14th August 2020, Friday

E-budhabar
Header Right Side NTC Advertisement

यस्ता त कर्मचारीका नेता

काठमाडौं । सगरमाथाको आधार शिविरमै नगई गएको फर्जी प्रमाण पेस गरी डलर भुक्तानी लिने निजामती कर्मचारीहरू सूचीमा आधिकारिक ट्रेड युनियनका जिम्मेवार पदाधिकारीहरू देखिएका छन् । हिमाल आरोहणमा जाने विदेशी पर्यटकको सम्पर्क अधिकृत (लियाजो अफिसर) ले आधार शिविरमै नगई गएको प्रमाणित गरी प्रतिव्यक्ति ४ लाखभन्दा बढी पारिश्रमिक लिनेमा जिम्मेवार पदाधिकारीहरू थिए ।
आधिकारिक ट्रेड युनियनको १० सदस्यीय कार्यसमितिमा अध्यक्ष पुण्य ढकाल, उपाध्यक्ष भोलानाथ पोखरेल र सदस्य विश्वबन्धु रेग्मी लियाजो अफिसरमा खटिएका थिए । पोखरेललाई भने स्पष्टीकरण सोधिएको छैन । पारिश्रमिक लिनेमध्ये १५ कर्मचारीहरूलाई पर्यटन विभागले २०७६ भदौ ६ मा स्पष्टीकरण सोधेको हो । अध्यक्ष पुण्यप्रसाद ढकालदेखि अख्तियार दुरुपयोग अनुसन्धान आयोगमा कार्यरत नेपाली कांग्रेसनिकट अधिकृत कमल मिश्रसम्मलाई पर्यटन विभागले १५ दिने स्पष्टीकरण सोधेको छ । यो वर्ष आधिकारिक ट्रेड युनियनका दुई पदाधिकारी र एक सदस्य हिमाल आरोहणको लियाजो अफिसरमा खटिएका थिए । आमकर्मचारीको भाग खोसेर पटकपटक लियाजो अफिसरमा जाने ट्रेड युनियन नेतृत्वको व्यवहारबाट आमकर्मचारी रुष्ट हुँदै आएका छन् ।
हिमाल आरोहण नगरी डलर भुक्तानी लिने आधिकारिक ट्रेड युनियनका सदस्य विश्वबन्धु रेग्मीलाई पनि विभागले स्पष्टीकरण सोधेको छ । उनी नेपाली कांग्रेसनिकट निजामती कर्मचारी युनियन संघबाट आधिकारिक ट्रेड युनियनमा प्रतिनिधित्व गर्दछन् । हिमाल आरोहणका लागि लियाजो अफिसरका रूपमा जानेले डलर पाउने हुनाले त्यसमा जान चलखेल हुने गरेको छ ।
तर हिमाल नै नचढी फर्जी प्रमाण जुटाएर भुक्तानी लिने क्रम बढेपछि लियाजो अफिसर खटाउने प्रक्रियाप्रति नै प्रश्न उठेको छ । लियाजो अफिसरमा खटाउँदा ट्रेड युनियन नेताहरू, अख्तियारका कर्मचार, शक्तिशाली नेता र सचिवसम्म पहुँच हुनेले पटकपटक अवसर पाउने तर अरू कर्मचारीले नपाउने गरेको गुनासो सम्बोधन हुन सकेको छैन ।
तैपनि खटिएर जानेहरूले आधार शिविरमा पनि नपुगी कीर्ते प्रमाण पेस गरेर भुक्तानी लिने गरेको पाइएको छ । त्यसैगरी भुक्तानी लिएकाले नै यसपटक स्पष्टीकरण नै सोधेर कारबाही प्रक्रियामा लैजानुपरेको पर्यटन विभागअन्तर्गतको होटेल, पर्वतारोहण तथा अनुुगमन शाखाका निर्देशक मीरा आचार्यले बताइन् ।
लियाजो अफिसरका रूपमा जानेहरूले काठमाडांैमै बसेर आरोहीलाई सगरमाथाको चुचुरोमा पुगेको प्रमाणित गर्ने कामसमेत भएको छ । यस वर्ष विभागले ३७ जना सरकारी कर्मचारीलाई लियाजो अफिसरको जिम्मेवारी दिएको थियो । ती मध्ये २२ जना कर्मचारी सगरमाथाको बेस क्याम्प पुगेका थिए भने बाँकी १५ जना कर्मचारी काठमाडौंमै बसी फर्जी प्रमाण पेस गरी भुक्तानी लिएका थिए । ६ हजार ५ सयभन्दा अग्ला हिमालमा आरोहणमा जाने विदेशीका लागि लियाजो अफिसर खटाउने गरिन्छ । आरोहणमा जाने आरोही दलसँग एकजना सरकारी कर्मचारीलाई लियाजो अफिसरका रूपमा पठाइन्छ ।
विभागले स्पष्टीकरण सोधेका कर्मचारीहरूमा अख्यितारमा कार्यरत शाखा अधिकृतद्वय तीर्थ चापागाईं र कमल मिश्र पनि छन् । राष्ट्रपति कार्यालयका उपसचिव प्रह्लाद पुडासैनीलाई पनि विभागले स्पष्टीकरण सोधेको छ । आधार शिविरमै नपुगी हिमाल आरोहण गरेको भनी फर्जी प्रमाण पेस गरेको आरोपमा विभागले स्पष्टीकरण सोधका कर्मचारीहरूमा पर्यटन मन्त्रालयका उपसचिव मंगला श्रेष्ठ, शाखा अधिकृतहरू लेखा पनेरु, गणेशबहादुर कटवाल, कम्प्युटर अधिकृत बिना श्रेष्ठ पनि छन् ।
पर्यटन विभागका प्राविधिक अधिकृत गोपाल भण्डारी, विभागकै कानुन अधिकृत चन्द्रप्रसाद अधिकारी, प्रदेश ५ का अधिकृत हुमनाथ पाण्डे, प्रदेश १ का कम्प्युटर अधिकृत सन्तोष मोक्तान, प्रतिलिपि अधिकार रजिस्टारको कार्यालयका कानुन अधिकृत लक्ष्मी शर्मा छन् । स्मरणीय छ, अध्यक्ष ढकाल भने गृह मन्त्रालयअन्तर्गत अध्यागमन विभागका कर्मचारी हुन् । उनी टे«ड युनियन काज भन्दै काम नगरी भाषण ठोक्ने र कर्मचारी वृत्तमा गुटको खेतीपाती चलाउने गर्दै आएको चर्चा छ ।

