकृत हुने मौका पाए । पोखरेलको शक्ति र रवाफको फाइदा बढी त खोटाङका खार्पाली र ओखलढुंगाका माम्खाली पोखरेलले लिए । उनले त्यस क्षेत्रका धेरैको उद्धार गरिदिएका छन् । उनको प्रतापका कारण नेपाल प्रहरीको अधिकृतमा जागिर खानेहरू अहिले डीआईजीसम्म भइसकेका छन् । हालका नेपाल प्रहरीका आईजीपी सर्वेन्द्र खनाल पद्मप्रसादकै छोरीज्वाइँ हुन् । खनाल पनि ससुरा शक्तिमा हुँदा लाभ लिनेमा पर्दछन् ।

Leave a Reply

Your email address will not be published. Required fields are marked *

... र यो पनि ...

चक्रपथ

३ नम्बर प्रदेशमा संविधान दिवसको भव्य तयारीे

ShareTweet काठमाडौं । संविधान दिवसको अवसरमा ३ नम्बर प्रदेश सरकारले विविध कार्यक्रमहरू गर्ने भएको छ । सोमबार प्रदेशका मुख्यमन्त्री डोरमणि पौडेलको संयोजकत्वमा दिवस- ...
पूरा पढ्नुहोस्

स्रष्टा र सिर्जना

सामाजिक मुद्दाहरूतिर उन्मुख

ShareTweet हामी वर्षौंदेखि जुन समाजमा भिजिरहेका छौं÷बाँचिरहेका छौं, त्यो समाजमा साहित्य, कला, सिनेमाजस्ता सिर्जना र अभिव्यक्तिका लागि अनेकानेक विषयहरू छन् । समाजका- ...
पूरा पढ्नुहोस्

नयाँ पुस्तक

विसंगतिमाथि चोट

ShareTweet पोखराको साहित्यिक परिवेशमा भिजेका अधिकांश सर्जकहरूले मुक्तक विधामा कलम नचलाएका कमै दृष्टान्त होलान् । सरुभक्त, तीर्थ श्रेष्ठ, प्रकट पगेनी ‘शिव’, रमेश श्रेष्ठलगायत- ...
पूरा पढ्नुहोस्

छोटकरीमा