15th August 2020, Saturday

E-budhabar
Header Right Side NTC Advertisement

कमिसनकै लागि अनावश्यक गाडि खरिद

काठमाडौं । दुई वर्षदेखि पदाधिकारीविहीन राष्ट्रिय महिला आयोगमा करोडौंको अनियमितता भएको छ । अध्यक्ष र सदस्यहरू अझै नियुक्ति नभइसकेको आयोगमा कर्मचारीहरूका मनपरीका कारण आर्थिक अनियमितता भएको हो ।
आयोगमा नयाँ नियुक्ति अझै भएको छैन । नियुक्ति कहिले हुने भन्ने टुंगो पनि लागिसकेको छैन । तर, नयाँ आउने पदाधिकारीका लागि भन्दै पाँचवटा गाडी किनिसकिएको छ । मर्मतसम्भार गरी प्रयोग हुन सक्ने गाडी मर्मत गर्न र मर्मत हुन नसक्ने गाडीको तत्काल लिलामी प्रक्रिया अघि बढाउन प्रधानमन्त्री कार्यालयले दिएको निर्देशन उल्लंघन गर्दै गाडी खरिद गरिएको हो । त्यति मात्र होइन, पदाधिकारीका लागि भनी खरिद गरिएको गाडी स्वयं कर्मचारीले प्रयोग गर्दै आएका छन् ।
पदाधिकारीका लागि भनी खरिद गरिएका पाँच गाडीमध्ये सबैभन्दा महँगो गाडी आयोगका पूर्वसचिव अनिल ठाकुरले प्रयोग गर्दै आएका थिए । उनी प्रधानमन्त्री कार्यालयमा सरुवा भएपछि सो गाडी अहिलेका सचिव दीपेन्द्र काफ्लेले प्रयोग गर्दै आएका हुन् ।
सचिव ठाकुर र लेखा अधिकृत प्रकाश केसीको मिलेमतोमा आवश्यक नहुँदानहुँदै पनि मोटो रकम कमिसन पाउने आशामा आयोगमा गाडी खरिद गरिएको बताइएको छ । त्यतिबेला खरिद गरिएको अन्य चारवटा गाडी सिंहदरबारस्थित आयोगका कार्यालय परिसरमा प्रयोगविहीन अवस्थामा छन् ।
नयाँ गाडी खरिद गर्न गत मंसिरमा ३ करोड रुपैयाँ आयोगलाई निकासा दिएको अर्थ मन्त्रालयले जनाएको छ । स्रोतका अनुसार आयोगसँग यसअघि नै नौवटा गाडी छन् । तीमध्ये ६ वटा चालू अवस्थामा छन् भने बाँकी गाडी थन्क्याइएको छ । प्रयोग नभई थन्काइएका गाडी मर्मतसम्भार गर्न या लिलामी गर्न आयोगले कुनै पनि प्रक्रिया अघि बढाएको छैन । आयोगका सूचना अधिकारी ध्रुव क्षेत्रीले समेत सो खरिदमा कमिसन पाएको बताइएको छ । आयोगले ६८ लाख रुपैयाँमा खरिद गरेको बा२झ ४२४२ नम्बरको गाडी आयोगका सचिवले प्रयोग गर्दै आएका छन् । अन्य चारवटा गाडी बा२झ ४२३८, बा२झ ४२३९, बा२झ ४२४० र बा२झ ४२४१ नम्बर प्लेटका छन् । पछिल्ला चार गाडी प्रयोगविहीन अवस्थामा रहेको बताइन्छ । आयोगसँग हाल चालू अवस्थामा रहेका अन्य ६ वटा गाडी त्यहीँका उच्च कर्मचारीले प्रयोग गर्दै आएका छन् । महिला विकास प्रमुख मीरा शेरचनले बा१झ ९१८७, उपसचिव लक्ष्मी पाण्डेले बा२झ ८४४९, सहसचिव युवराज सुवेदीले बा२झ ९७४, कानुन उपसचिव कल्पना खतिवडाले बा२झ ८४५० र लेखा अधिकृत प्रकाश केसीले बा२झ ८४४८ नम्बर प्लेटको गाडी प्रयोग गर्दै आएका छन् । बा१झ ६३४५, बा१झ ६४८५ र बा१झ ५६८६ नम्बर प्लेटका गाडी कार्यालय परिसरमै थन्क्याएर राखिएका छन् । तीमध्ये दुइटा गाडी मर्मत सम्भार गरेर प्रयोगमा ल्याउन सकिने सम्भावना रहेको आयोगकै एक कर्मचारी बताउँछन् । सो विषयमा अख्तियारमा उजुरी परेको र अख्तियारले छानबिन गरिरहेको अख्तियार स्रोतले जानकारी दिएको छ ।
२०७४ असोजदेखि आयोग पदाधिकारीविहीन अवस्थामा छ । पछिल्लोपटक २०७४ असोजमा कार्यवाहक अध्यक्ष भगवती घिमिरेको पनि अवधि सकिएको थियो । महिला आयोग ऐन २०७४ अनुसार आयोगका पदाधिकारी सरकारको सिफारिसमा संसदीय सुनवाइबाट अनुमोदन गरी नियुक्ति हुने व्यवस्था छ ।

