14th August 2020, Friday

E-budhabar
Header Right Side NTC Advertisement

विज्ञको काम उजुरीमा चासो राख्ने हो ?

विज्ञको काम उजुरीमा चासो राख्ने हो ?

काठमाडौं । अख्तियार दुरुपयोग अनुसन्धान आयोगका विज्ञले आफ्नो क्षेत्र जे हो त्यो मात्र गर्ने हो, तर आयोगमा राखिएका सञ्चारविज्ञ शरद अधिकारीले उजुरीका पक्ष वा विपक्षसँग भेट्ने वा भेटाउने काम गरेको अख्तियार स्रोतको दाबी छ । सञ्चारविज्ञ अधिकारीले विवादास्पद व्यापारी सुहृद घिमिरेको उजुरीबारे आयुक्तदेखि प्रमुख आयुक्तसँग पनि लबिङ गरेको आयोगभित्रका महाशाखा प्रमुखसम्मलाई जानकारी छ । सुहृद घिमिरेलाई राम्रो भनिरहँदा नराम्रा चाहिँ को हुन् त भन्ने अहम् प्रश्न उनका बारेमा थाहा पाउनेहरूले एकपटक सोच्नैपर्ने हुन्छ । तर अधिकारीले उनलाई राम्रो मानिस भनेर पटकपटक उनको पैरवी गरिरहेको सूचना हामीले पाएका छौं । अख्तियारले सुरु गरेको सेवाग्राहीले घुस दिएको भिडियो लिने ‘¥यापिड अप्रेसन’ मा परेकाहरूलाई पनि फसायो भनेर उल्टै आयोगकै विरुद्ध बोल्ने कामसमेत उनीबाट हुँदै आएको विश्वस्त स्रोतले बतायो ।
सञ्चारविज्ञ अधिकारीबाट राम्रा भनिएका सुहृद घिमिरे कस्ता हुन् त ? उनले बालुवाटारस्थित ललिता निवासको जग्गा प्रतिआना ५० हजारमै किनेको पाइएको छ । घिमिरेले आफ्नी सासूआमा इन्दु शर्माका नाममा खरिद गरिदिएको करिब १३ रोपनी जग्गामध्ये दुई कित्ता जग्गाको खरिदबिक्री लिखतबाट यसको पुष्टि भएको छ । यो जग्गाबाहेक उनको र परिवारको नाममा काठमाडौं उपत्यकामा नारायणहिटी दरबार संग्रहालयको उत्तरपूर्व गैरीधारासँगै सात रोपनी, तीनकुनेका चियाको सोरुम भएको ठाउँमा पाँच रोपनी, बालुवाटारमा अशोक राणासँग मुद्दा परेको ६ रोपनीसहित ५० रोपनी जग्गा छ । जबकि, काठमाडौं उपत्यकामा एक परिवारको नाममा २५ रोपनीभन्दा बढी जग्गा भए हदबन्दी लाग्छ । काठमाडौं उपत्यकामा मात्रै हदबन्दीभन्दा दोब्बर क्षेत्रफल जग्गा भएका घिमिरेले बालाजु औद्योगिक क्षेत्रमा गाडी सोरुमदेखि मर्मत केन्द्रका लागि कौडीको मूल्यमा जग्गा भाडामा लिएका छन् । नेपाल ब्याट्री कम्पनीको नाममा बालाजु औद्योगिक क्षेत्रले भाडामा दिएको जग्गा पनि सुहृद घिमिरेले नै ओगेटका मात्र होइन, कब्जा नै गरी आफ्नो नाममा ल्याउन साजिस गरिरहेका छन् । बालाजु औद्योगिक क्षेत्रको जग्गाको भाडा गत वर्ष बढाउन खोज्दा उद्योग, वाणिज्य तथा आपूर्तिमन्त्रीलाई घुस खुवाएर भाडा नबढाउन निर्देशन गराए । मातृका यादवका त्यतिखेरका पीए सन्तोष विष्टले बालाजु औद्योेगिक क्षेत्रको कार्यालयलाई तत्काललाई भाडा नबढाउन निर्देशन दिएका थिए । मन्त्रीका स्वकीय सचिव विष्टले गैरकानुनी रूपमा दिएको निर्देशनका कारण एक वर्षअघि बढाउन खोजेको भाडासमेत सुहृद घिमिरेहरूको घुसको शक्तिले रोकिन पुगेको छ । जसका कारण बालाजु औद्योगिक क्षेत्रलाई वार्षिक करोडौं घाटा भएको छ ।
शैक्षिक माफियाका रूपमा चिनिएका उमेश श्रेष्ठले कर्मनासा खोला अतिक्रमण गरी १ सय रोपनीभन्दा बढी हात्तीवनको जग्गा लिटिल एन्जल्स स्कुलभित्र हालेको विषयमा भइरहेको छानबिनमा पनि उनले चासो राखेको समाचार बुधबारले गत अंकमै प्रकाशित गरिसकेको छ ।
अख्तियार स्रोतको प्रश्न छ, ‘आयोगका सञ्चारविज्ञले भ्रष्टाचार नियन्त्रण र सुशासनका दिशामा गरेका कामहरूको प्रचारप्रसार गर्न छाडेर उजुरीमा चलखेल गर्ने, तस्कर र ठग छुटाउनेदेखि अख्तियारका उजुरी मिलाउने काममा सक्रिय बिचौलिया नाम्गेल शेर्पासँग अधिकारीको बाक्लो उठबसले गर्ने काम गरेपछि त्यसले के संकेत गर्दछ ?’

