15th August 2020, Saturday

E-budhabar
Header Right Side NTC Advertisement

वामदेवलाई आफ्नैबाट त्रास

वामदेवलाई आफ्नैबाट त्रास

काठमाडौं । सरकारले आगामी मंसिर १४ गतेका लागि उपनिर्वाचनको घोषणा गरेसँगै तत्कालीन संस्कृति तथा पयर्टनमन्त्री रवीन्द्र अधिकारीको निधनपछि रिक्त कास्की–२ को उम्मेदवारीबारे चर्चा–परिचर्चा सुरु भएको छ ।
निर्वाचन आयोगले उपनिर्वाचनका लागि दल दर्ता आह्वान गरेसँगै चुनावी जोडघटाउ र निर्वाचन परिणामको विभिन्न आँकलनसहित काउन्ट डाउन सुरु भएको छ । यससँगै नेपाल कम्युनिस्ट पार्टी नेकपाका प्रस्तावित उपाध्यक्ष वामदेव गौतमको पनि चर्चा सुरु भएको छ । तर, चुनावी नतिजा सकारात्मक हुने÷नहुने ढुक्कको स्थिति नरहेकाले गौतमले अझै त्यसबारे कतै पनि औपचारिक रूपमा मुख खोलेका छैनन् । बरु, उनले नेकपा अध्यक्ष तथा प्रधानमन्त्री केपी शर्मा ओलीसँगको अनौपचारिक कुराकानीमा रवीन्द्र अधिकारी पत्नी विद्या भट्टराईलाई नै उम्मेदवार बनाउन प्रस्ताव गरेको समाचार यसअघि बाहिर आएको थियो । तर, यसबारे कसैले जिज्ञासा राखिहाले पनि उनि तर्किंदै आएका छन् । गौतम सकभर अध्यक्ष केपी ओली र पुष्पकमदल दाहालको प्रस्तावमा पार्टीले केन्द्रीय सचिवालय बैठकबाट सर्वसम्मत निर्णय गरिदेओस् भन्ने पक्षमा रहेको बताइन्छ । गौतम गत निर्वाचनमा बर्दियाबाट ७ सय ५३ मत अन्तरमा कांग्रेसका सञ्जय गौतमसँग पराजित भएका थिए । पराजित भएलगत्तै गौतमले आफूमाथि पार्टीभित्रैबाट अन्तरघात भएको आरोप लगाउँदै छानबिन गरेर कारबाही गर्न माग गरेका थिए । साबिक एमालेको प्रदेश कमिटीले बैजनाथ चौधरीको संयोजकत्वमा छानबिन समिति नै बनाएर छानबिन प्रक्रिया अघि बढाएको पनि थियो । उक्त समितिले आरोपित श्याम ढकालसहितलाई वयान पनि लियो तर कसको अन्तरघातका कारण पराजित हुनुपरेको समितिले स्पष्ट पार्न सकेन । बरु, ढकाललाई नै नेकपाको प्रदेश कमिटी सदस्य बनाइएपछि गौतम आक्रोशित हुँदै आएका थिए ।
तर अध्यक्ष ओलीले चिढिएका गौतमलाई उपाध्यक्ष बनाएर र कास्कीबाट निर्वाचित गराउने वचन दिएपछि उनको दोस्ती फेरि जोडिएको छ । गत निर्वाचनमा एमालेका तर्फबाट अधिकारी साढे ७ हजार मतान्तरमा विजयी भएका थिए । उनको निधनपछि श्रीमती विद्या भट्टराईको नाम उम्मेदवारका रूपमा चर्चा हुँदै आएकोमा गौतमको नामले प्रवेश पाएपछि बिभिन्न आँकलन हुन थालेका छन् । कम्युनिस्ट सरकार त्यति लोकप्रिय नभएकाले गौतमका लागि पाहुना उम्मेदवारका रूपमा उक्त निर्वाचन क्षेत्र प्रत्युत्पादक हुन सक्ने एकाथरीले विश्लेषण गरिरहेका छन् । अर्कातिर कास्की–२ लाई कांग्रेसको पनि निकै बलियो पकड क्षेत्रका रूपमा रहेकाले पनि गौतमको जित सहज नहुने बताइरहेका छन् । कास्कीबाट चुनाव जितेर आउँदा गौतमका लागि निर्णायक अवसरको ढोका खुल्न पनि सक्छ । समकालीन माधव नेपाल, केपी ओली र झलनाथ खनाल पार्टी प्रमुख र सरकार प्रमुख भइसकेकाले दुईमध्ये कुनै एउटा पदमा पुग्ने उनको लामो समयदेखिको आकांक्षा पूरा हुने अनुमान गर्न सकिन्छ । तर, त्यस्तो आकांक्षा भने पार्टी सचिवालय तहकै एक नेता तगारो बन्न सक्ने गौतमको अनुमान छ । बर्दियामा पनि तिनै नेताको मुख्य भूमिकाको कारण आफूले पराजय भोगेको निष्कर्षमा पुगेका उनी कास्कीमा पनि त्यही घटना पुनारावृत्ति हुने त्रासमा रहेको बताइन्छ । यी सबै कुरालाई दूर गरेर अन्तिम लेखाजोखापछि मात्र गौतमले उठ्ने, नउठ्ने निर्णय गर्ने उनी निकट स्रोतले जनाएको छ ।

