19th September 2019, Thursday

E-budhabar
Header Right Side NTC Advertisement

नेकपामा यी नेता अझै बेरोजगार



काठमाडौं । नेपाल कम्युनिस्ट पार्टी (नेकपा) मा एकीकरण र कार्यविभाजनको काम लगभग पूरा भइसके पनि कतिपय नेता अझै बेरोजगार छन् । ४ सय ४१ सदस्यीय केन्द्रीय कमिटीका ६० प्रतिशत नेतालाई भूगोलको जिम्मेवारीमा केन्द्रित गरेर बाँकी नेतालाई केन्द्रीय विभाग, जबस मोर्चा, सम्पर्क समन्वय कमिटी, प्रवासको काममा खटाइएको छ । यति हुँदाहुँदै पनि अझै एक दर्जनभन्दा बढी केन्द्रीय नेताहरूले अझै पार्टीको जिम्मेवारी पाउन सकेका छैनन् ।
नेकपा केन्द्रीय सदस्यहरूमध्ये युवराज कार्की, बिन्दा पाण्डे, गंगाबहादुर कार्की, युवराज चौंलागाई, तिल विश्वकर्मासहित एक दर्जन केन्द्रीय नेताहरूले अझै जिम्मेवारी पाएका छैनन् । उनीहरूलाई प्रवास कमिटीहरूको इन्चार्ज र सहाइन्चार्जका रूपमा तोक्ने तयारी भइरहेको केन्द्रीय सचिवालयका एक सदस्यले बताए । कार्कीबाहेक चार नेता प्रवास कमिटी एकीकरण प्रस्ताव तयारी कार्यदलमा समेत थिए । उता कार्की पूर्वमाओवादी समूहभित्र २०५९ सालअघिकै केन्द्रीय कमिटीमा रहेका सिनियर केन्द्रीय सदस्य भए पनि जिम्मेवारीमा उपेक्षित भएका छन् । उनी ‘जनयुद्धकाल’मै हेर्डक्वाटर सचिवालयमा समेत थिए । जबकि गृह जिल्ला दोलखामा उनीभन्दा डेढ दशक जुनियर देवी खड्कालाई जिल्ला इन्चार्ज बनाइँदा कार्कीलाई भने विभाग, जवस मोर्चालगायत कतै पनि जिम्मेवारी तोकिएको छैन । तर, नेकपाले जिम्मेवारी तोक्न बाँकी नेताहरूलाई ६ वटा प्रशान्त क्षेत्रमा बाँडिएको प्रवास कमिटीमा जिम्मेवारी दिने तयारी गरेको छ । जसअनुसार पूर्वी एसिया, अस्ट्रेलिया, खाडी राष्ट्र, युरोप, अमेरिका र भारतसहित ६ वटा प्रशान्त क्षेत्र रहेकोमा भारत प्रवासमा भने जिम्मेवारी तोकिइसकेको छ । नेकपाले प्रवासमा खुला मोर्चाका रूपमा प्रवासी मञ्च गठन गर्ने तर पार्टी भने भूमिगत शैलीमा चलाउने तयारी गरिरहेको छ । उता, केन्द्रीय अनुशासन आयोग, लेखा आयोग र निर्वाचन आयोगको एकीकरण बाँकी रहेको छ ।

Leave a Reply

Your email address will not be published. Required fields are marked *

... र यो पनि ...

चक्रपथ

३ नम्बर प्रदेशमा संविधान दिवसको भव्य तयारीे

ShareTweet काठमाडौं । संविधान दिवसको अवसरमा ३ नम्बर प्रदेश सरकारले विविध कार्यक्रमहरू गर्ने भएको छ । सोमबार प्रदेशका मुख्यमन्त्री डोरमणि पौडेलको संयोजकत्वमा दिवस- ...
पूरा पढ्नुहोस्

स्रष्टा र सिर्जना

सामाजिक मुद्दाहरूतिर उन्मुख

ShareTweet हामी वर्षौंदेखि जुन समाजमा भिजिरहेका छौं÷बाँचिरहेका छौं, त्यो समाजमा साहित्य, कला, सिनेमाजस्ता सिर्जना र अभिव्यक्तिका लागि अनेकानेक विषयहरू छन् । समाजका- ...
पूरा पढ्नुहोस्

नयाँ पुस्तक

विसंगतिमाथि चोट

ShareTweet पोखराको साहित्यिक परिवेशमा भिजेका अधिकांश सर्जकहरूले मुक्तक विधामा कलम नचलाएका कमै दृष्टान्त होलान् । सरुभक्त, तीर्थ श्रेष्ठ, प्रकट पगेनी ‘शिव’, रमेश श्रेष्ठलगायत- ...
पूरा पढ्नुहोस्

छोटकरीमा