Leave a Reply

Your email address will not be published. Required fields are marked *

... र यो पनि ...

  • कोरोनाका नाममा ३२ लाख झ्वाम

    काठमाडौं । कोभिड–१९ अर्थात् कोरेनाका कारण संसारभरि आक्रान्त फैलिरहेको बेला केहीलाई भने यो आर्थिक दुरुपयोग गर्ने मेलो भएको छ । जिल्ला अस्पताल तनहुँका कर्मचारीहरूले प्रदेश सरकारले पठाएको ५० लाख रकम त्यसैगरी मनपरी ढंगले भत्ताका नाममा खर्च गरेका छन् । आइसोलेसन र क्वारेन्टिनमा सिटामोलसम्म पुग्न नसकेको बेला सबै आइसोलेसन केन्द्रमा अत्यन्त...
  • काम रोकेर आन्दोलनमा व्यस्त

    काठमाडौं । कोभिड–१९ को जोखिम झन् बढ्दै गएको छ । विश्वव्यापी रूपमै यो महामारीले सताउँदा अग्रपंक्तिमा रहेर स्वास्थ्यकर्मीका साथै अस्पतालमा कार्यरत कर्मचारीहरूले महामारीविरुद्ध आफूहरूलाई उभ्याए । नेपालका स्वास्थ्यकर्मीहरूले पनि कोभिड–१९ मा खेलेका भूमिकालाई सराहना गर्ने गरिएको छ । तर, कोभिड–१९ को जोखिम बढ्दै जाँदा निजामती कर्मचारी अस्पतालमा कार्यरत कर्मचारीहरू भने...
  • ६ अर्ब उठ्नेमा अझै आशंका

    काठमाडौं । डेडिकेटेड र टंक लाइनको महसुल विवाद सुल्झाउने जिम्मा विद्युत् नियमन आयोगलाई दिने भित्री तयारी चलिरहे पनि सो आयोगको क्षमतामाथि प्रश्नचिह्न उब्जिएको छ । यो विवाद सुल्झाउन आयोगले नसक्ने जिकिर गर्न थालिएको छ । तर, ऊर्जा, जलस्रोत तथा सिँचाइ मन्त्रालयले भने सो आयोगलाई नै जिम्मा दिन खोजेको छ ।...