Leave a Reply

Your email address will not be published. Required fields are marked *

... र यो पनि ...

  • कोरोनाका नाममा ३२ लाख झ्वाम

    काठमाडौं । कोभिड–१९ अर्थात् कोरेनाका कारण संसारभरि आक्रान्त फैलिरहेको बेला केहीलाई भने यो आर्थिक दुरुपयोग गर्ने मेलो भएको छ । जिल्ला अस्पताल तनहुँका कर्मचारीहरूले प्रदेश सरकारले पठाएको ५० लाख रकम त्यसैगरी मनपरी ढंगले भत्ताका नाममा खर्च गरेका छन् । आइसोलेसन र क्वारेन्टिनमा सिटामोलसम्म पुग्न नसकेको बेला सबै आइसोलेसन केन्द्रमा अत्यन्त...
  • काम रोकेर आन्दोलनमा व्यस्त

    काठमाडौं । कोभिड–१९ को जोखिम झन् बढ्दै गएको छ । विश्वव्यापी रूपमै यो महामारीले सताउँदा अग्रपंक्तिमा रहेर स्वास्थ्यकर्मीका साथै अस्पतालमा कार्यरत कर्मचारीहरूले महामारीविरुद्ध आफूहरूलाई उभ्याए । नेपालका स्वास्थ्यकर्मीहरूले पनि कोभिड–१९ मा खेलेका भूमिकालाई सराहना गर्ने गरिएको छ । तर, कोभिड–१९ को जोखिम बढ्दै जाँदा निजामती कर्मचारी अस्पतालमा कार्यरत कर्मचारीहरू भने...
  • ६ अर्ब उठ्नेमा अझै आशंका

    काठमाडौं । डेडिकेटेड र टंक लाइनको महसुल विवाद सुल्झाउने जिम्मा विद्युत् नियमन आयोगलाई दिने भित्री तयारी चलिरहे पनि सो आयोगको क्षमतामाथि प्रश्नचिह्न उब्जिएको छ । यो विवाद सुल्झाउन आयोगले नसक्ने जिकिर गर्न थालिएको छ । तर, ऊर्जा, जलस्रोत तथा सिँचाइ मन्त्रालयले भने सो आयोगलाई नै जिम्मा दिन खोजेको छ ।...