Leave a Reply

Your email address will not be published. Required fields are marked *

... र यो पनि ...

  • कोरोनाका नाममा ३२ लाख झ्वाम

    काठमाडौं । कोभिड–१९ अर्थात् कोरेनाका कारण संसारभरि आक्रान्त फैलिरहेको बेला केहीलाई भने यो आर्थिक दुरुपयोग गर्ने मेलो भएको छ । जिल्ला अस्पताल तनहुँका कर्मचारीहरूले प्रदेश सरकारले पठाएको ५० लाख रकम त्यसैगरी मनपरी ढंगले भत्ताका नाममा खर्च गरेका छन् । आइसोलेसन र क्वारेन्टिनमा सिटामोलसम्म पुग्न नसकेको बेला सबै आइसोलेसन केन्द्रमा अत्यन्त...
  • काम रोकेर आन्दोलनमा व्यस्त

    काठमाडौं । कोभिड–१९ को जोखिम झन् बढ्दै गएको छ । विश्वव्यापी रूपमै यो महामारीले सताउँदा अग्रपंक्तिमा रहेर स्वास्थ्यकर्मीका साथै अस्पतालमा कार्यरत कर्मचारीहरूले महामारीविरुद्ध आफूहरूलाई उभ्याए । नेपालका स्वास्थ्यकर्मीहरूले पनि कोभिड–१९ मा खेलेका भूमिकालाई सराहना गर्ने गरिएको छ । तर, कोभिड–१९ को जोखिम बढ्दै जाँदा निजामती कर्मचारी अस्पतालमा कार्यरत कर्मचारीहरू भने...
  • ६ अर्ब उठ्नेमा अझै आशंका

    काठमाडौं । डेडिकेटेड र टंक लाइनको महसुल विवाद सुल्झाउने जिम्मा विद्युत् नियमन आयोगलाई दिने भित्री तयारी चलिरहे पनि सो आयोगको क्षमतामाथि प्रश्नचिह्न उब्जिएको छ । यो विवाद सुल्झाउन आयोगले नसक्ने जिकिर गर्न थालिएको छ । तर, ऊर्जा, जलस्रोत तथा सिँचाइ मन्त्रालयले भने सो आयोगलाई नै जिम्मा दिन खोजेको छ ।...

चक्रपथ

चारवटै विषयगत सभापति यथावत्

काठमाडौं । राष्ट्रियसभा अन्तर्गतका समितिहरूमा भएको सभापतिको निर्वाचनमा सबै समितिका सभापतिहरू निर्विरोध निर्वाचित भएका छन् । हाल निर्विरोध निर्वाचित भएकाहरू नै यसअघि पनि त्यही समितिका सभापति थिए । कार्यकाल सकिएपछि पुनः उनीहरूलाई नै सभापतिमा चयन गरिएको हो । समिति सभापति चयन गर्न शुक्रबार निर्वाचन भएको हो । निर्वाचनबाट प्रत्यायोजित व्यवस्थापन...
पूरा पढ्नुहोस्

