15th August 2020, Saturday

E-budhabar
Header Right Side NTC Advertisement

प्रधानमन्त्री फर्किएपछि नयाँ निर्णयको अपेक्षा

प्रधानमन्त्री फर्किएपछि नयाँ निर्णयको अपेक्षा

काठमाडौं । प्रधानमन्त्री केपी ओली अहिले सिंगापुरस्थित नेसनल युनिर्भसिटीमा उपचार गराइरहेका छन् । १५ महिनादेखि अल्झिएको पार्टी एकीकरणसँग जोडिएका काम फटाफट सम्पन्न गराएर उपचारका लागि सिंगापुर उडेका प्रधानमन्त्री ओलीको स्वास्थ्य अबस्था सामान्य रहेको नियमित ‘ब्रिफिङ’मार्फत जानकारीमा आएको छ । पछिल्लो जानकारीअनुसार पूर्ण स्वस्थ भएर उनी २० भदौभित्रै स्वदेश फर्किंदै छन् । उनको स्वास्थ्यमा देखिएको सुधारको सकारात्मक सन्देशबाट ओलीको नेतृत्वमा समृद्धितर्फ सरकारको पाइला प्रभावकारी बन्ने अपेक्षा बलियो बनेको छ ।
१२ अघि ट्रान्सप्लान्ट गरिएको मृगौलाले एन्टिबडी बढी उत्पादन गर्दा स्वास्थ्यमा देखिएको उतारचढावबीच प्रधानमन्त्री ओलीले सिंगापुरमा स्वास्थ्य उपचारमा रहँदासमेत मुलुकप्रति गम्भीर जिम्मेवारीबोध गर्दै सकृयता देखाएका छन् । ५ भदौमा सिंगापुर गएको भोलिपल्टैबाट उनको स्वास्थ्य उपचार सुरु भएको थियो । तर, स्वास्थ्य अवस्थामा देखिएको सुधारसँगै यसबीचमा उनले सिंगापुरबाटै टेलिप्रिजेन्स प्रविधिमार्फत दुईपटक कार्यवाहक प्रधानमन्त्री र मन्त्रीहरूसँग मुलुकको पछिल्लो परिस्थितिबारे छलफल गरेका छन् । सभामुख कृष्णबहादुर महरा, संसदीय दलका कार्यवाहक नेता सुवास नेम्वाङसँग संसद् सञ्चालन र विधेयकहरूका बारेमा छलफल गरेका छन् । उपचारमा रहँदासमेत उच्च मनोबलका साथ मुलुकको दायित्वप्रति गम्भीर देखिएका प्रधानमन्त्री ओलीको सक्रियता हेर्दा स्वदेश फर्किएपछि धेरै काम फटाफट अघि बढ्न सक्ने अनुमान गरिएको छ ।
मूलतः नयाँ आर्थिक वर्षसँगै प्रधानमन्त्री ओलीले सरकारको गेयर बदल्ने संकल्प गरेका थिए । विकास निर्माणमा ढिलासुस्ती, भ्रष्टाचार नियन्त्रणमा कुनै सम्झौता नहुने कुरामा उनले निरन्तर प्रतिबद्धता जनाउँदै आएका छन् । यसै सन्दर्भमा नयाँ आर्थिक वर्षसँगै मन्त्री र सचिवहरूसँग कार्यसम्पादन करार सम्झौतामार्फत तीव्र गतिमा काम गर्ने संकेत गर्दै परम्परागत शैलीमा ब्रेक गर्न खोजेका छन् । त्यसअनुसार परिणाममुखी काम देखाउन अहिले सबै मन्त्रालयमध्ये खासगरी विकास र अनुगमनसँग जोडिएका मन्त्रालयहरूले दसैंअघि नै ठेक्का प्रक्रिया सुरु गरेर तिहारलगत्तैबाट काम सुरु गर्नेगरी कार्यतालिका अघि बढाएका छन् । कार्यतालिकाअनुसार अधिकांश मन्त्रालयहरूले अहिले नियमित छलफल पनि गरिरहेका छन् । ठेक्का प्रक्रियालाई प्रभावकारी बनाउन सरकारले सार्वजनिक खरिद नियमावली पछिल्लोपटक