20th November 2019, Wednesday

E-budhabar
Header Right Side NTC Advertisement

कहिलेसम्म निमित्त हो मन्त्रीज्यू ?



कहिलेसम्म निमित्त हो मन्त्रीज्यू ?

काठमाडौं । मन्त्री र उच्च तहका कर्मचारीहरूले असक्षमताका कारण कृषि तथा पशुपन्छी मन्त्रालय मातहतका थुप्रै निकाय निमित्तको भरमा चल्दै आएका छन् । चक्रपाणि खनाल मन्त्रीमा नियुक्त भएदेखि नै अधिकांश बोर्ड र संस्थानहरू निमित्तले हाँकिरहेका छन् ।
कृषि क्षेत्रको अनुसन्धान गर्ने मुख्य निकाय नेपाल कृषि अनुसन्धान परिषद् (नार्क) करिब डेढ वर्षदेखि निमित्तको भरमा चलिरहेको छ । कहिले कायममुकायम र कहिले निमित्तका भरमा सो संस्था चल्दै आइरहेको छ । अहिले डा. टेकबहादुर गुरुङले निमित्त पाएका छन् । कामु पाएका डा. गुरुङको अवधि सकिएपछि उनले निमित्त चलाइरहेका हुन् । कुनै कर्मचारीलाई ६ महिनाभन्दा बढी कामु दिन नपाइने भएको हुँदा सो अवधि गुज्रिएपछि डा. गुरुङले नाकर्को निमित्त चलाइरहेका हुन् ।
डेढ वर्षअघि नै डा. वाईआर पाण्डेको पदावधि सकिएपछि डा. वैद्यनाथ महतोले कामु चलाएका थिए । उनको पनि अवधि सकिएपछि डा. गुरुङले कामु पाएका हुन् । तर, पछिल्लो समय भने नार्कको कार्यकारी–निर्देशकमा बन्न केही कर्मचारीहरूले रुचि देखाएका छन् । त्यसमा बाली तथा बागवानी महाशाखा सम्हालिरहेका मुख्य वैज्ञानिक डा. दीपक भण्डारी, प्रशासन महाशाखाका प्रमुख वरिष्ठ वैज्ञानिक डा. सीताराम अर्याल, योजना महाशाखाका प्रमुख रामचन्द्र अधिकारी र लेखाका प्रमुख रामबहादुर केसीको रुचि रहेको बताइन्छ ।
दुग्ध विकास संस्थान त करिब दुई वर्षदेखि निमित्तको भरमा चलिरहेको छ । दुई वर्षअघि डा. गंगा तिमल्सिनाको अवधि सकिएपछि डा. ईश्वरीप्रसाद अधिकारीले निमित्त पाएका थिए । डा. अधिकारीको पनि अवधि सकिएपछि ईश्वरी न्यौपानेले निमित्त चलाए । न्यौपानेको पनि जागिरको अवधि सकिएको हुँदा अहिले वित्तीय विभागका प्रमुख शैलेन्द्रकुमार घिमिरले निमित्त चलाइरहेका छन् ।
त्यस्तै, राष्ट्रिय चिया तथा कफी विकास बोर्डको कार्यकारी निर्देशक पद पनि गएको वैशाखदेखि रिक्त छ । शेषकान्त गौतमको अवधि सकिएपछि सो पद रिक्त रहेको हो । तर, सो पदका निम्ति केही व्यक्तिले दौडधुप सुरु गरिसकेका छन् । दौडधुपका क्रममा रमेश गुरागाईं अग्रपंक्तिमा रहेको बताइन्छ । तत्कालीन कृषि विकास मन्त्री हरिबोल गजुरेलको स्वकीय सचिव रहेका गुरागाईं अहिलेसम्म दौडमा अगाडि रहेको बुझिएको छ । तर, गुरागाईंसँग चिया तथा कफी क्षेत्रको अनुभव भने नरहेको र मन्त्री खनालले भने सोही क्षेत्र बुझेको व्यक्तिलाई कार्यकारी निर्देशक बनाए पाए हुन्थ्यो भन्ने पक्षमा रहेको बताइन्छ ।
यसरी नै कृषि सामग्री कम्पनी लिमिटेड पनि निमित्तकै भरमा सञ्चालित हुँदै आएको छ । सो कम्पनीका प्रबन्ध सञ्चालक अमरराज खैरको अवधि सकिएपछि अच्यूत पौडेलले निमित्त चलाइरहेका छन् । उनले निमित्त चलाएको लामै समय बिते पनि अहिलेसम्म नयाँ प्रबन्ध सञ्चालक नियुक्ति गर्नेतिर मन्त्रालयले कुनै चासो र तत्परता देखाइरहेको छैन ।
राष्ट्रिय दुग्ध विकास बोर्ड पनि अहिले खाली नै रहेको छ । बोर्डका कार्यकारी निर्देशक खाली भएको करिब दुई वर्ष बिते पनि कसैलाई नयाँ नियुक्ति गरिएको छैन । तत्कालीन कार्यकारी निर्देशक कैलाश ढुंगेलले रामेछापबाट निर्वाचन जितेर प्रदेश ३ को आर्थिक मामिलामन्त्री भएपछि सो पद त्यही समयदेखि खाली रहँदै आएको हो ।

Leave a Reply

Your email address will not be published. Required fields are marked *

... र यो पनि ...

चक्रपथ

अलपत्रै छाडियो कम्प्युटर ल्याब

ShareTweet काठमाडौं । नेपाल दूरसञ्चार प्राधिकरणले अत्याधुनिक कम्प्युटर ल्याब राख्न देशभरिका करिब एक हजार विद्यालयसँग सम्झौता गरेको लामो समय बितिसक्दा पनि अझै काम- ...
पूरा पढ्नुहोस्

स्रष्टा र सिर्जना

कति दुख्छ कालापानी ?

ShareTweet यतिबेला राष्ट्रवादी स्वरलहरी गुन्जिइरहेका छन्, सर्वत्र । युवापंक्ति सडकमा ओर्लिएका छन् । आवाज घन्काइरहेका छन्– ‘लिपुलेक हाम्रो हो ।’ नेपालको भूभाग एकपक्षीय- ...
पूरा पढ्नुहोस्

नयाँ पुस्तक

आफ्नै ठगी बुद्धिले रूपज्योति फन्दामा

ShareTweet काठमाडौं । अर्बौंको कारोबार भएका चर्चित व्यापारी रूपज्योति करोड चानचुनको ठगीमा परेका छन् । जग्गा बेच्न भन्दै विज्ञेन्द्र मल्लसँग एक करोड २६ लाख बैना लिएर- ...
पूरा पढ्नुहोस्

छोटकरीमा