स्रष्टा र सिर्जना

पारिजात ः एउटी स्वाभिमानी स्रष्टा

दार्जिलिङको सुन्दर प्रकृतिको काखमा डुबुल्की मार्दै कहिले फ्रकभरि चाँपका कोपिला बटुलेर नागबेलीको माला लगाएर, जंगलमा लुकामारी खेलेर बाल्यकाल बिताएकी पारिजातको प्रारम्भिक शिक्षा त्यही नै सम्पन्न भएको थियो । सांस्कृतिक कार्यकलापमा बढी रुचि देखाउने पारिजातको पढाइ भने मध्यमस्तरको थियो । उनले अनौपचारिक रूपमा घरमै केही अध्ययन गरेर औपचारिक अध्ययनका लागि दार्जिलिङका...
पूरा पढ्नुहोस्

नयाँ पुस्तक

छोटो क्यानभासको चित्र

सामन्तकालीन अर्थ, सामाजिक, राजनीतिक र सांस्कृतिक व्यवस्थाले नारीलाई एउटा ‘तुच्छ वस्तु’ का रूपमा परिभाषित ग¥यो । नारीको बहुमुखी अस्तित्वलाई स्वीकार गर्न तत्कालीन समाजव्यवस्थाले चाहेन । एउटा भनाइ नै बन्यो, ‘वीर भोग्या वसुन्धरा...।’ सामन्तवादभन्दा धेरै हिसाबले प्रगतिशील ठानिने पुँजीवादले पनि नारीलाई ‘वीर भोग्या वसुन्धरा’ को तहभन्दा माथि उकास्ने चाहना राखेन ।...
पूरा पढ्नुहोस्

छोटकरीमा

  • प्रहरी कार्यालयले नै कोरोनो ल्याउने त्रास

    काठमाडौं । गोंगबुस्थित एक होटलमा बस्दै आएका रोल्पाका कृष्णबहादुर बोहोराको हत्याप्रकरणमा नेपालप्रहरीले तत्कालै चितवनबाट अभियुक्तप्रकाउ गरेर अनुसन्धानमा सफलताप्राप्त गरेको छ । चितवनकीकल्पना मुडभरी (पौडेल) ले आफैंले हत्या गरेको स्वीकारसमेत गरिसकेकीछन् । तर, सोही सन्दर्भमामंगलबार महानगरीय प्रहरी परिसर टेकुमापत्रकार सम्मेलन गरेर भने प्रहरीले उल्टै कोरोना संक्रमण पो फैलायो किभन्ने आशंका बढाएको...
  • कमलामाई–मेसान मैत्रीपूर्ण सम्बन्ध कायमै

    काठमाडौं । सिन्धुलीको कमलामाई नगरपालिका र चीनको सिचुवान प्रान्तस्थित मेसान सिटीबीच मैत्रीपूर्ण सम्बन्ध स्थापना भएको छ । बुधबार आयोजना गरिएको भर्चुअल समारोहमा कमलामाई नगरपालिकाका प्रमुख खड्ग खत्री र मेसान सिटीका मेयर ह्यु आनखुनले समझदारीपत्रमा हस्ताक्षर गरे । दुवै नगरका प्रमुखले आपसी हितका आधारमा मैत्रीपूर्ण सहयोग आदानप्रदान गर्ने प्रतिबद्धता जनाएका छन्...
  • सेनाका परिवारलाई ७ लाख रुपैयाँ

    काठमाडौं । मोेटरसाइकल दुर्घटनामा परी असामयिक निधन भएका नेपाली सेनाका सिपाही शिवराज रानाका परिवारलाई मेगा बैंक नेपाल लिमिटेडले बिमाबापत ७ लाख रुपैयाँ प्रदान गरेको छ । मेगा बैंकमा ‘मेगा कर्पोरेट बेनिफिट सेभिङ अकाउन्ट’ खोलेका दिवंगत सैनिक जवान रानालाई मेगा बैंकले सोही खाताको बिमाबापत ७ लाख रुपैयाँ हस्तान्तरण गरेको हो ।...