संशोधन गरेर लागू गरिसकेको छ । यसअघि पुस÷माघबाट मात्र ठेक्का प्रक्रिया सुरु गरिने परम्परामाथि ब्रेक गर्दै चार महिनाअगाडि बाटै देखाइएको यो तदारुकताले चैतको दोस्रो साताभित्र विकास बजेट खर्च गरिसक्ने सरकारी पछिल्लो लक्ष्य पूरा हुने आशा जगाएको छ । तोकिएको अवधिभित्र विकास खर्च नभए सरकारी ढुकुटीमै फिर्ता हुने व्यवस्थासहित सरकारले देशभरि परिपत्र जारी गरिसकेको छ । उपचारबाट स्वदेश फर्किएलगत्तै राष्ट्रिय गौरवका आयोजनाहरूको अनुगमन र विकास निर्माणको तयारीबारे प्रधानमन्त्री ओलीले प्रभावकारी अनुगमन र निर्देशन गर्ने तयारी गरेको बुझिएको छ । त्यसो त उनले मन्त्रीहरूको कार्यसम्पादनबारे समेत एकपटक शीर्ष नेतृत्वहरूसँग छलफल गरेर ५÷६ जना मन्त्री परिवर्तन गर्न सकिने संकेत गरेका छन् । तर, उनी आफैंले भन्दा पनि विशेषतः अध्यक्ष पुष्पकमल दाहाल ‘प्रचण्ड’ र वरिष्ठ नेता माधवकुमार नेपालसँग छुट्टाछुट्टै छलफल गरेर निष्कर्षमा पुग्ने बताइन्छ ।
सत्यनिरूपण तथा मेलमिलाप आयोग र बेपत्ता छानबिन आयोग लामो समयदेखि पदाधिकारीविहीन बन्दा शान्ति प्रक्रियासँग जोडिएको काम वर्षौंदेखि अल्झिएको छ । यसमा भइरहेको ढिलाइमा खेलेर कतिपय बेला विदेशी शक्तिहरूले दलहरूबीचको आन्तरिक एकता र विश्वास खलबल्याउने प्रयास गर्दै आएका छन् । त्यसैले पनि उनी फर्किनासाथ आयोग गठनले पूर्णता पाउने बताइन्छ । त्यस्तै, अख्तियार दुरुपयोग अनुसन्धान आयोग र निर्वाचन आयोगमा रिक्त स्थानमा पदाधिकारीहरूको नियुक्ति, राष्ट्रिय दलित आयोगमा अध्यक्षको नियुक्तिको काम मात्र होइन, भदौभित्रै स्थायी समिति बैठक बोलाउने नेकपाको तयारी छ ।
लामो समयदेखि स्थायी समिति र केन्द्रीय कमिटीको बैठक आयोजना हुन नसक्दा नेकपाभित्रको आन्तरिक लोकतन्त्रको अभ्यासमाथि विभिन्न कोणबाट प्रश्न उठ्दै आएको छ । ती सबै पक्षलाई सम्बोधन गर्दै पार्टी एकताको सन्देश स्थानीय तहसम्म पु¥याउनेगरी केन्द्रीय कमिटीबाट एकता सन्देश अभियान घोषणा गर्ने तयारी रहेको बुझिएको छ । प्रधानमन्त्रीसमेत रहेका अध्यक्ष ओली सिंगापुरमा उपचार गराइरहेका बेला सचिवालय बैठक बोलाएर अर्का अध्यक्ष पुष्पकमल दाहाल ‘प्रचण्ड’ले अभियानको तयारीमा रहन पार्टी कमिटीमा आबद्ध नेता–कार्यकर्ताहरूलाई निर्देशित गरिसकेका छन् ।
सातवटै प्रदेशमा लाखभन्दा माथिको ठूलो आमसभा, जिल्ला सदरमुकाममा मध्यमस्तर र हरेक स्थानीय तहमा सानो आमसभा गरेर एकताको सन्देश तलसम्म पु¥याउने, नेता–कार्यकर्ता परिचालनमार्फत पार्टी पंक्तिलाई जागृत गर्ने र भावनात्मक एकतालाई वलियो बनाउनेगरी अभियान सुरु हुने महासचिव विष्णु पौडेलले बताउँदै आएका छन् ।

