4th June 2020, Thursday

E-budhabar
Header Right Side NTC Advertisement

मन्त्रीको अनिच्छाले परिषद् शून्य

मन्त्रीको अनिच्छाले परिषद् शून्य

काठमाडौं । लामो समयदेखि समाजकल्याण परिषद्मा पदाधिकारी र सदस्यहरू खाली रहँदा अधिकांश कामहरू प्रभावित बन्न पुगेका छन् । महिला, बालबालिका तथा समाजकल्याणमन्त्री थममाया थापाले समेत खाली रहेका पदहरूमा नियुक्ति गर्न चासो नदिँदा परिषद्भित्र अनेक समस्या उब्जिन पुगेका छन् ।
परिषद्मा विभिन्न मन्त्रालय, योजना आयोग र सामाजिक संघसंस्थाका साथै राजनीतिक नियुक्तिसमेत गरी १८ जना पदाधिकारी र सदस्यहरूले प्रतिनिधित्व गर्छन् । तर, अहिले नियुक्ति पाएकामध्ये एकजना मात्र सदस्य बाँकी छन् भने उपाध्यक्ष, कोषाध्यक्ष र अरू सदस्यहरू खाली छन् । उपाध्यक्ष नीलमणि बराल, कोषाध्यक्ष वीरबहादुर ठगुन्ना र सदस्यहरू गोकर्ण भट्ट र इन्द्र झालाई सरकारले बर्खास्त गरेको थियो । उनीहरूले जग्गा र भवन भाडा प्रकरणमा अनियमितता गरेको ठहर गर्दै सरकारले बर्खास्त गरेको थियो । तर, आफूहरूलाई बर्खास्त गरेपछि उनीहरूले सर्वोच्च अदालतमा मुद्दा दायर गरेका थिए । सो मुद्दाको अहिलेसम्म फैसला भएको छैन । बर्खास्तमा परेका पदाधिकारी र सदस्यहरूको आगामी असारसम्म पदावधि बाँकी थियो ।
यसरी नै चार सदस्य कल्पना लुइँटेल, रूपा थापा, राकेश हमालको पदावधि २०७५ सालमा नै सकिएको हो । चारजना सदस्य रिक्त रहेपछि मन्त्री थापालाई रिक्त ठाउँमा नयाँ सदस्य नियुक्त गर्न सुझाव दिइएको थियो । तर, मन्त्री थापाले भने नयाँ ऐन र विधान बनेपछि मात्र नयाँ नियुक्ति गर्ने भनेर रोकेर राखेकी थिइन् । देश संघीय प्रणालीमा गएको हुँदा परिषद्लाई पनि संघीय ढाँचाअनुरूप नै लैजाने भन्दै नयाँ सदस्यहरूको नियुक्ति रोकिएको हो । तर, प्रदेश र स्थानीय तहसम्मै परिषद्को संरचना विस्तार गर्ने भनिए पनि अहिलेसम्म ऐन बन्न सकेको छैन ।
मन्त्री थापाले नयाँ ऐन नआएसम्म पुरानै संरचनाअनुसार परिषद्लाई चलाउने कुरा पनि गरेकी थिइन् । तर, पुरानै संरचनाअनुसार चलाउने भनिए पनि चार रिक्त सदस्य नियुक्तिमा भने मन्त्रीले कुनै चासो नदेखाएको बताइन्छ । नियुक्ति पाएका नौजनामध्ये उपाध्यक्ष, कोषाध्यक्ष र सदस्यहरू मुद्दामामिलामा छन् भने चार सदस्य रिक्त छन् । अहिले परिषद्मा एकजना मात्र सदस्य सिद्धि महर्जन मात्र छन् ।
परिषद्को सदस्य–सचिवको काम मन्त्रालयका सहसचिव राजन पौडेलले सम्हालिइरहेका छन् । गृह मन्त्रालयबाट भने सहसचिव रामकृष्ण सुवेदीले परिषद्मा प्रतिनिधित्व गर्छन् । तर, कर्मचारीहरूले मात्र परिषद् चलाउँदा पछिल्लो समय कुनै ठोस निर्णय हुन सकेको छैन । कर्मचारीहरूले ठोस निर्णय नगर्दा परिषद्का कामहरू जुन गतिमा हुनुपर्ने हो, त्यो गतिमा हुन नसकिरहेको बताइन्छ ।

Leave a Reply

Your email address will not be published. Required fields are marked *

... र यो पनि ...

  • प्रदेश प्रमुखकसँग राष्ट्रपति रुष्ट

    काठमाडौं । संवैधानिक भूमिका र पदीय मर्यादालाई बिर्सिंदै राजनीतिक दलका प्रमुखको निवासमा पुगेर मागपत्र पेस गरेको सूचना पाएपछि राष्ट्रपति विद्या भण्डारी प्रदेश प्रमुखहरूसँग रुष्ट भएकी छन् । प्रदेश प्रमुखहरूको त्यस्तो कदमले लज्जाबोध गराएको भन्दै संविधानविद्ले चिन्ता व्यक्त गरेका छन् भने आमनागरिकसमेत आक्रोशित भएका छन् । प्रसंग गत २ गतेको हो...
  • रोकिएन हायातको मनपरी