Leave a Reply

Your email address will not be published. Required fields are marked *

... र यो पनि ...

  • कोरोनाका नाममा ३२ लाख झ्वाम

    काठमाडौं । कोभिड–१९ अर्थात् कोरेनाका कारण संसारभरि आक्रान्त फैलिरहेको बेला केहीलाई भने यो आर्थिक दुरुपयोग गर्ने मेलो भएको छ । जिल्ला अस्पताल तनहुँका कर्मचारीहरूले प्रदेश सरकारले पठाएको ५० लाख रकम त्यसैगरी मनपरी ढंगले भत्ताका नाममा खर्च गरेका छन् । आइसोलेसन र क्वारेन्टिनमा सिटामोलसम्म पुग्न नसकेको बेला सबै आइसोलेसन केन्द्रमा अत्यन्त...
  • काम रोकेर आन्दोलनमा व्यस्त

    काठमाडौं । कोभिड–१९ को जोखिम झन् बढ्दै गएको छ । विश्वव्यापी रूपमै यो महामारीले सताउँदा अग्रपंक्तिमा रहेर स्वास्थ्यकर्मीका साथै अस्पतालमा कार्यरत कर्मचारीहरूले महामारीविरुद्ध आफूहरूलाई उभ्याए । नेपालका स्वास्थ्यकर्मीहरूले पनि कोभिड–१९ मा खेलेका भूमिकालाई सराहना गर्ने गरिएको छ । तर, कोभिड–१९ को जोखिम बढ्दै जाँदा निजामती कर्मचारी अस्पतालमा कार्यरत कर्मचारीहरू भने...
  • ६ अर्ब उठ्नेमा अझै आशंका

    काठमाडौं । डेडिकेटेड र टंक लाइनको महसुल विवाद सुल्झाउने जिम्मा विद्युत् नियमन आयोगलाई दिने भित्री तयारी चलिरहे पनि सो आयोगको क्षमतामाथि प्रश्नचिह्न उब्जिएको छ । यो विवाद सुल्झाउन आयोगले नसक्ने जिकिर गर्न थालिएको छ । तर, ऊर्जा, जलस्रोत तथा सिँचाइ मन्त्रालयले भने सो आयोगलाई नै जिम्मा दिन खोजेको छ ।...

चक्रपथ

चारवटै विषयगत सभापति यथावत्

काठमाडौं । राष्ट्रियसभा अन्तर्गतका समितिहरूमा भएको सभापतिको निर्वाचनमा सबै समितिका सभापतिहरू निर्विरोध निर्वाचित भएका छन् । हाल निर्विरोध निर्वाचित भएकाहरू नै यसअघि पनि त्यही समितिका सभापति थिए । कार्यकाल सकिएपछि पुनः उनीहरूलाई नै सभापतिमा चयन गरिएको हो । समिति सभापति चयन गर्न शुक्रबार निर्वाचन भएको हो । निर्वाचनबाट प्रत्यायोजित व्यवस्थापन...
पूरा पढ्नुहोस्