Leave a Reply

Your email address will not be published. Required fields are marked *

... र यो पनि ...

  • कोरोनाका नाममा ३२ लाख झ्वाम

    काठमाडौं । कोभिड–१९ अर्थात् कोरेनाका कारण संसारभरि आक्रान्त फैलिरहेको बेला केहीलाई भने यो आर्थिक दुरुपयोग गर्ने मेलो भएको छ । जिल्ला अस्पताल तनहुँका कर्मचारीहरूले प्रदेश सरकारले पठाएको ५० लाख रकम त्यसैगरी मनपरी ढंगले भत्ताका नाममा खर्च गरेका छन् । आइसोलेसन र क्वारेन्टिनमा सिटामोलसम्म पुग्न नसकेको बेला सबै आइसोलेसन केन्द्रमा अत्यन्त...
  • काम रोकेर आन्दोलनमा व्यस्त

    काठमाडौं । कोभिड–१९ को जोखिम झन् बढ्दै गएको छ । विश्वव्यापी रूपमै यो महामारीले सताउँदा अग्रपंक्तिमा रहेर स्वास्थ्यकर्मीका साथै अस्पतालमा कार्यरत कर्मचारीहरूले महामारीविरुद्ध आफूहरूलाई उभ्याए । नेपालका स्वास्थ्यकर्मीहरूले पनि कोभिड–१९ मा खेलेका भूमिकालाई सराहना गर्ने गरिएको छ । तर, कोभिड–१९ को जोखिम बढ्दै जाँदा निजामती कर्मचारी अस्पतालमा कार्यरत कर्मचारीहरू भने...
  • ६ अर्ब उठ्नेमा अझै आशंका

    काठमाडौं । डेडिकेटेड र टंक लाइनको महसुल विवाद सुल्झाउने जिम्मा विद्युत् नियमन आयोगलाई दिने भित्री तयारी चलिरहे पनि सो आयोगको क्षमतामाथि प्रश्नचिह्न उब्जिएको छ । यो विवाद सुल्झाउन आयोगले नसक्ने जिकिर गर्न थालिएको छ । तर, ऊर्जा, जलस्रोत तथा सिँचाइ मन्त्रालयले भने सो आयोगलाई नै जिम्मा दिन खोजेको छ ।...

चक्रपथ

चारवटै विषयगत सभापति यथावत्

काठमाडौं । राष्ट्रियसभा अन्तर्गतका समितिहरूमा भएको सभापतिको निर्वाचनमा सबै समितिका सभापतिहरू निर्विरोध निर्वाचित भएका छन् । हाल निर्विरोध निर्वाचित भएकाहरू नै यसअघि पनि त्यही समितिका सभापति थिए । कार्यकाल सकिएपछि पुनः उनीहरूलाई नै सभापतिमा चयन गरिएको हो । समिति सभापति चयन गर्न शुक्रबार निर्वाचन भएको हो । निर्वाचनबाट प्रत्यायोजित व्यवस्थापन...
पूरा पढ्नुहोस्

