11th July 2020, Saturday

E-budhabar
Header Right Side NTC Advertisement

एकताको स्थायित्व

जिम्मेवारी बाँडफाँटलाई टुंगो लगाएपछि देशकै ठूलो र शक्तिशाली सत्तारुढ नेपाल कम्युनिस्ट पार्टी (नेकपा) को एकता प्रक्रियाले अन्ततः सार्थक दिशा पहिल्याएको छ । दुई कम्युनिस्ट घटक नेकपा (एमाले) र नेकपा (माओवादी केन्द्र) बीच एकता घोषणा भएको करिब डेढ वर्षपछि एकताले सार्थक र मूर्तरूप ग्रहण गर्न पुगेको हो । जिम्मेवारविहीन केन्द्रीय÷सीमान्त तहका नेताहरूले किस्ताबन्दी रुपमा जिम्मेवारी पाएका छन् र यो अवधिमा व्याप्त अन्योल, संशय, द्विविधा र असन्तोष पनि अब हट्ने अनुमान गरिएको छ र सत्तारूढ नेकपाले पार्टीगत राजनीतिमा पनि गति समात्ने अपेक्षा पलाउन पुगेको छ ।
दुई ठूला र सशक्त कम्युनिस्ट शक्तिबीच डेढ वर्षअघि अकल्पनीय रूपमा एकताको घोषणा हुँदा त्यसले आमजनपंक्तिमा बेग्लै उत्साह र तरंग पैदा गरेको थियो । पूर्वानुमानबिना नै राजनीतिक रूपमा प्रतिस्पर्धी मानिएका र एकअर्काबीच सदैव कटाक्षको बीजारोपण गरिरहने शक्तिबीच एकता हुँदा त्यसले ल्याउने तरंग पृथक नै हुन्छ । तत्कालीन एमाले र माओवादी केन्द्रबीच एकता हुँदा पनि सहजै त्यस्तो तरंगको प्रादुर्भाव हुन पुगेको थियो । तत्कालीन समयमा दुवै पार्टीको कार्यकर्ता पंक्तिमा अपार उत्साह भित्रिएको थियो र जनपंक्तिमा पनि आ–आफ्नो टापु खडा गरेर बसेका कम्युनिस्ट घटकहरू एकजुट हुँदा त्यस्तो एकता राष्ट्र र जनताका निम्ति लाभप्रद हुने ठम्याइ थियो । आखिर जनअपेक्षा पनि त्यहीं नै थियो– कम्युनिस्टहरू मिलेर देश विकास र निर्माणमा योगदान गरोस्, गणतन्त्रको संस्थागत विकासमा भूमिका निभाओस् र संघीयताको कार्यान्वयन र परिपक्वतामा कदम चालोस् । यस्तो जनअपेक्षा संघीय र प्रादेशिक चुनावका क्रममा प्रस्ट रूपमा सतहमै उद्घाटित हुन पुगेको थियो र नेकपालाई अत्यधिक मत दिएर जनताले देशको विकास र समृद्धिको दिशामा अघि बढ्न र नेतृत्व गर्न अवसर प्रदान गरेका थिए ।
दुई कम्युनिस्ट शक्तिबीचको एकतालाई जनपंक्तिले सहजै स्विकारे । जुन स्वीकार्यताको परिणति तत्कालका निर्वाचनहरूमा देखिएको थियो । तर देशका दुई शक्तिशाली कम्युनिस्ट घटकबीचको एकताले कतिपय शक्ति–समूहहरूमा भने तीव्र बेचैनी पैदा हुन पुगेको थियो । मूलतः यथास्थिति र प्रतिगमनका पृष्ठपोषकहरूका निम्ति दुई कम्युनिस्ट घटकको एकता अपाच्य मात्र भएन, एकता विरोधी अभिव्यक्ति र भ्रमहरू छर्दै हिँडे पनि, ती शक्तिहरू । उनीहरूले आफ्ना आसेपासे शक्तिहरूलाई परिचालित पनि तुल्याए । अचम्मको विषय, कम्युनिस्टहरू शक्तिशाली हुन पुगेको कुन चाहिँ पश्चगामी शक्तिहरूका निम्ति खुसी र उल्लासको कुरा हुन्थ्यो र ? भ्रम, अफवाह छरेरै भए पनि एकतालाई कमजोर र नकारात्मक तुल्याउने हर्कतमा ती शक्ति–समूहहरू लागि परे र उनीहरूको त्यस्तो अभियानले अझै विश्राम लिइसकेको छैन । एकतालाई कतिखेर बिथोल्न सकिएला भनेर अझै मौका ढुकेर बसिरहेका छन् ।
यद्यपि, नेकपाले अहिले जुन दायित्व र जिम्मेवारी प्राप्त गरेको छ, त्यो ऐतिहासिक जिम्मेवारी हो । इतिहासमा यस्ता अवसर कमै आउँछन् । आम जनमानसले कुनै पनि शक्तिलाई यति धेरै विश्वास र भरोसा विशेष कालखण्डमा मात्रै गर्ने गर्दछन् । विगतमा नेपाली जनमानसले अनेक राजनीतिक शक्तिहरूलाई विश्वास र भरोसा गरेका थिए र त्यहीअनुरूप आफ्नो मत अर्पणसमेत गरेका थिए । तर, जनमत र अपेक्षाअनुरूप राजनीतिक शक्तिहरू प्रभावकारी रूपले उभिन नसकेपछि अन्ततः जननजरमा गिर्न पुगे र त्यस्ता शक्तिहरूले पुनः टाउको उठाउने प्रयत्न गरे पनि सफलता हासिल गर्न सकेनन् । जनपरीक्षणमा दह्रो र खरो रुपमा उत्रिन नसक्दा विगतमा थुप्रै राजनीतिक शक्तिहरू धुलो चाट्न बाध्य भएका अनेक दृष्टान्तहरू छन् हामीसँग ।
अहिले नेकपाले सुवर्ण अवसर पाएको छ । दुई तिहाइको सरकार छ । चाहे भने सरकारले देशलाई आर्थिक समृद्धिको दिशामा तीव्र गतिमा अघि बढाउन सक्नेछ । तर त्यसका निम्ति सरकार सञ्चालनको बागडोर सम्हालेको नेकपाभित्रै एकता र इच्छाशक्तिको तालमेल हुनु अनिवार्य देखिन्छ । पछिल्लो समय, नेकपाले पार्टीभित्र उत्पन्न समस्याहरूलाई किनारा लगाउने सोचले जसरी एकता प्रक्रियालाई टुंगोमा पु¥याउन चाह्यो, त्यसले अब भने एकताको भावनालाई आत्मसात् गरी पार्टी अगाडि बढ्ने र सरकारले पनि गति लिने अपेक्षा सँगाल्न थालिएको छ ।
नेकपाका अध्यक्ष पुष्पकमल दाहाल ‘प्रचण्ड’ले सबै विकल्प समाप्त गरेर पार्टी एकताको दिशामा आफूहरू सक्रिय रहेको र अब दिगो र स्थायी प्रकृतिको नेकपाको विकासमा लाग्ने संकल्पबोध पछिल्ला दिनमा व्यक्त गरेका छन्, पक्कै पनि यसले आम कार्यकर्ता पंक्तिमा उत्साह छाउन पुगेको छ । प्रचण्डका यी भनाइ एकता प्रक्रियालाई सुदृढ तुल्याउने आधार बन्न सक्छन्, पूर्वएमाले र माओवादी केन्द्रका कार्यकर्ताहरूमा मौजुद संशयहरू मेटिन सक्छन् र एकताको स्थायित्वमा भूमिकासमेत निर्वाह हुन सक्छ ।

