14th August 2020, Friday

E-budhabar
Header Right Side NTC Advertisement

प्रेममा तरंगित सिर्जना

प्रेममा तरंगित सिर्जना

युवा–सर्जक हरिराम पौडेलको गीति–सिर्जना प्रेमका कोमल अनुभूतिहरूका खानी हुन्, सायद । किनभने, प्रेमका अनगिन्ति आवाजहरू उनका गीति–लेखनमा सहजै र सर्वस्वीकृत रूपमा गुन्जिन पुग्छन् । त्यस्तै, गीतमा प्रेमका मालाहरू बुन्न पनि उनी दक्ष देखिन्छन् । त्यस्ता मालाहरू बुन्ने क्रम÷उपक्रममा उनी जुन पायो, त्यही जात, रङ र सुगन्धले भरिएका फूलहरू भने प्रयोग गर्दैनन् । उनी कोमल, सुन्दर र हृदय नै आल्हादित तुल्याउने फूलहरूका गीति–माला उन्न खप्पिस देखिन्छन् ।
‘मेरो खुसी मेरो चाह’ पौडेलको नवीन गीति–सँगालो हो । पचासको दशकदेखि नै नेपाली गीति लेखन क्षेत्रमा पाइला चाल्न थालेका पौडेलले करिब दुई दशकको साधनापछि यो सँगालो बाहिर ल्याएका हुन्, जसमा उनको दुई दशक लामो गीति–लेखनका बेग्लाबेग्लै तस्बिरहरू अंकित छन् । तर, उनको कथनानुसार भने उनले गीति–लेखनमा यात्रा चाल्न थालेको तीन दशक पुगिसकेको छ ।
मानव जातिको उत्पत्तिकालदेखि नै पुरुष र महिलाबीच शारीरिक आकर्षक, सम्पर्क र संसर्ग चल्दै आएको छ । विपरीत लिंगीप्रति आकर्षण हुने क्रम सृष्टिको प्रारम्भदेखि नै भयो र सम्भवतः सृष्टिको कथा नटुंगिउन्जेलसम्म यो क्रम यथावत् रहन्छ । आखिर, यो संसार सञ्चालन हुनुमा प्रेम, माया र मोहजस्ता पक्षहरूकै अद्वितीय भूमिका रहँदै आएको छ, मायाको बन्धनले कँसिलो हुँदै आएको छ । उनी लेख्छन्, ‘मिलनको डोरी हाम्रो नचुँडियोस् कसैगरी÷हाम्रो माया फुलिरहोस् वसन्तको आभासरि÷ओढाइराख सधैं मलाई ममताको छाता÷नटुटोस् है कहिल्यै पनि दुई मुटुको नाता ।’
जीवनरूपी डुंगालाई नदी वारपार गर्न पुरुष र महिलाबीच सहकार्य नभई हुँदैन । महिलाबिना पुरुषको जीवन निरर्थक हुन्छ र पुरुषबिना पनि महिलाको । जीवनलाई सहज रूपमा चलाउन दुवैले एकअर्काको सहयोग, सहारा र सहकार्यको आवश्यकताबोध गर्दछन् । एउटाको आँसु आउँदा अर्कोले पुछिदिने र मुटुमा काँडा बिझ्दा झिकिदिने साथीको खाँचो सबैले महसुस गर्छन् । तर, त्यस्ता साथी नपाउँदा जिन्दगी कस्तो होला ? पौडेलका गीति–हरफलाई लिए पुग्छ– ‘डढेलोले वन जस्तै जलेको छ मन÷आफन्तमै पाइनँ मैले कैल्यै आफ्नोपन÷एउटा साथको खाँचो थियो पिर बुझिदिने÷हृदयको आलो घाउमा मलम लेपिदिने ।’
हामी बाँचेको समाजभित्र प्रेममा असफलता हात पार्नेहरूको जीवन पीडा, कष्ट र वियोगमा गुज्रिएका कैयांै घटना छन् । प्रेममा वियोग खेप्नेहरूले आफूलाई नसामा चुर्लुम्मै डुबाएर जिन्दगी बर्बाद पारेका दृष्टान्तहरू पनि छन् । धेरै पीडादायी हुन्छ, प्रेमको घाउ र धेरै नै मताउँछ, प्रेमको नसाले । प्रेमका धोका पाएकाहरूको व्यथालाई पौडेल यसरी उतार्छन्, ‘ढकमक्क फुल्ने जीवन पलाँससरी भयो आज÷जिन्दगीको धु्रवतारा अस्ताएर गयो आज÷तिम्रै कारण आँसु भुल्न नशा पिउने गर्छु÷दुखियाँझैं एकान्तमा एक्लै जिउने गर्छु ।’
प्रेमिल जोडीका स्वप्न–कथाहरू गीति लयमा कथ्न गीति–सर्जक पौडेल सक्षम देखिएका छन् । वर–पीपलको चौतारीमा बसेका सम्झनादेखि देउरालीमा पाति चढाएका स्मरणहरू गर्दै उनले गीतकै माध्यमबाट स्वच्छ प्रेमका तरंगहरू उब्जाउन चाहेका छन् । तर, उनका कुनै–कुनै सिर्जना भने निराशाका थुम्कीमा चढेर वेदनाका उच्छवासहरू पोख्न तल्लिनसमेत देखिन्छन् । उनको निराशाजन्य अभिव्यक्ति यसरी प्रकट हुन्छ– ‘एकलास जिउनुभन्दा मर्न बरु जाति÷गोधूलिको घामसँगै झर्न बरु जाती ।’
कृति ः मेरो खुसी मेरो चाह
विधा ः गीत
गीतकार ः हरिराम पौडेल
प्रकाशक ः नवनारी मिडिया एन्ड रिचर्स प्रालि
पृष्ठ ः ८०
मूल्य ः रु. १५०।–