स्रष्टा र सिर्जना

पारिजात ः एउटी स्वाभिमानी स्रष्टा

दार्जिलिङको सुन्दर प्रकृतिको काखमा डुबुल्की मार्दै कहिले फ्रकभरि चाँपका कोपिला बटुलेर नागबेलीको माला लगाएर, जंगलमा लुकामारी खेलेर बाल्यकाल बिताएकी पारिजातको प्रारम्भिक शिक्षा त्यही नै सम्पन्न भएको थियो । सांस्कृतिक कार्यकलापमा बढी रुचि देखाउने पारिजातको पढाइ भने मध्यमस्तरको थियो । उनले अनौपचारिक रूपमा घरमै केही अध्ययन गरेर औपचारिक अध्ययनका लागि दार्जिलिङका...
पूरा पढ्नुहोस्

नयाँ पुस्तक

छोटो क्यानभासको चित्र

सामन्तकालीन अर्थ, सामाजिक, राजनीतिक र सांस्कृतिक व्यवस्थाले नारीलाई एउटा ‘तुच्छ वस्तु’ का रूपमा परिभाषित ग¥यो । नारीको बहुमुखी अस्तित्वलाई स्वीकार गर्न तत्कालीन समाजव्यवस्थाले चाहेन । एउटा भनाइ नै बन्यो, ‘वीर भोग्या वसुन्धरा...।’ सामन्तवादभन्दा धेरै हिसाबले प्रगतिशील ठानिने पुँजीवादले पनि नारीलाई ‘वीर भोग्या वसुन्धरा’ को तहभन्दा माथि उकास्ने चाहना राखेन ।...
पूरा पढ्नुहोस्

छोटकरीमा

  • प्रहरी कार्यालयले नै कोरोनो ल्याउने त्रास

    काठमाडौं । गोंगबुस्थित एक होटलमा बस्दै आएका रोल्पाका कृष्णबहादुर बोहोराको हत्याप्रकरणमा नेपालप्रहरीले तत्कालै चितवनबाट अभियुक्तप्रकाउ गरेर अनुसन्धानमा सफलताप्राप्त गरेको छ । चितवनकीकल्पना मुडभरी (पौडेल) ले आफैंले हत्या गरेको स्वीकारसमेत गरिसकेकीछन् । तर, सोही सन्दर्भमामंगलबार महानगरीय प्रहरी परिसर टेकुमापत्रकार सम्मेलन गरेर भने प्रहरीले उल्टै कोरोना संक्रमण पो फैलायो किभन्ने आशंका बढाएको...
  • कमलामाई–मेसान मैत्रीपूर्ण सम्बन्ध कायमै

    काठमाडौं । सिन्धुलीको कमलामाई नगरपालिका र चीनको सिचुवान प्रान्तस्थित मेसान सिटीबीच मैत्रीपूर्ण सम्बन्ध स्थापना भएको छ । बुधबार आयोजना गरिएको भर्चुअल समारोहमा कमलामाई नगरपालिकाका प्रमुख खड्ग खत्री र मेसान सिटीका मेयर ह्यु आनखुनले समझदारीपत्रमा हस्ताक्षर गरे । दुवै नगरका प्रमुखले आपसी हितका आधारमा मैत्रीपूर्ण सहयोग आदानप्रदान गर्ने प्रतिबद्धता जनाएका छन्...
  • सेनाका परिवारलाई ७ लाख रुपैयाँ

    काठमाडौं । मोेटरसाइकल दुर्घटनामा परी असामयिक निधन भएका नेपाली सेनाका सिपाही शिवराज रानाका परिवारलाई मेगा बैंक नेपाल लिमिटेडले बिमाबापत ७ लाख रुपैयाँ प्रदान गरेको छ । मेगा बैंकमा ‘मेगा कर्पोरेट बेनिफिट सेभिङ अकाउन्ट’ खोलेका दिवंगत सैनिक जवान रानालाई मेगा बैंकले सोही खाताको बिमाबापत ७ लाख रुपैयाँ हस्तान्तरण गरेको हो ।...