    काठमाडौं । २७ वर्षअघि अर्थात् २०४९ सालदेखि आफूखुुसी गर्दै आएको तारागाउँ रिजेन्सी होटल्स लिमिटेडको मनपरी अझै रोकिएको छ । होटलले फेरि आफूखुसी सम्पत्ति तथा दायित्व मूल्यांकन (डीडीए) गराउने चलखेल सुरु गरेको छ । घाटा देखाउँदै नेपाल सरकारको लगानी ३९.६७ प्रतिशतबाट घटेर ९.०१ प्रतिशत घटाएको हायातले फेरि चलखेल सुरु गरेको हो...
  • दलाली गर्दै, पुरस्कार दिँदै

    काठमाडौं । साहित्यका नाममा दलाली गर्नेहरूको हामीकहाँ कमी छैन । लामो समयदेखि विभिन्न शक्तिकेन्द्र र व्यक्तिहरूलाई प्रभावमा पारेर साहित्यकै नाममा दलाली गर्दै आएको नइ प्रकाशनले राखेका विभिन्न पुरस्कारहरूको स्रोतहरू के हुन् भन्नेचाहिँ अहिलेसम्म गुपचुप नै देखिन्छ । नरेन्द्रराज प्रसार्इं र इन्दिरा प्रसाईंले दुई दशकअघि स्थापना गरेको नइ प्रकाशनले हरेक व्यवस्था...

चक्रपथ

बीजकोयाका हाकिमको यो हर्कत

काठमाडौं । प्रजनन पिँढी बीजकोया स्रोत केन्द्र बन्दीपुर तनहुँका हाकिम शंकरप्रसाद न्यौपानेको चर्तिकलाले सीमा नाघेको छ । अवकाशको केही महिना बाँकी रहँदा वरिष्ठ बाली संरक्षण अधिकृतको हैसियतमा रहेका उनले अनियमिता र भ्रष्टाचारको शृंखला नै चलाएको भन्दै सर्वत्र गुनासो आएको छ । माहुरी, च्याउ, रेशम खेतीलगायत बालीको विकास, विस्तार र अनुसन्धानसमेतको...
पूरा पढ्नुहोस्

स्रष्टा र सिर्जना

‘गीता’ को राजनीति

कुनै वैचारिक मुद्दाका आधारमा नभई व्यक्तिगत टकरावको उत्पत्ति हुँदा विभाजनको पीडा झेल्ने नेपालका सीमित राजनीतिक दलमा पूर्वपञ्चहरूको पार्टी राष्ट्रिय प्रजातन्त्र पार्टीले बदनामी कमाउँदै आएको छ । विभाजन र एकताको अनेक अभ्यास गरिसकेको सो पार्टी पछिल्लो समय फेरि एकताको सूत्रमा बाँधिएको छ । पछिल्लो समय तीन समूहमा विभाजित राप्रपा केही दिनपूर्व...
पूरा पढ्नुहोस्

नयाँ पुस्तक

फरक स्वरध्वनि

तीन दशकयता कविता–कर्म र साधनामै व्यस्त छन्, वीरु बाङ्देल । सिक्किमका बासिन्दा बाङ्देलले नेपाली भाषामा उम्दा काव्य सिर्जना गरेर पृथक पहिचान बनाउँदै आएका छन् । कवितालाई नै लेखनको मूल विषय बनाएका उनले आजको समाज र राजनीतिक परिस्थितिहरूको भित्री यथार्थको अभिव्यक्ति धेरै नै प्रभावशाली ढंगले पस्किँदै आएका छन् । उनको पछिल्लो...
पूरा पढ्नुहोस्

छोटकरीमा

  • चिरायुको कर्जा फाइल किन गायब ?

    काठमाडौं । पदीय दुरुपयोगको चरम नमुना हेर्नुपरे नेपाल राष्ट्र बैंकका डेपुटी गभर्नर चिन्तामणि सिवाकोटीले आफू पदमा रहँदा गरेका अनियमित कार्यहरू हेरे पुग्छ । विगतमा आफूले गरेका अनियमित कार्यहरूबाट सफाइ पाएको दाबी सिवाकोटीले गरे पनि कतिपय कसुरमा भने उनीमाथि कारबाही भएको छैन । डेपुटी गभर्नर भएपछि सिवाकोटीले चिरायु अस्पतालको कर्जा प्रवाह...
  • म्याट्रेस खरिदको १५ करोड फ्रिज हुने खतरा

    काठमाडौं । सरकारले दिएको पैसा समयमा नै खर्च गर्न नसक्दा नेपाल प्रहरीको म्याटेस खरिदका लागि छुट्याएको १५ करोड ४० लाख रुपैयाँ फ्रिज हुने अवस्था देखिएको छ । आर्थिक वर्ष सकिन अब चार महिना मात्र बाँकी छ । यो चार महिनामा नेपाल प्रहरीले खरिद गर्न सक्ने अवस्था नरहेको बताइन्छ । यो...
  • मुद्दती खाताको परिचय नै फे¥यो एनआईसीले

    काठमाडौं । एनआईसी एसिया बैंकले मुद्दती खातामा उच्च ब्याजदर सँगै २१ लाख रुपैयाँसम्मको बिमा सुविधा पनि दिँदै आएको छ । सर्वाधिक उच्च ब्याजदर पाइने खाताका रूपमा चिनिएको मुद्दती निक्षेप खातामा एनआईसी एसिया बैंकले न्यु सुपर चामत्कारिक मुद्दती निक्षेप खाता खोलेकै आधारमा बिमा सुविधा पनि थप गरेको हो । यसअघि विभिन्न...