14th December 2019, Saturday

E-budhabar
Header Right Side NTC Advertisement

भगवानको नाममा प्रधानमन्त्रीको मौनता



काठमाडौं । शिक्षा, विज्ञान तथा प्रविधिमन्त्री गिरिराजमणि पोखरेलको इच्छा डा. भगवान कोइरालालाई त्रिभुवन विश्वविद्यालयको उपकुलपति बनाउने थियो । भदौ ५ गते त्रिविका उपकुलपति डा. तीर्थराज खनियाँको पदावधि सकिएपछि मन्त्री पोखरेलको अध्यक्षतामा गठित सर्च कमिटीले पनि डा. कोइरालाकै नाम त्रिविको कुलपतिसमेत रहेका प्रधानमन्त्री केपी शर्मा ओलीसामु प्रस्ताव नगरेका होइनन् । तर, उपचारका लागि सिंगापुर जाने तयारीमा जुटेका प्रधानमन्त्री ओली डा. कोइरालाका नाममा मौन बसेका कारण उपकुलपति चयन हुन सकेन ।
प्रधानमन्त्री ओली उपचारका निम्ति सिंगापुर जानुभन्दा अघिल्लो दिन त्रिविलगायत खाली रहेका पूर्वाञ्चल, कृषि तथा वनविज्ञान र संस्कृत विश्वविद्यालयका उपकुलपति चयनको बैठक बसेको थियो । सो दिन बिहान ८ बजेदेखि ११ बजेसम्मै शिक्षामन्त्री पोखरेल, सर्च कमिटीका सदस्यहरू डिल्लीराम शर्मा र कमल गुरागाईंसमेतको उपस्थितिमा बैठक बसेको थियो । बैठकमा शिक्षामन्त्री पोखरेलले प्रधानमन्त्रीसामु डा. कोइरालाको नाम सिफारिस गरे । सिफारिस गर्ने क्रममा मन्त्री पोखरेलले भने, ‘कोइराला कुन पार्टीका हुन्, कसलाई भोट हाल्छन्, यो विषयलाई त्यति महŒव नदिऔं । तर, उनलाई उपकुलपति बनाइयो भने त्रिविमा देखापरेका विसंगति हट्छन्, उनले सुधार ल्याउन सक्छन् ।’
प्रधानमन्त्रीसामु शिक्षामन्त्री पोखरेलले डा. कोइरालाको नाम सिफारिस गरे पनि प्रधानमन्त्रीले भने कुनै प्रतिक्रिया जनाएनन् । डा. कोइरालाको नाममा प्रधानमन्त्री मौन रहे पनि उपकुलपतिको नाम प्रधानमन्त्री स्वयंले सिफारिस गर्न सक्थे । सर्च कमिटी औपचारिताका लागि मात्रै गठन हुने भएको हुँदा प्रायजसो उपकुलपति प्रधानमन्त्रीले चाहेकै व्यक्ति हुने परम्परा रहँदै आएको छ । तर, सो बैठकमा प्रधानमन्त्रीले उपकुलपतिका लागि कुनै व्यक्तिको नाम सिफारिस नगरेका कारण उपकुलपति छनोट हुन सकेन र शिक्षाध्यक्ष डा. सुधा त्रिपाठीले त्रिविको कार्यवाहक उपकुलपतिको जिम्मेवारी पाइन् । सोही बैठकमा रिक्त रहेका अरू तीन विश्वविद्यालयमा पनि कार्यवाहक उपकुलपति नियुक्त गरिएको थियो । कृषि तथा वनविज्ञान विश्वविद्यालयका उपकुलपति प्रा.डा. ईश्वरी ढकाल, पूर्वाञ्चल विश्वविद्यालयका उपकुलपति प्राध्यापक डा. घनश्यामलाल दास र नेपाल संस्कृत विश्वविद्यालयका उपकुलपति प्राध्यापक डा. कुलप्रसाद कोइरालाको अवधि सकिएको हुँदा ती विश्वविद्यालयमा क्रमशः डिन शारदा थपलिया, डिन बेजुकुमार थपलिया र रेक्टर रमेश ढकालले कार्यवाहक उपकुलपतिको जिम्मेवारी पाएका छन् ।
त्यसो त त्रिविको उपकुलपतिमा प्रधानमन्त्रीसमक्ष सिफारिस गर्नुअघि शिक्षामन्त्री पोखरेलले डा. कोइरालासँग परामर्श गरेका थिए । शिक्षा मन्त्रीले उपकुलपतिमा प्रस्ताव राखेपछि डा. कोइरालाले पनि रुचि देखाएका थिए । डा. कोइरालाले भनेका थिए, ‘म उपकुलपति बन्न इच्छुक छु । तर, मलाई स्वतन्त्र रूपले काम गर्न दिनुपर्छ । अझ मेरो नियुक्तिपछि त्रिविमा ताला लाग्न सक्छ । मेरा विरोधीहरूले आन्दोलन गर्न सक्छन् । त्यस्तो स्थिति उत्पन्न भयो भने मलाई शिक्षा मन्त्रालयमै एउटा कोठाको व्यवस्थासमेत गरिदिनुपर्छ, जहाँबाटै म त्रिवि सञ्चालन गर्न सकूँ ।’
त्रिवि, शिक्षण अस्पताल महाराजगन्जमा प्राध्यापनरत डा. कोइरालाले तत्कालीन उपकुलपति डा. खनियाँ र अर्का प्राध्यापक डा. गोविन्द केसीसँग असहमति जनाउँदै सेवाबाट राजीनामा दिएका थिए । राजीनामा दिएपछि डा. कोइरालाले ‘केसी र भिसीका कारण मैले राजीनामा दिनुप¥यो’ भनेर सार्वजनिक रूपमै बोलेका थिए । विगतमा उपकुलपति र डा. केसीसँग असहमत डा. कोइरालालाई उपकुलपति बनाउन पाए हुन्थ्यो भन्ने लागेर नै शिक्षामन्त्री पोखरेलले उनको नाममा जोड दिएको बताइन्छ । राजीनामा दिएपछि डा. कोइराला बाल अस्पताल खोल्ने तयारीमा जुटेका थिए । उनले सरकारले उपलब्ध गराएको ३ सय रोपनी जग्गामा अत्याधुनिक बाल अस्पताल खोल्न लागेको बुझिएको छ ।