Leave a Reply

Your email address will not be published. Required fields are marked *

... र यो पनि ...

  • डाटा सेवाको अवधी थप

    चैत २७, काठमाडौं । विश्वव्यापी रुपमा कोरोना भाइरसको महामारीले सिर्जना गरेको विषम परिस्थितिका कारण मुलुकमा कायम रहेको लकडाउनको अवस्थामा नेपाल टेलिकमले आफ्ना ग्राहकवर्गलाई भ्वाइस तथा डाटा सेवामा उपलब्ध गराएको स्टे कनेक्टेड अफरको अवधि थप गरेको छ । नेपाल सरकारले तेश्रो पटक लकडाउनको समयावधि थप गरेपछि कम्पनीले ग्राहकहरुको सुविधालाई ध्यानमा राखी...
  • प्रदेश प्रमुखकसँग राष्ट्रपति रुष्ट

    काठमाडौं । संवैधानिक भूमिका र पदीय मर्यादालाई बिर्सिंदै राजनीतिक दलका प्रमुखको निवासमा पुगेर मागपत्र पेस गरेको सूचना पाएपछि राष्ट्रपति विद्या भण्डारी प्रदेश प्रमुखहरूसँग रुष्ट भएकी छन् । प्रदेश प्रमुखहरूको त्यस्तो कदमले लज्जाबोध गराएको भन्दै संविधानविद्ले चिन्ता व्यक्त गरेका छन् भने आमनागरिकसमेत आक्रोशित भएका छन् । प्रसंग गत २ गतेको हो...
  • रोकिएन हायातको मनपरी

    काठमाडौं । २७ वर्षअघि अर्थात् २०४९ सालदेखि आफूखुुसी गर्दै आएको तारागाउँ रिजेन्सी होटल्स लिमिटेडको मनपरी अझै रोकिएको छ । होटलले फेरि आफूखुसी सम्पत्ति तथा दायित्व मूल्यांकन (डीडीए) गराउने चलखेल सुरु गरेको छ । घाटा देखाउँदै नेपाल सरकारको लगानी ३९.६७ प्रतिशतबाट घटेर ९.०१ प्रतिशत घटाएको हायातले फेरि चलखेल सुरु गरेको हो...