Leave a Reply

Your email address will not be published. Required fields are marked *

... र यो पनि ...

  • कोरोनाका नाममा ३२ लाख झ्वाम

    काठमाडौं । कोभिड–१९ अर्थात् कोरेनाका कारण संसारभरि आक्रान्त फैलिरहेको बेला केहीलाई भने यो आर्थिक दुरुपयोग गर्ने मेलो भएको छ । जिल्ला अस्पताल तनहुँका कर्मचारीहरूले प्रदेश सरकारले पठाएको ५० लाख रकम त्यसैगरी मनपरी ढंगले भत्ताका नाममा खर्च गरेका छन् । आइसोलेसन र क्वारेन्टिनमा सिटामोलसम्म पुग्न नसकेको बेला सबै आइसोलेसन केन्द्रमा अत्यन्त...
  • काम रोकेर आन्दोलनमा व्यस्त

    काठमाडौं । कोभिड–१९ को जोखिम झन् बढ्दै गएको छ । विश्वव्यापी रूपमै यो महामारीले सताउँदा अग्रपंक्तिमा रहेर स्वास्थ्यकर्मीका साथै अस्पतालमा कार्यरत कर्मचारीहरूले महामारीविरुद्ध आफूहरूलाई उभ्याए । नेपालका स्वास्थ्यकर्मीहरूले पनि कोभिड–१९ मा खेलेका भूमिकालाई सराहना गर्ने गरिएको छ । तर, कोभिड–१९ को जोखिम बढ्दै जाँदा निजामती कर्मचारी अस्पतालमा कार्यरत कर्मचारीहरू भने...
  • ६ अर्ब उठ्नेमा अझै आशंका

    काठमाडौं । डेडिकेटेड र टंक लाइनको महसुल विवाद सुल्झाउने जिम्मा विद्युत् नियमन आयोगलाई दिने भित्री तयारी चलिरहे पनि सो आयोगको क्षमतामाथि प्रश्नचिह्न उब्जिएको छ । यो विवाद सुल्झाउन आयोगले नसक्ने जिकिर गर्न थालिएको छ । तर, ऊर्जा, जलस्रोत तथा सिँचाइ मन्त्रालयले भने सो आयोगलाई नै जिम्मा दिन खोजेको छ ।...