Leave a Reply

Your email address will not be published. Required fields are marked *

... र यो पनि ...

चक्रपथ

सुरज भए झनै निष्क्रिय

ShareTweet काठमाडौं । संस्कृति, पर्यटन तथा नागरिक उड्डयन मन्त्री योगेश भट्टराई नेपाल भ्रमण वर्ष–२०२० लाई सफल तुल्याउन अचेल दिनरात खटिइरहेका छन् । भ्रमण वर्ष नजिकिँदै- ...
पूरा पढ्नुहोस्

स्रष्टा र सिर्जना

कसरी बिर्सिए यिनी ?

ShareTweet पञ्चायती कालरात्रिलाई भोगेका सर्जकहरूले त्यो निरंकुश व्यवस्थालाई लल्कार्ने आधार बनाए, सिर्जनालाई । सिर्जनाका अनेक माध्यममध्ये तत्कालीन समयमा सशक्त मानिन्थे,- ...
पूरा पढ्नुहोस्

नयाँ पुस्तक

हिन्दु देवताको शल्यक्रिया

ShareTweet क्रिस्टोफर कडबेलले भनेका थिए, ‘धर्म एक मिथ्या सूर्य हो, जो दिग्भ्रमित मानिसहरूको वरिपरि परिक्रमा गर्दछ ।’ हुन पनि, मानव जातिको उत्पत्तिकालदेखि नै धर्मको- ...
पूरा पढ्नुहोस्

छोटकरीमा