चक्रपथ

चारवटै विषयगत सभापति यथावत्

काठमाडौं । राष्ट्रियसभा अन्तर्गतका समितिहरूमा भएको सभापतिको निर्वाचनमा सबै समितिका सभापतिहरू निर्विरोध निर्वाचित भएका छन् । हाल निर्विरोध निर्वाचित भएकाहरू नै यसअघि पनि त्यही समितिका सभापति थिए । कार्यकाल सकिएपछि पुनः उनीहरूलाई नै सभापतिमा चयन गरिएको हो । समिति सभापति चयन गर्न शुक्रबार निर्वाचन भएको हो । निर्वाचनबाट प्रत्यायोजित व्यवस्थापन...
पूरा पढ्नुहोस्

स्रष्टा र सिर्जना

पारिजात ः एउटी स्वाभिमानी स्रष्टा

दार्जिलिङको सुन्दर प्रकृतिको काखमा डुबुल्की मार्दै कहिले फ्रकभरि चाँपका कोपिला बटुलेर नागबेलीको माला लगाएर, जंगलमा लुकामारी खेलेर बाल्यकाल बिताएकी पारिजातको प्रारम्भिक शिक्षा त्यही नै सम्पन्न भएको थियो । सांस्कृतिक कार्यकलापमा बढी रुचि देखाउने पारिजातको पढाइ भने मध्यमस्तरको थियो । उनले अनौपचारिक रूपमा घरमै केही अध्ययन गरेर औपचारिक अध्ययनका लागि दार्जिलिङका...
पूरा पढ्नुहोस्

नयाँ पुस्तक

छोटो क्यानभासको चित्र

सामन्तकालीन अर्थ, सामाजिक, राजनीतिक र सांस्कृतिक व्यवस्थाले नारीलाई एउटा ‘तुच्छ वस्तु’ का रूपमा परिभाषित ग¥यो । नारीको बहुमुखी अस्तित्वलाई स्वीकार गर्न तत्कालीन समाजव्यवस्थाले चाहेन । एउटा भनाइ नै बन्यो, ‘वीर भोग्या वसुन्धरा...।’ सामन्तवादभन्दा धेरै हिसाबले प्रगतिशील ठानिने पुँजीवादले पनि नारीलाई ‘वीर भोग्या वसुन्धरा’ को तहभन्दा माथि उकास्ने चाहना राखेन ।...
पूरा पढ्नुहोस्

छोटकरीमा

  • प्रहरी कार्यालयले नै कोरोनो ल्याउने त्रास

    काठमाडौं । गोंगबुस्थित एक होटलमा बस्दै आएका रोल्पाका कृष्णबहादुर बोहोराको हत्याप्रकरणमा नेपालप्रहरीले तत्कालै चितवनबाट अभियुक्तप्रकाउ गरेर अनुसन्धानमा सफलताप्राप्त गरेको छ । चितवनकीकल्पना मुडभरी (पौडेल) ले आफैंले हत्या गरेको स्वीकारसमेत गरिसकेकीछन् । तर, सोही सन्दर्भमामंगलबार महानगरीय प्रहरी परिसर टेकुमापत्रकार सम्मेलन गरेर भने प्रहरीले उल्टै कोरोना संक्रमण पो फैलायो किभन्ने आशंका बढाएको...
  • कमलामाई–मेसान मैत्रीपूर्ण सम्बन्ध कायमै

    काठमाडौं । सिन्धुलीको कमलामाई नगरपालिका र चीनको सिचुवान प्रान्तस्थित मेसान सिटीबीच मैत्रीपूर्ण सम्बन्ध स्थापना भएको छ । बुधबार आयोजना गरिएको भर्चुअल समारोहमा कमलामाई नगरपालिकाका प्रमुख खड्ग खत्री र मेसान सिटीका मेयर ह्यु आनखुनले समझदारीपत्रमा हस्ताक्षर गरे । दुवै नगरका प्रमुखले आपसी हितका आधारमा मैत्रीपूर्ण सहयोग आदानप्रदान गर्ने प्रतिबद्धता जनाएका छन्...
  • सेनाका परिवारलाई ७ लाख रुपैयाँ

    काठमाडौं । मोेटरसाइकल दुर्घटनामा परी असामयिक निधन भएका नेपाली सेनाका सिपाही शिवराज रानाका परिवारलाई मेगा बैंक नेपाल लिमिटेडले बिमाबापत ७ लाख रुपैयाँ प्रदान गरेको छ । मेगा बैंकमा ‘मेगा कर्पोरेट बेनिफिट सेभिङ अकाउन्ट’ खोलेका दिवंगत सैनिक जवान रानालाई मेगा बैंकले सोही खाताको बिमाबापत ७ लाख रुपैयाँ हस्तान्तरण गरेको हो ।...