चक्रपथ

बीजकोयाका हाकिमको यो हर्कत

काठमाडौं । प्रजनन पिँढी बीजकोया स्रोत केन्द्र बन्दीपुर तनहुँका हाकिम शंकरप्रसाद न्यौपानेको चर्तिकलाले सीमा नाघेको छ । अवकाशको केही महिना बाँकी रहँदा वरिष्ठ बाली संरक्षण अधिकृतको हैसियतमा रहेका उनले अनियमिता र भ्रष्टाचारको शृंखला नै चलाएको भन्दै सर्वत्र गुनासो आएको छ । माहुरी, च्याउ, रेशम खेतीलगायत बालीको विकास, विस्तार र अनुसन्धानसमेतको...
पूरा पढ्नुहोस्

स्रष्टा र सिर्जना

‘गीता’ को राजनीति

कुनै वैचारिक मुद्दाका आधारमा नभई व्यक्तिगत टकरावको उत्पत्ति हुँदा विभाजनको पीडा झेल्ने नेपालका सीमित राजनीतिक दलमा पूर्वपञ्चहरूको पार्टी राष्ट्रिय प्रजातन्त्र पार्टीले बदनामी कमाउँदै आएको छ । विभाजन र एकताको अनेक अभ्यास गरिसकेको सो पार्टी पछिल्लो समय फेरि एकताको सूत्रमा बाँधिएको छ । पछिल्लो समय तीन समूहमा विभाजित राप्रपा केही दिनपूर्व...
पूरा पढ्नुहोस्

नयाँ पुस्तक

फरक स्वरध्वनि

तीन दशकयता कविता–कर्म र साधनामै व्यस्त छन्, वीरु बाङ्देल । सिक्किमका बासिन्दा बाङ्देलले नेपाली भाषामा उम्दा काव्य सिर्जना गरेर पृथक पहिचान बनाउँदै आएका छन् । कवितालाई नै लेखनको मूल विषय बनाएका उनले आजको समाज र राजनीतिक परिस्थितिहरूको भित्री यथार्थको अभिव्यक्ति धेरै नै प्रभावशाली ढंगले पस्किँदै आएका छन् । उनको पछिल्लो...
पूरा पढ्नुहोस्

छोटकरीमा

  • चिरायुको कर्जा फाइल किन गायब ?

    काठमाडौं । पदीय दुरुपयोगको चरम नमुना हेर्नुपरे नेपाल राष्ट्र बैंकका डेपुटी गभर्नर चिन्तामणि सिवाकोटीले आफू पदमा रहँदा गरेका अनियमित कार्यहरू हेरे पुग्छ । विगतमा आफूले गरेका अनियमित कार्यहरूबाट सफाइ पाएको दाबी सिवाकोटीले गरे पनि कतिपय कसुरमा भने उनीमाथि कारबाही भएको छैन । डेपुटी गभर्नर भएपछि सिवाकोटीले चिरायु अस्पतालको कर्जा प्रवाह...
  • म्याट्रेस खरिदको १५ करोड फ्रिज हुने खतरा

    काठमाडौं । सरकारले दिएको पैसा समयमा नै खर्च गर्न नसक्दा नेपाल प्रहरीको म्याटेस खरिदका लागि छुट्याएको १५ करोड ४० लाख रुपैयाँ फ्रिज हुने अवस्था देखिएको छ । आर्थिक वर्ष सकिन अब चार महिना मात्र बाँकी छ । यो चार महिनामा नेपाल प्रहरीले खरिद गर्न सक्ने अवस्था नरहेको बताइन्छ । यो...
  • मुद्दती खाताको परिचय नै फे¥यो एनआईसीले

    काठमाडौं । एनआईसी एसिया बैंकले मुद्दती खातामा उच्च ब्याजदर सँगै २१ लाख रुपैयाँसम्मको बिमा सुविधा पनि दिँदै आएको छ । सर्वाधिक उच्च ब्याजदर पाइने खाताका रूपमा चिनिएको मुद्दती निक्षेप खातामा एनआईसी एसिया बैंकले न्यु सुपर चामत्कारिक मुद्दती निक्षेप खाता खोलेकै आधारमा बिमा सुविधा पनि थप गरेको हो । यसअघि विभिन्न...