स्रष्टा र सिर्जना

पारिजात ः एउटी स्वाभिमानी स्रष्टा

दार्जिलिङको सुन्दर प्रकृतिको काखमा डुबुल्की मार्दै कहिले फ्रकभरि चाँपका कोपिला बटुलेर नागबेलीको माला लगाएर, जंगलमा लुकामारी खेलेर बाल्यकाल बिताएकी पारिजातको प्रारम्भिक शिक्षा त्यही नै सम्पन्न भएको थियो । सांस्कृतिक कार्यकलापमा बढी रुचि देखाउने पारिजातको पढाइ भने मध्यमस्तरको थियो । उनले अनौपचारिक रूपमा घरमै केही अध्ययन गरेर औपचारिक अध्ययनका लागि दार्जिलिङका...
पूरा पढ्नुहोस्

नयाँ पुस्तक

छोटो क्यानभासको चित्र

सामन्तकालीन अर्थ, सामाजिक, राजनीतिक र सांस्कृतिक व्यवस्थाले नारीलाई एउटा ‘तुच्छ वस्तु’ का रूपमा परिभाषित ग¥यो । नारीको बहुमुखी अस्तित्वलाई स्वीकार गर्न तत्कालीन समाजव्यवस्थाले चाहेन । एउटा भनाइ नै बन्यो, ‘वीर भोग्या वसुन्धरा...।’ सामन्तवादभन्दा धेरै हिसाबले प्रगतिशील ठानिने पुँजीवादले पनि नारीलाई ‘वीर भोग्या वसुन्धरा’ को तहभन्दा माथि उकास्ने चाहना राखेन ।...
पूरा पढ्नुहोस्

छोटकरीमा

  • प्रहरी कार्यालयले नै कोरोनो ल्याउने त्रास

    काठमाडौं । गोंगबुस्थित एक होटलमा बस्दै आएका रोल्पाका कृष्णबहादुर बोहोराको हत्याप्रकरणमा नेपालप्रहरीले तत्कालै चितवनबाट अभियुक्तप्रकाउ गरेर अनुसन्धानमा सफलताप्राप्त गरेको छ । चितवनकीकल्पना मुडभरी (पौडेल) ले आफैंले हत्या गरेको स्वीकारसमेत गरिसकेकीछन् । तर, सोही सन्दर्भमामंगलबार महानगरीय प्रहरी परिसर टेकुमापत्रकार सम्मेलन गरेर भने प्रहरीले उल्टै कोरोना संक्रमण पो फैलायो किभन्ने आशंका बढाएको...
  • कमलामाई–मेसान मैत्रीपूर्ण सम्बन्ध कायमै

    काठमाडौं । सिन्धुलीको कमलामाई नगरपालिका र चीनको सिचुवान प्रान्तस्थित मेसान सिटीबीच मैत्रीपूर्ण सम्बन्ध स्थापना भएको छ । बुधबार आयोजना गरिएको भर्चुअल समारोहमा कमलामाई नगरपालिकाका प्रमुख खड्ग खत्री र मेसान सिटीका मेयर ह्यु आनखुनले समझदारीपत्रमा हस्ताक्षर गरे । दुवै नगरका प्रमुखले आपसी हितका आधारमा मैत्रीपूर्ण सहयोग आदानप्रदान गर्ने प्रतिबद्धता जनाएका छन्...
  • सेनाका परिवारलाई ७ लाख रुपैयाँ

    काठमाडौं । मोेटरसाइकल दुर्घटनामा परी असामयिक निधन भएका नेपाली सेनाका सिपाही शिवराज रानाका परिवारलाई मेगा बैंक नेपाल लिमिटेडले बिमाबापत ७ लाख रुपैयाँ प्रदान गरेको छ । मेगा बैंकमा ‘मेगा कर्पोरेट बेनिफिट सेभिङ अकाउन्ट’ खोलेका दिवंगत सैनिक जवान रानालाई मेगा बैंकले सोही खाताको बिमाबापत ७ लाख रुपैयाँ हस्तान्तरण गरेको हो ।...