20th September 2019, Friday

E-budhabar
Header Right Side NTC Advertisement

पाँचपटकसम्म स्थगितै–स्थगित



काठमाडौं । नेपाल विद्युत् प्राधिकरणको सञ्चालक समितिको बैठक पटक–पटक तय हुन्छ, फेरि स्थगित । करिब एक महिनादेखि प्राधिकरणको बोर्डको बैठक पाँचपटक बोलाइयो र पाँचैपटक स्थगित गरियो ।
लाखौं ग्राहकहरूको सरोकारसँग जोडिएको प्राधिकरणको सञ्चालक समितिको बैठक महिना दिनयता बस्न नसक्दा धेरै कामहरूमा अवरोध सिर्जना हुन थालेका छन् । पछिल्लो समय गएको साउन २३ गते बोर्डको बैठक बसेको थियो । भदौ १ गते प्राधिकरणको वार्षिकोत्सव मनाउने क्रममा त्यसको अघिल्लो दिन बोर्डको बैठक बस्ने टुंगो लागेको थियो । तर, त्यो दिन बैठक बस्न सकेन । त्यसयता पटक–पटक गरी पाँच पटकसम्म बोर्डको बैठक आह्वान भए पनि स्थगित हुँदै आएका छन् । बोर्डको बैठक मन्त्रीको अध्यक्षतामा बस्दै आएको छ ।
प्राधिकरणको बोर्डको बैठक हरेक हप्ताजस्तै बस्दै आएको थियो । प्रायजसो एजेन्डाहरू भइरहने भएको हुँदा बैठक हप्तैपिच्छे बस्ने गरेको थियो । गएको जेठदेखि साउनसम्म हरेक हप्ता नै बसेको थियो । तर, पछिल्लो समय भने बैठक आह्वान हुने र स्थगित हुँदा धेरै काम चौपट हुन थालेका छन् । प्राधिकरणको व्यवस्थापनले पनि बैठक राखेर टुंग्याउनुपर्ने कामहरूमा त्यति चासो नदिइरहेको बताइन्छ ।
प्राधिकरणको बोर्डको बैठक बस्न नसक्दा केही आयोजनाका कामले गति लिन सकेको छैन । बोर्डको बैठक बस्न नसक्दा माथिल्लो तामाकोसी आयोजनाको काम पनि प्रभावित बन्न पुगेको छ । प्राधिकरणको ४१ प्रतिशत सेयर रहेको सो आयोजनाले केही रकम माग गरेको थियो । तर सो आयोजनाले रकम माग गरेर पत्र पठाए पनि बोर्डको बैठक बस्न नसक्दा त्यसको सुनुवाइ हुन सकेको छैन । त्रिशूली ३ ‘ए’ आयोजनामा पनि समस्या देखिएका छन् । सो आयोजनासित सम्बन्धित केही महत्वपूर्ण निर्णयहरू तत्काल गर्नुपर्ने भए पनि बोर्डको बैठक नबस्दा कामहरू प्रभावित बन्न पुगेका छन् ।
कतिपय आयोजनाहरूका म्याद थपदेखि अरू कामहरू पनि स्थगित हुन पुगेका छन् । त्यस्तै, प्राधिकरणको व्यवस्थापन र टे«ड युनियनहरूबीच भएको सम्झौता कार्यान्वयनमा पनि समस्या उब्जिएका छन् । सम्झौता भएअनुरूप कार्यान्वयनहरू गर्न विभिन्न कमिटी गठन गर्नुपर्नेमा बोर्डको बैठक बस्न नसक्दा त्यो पनि त्यत्तिकै अल्झिरहेको छ । कतिपय ग्राहकहरूले पनि मर्का बेहोर्नुपरिरहेको छ ।
ऊर्जा, जलस्रोत तथा सिँचाइमन्त्री वर्षमान पुन विश्व ऊर्जा सम्मेलनमा भाग लिन संयुक्त अरब इमिरेटस (युएई) गएका हुँदा प्राधिकरणको बोर्ड बैठक तत्काल बस्ने सम्भावना देखिएको छैन । २४औं विश्व ऊर्जा सम्मेलनमा भाग लिन मन्त्री पुन केही दिनअघि युएई गएका हुन् । तर, मन्त्री पुन स्वदेश फर्किए पनि तत्काल प्राधिकरणको बोर्ड बैठक बस्नेमा आशंका रहेको छ ।

Leave a Reply

Your email address will not be published. Required fields are marked *

... र यो पनि ...

चक्रपथ

३ नम्बर प्रदेशमा संविधान दिवसको भव्य तयारीे

ShareTweet काठमाडौं । संविधान दिवसको अवसरमा ३ नम्बर प्रदेश सरकारले विविध कार्यक्रमहरू गर्ने भएको छ । सोमबार प्रदेशका मुख्यमन्त्री डोरमणि पौडेलको संयोजकत्वमा दिवस- ...
पूरा पढ्नुहोस्

स्रष्टा र सिर्जना

सामाजिक मुद्दाहरूतिर उन्मुख

ShareTweet हामी वर्षौंदेखि जुन समाजमा भिजिरहेका छौं÷बाँचिरहेका छौं, त्यो समाजमा साहित्य, कला, सिनेमाजस्ता सिर्जना र अभिव्यक्तिका लागि अनेकानेक विषयहरू छन् । समाजका- ...
पूरा पढ्नुहोस्

नयाँ पुस्तक

विसंगतिमाथि चोट

ShareTweet पोखराको साहित्यिक परिवेशमा भिजेका अधिकांश सर्जकहरूले मुक्तक विधामा कलम नचलाएका कमै दृष्टान्त होलान् । सरुभक्त, तीर्थ श्रेष्ठ, प्रकट पगेनी ‘शिव’, रमेश श्रेष्ठलगायत- ...
पूरा पढ्नुहोस्

छोटकरीमा