14th December 2019, Saturday

E-budhabar
Header Right Side NTC Advertisement

सम्पर्कमै आएनन् मेलम्चीका ठेकेदार



काठमाडौं । निर्माणाधीन मेलम्ची खानेपानी आयोजनाको रोकिएको काम पुनः सुचारु गर्न चिनियाँ कम्पनी सिनो हाइड्रोले ठेक्का पाए पनि अहिलेसम्म सो कम्पनीले सम्झौताका लागि तत्परता देखाएको छैन । सो कम्पनीलाई सम्झौता गर्न आउन खानेपानी मन्त्रालयले पत्राचार गरे पनि अहिलेसम्म कुनै जवाफ आएको छैन ।
करिब १० दिनअघि नै मन्त्रालयले सिनो हाइड्रोलाई सम्झौता गर्न आउन बोलाइसकेको हो । कुनै कम्पनीलाई सम्झौताका लागि बोलाइसकेपछि करिब १५–१६ दिनभित्र सम्झौता हुँदै आएको छ । तर, अहिलेसम्म सो कम्पनीले सम्झौता गर्न कुनै तत्परता देखाइरहेको छैन । सो कम्पनीले बैंक ग्यारेन्टीलगायत अरू डकुमेन्टहरू अहिलेसम्म पूरा गर्न नसकेको हुँदा सम्झौताका लागि आउन नसकेको बताइन्छ । निर्माणको अन्तिम चरणमा रहेको बेला मन्त्रालयका पदाधिकारी र इटालीको ठेकेदार कम्पनी सीएमसीबीच विवाद बढेपछि सो कम्पनीले हात झिक्न पुगेको थियो र त्यसयता मेलम्चीको काम रोकिन पुगेको हो ।
तर, सीएमसीले हात झिके पनि मेलम्ची खानेपानी विकास समितिले भने आयोजनाको सुरुङ र बाँध निर्माणको बाँकी कामका लागि नयाँ ठेक्का आह्वान गरेको थियो । त्यसमा प्राविधिक मूल्यांकनमा चिनियाँ कम्पनी सिनो हाइड्रो र हाई हिमालय एन्ड रमन जेभी छनोट भएका थिए । तर, रमन जेभी भने कालोसूचीमा परेका कारण सिनो हाइड्रोले स्वतः ठेक्का पाएको थियो । सिनो हाइड्रोले ठेक्का पाएपछि मेलम्चीको दातृ निकाय एसियाली विकास बैंक (एडीबी) लाई पत्राचार गरी सो कम्पनीलाई सहमति दिन आग्रह गरिएको थियो । एडीबीको सहमतिपछि केही दिनअघि सिनो हाइड्रोले ठेक्का पाएको हो ।
मेलम्चीको सुरुङको बाँकी काम पूरा गर्न एक वर्ष र हेडवक्र्स निर्माण गर्न १५ महिना समय दिएर आयोजनाले टेन्डर आह्वान गरेको थियो । जसमा हेडवक्र्स निर्माणका लागि १ अर्ब १२ करोड र सुरुङ मार्ग निर्माणका लागि ९५ करोड लागत लाग्ने अनुमान गरिएको छ । मेलम्चीको ९७ प्रतिशत काम सकिएपछि सीएमसीले हात झिकेको थियो ।
यसैबीच, काठमाडौं उपत्यका खानेपानी लिमिटेड (केयुकेएल) का महाप्रबन्धक महेश भट्टराईको केही दिनपछि पदावधि सकिँदै छ । चार वर्षअघि नियुक्त भएका भट्टराईको पदावधि सकिएपछि केयुकेएलमा नयाँ महाप्रबन्धक बन्नेहरूको अहिलेदेखि नै दौडधुप सुरु भइसकेको बताइन्छ । केयुकेएलको महाप्रबन्धक नियुक्त भने सञ्चालक समितिले गर्ने गरेको छ । केयुकेएलमा सबभन्दा धेरै खानेपानी मन्त्रालयको ३० प्रतिशत र काठमाडौं महानगरपालिकाको ३० प्रतिशत सेयर रहेको छ । यी दुईटा संस्थाको धेरै सेयर रहेको हुँदा महाप्रबन्धक चयनमा पनि तिनै दुई संस्थाको बढी चासो रहँदै आएको छ ।

Leave a Reply

Your email address will not be published. Required fields are marked *

... र यो पनि ...

चक्रपथ

सुरज भए झनै निष्क्रिय

ShareTweet काठमाडौं । संस्कृति, पर्यटन तथा नागरिक उड्डयन मन्त्री योगेश भट्टराई नेपाल भ्रमण वर्ष–२०२० लाई सफल तुल्याउन अचेल दिनरात खटिइरहेका छन् । भ्रमण वर्ष नजिकिँदै- ...
पूरा पढ्नुहोस्

स्रष्टा र सिर्जना

कसरी बिर्सिए यिनी ?

ShareTweet पञ्चायती कालरात्रिलाई भोगेका सर्जकहरूले त्यो निरंकुश व्यवस्थालाई लल्कार्ने आधार बनाए, सिर्जनालाई । सिर्जनाका अनेक माध्यममध्ये तत्कालीन समयमा सशक्त मानिन्थे,- ...
पूरा पढ्नुहोस्

नयाँ पुस्तक

हिन्दु देवताको शल्यक्रिया

ShareTweet क्रिस्टोफर कडबेलले भनेका थिए, ‘धर्म एक मिथ्या सूर्य हो, जो दिग्भ्रमित मानिसहरूको वरिपरि परिक्रमा गर्दछ ।’ हुन पनि, मानव जातिको उत्पत्तिकालदेखि नै धर्मको- ...
पूरा पढ्नुहोस्

छोटकरीमा