चक्रपथ

चारवटै विषयगत सभापति यथावत्

काठमाडौं । राष्ट्रियसभा अन्तर्गतका समितिहरूमा भएको सभापतिको निर्वाचनमा सबै समितिका सभापतिहरू निर्विरोध निर्वाचित भएका छन् । हाल निर्विरोध निर्वाचित भएकाहरू नै यसअघि पनि त्यही समितिका सभापति थिए । कार्यकाल सकिएपछि पुनः उनीहरूलाई नै सभापतिमा चयन गरिएको हो । समिति सभापति चयन गर्न शुक्रबार निर्वाचन भएको हो । निर्वाचनबाट प्रत्यायोजित व्यवस्थापन...
पूरा पढ्नुहोस्

स्रष्टा र सिर्जना

पारिजात ः एउटी स्वाभिमानी स्रष्टा

दार्जिलिङको सुन्दर प्रकृतिको काखमा डुबुल्की मार्दै कहिले फ्रकभरि चाँपका कोपिला बटुलेर नागबेलीको माला लगाएर, जंगलमा लुकामारी खेलेर बाल्यकाल बिताएकी पारिजातको प्रारम्भिक शिक्षा त्यही नै सम्पन्न भएको थियो । सांस्कृतिक कार्यकलापमा बढी रुचि देखाउने पारिजातको पढाइ भने मध्यमस्तरको थियो । उनले अनौपचारिक रूपमा घरमै केही अध्ययन गरेर औपचारिक अध्ययनका लागि दार्जिलिङका...
पूरा पढ्नुहोस्

नयाँ पुस्तक

छोटो क्यानभासको चित्र

सामन्तकालीन अर्थ, सामाजिक, राजनीतिक र सांस्कृतिक व्यवस्थाले नारीलाई एउटा ‘तुच्छ वस्तु’ का रूपमा परिभाषित ग¥यो । नारीको बहुमुखी अस्तित्वलाई स्वीकार गर्न तत्कालीन समाजव्यवस्थाले चाहेन । एउटा भनाइ नै बन्यो, ‘वीर भोग्या वसुन्धरा...।’ सामन्तवादभन्दा धेरै हिसाबले प्रगतिशील ठानिने पुँजीवादले पनि नारीलाई ‘वीर भोग्या वसुन्धरा’ को तहभन्दा माथि उकास्ने चाहना राखेन ।...
पूरा पढ्नुहोस्

छोटकरीमा

  • प्रहरी कार्यालयले नै कोरोनो ल्याउने त्रास

    काठमाडौं । गोंगबुस्थित एक होटलमा बस्दै आएका रोल्पाका कृष्णबहादुर बोहोराको हत्याप्रकरणमा नेपालप्रहरीले तत्कालै चितवनबाट अभियुक्तप्रकाउ गरेर अनुसन्धानमा सफलताप्राप्त गरेको छ । चितवनकीकल्पना मुडभरी (पौडेल) ले आफैंले हत्या गरेको स्वीकारसमेत गरिसकेकीछन् । तर, सोही सन्दर्भमामंगलबार महानगरीय प्रहरी परिसर टेकुमापत्रकार सम्मेलन गरेर भने प्रहरीले उल्टै कोरोना संक्रमण पो फैलायो किभन्ने आशंका बढाएको...
  • कमलामाई–मेसान मैत्रीपूर्ण सम्बन्ध कायमै

    काठमाडौं । सिन्धुलीको कमलामाई नगरपालिका र चीनको सिचुवान प्रान्तस्थित मेसान सिटीबीच मैत्रीपूर्ण सम्बन्ध स्थापना भएको छ । बुधबार आयोजना गरिएको भर्चुअल समारोहमा कमलामाई नगरपालिकाका प्रमुख खड्ग खत्री र मेसान सिटीका मेयर ह्यु आनखुनले समझदारीपत्रमा हस्ताक्षर गरे । दुवै नगरका प्रमुखले आपसी हितका आधारमा मैत्रीपूर्ण सहयोग आदानप्रदान गर्ने प्रतिबद्धता जनाएका छन्...
  • सेनाका परिवारलाई ७ लाख रुपैयाँ

    काठमाडौं । मोेटरसाइकल दुर्घटनामा परी असामयिक निधन भएका नेपाली सेनाका सिपाही शिवराज रानाका परिवारलाई मेगा बैंक नेपाल लिमिटेडले बिमाबापत ७ लाख रुपैयाँ प्रदान गरेको छ । मेगा बैंकमा ‘मेगा कर्पोरेट बेनिफिट सेभिङ अकाउन्ट’ खोलेका दिवंगत सैनिक जवान रानालाई मेगा बैंकले सोही खाताको बिमाबापत ७ लाख रुपैयाँ हस्तान्तरण गरेको हो ।...