चक्रपथ

चारवटै विषयगत सभापति यथावत्

काठमाडौं । राष्ट्रियसभा अन्तर्गतका समितिहरूमा भएको सभापतिको निर्वाचनमा सबै समितिका सभापतिहरू निर्विरोध निर्वाचित भएका छन् । हाल निर्विरोध निर्वाचित भएकाहरू नै यसअघि पनि त्यही समितिका सभापति थिए । कार्यकाल सकिएपछि पुनः उनीहरूलाई नै सभापतिमा चयन गरिएको हो । समिति सभापति चयन गर्न शुक्रबार निर्वाचन भएको हो । निर्वाचनबाट प्रत्यायोजित व्यवस्थापन...
पूरा पढ्नुहोस्

स्रष्टा र सिर्जना

पारिजात ः एउटी स्वाभिमानी स्रष्टा

दार्जिलिङको सुन्दर प्रकृतिको काखमा डुबुल्की मार्दै कहिले फ्रकभरि चाँपका कोपिला बटुलेर नागबेलीको माला लगाएर, जंगलमा लुकामारी खेलेर बाल्यकाल बिताएकी पारिजातको प्रारम्भिक शिक्षा त्यही नै सम्पन्न भएको थियो । सांस्कृतिक कार्यकलापमा बढी रुचि देखाउने पारिजातको पढाइ भने मध्यमस्तरको थियो । उनले अनौपचारिक रूपमा घरमै केही अध्ययन गरेर औपचारिक अध्ययनका लागि दार्जिलिङका...
पूरा पढ्नुहोस्

नयाँ पुस्तक

छोटो क्यानभासको चित्र

सामन्तकालीन अर्थ, सामाजिक, राजनीतिक र सांस्कृतिक व्यवस्थाले नारीलाई एउटा ‘तुच्छ वस्तु’ का रूपमा परिभाषित ग¥यो । नारीको बहुमुखी अस्तित्वलाई स्वीकार गर्न तत्कालीन समाजव्यवस्थाले चाहेन । एउटा भनाइ नै बन्यो, ‘वीर भोग्या वसुन्धरा...।’ सामन्तवादभन्दा धेरै हिसाबले प्रगतिशील ठानिने पुँजीवादले पनि नारीलाई ‘वीर भोग्या वसुन्धरा’ को तहभन्दा माथि उकास्ने चाहना राखेन ।...
पूरा पढ्नुहोस्

छोटकरीमा

  • प्रहरी कार्यालयले नै कोरोनो ल्याउने त्रास

    काठमाडौं । गोंगबुस्थित एक होटलमा बस्दै आएका रोल्पाका कृष्णबहादुर बोहोराको हत्याप्रकरणमा नेपालप्रहरीले तत्कालै चितवनबाट अभियुक्तप्रकाउ गरेर अनुसन्धानमा सफलताप्राप्त गरेको छ । चितवनकीकल्पना मुडभरी (पौडेल) ले आफैंले हत्या गरेको स्वीकारसमेत गरिसकेकीछन् । तर, सोही सन्दर्भमामंगलबार महानगरीय प्रहरी परिसर टेकुमापत्रकार सम्मेलन गरेर भने प्रहरीले उल्टै कोरोना संक्रमण पो फैलायो किभन्ने आशंका बढाएको...
  • कमलामाई–मेसान मैत्रीपूर्ण सम्बन्ध कायमै

    काठमाडौं । सिन्धुलीको कमलामाई नगरपालिका र चीनको सिचुवान प्रान्तस्थित मेसान सिटीबीच मैत्रीपूर्ण सम्बन्ध स्थापना भएको छ । बुधबार आयोजना गरिएको भर्चुअल समारोहमा कमलामाई नगरपालिकाका प्रमुख खड्ग खत्री र मेसान सिटीका मेयर ह्यु आनखुनले समझदारीपत्रमा हस्ताक्षर गरे । दुवै नगरका प्रमुखले आपसी हितका आधारमा मैत्रीपूर्ण सहयोग आदानप्रदान गर्ने प्रतिबद्धता जनाएका छन्...
  • सेनाका परिवारलाई ७ लाख रुपैयाँ

    काठमाडौं । मोेटरसाइकल दुर्घटनामा परी असामयिक निधन भएका नेपाली सेनाका सिपाही शिवराज रानाका परिवारलाई मेगा बैंक नेपाल लिमिटेडले बिमाबापत ७ लाख रुपैयाँ प्रदान गरेको छ । मेगा बैंकमा ‘मेगा कर्पोरेट बेनिफिट सेभिङ अकाउन्ट’ खोलेका दिवंगत सैनिक जवान रानालाई मेगा बैंकले सोही खाताको बिमाबापत ७ लाख रुपैयाँ हस्तान्तरण गरेको हो ।...